اه بس خايفه ارجع تانى حسانى مش قويه و لسه ضعيفه والله ونفسيا مهزوزه والله بس بقاوم والله نفسى اقوى ارادتى عارف انا اقول حعمل رجيم الاقى حد من اللى حواليا يكلمنى فى الموضوع اقوم اعاند واابوظ الرجيم ليه مش عارفه بس ده اللى بيحصل معرفش ليه انا كده اتخنقت من نفسى بصراحه

يا ريت نتابع مع بعض موضوع الرجيم بتاعك
ولما تحسي انك ضعفتي يا ريت تكتبيلي
وعارف موضوع العند دا انا لما حد كان يقولي انت لازم تعمل رجيم كنت اعند ومعملش رغم ان دا مش في صالحي
سيبك من الي بيقولك اعملي رجيم بشكل الامر
انت عوزه تعملي رجيم علشان دا الاحسن لك

شكرا ليك على كل معلوماتك

مرسي ليك اوي اوي اوي اوي يامحمد علي مشاهدة موضوعي وعلي كلامك الجميل بالنسبة لفكرة الرابح الاكبر علي النت وبجد مرسي ليك انك عرضت تجربتك هنا وبالتفصيل وبجد بتمنالك كل الصحة والخير واهم من اللي احنا نخس ان احنا نحافظ علي وزننا ربنا يارب يسعدك مرسي ليك ياقمر

فعلا انا عاوزة اشكرك يامحمد انا حاسة فيك بالارادة والعزيمة
وعاوزة اسالك انت خسيت دة على كام شهر وبسرعة ولا بطىء
انا طولى 165 ووزنى89
وبفطر زى كابتقول ومابتعشاش لكن الغدامن البيت بس بقلل
وبلعب رياضة
بس بهبط بسرعة
بس انا مستعجلة اوى عاوزة اخس بسرعة

اولا اتمنى لك تخسي
بس لازم الصبر
انا خسيت في 16 شهر
في الاول كنت بنزل بسرعه جدا
في اول اسبوع نزلت 4 كيلوا علشان الجسم مكنش معتاد ع المجهود العالي
وبعد كده وبشكل تدريجي بدء المعدل يقل
النظام الي انت مشيه عليه كويس جدا جدا بس اهم شيئ ميكنش اكل البيت بدسم كتير والرياضه تكون متصله ويفضل عدم شرب الماء اثناء ممارسة الرياضه
في حاجه مهمه الاستعجال في حد ذاته مش كويس
حتى ولو كان في سبب وراء الاستعجال
لو فيه اي استفسار هكون سعيد جدا

ربنا يخليك
بس نزلت 4 كيلو فى اسبوع
دة كويس جداااا
بس انا حاسة انى لسة موصلتش لكدة
حاسة انى متغيرتش اصلا
ممكن يكون فى حاجة غلط من اللى بعملها
على فكرة انا باكل ا رز بس قليل

اولا الجسم في الاول بينزل بسرعه علشان الميه الي في الجسم
وبعدين النزول بيكون ابطئ
طبعا الرز من المؤكولات الغير مرحب بها
وكمان انت عوزه تخسي بسرعه
لازم يكون فيه تنازلات
بلاش رز خالص وكمان الرز مش بيشبع زي العيش وطبعا بلاش العيش الشامي
وياريت العيش يكون متحمص
واهم شيئ الرياضه نحاول بقدر الامكان الانتظام عليه
يارب تخسي بسرعه وبصحه

ربنا يخليك
بس مفيش رز خالص ؟
انا باكل رز وحاسة انى لو مكلتش رز ههبط وممكن يغمى عليا من مجهود اليوم

افتكر ان موضوع الاغماء مش بالبساطه دي
بيعتمد على قوة الجسم بشكل عام
انا طول فترة الرجيم محصليش كدا ابدا
وكمان مش الرز هوه الي هيمنع الاغماء دي حاجه من تخيلك علشان انت مش عوزه تبطلي رز
خليك صريحه مع نفسك

ياجماعه انا اللي الموضوع بتاعي بقي رز خالص

لا والله مش حجة بجد
انا فعلا لانى منصورية بطبيعتنا بنحب الرز ومتعودة علية
واليوم اللى مش باكل رز بدوخ وببقى مش مركزة طول اليوم
دا انا بطلت الريجيم ايام المزاكرة لانى مكنتش بعرف ازاكر
طب انت قلت اهم حاجة الرياضة
مفيش غير الغدا اللى بيبقى فية رز ونعمل رياضة كتير ولا اية

هاى ياسمين انا احمد سنى 21 سنه وطولى 178 بس بلاش اقلك وزنى كام
انا مشكلتى كبيرة لانى كنت بلعب رياضه عنيفة وبطلت لانى حصلت ليا اصابه وجسمى زاد اوى اوى اوى وبجد مش لاقى حل
لو لقيتى انتى حل انا اشكرك عمرى كله وهيكون قليل عليكى

هاى ياسمين انا احمد سنى 21 سنه وطولى 178 بس بلاش اقلك وزنى كام
انا مشكلتى كبيرة لانى كنت بلعب رياضه عنيفة وبطلت لانى حصلت ليا اصابه وجسمى زاد اوى اوى اوى وبجد مش لاقى حل
لو لقيتى انتى حل انا اشكرك عمرى كله وهيكون قليل عليكى

اهلا بيك يااحمد اولا ياقمر مفيهاش اي كسوف ابدااا انك تقول وزنك كام لانك بتحاول تصلح والموضوع ده عشان كل الاوزان الزيادة يعني مفيهاش احراج ابدا ولو محرج ابعتلي وقولي في رسالة خاصة علشان اقدر اقولك وزنك المثالي المفروض يبقي كام

وكمان لازم تقولي نوع الاصابة اللي اتعرضت ليها؟ وهل هي بتعوقك عن لعب اي تمرينات رياضية ؟؟


لازم ياجميل تكملي المعلومات الاول وان شاء الله اكيد في حل

هاي ياسمين انا عندي اختي اصغر مني عندها 14 سنه ووزنها 69 وطولها 169 يا تري تمشي علي النظام

الغذائي اللي موجود في الصفحه الاولي ولا ايه وميرسي ليك جدا

بوبو
عمري 16 سنة
الوزن 50 كلغ
الطول 1.72م
عايزة وزني يزيد لأني صرت متل الهيكل العضمي
رغم أنوا الكل يقولولي وزنك هيك حلو..........

لاء ياقمراية كده وزنك جميييييييل جدااااااا ومناسب اوي اوي وكمان متنسيش انك لسه سنك صغير فلسه في هرمونات كتير اوي هتتظبط في جسمك كل لما تكبري مرحلة وده هيسبب زيادة في وزنك انا رايي ياقمر انك كده فيري فانتاستيك

هاي
انا بدأت جيم لسه النهارده تانى يوم اروحه انا من النوع اللي مش بلعب رياضه بصراحه دى اول مرة العب فيها رياضه بس مبسوطه بالتجربه دى لانى بجد نفسي اخس انا وزنى 85 وطولي 160 وعندى 21 سنه عملت ريجيم قبل كده مع دكتور ووصلت ل78 بس مستمرتش كتير عليه لان زهقت ورجع وزنى تانى اعمل ايه ...............؟؟؟؟؟؟؟؟

فكرة رائعة وجميلة ,, بس للعاوز يخس ,, انا كدا تمام اووى
ربنا معاكم

مرسي كتير يا قمر حقيقي فكره حلوه مووووووووووووووووووت
انا طولي 160 ووزني 65 بس بجد نفس اخس شويه
ويا رب معانا كلنا

الفكره كتير جميله متشكره

الفكرة حلوة
وانا عوزة اشترك ممكن
انا وزنى 73
وطولى 158

بصو ياجماعة يلا نعمل فريق زي الرابح الأكبر كده اكيد كلكو عرفينو واكيد في ناس كتير زي حالاتي كده عايزين يخسو بس عايزين حافز وحد يشجعهوم يلا اللي عايز يخس يسجل اسمه وطوله ووزنه وسنه وبعد لما نجمع عدد نبدء المسابقة وانا مسؤلة اني اجيب الانظمة الغذائية الصحية وكل اسبوع نوزن وكل واحد يبعت يقول وزنه وخس اد ايه ؟ اول مانجمع عدد هنتفق علي ميعاد بدء للمسابقة لو موافقين علي الاقتراح ده ابعتو واقوله زي ماقولتلكو السن والوزن والطول وانا اهو اولكو انا سني 21 سنة ووزني 77 وطولي160



هااااا مين تاني هيسجل؟؟؟؟؟

انا احمد القاهرة السن14 سنةالوزن80 الطول 120سنتى

الفكرة جميلة جدا ورائعة
شكرا ليكى يا ياسمين
أنا عايزة أشترك معاكوا......

السن : 17 سنة
الوزن: 65
الطول: مش عارفة لسة هقيسه؟

عايزة أعرف اية الفواكهة الممنوعة
وأستاذ محمد كان كاتب بلاش الأرز فى الغداء وناكل عيش ؟
أنا عايزة حد يكتبلنا الحاجات الممنوعة فى الغداء

كمان انا يا يا سمين عاجبنى الموضوع مووووووت انت بجد ماسة المنتدى وانا بجد نفسى اخس شوية صغيرين وانا حبدا معاكى ان شاء اللة
انا طولى152
ووزنى 60
وسنى 18

تمام جدا ياجماعه بصوا بقي ياقمرات في فريقين الاحمر والازرق هنا برده علي المنتدي في الرشاقة والتخسيس اللي عايز يبقي في الاحمر يدخل يكتب اسمه واللي عايز يبقي في الازرق يدخل في الازرق ويكتب اسمه واول مانجمع خمسة لكل فريق هنبدأ ان شاء الله

موضوع حلو اوى
1-انا سنى 15
2-وزنى 70
3-طولى160
بليز عايزة اعرف وزنى المثالى وعلى فكرة انا عملت ريجيم قبل كدة مع دكتورة وخسيت 16كيلو فى شهرين
بس رجعت وزدت تانى انا هاكمل معاكى بس الاسبوع اللى جاى ممكن مش اتابعك علشان انا هاعمل عمليه جيوب انفيه (لحميه ولوز)thanks

الموضوع حلو جداااااااااااااااااااا
1-انا سنى 15
2-وزنى 70
3-طولى 160
بلييييييييييييييييز عايزة اعرف وزنى المثالى وعلى فكرة انا عملت ريجيم فيل كدة ومشيت مع دكتورة وخسيت 16كيلو فى شهرين انا ممكن مش اتابعك الاسبوع اللى جاى علشان انا هاعمل عمليه شكراااااااااااااااااااااااااااا

بجد الموضوع كتير حلووووووووووووووووووووو عجبنى اوى تسلم ايدك

انا ان شاء الله من بكره هروح اوزن نفسى واقيس الطول عشان انا معرفهامش بالظبط





تقبلى مرورى
وياريت اكون من الفريق الازرق

طيب انا تخينة اوى سنى 19 ووزنى 90 وطولى 156 وكان لما روحت للدكتور قالى ده تخن وراثى اعمل ايه بقى