نجوم مصرية
الرئيسيةمنتديات نجوم مصرية منتديات شباب وبنات منتدى طلبة جامعات مصر منتدى طلبة كلية طب قصر العيني
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


لو رايح سنة ستة ادخل حالا هنا (تجميعة)

 


السؤال الاول : هي السنة فيها ايه ؟


طب هما كام مادة اتنين ؟

هما مادتين في احد الروايتين وفي رواية تانية بتقول انهمتلاتة !!
تلاتة ازاي؟اصلي في احد الفقهاء بيعتبر اني عملي الباطنة دا مادة تالتة خالص

السؤال الثاني : طيب هما تلات مواد واتفقنا عليهم طب النظام ايه ؟؟؟

النظام بالنسبة للكلية : بتتقسم الدفعة علي نصفين نصف بياخد باطنة لمدة 6 شهور وطبعا النصف الي بياخد باطنة بيتقسم علي وحدات الباطنة المختلفة وكذلك الجراحة .



لا لسة بدري هو احنا لسة عملنا حاجة !

طبعا الي بيتحضر في الوحدات دا راوند العملي ودا في امتحان بعد 3 شهور اسمه الميد الراوند وامتحان كمان في انهاية الست شهور واسمه الاند راوند

ودا بيبقي من 9 ص - 12 ظ

هيه هيه واروح ّّّّّّّّّّّّّّّّّّّّّّّّّّّّ!
يا ريت

المهم هنخصص الكلام دلوقتي عنالباطنة
المفروض من 12 -2 في حاجة اسمها الاسبيشيال
ودا بيتقسم فيه الطلبة( نقصد النصف الي بياخد باطنة ) الي سبع مجموعات وبالتالي يبقي بديهي انهم سبع اسبيشيالات
الاسبيشيال بيبقي 3 اسابيع وبعدهم امتحان بسبع درجات
والاسبيشيال في الباطنة شغال كل ايام الاسبوع ماعدا السبت والاتنين
طب يبقي هروح بعد 12 ؟

بص بقي متقطعنيش في الكلام تاني علشان مزعلش منك

بص ياعم يوم السبت والاتنين دول بيبقي فيه محاضرات النظري
اه فهمت يعني هروح

مش قلتلك متقطعنيش تانيخد بالك اني بيبقي فيها امتحانا ت شوك ودي بتضاف للمجموع بجد مش كده كده الدفعة الي قبلنا علي طول ( اقصد الي قبلي انا طبعا ) كان عليها 15 درجة

كده يبقي يومك في الكلية خلص كباطنجي( دارس للباطنة )
(الحاجات الي بين القوسين دي مش هتتكتب تاني وهنتفق علي المصطلحات الاساسية بعد كده )

بالنسبة للجراحيين :
طبعا من 9 ص حتي 12 ظ دا الراوند وبرده فيه ميد واند راوند زي بتوع الباطنة
ومن 12ظ - 2 ظ كل يوم في اسبيشال زي بتوع الباطنة بس فيه اجازات
اما محاضرات الجراحة فدي كل يوم تقريبا

(وخلي بالك من كلمة تقريبا )

يعني ي مفيهاش حضور وغياب يعني روح

هيه هيه هيه ............ المرة دي روح بجد الا اذا كنت من عاشقي الكلية والحضور في المحاضرات النظري

ملحوظة هامة جدا جدا جدا1رقم 1 : في 6 شهور الاولنين من السنة الي شرحوا في المحاضرات هما الدكاترة بتوع الدروس وهما الي كانوا بيشرحوا المنهج كله يعني مثلا في الباطنة الي كان بينزل كان دكتور شريف الهواري ودكتور الفطاطري وكده بعني ( ولسة هنجي لتفاصل الدروس دي بعدين )

ملحوظة هامة جدا جدا جدا1رقم 2: بالنسبة للحضور والغياب في الراوندات فدا حسب الوحدة يعني في وحدات بتحرم ووحدات بتخص درجات ووحدات ولا الهوا والكلام دا ينطبق علي كلا من الباطنة والجراحة وان كان النظام في وحدات الباطنة اشد شويتين تلات شويات كده
ملحوظة هامة جدا جدا جدا1رقم 3 : بالنسبة للحضور والغياب في الاسبيشيالات ففي الغالب براحتك باستثناء بعض الاسبيشيالات زي الامراض الصدرية في الباطنة ففي درجتين من السبعة علي الحضور والغياب والامتحان بيبقي علي خمس درجات بس
وبالنسبة للعظام في الجراحة في حرمان في قسم 21 مثلا ودا ا كيد
بل والاغرب من ذلك اني في بعض الاسبيشيالات كانت بتحرم مرة ومرة متحرمش وهكذا زي امراض الذكورة في الجراحة مثلا

( ومعلش انا بكتب اسماء الاسبيشيالات بالعربي علشان يبقي الكلام كله عربي وميتلخبطش وميتعبنيش في التنسيق وهيبقي لينا لقاء خاص مع الاسبيشيالات
ان شاء الله )

وبكده يبقي يومك في الكلية خلص
وان شاء الله المرة الجاية نتكلم عن حاجة تانية
ولو عايزين تحددوا الموضوع الي هنتكلم الاول مفيش مشكلة
وفي انتظار أسئلتكم واستفساراتك

مصادر المذاكرة والدروس



اولا الباطنة نظري :



بص ياعم علشان نبقي متفقين من البداية نقصد ايه بمصادر المذاكرة ( الكتب والشرايط والدروس )


قواعد عامة : 1- الدكتور الي هيرسي عليه المزاد او الي هتسمع له شرايط هو دا الي هتذاكر منه علشان متحتسش دا الحتة دا قالها ومش موجودة والحتة دي في كتابي ومقلهاش وهكذا


2- بالنسبة للدروس فهي اساس سنة ستة يعني من الاخر لو امكانياتك تسمح خد درس ومتبخلش علي العلم واتجه فورا إلي البارا فاكلتي باثوي


( السناتر ) ولو الظروف متسمحش ودا حال كل الشعب المصري في ظل القيادة الحكيمة ل.....فعليك اذن بالشرايط ما عدا عملي الباطنة ودا له مرةهنتكلم عنه لوحده!!!! استبننا



ندخل بقي علي الصميم


اولا اسماء الدكاترة الي بيدوا دروس باطنة ( د. شريف الهواريد. محمد الشافعي – د.سامح لبيب –


.تامر عبد الحميد ––د. أسامة محمود ( عين شمس وناس من القصر بتاخد عنده ) وخلي بالك من الترتيب والألوان


ثانيا أسماء الدكاترة الي ليها شرايط ( د. مدحت الفططري – د.شريف الهواري ( نسخة غير منتشرة )ولكنها موجودة وان شاء الله اديها لحمدي يرفعها بس اول ما تترفع الحقوا اعملوا لها دونلوود بسرعة قبل ما تتشال لانها لازم تشال لان الدكتور بيطلب كده بنفسه ولازم تستجيبوا لطلبه فالحقوا نزلوها قبل ما الدراسة تبدا والدكتور يطلب كده وتشال )


ثالثا : مزايا كل دكتور :



*- د. شريف الهواري : معظم الدفعة بتاخد عنده والي مبيخدش عنده بيذاكر من كتبه سواء بيسمع له او مبيسمعلوش لانها من الاخر رهيبة وملهاش حل وهتكون ان شاء الله افضل كتب ذاكرت فيها في حياتك كلها ( استبينا كده علي الكتب )


ندخل بقي علي الدرس 1- الدكتور شديد جدا في الدرس يعني الي مبيذكرش ومبيجوبش معاه لما بيسال بيطرده من الدرس ( بيطرد بجد والأمثلة كتير جدا للي اطرده بسبب المذاكرة ( وخلي بالك من كلمة الدرس يعني محضرش تاني خالص مش من الحصة ) يعني من الاخر الي هياخد مع الدكتور الهواري لازم يكون جد الجد ومبيلعبش


2- الدكتور بيعمل امتحانات بعد كل برانش والي مبيجبش درجة معينة بيطرد برده


3- يعتبر اخر واحد بيخلص المنهج بس خد بالك انك بتكون خلصت المنهج معاه اربع مرات علي الاقل قبل ما يكون الكورس كله خلص لانه طول ما هو ماشي بيراجع علي القديم يعني اثناء ماهو بيشرح نيرو بيقول للطلبة الحصة الجاية راجعوا الموضوع الفلاني في الكارديو مثلا وهنسمعوا ونسال فيه بالاضافة الي اني


Cases & M.C.Q OF each branch are answered after the branch is finished


4- الفيز بتاعه غالي اوي



*- د. محمد الشافعي : دكتور تمام ومذاكرته لا باس بها وشغالة والناس والي ذاكرت منها بتشكر فيها بس هو مبيسالش في الدرس وبيقول انت وكبار ومش لازم اسوقكم علشان تشتغلوا بس شرحوا تمام اوي اوي


*- د. سامح لبيب الناس الي خدت معاه شكرت فيه جدا وهو برده ماشي بنظام امتحانات علي كل برانش بعد ما يخلص والتدريب علي حل الاسئلة وبيعمل حاجة كده اسمها


MIND MAPS


فيها مختصر للمواضيع الهامة والنقاط الأساسية لكل موضوع وتفكرك بيه ( وأهم حاجة السنة دي المختصر المفيد )


وعلي فكرة بيخلص المنهج بدري ويعتبر اول واحد بيخلص



*- د. تامر عبد الحميد دا بقي بيشرح تمام التمام ومذاكرته برده تمام واهم ميزتين فيه


1- الفيز بتاعه فليل


2- بيدي درس عملي الباطنة وبيدي برده نظري الباطنة والي عايز ياخد نظري بس ياخد والي عايز ياخد عملي بس ياخد ودي ميزة اني الباطنة كلها تبقي في مكان واحد وملمومة ومتسمعش كلام مرة تروح العملي تسمع نفس الكلام تاني وهكذا يعني وغير كده الدكتور بيتعامل مع الطلبة كأخ كبير ليهم وكان في اول السنة مبيسألش ولا حاجة بس جاء علي نصف السنة كده وبدا يسال الطلبة في الحصة الي فاتت



* د. أسامة محمود ودا من عين شمس بس في ناس من عندنا بيروحوا له سناتر عين شمس ودا بيشرح علم علم يعني بس خلي بالك انه من عين شمس والطب دا مدارس واراء وافكار




الدكاترة الي ليهم شرايط :


1- د. الهواري ودا تمام التمام وميزة تسجيلاته انها متسجلة ب


MP3


يعني من الاخر الحصة بحصتها والموضوع بموضوعه وكانك قاعد معاه بالظبط بالاضافة الي اني الرسومات الي هو بيرسمها في الحصة والزيادات الي بيقولها اخوانا في موقع مداد رافعين كل المنهج والكتاب متصور اسكنر وكل حاجة ادامها رسمتها وشرحها جزاهم الله خير وممكن نبقي نستاذنهم وناخد اللنكات بتاحت الحاجات دي وننقلها هنا ان شاء الله







بس في مشكلة اني عدد قليل جدا من الحصص في فروع معينة ناقص ودي ممكن تعويضها او لو حد سجل السنة دي احاول اجيب منه الحصص الناقصة دي وهي قليلة جدا يعني متقلقش خالص


2- دكتور مدحت الفطاطري ودا راجل علامة وشرايطه ملهاش حل وشاملة المنهج كله بس هو يغلب علي أسلوبه العلم اكتر وكتبه هي الأساس الي باقي الدكاترة دول كلهم نقلوا منها كتبهم



ملحوظة هامة جدا : كتاب القسم في الباطنة دا انساه خالص وملكش دعوة بيه بعكس الجراحة لما يجئ يومها هنكلم عنها ان شاء الله





.. اما عملي الباطنة او الجراحة كلها حددوا انتو بقي .

وسلام
عدنا
هنتكلم النهارده عن المادة التانية
عملي الباطنة
قاعدة هامة جدا : دا بقي مفيش حاجة اسمها مش هتاخد فيه درس يعني هتاخد هتاخد بمزاجك هتاخد شئت ام أبيت هتاخد فالقضية دلوقتي مبقتش هتاخد ولا مش هتاخد درس بقت هتاخد عند مين !
ودي صعبة جدا جدا جدا جدا جدا جدا
طب ما دي سهلة ادور علي دكتور واخد عنده !
تصدق فكرة صحيح !
انا موافقك
بس اسمعني الاول … ياعم اسمعك ايه انتا هتصدع دماغنا علي الفاضي يا بني اسمع الكلام بس بلاش تهور الشباب دا وبطل تتهور في سنة ستة والا هتتعور السنة دي مش عايز تهور عايزة رصانة وهدوء
نخش علي الموضوع
أسماء الدكاترة الي بيدوا دروس :
د. أشرف زكي – د. عابدين – د. تامر(هو هو بتاع النظري ) – د. إيهاب – د. محمد علي – د.بهاء دميان – د.أسامة محمود (عين شمس ) هو هو بتاع النظري
خلي بالك هنا مفيش ترتيب ومفيش ألوان
عرفت أسماء الدكاترة إنطلق وروح !
لا لا استني انتا مصدقت اني خلصت ولا ايه !
في معلومتين في غاية الأهمية : نقولها قبل ما نبدأ
1- مش كلهم زي بعض ومفيش أحسن و أوحش بس دا حسب موقفك انتا وطبيعة ظروفك ودماغك يعني الدكتور الي هتلاقيه ماشي مع دماغك او دماغك هي الي هتمشي معاه روح له ومتترددش
لأن القصة هنا مش قصة شرح اكتر ما هي قصة واحد واقف وبيوريك تعمل الي هو بيعمله ازاي
2- ولازم تحدد هدفك الأول من درس العمل انتا عايز ايه منه بالظبط
يعني من الاخر عايز واحد يظبطني ويسستم دماغي علشان الامتحان ودا موجود
ولا عايز واحد يعلمني صح ويقول لي الطب الي هو طب يعني
ولا عايز واحد من دا علي ادا يعني الامتحان والعلم كله شغال ودا
بعد ما تحدد هدفك اسمع الكلمتين دول
:
* د. أشرف زكي
لازم يشرح الخلفية النظرية للموضوع العملي
والخلفية النظرية بتاعت الخلفية النظرية للموضوع العملي والخلفية النظرية للخلفية النظرية للخلفية النظرية الي احنا اتكلمنا عليها في الاول عن الموضوع العملي
يعني مثلا لو بيشرح لك
E. C.G
دا كجهاز بيتكون من ايه وايه هو التاريخ بتاع الجهاز ومراحل تطوره وبعد كده ازاي الجهاز دا بيشتغل ECG
والمثال دا للتوضيح فقط والتقريب للأذهان !!!
يعني انتا هتاخد علم صح ومتقلقش من النقطة دي وطبعا حصصه طويلة جدا وبيشرح نظري كتير اووي
*د. عابدين :
دا في الانجاز هو دكتور كبير ويمكن يكون اول واحد بدا يدي دروس عملي في الكلية ودا ميزته بيظبطلك التظابيط في الامتحان وبيدي أسئلة الصعبة بتاعت كل دكتور في الكلية وبيقولك السؤال دا بتاع الدكتور فلان وهكذا يعني
نظامه مثلا يقولك لو دخلت لاقيت العيان باصص لأدام يبقي التشخيص كذا ولو لقيته باصص لورا يبقي التشخصيص كذا ودا مثال برده للتوضيح والتقريب للأذهان
وكلا من د. تامر – د. إيهاب – د. محمد علي – د. بهاء دميان
دول كلهم ما بين هذا وذاك يعني ولا التطويل الممل ولا التقصير المخل يعني بيدوك من النظري الي هتتاجه وينفعك وبيدوك من العملي كما يجب أن يكون
وإن كان هناك فروق فردية بين كل واحد والتاني طبعا ومفيش بشر زي التاني
ومن الجدير بالذكر اني الدكتور بهاء دميان بيدي الدرس بتاعه جوة الكلية بداخل أحد الأقسام يعني مش في سنتر
ولكن نصيحة اكتر حاجة ممكن تريحك في درس العملي الي انتا فيه انك تروح تجرب بنفسك سيبك من كلام أي حد يعني الكلام الي فوق دا ارميه في الشارع وروح جرب بنفسك واحضر الميتنج بتاع كل دكتور واسمعه وشوف نظامه هيريحك ولا لا !
و أؤكد وخلي بالك انك لازم تاخد عملي بغض النظر عند مين
وأنا عندي كلام تاني كتيير عن درس العملي هانتظر لما تسالوا لو سألتوا عنه هجاوبه والي مش هتسالوا عنه كأني معرفوش
وبكده يبقي الباطنة نظري وعملي خلصوا ويبقي فاضلكم في الباطنة توزيعة الدرجات
توزيعة درجات الباطنة
Distribution of marks
I. Written Examination: 360 marks.
- Paper 1: 180 marks.
Including 50 marks T & F.
- Paper 2: 162 marks.
- Psychiatry & Skin: 18.

II. Clinical Examination: 180 marks.

- Long cases: 1 case, 60 marks.
- Short cases: 4 cases, each for 30 marks.

III. Oral Examination: 40 marks.
- 2 separate examiners, 20 marks each.

IV. ECG & X-ray: 46 marks.
- 2 X-ray: 16 (2X8)
- 3 ECG: 30 (3X10)

V. Clinical pathology: 40 marks
- Slides.
- Reports.
- Multiple choice.

VI. Skin (oral): 27 marks.

VII. Andrology (oral): 27 marks.

VIII. Special departments & Rounds: 180 marks.

يتبع







إقرأ ايضاً - توقف موقع الفيس بوك اليوم الاربعاء 3/9/2014
- كيفية عمل قناة مخصصة Custom Channel لاستخدام حساب ادسنس واحد على اكثر من عضويه على المجلة
- اكبر مجموعه كوميكس "ايام سودة" - رجل المرحله :)
- القبض على سعيد حساسين بتهمة بيع ادوية غير مصرح بها
- الكينغ محمد منير والنجمة نانسي عجرم يلهبان ليل مدينة الأحلام دبي

المقال "لو رايح سنة ستة ادخل حالا هنا (تجميعة)" من كتابة: Google Plus   بتاريخ : بتوقيت القاهرة
عاجل
مميز
 ›  كيف ترى طلب الصداقة الذي قمت بإرساله على الفيس بوك
 ›  اغرب واجمل تسريحات للشعر ظهرت في 2014
 ›  صور تجسد الرحمة والرأفة لبعض البشر
 ›  شاهد حيلة تقطيع الموز إلى شرائح دون تقشيره

 ›  بالفيديو: شبح يظهر فى مباراة كرة قدم

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

abdobasha
الأخيرة
ايه يا عم العنوان الي انتا كاتبه فوق دا ؟؟
الأخيرة ايه هو احنا لسة خدنا حاجة في الجراحة ؟ ولا انتا اتزنقت وقلت تكروتنا بقي ولا ايه ؟
مش احنا قلنا من الاول وانتا ماشي معايا تصبر عليا ومتستعجلش !!! علشان الطريق كان طويل !!!
برده بتقولي كان ؟؟
طب بص هريحك اسمعني لقيت حاجة ناقصة وان شاء الله مش هتلاقي ابقي اسالني وانا معاك يا عم .هو انا هروح منك فين
نخش بقي في التوبك بتاعنا علي طول ...
المرة دي هنبدأ بداية مختلفة.... يعني ايه ؟؟
يعني هنبدأ نكلم عن كتاب القسم في الجراحة ونمجد فيه شويتين كده وننفخ فيه لحد ما يفرقع ويتقطع ومينفعش نذاكر منه في الاخر .
بمعني أصح كتاب القسم في الجراحة وعلي النقيض تماما من الباطنة هو السورس المحترم الي بيجي منه الامتحان وغير انه بيجي منه الدكاترة كمان بيصححوا منه نماذج الاجابة اخر السنة وبالاضافة الي كل ذلك هو كتاب محترم فعلا .
طب خلاص يبقي هجيب كتاب القسم واذاكر منه ؟
بص انا مش هرد عليك واكمل كلامي للاخر وعايز تقا طعني قاطعني براحتك
المهم سيبكم من الواد دوت وخليكم معايا أنا
المشكلة كلها اني كتاب القسم وطبعا زي أي كتاب قسم مش هتلاقيه متنظم اوي وبالاضافة الي الحشو الكتير المليان فيه وغير كده وكده تفاصيل العمليات الي مكتوبة منه بالتفصيل ودا مش مطلوب منك طبعا
بالاضافة الي اني في بعض تجميعات شفوي هتحتاجها اكيد مش موجودة فيه؟؟
وخلي بالك اني القواعد العامة الي قلناها في الباطنة شغالة هنا برده بمعني اصح الدكتور الي هتاخد معاه درس هتذاكر من كتابه ...الخ
طب حيرتني معاك يعني اعمل ايه بالظبط ؟
بص يا سيدي احنا دلوقتي هنتكلم عن الدكاترة والدروس والشرايط وهتعرف بعد كده هتعمل ايه بالظبط !!!
أسماء الدكاترة الي بيدوا دروس :
1- الدكتور علي حسيب ( السيستم )( في نسخة شرايط له وحمدي رفع منها جزء وجاري رفع الباقي )
2- الدكتور عمرو الشايب
3- الدكتور خويلد
4-الدكتور وائل متولي
5-الدكتور محمد وهدان
6- الدكتور محمد المطري ( عين شمس )
خد بالك من الترتيب والالوان
ندخل بقي علي التفاصيل
1- الدكتور علي حسيب ( السيستم ) او كما يطلق هو علي نفسه ويطلق طلابه عليه
The system
يعني من الاخر دا البج بووس بتاعهم كلهم
ودا كتبه هي هي كتب القسم مع بعض ( هو بصراحة كتير مش بعض ) النظام والترتيب وحذف الحشو ووضع تكات الشفوي وهكذا
واكتر واحد بيظبط المظابيط ( هنقول يعني ايه بيظبط المظابيط دي بعد شوية )
وفي ملحوظة هو شخصية مرحة جدا جدا جدا ومش هتحس معاه بالوقت خالص يعني بيقول نكت كتير اووي اثناء الشرح حتي اننا في موقع مداد الناس افردت توبك مخصوص لنكت الدكتور حسيب
بس متقلقش هتتعود عليه كلنا في الاول كنا فاكرين انها هتشتتنا وتخرجنا من المودد بس لما اتعودنا علي طريقته خلاص والحياة بقت ايزي
المشكلة العظمي في الفيز بتاعه غالي جدا
2- دكتور عمرو الشايب
اما الدكتور عمرو الشايب فدا تفهم منه تمام التمام وتعمل احلي دماغ بس يا خسارة كتابه لا علاقة له بكتاب القسم يعني دماغ لوحده خالص
في ناس مبيهمهاش وبتقول عادي اهم حاجة اعمل دماغ وافهم الدنيا صح وكده كده الي هكتبه في الامتحان ماهو جراحة برده
بس وليه ؟؟ متخليش في السيف سيد وفي المضمون
بس برده في ناس كتير بتاخد عنده
وهناك سؤال يطرح نفسه هل لو عكسنا الاية يعني كتب الدكتور حسيب بقت هي كتب الدكتور الشايب كانت الناس هتعمل ايه ؟؟
بيني وبينك كانت هتروح عند دكتور حسيب لانه شخصية ملهاش والمتعة الي انتا بتستمعها وانتا بتاخد جراحة ودا ميمنعش برده اني في ناس كانت هتروح للدكتور الشايب علشان كتاب القسم وكده يعني لاني مفيش حاجة مطلقة والعملية كلها نسبية
3- الدكتور خويلد
هو تمام اوي وبيظبط المظابيط جامد برده زي دكتور حسيب وكتابه برده زي كتاب القسم بس الناس بتفضل دايما الاكتر خبرة
4- الدكتور وائل متولي
ممكن نطلق عليه هنا اسم القريب من الطلاب سواء في مذاكراته او طريقة شرحه او اسلوبه
وكلكم سمعتوا عنه او ذاكرته من مذاكرته في امتحانات راوند الجراحة في رابعة وخامسة
5- الدكتور محمد وهدان
ودا ميزته بقي انه بيدي الطلبة بالسعر الي هما عاوزينه ولو مش عايزين يدفعوا عادي برده
رافعا شعار خلي الغلابة تاخد درس
6- الدكتور محمد المطري ( عين شمس )
له شرايط برده وشرايطه شغالة حلو اووي والناس الي سمعوها وخده عنده بيقولوا انه هو بيعك كتيير في التفاصيل الي انتا مش محتاجها ومش بيظبط المظابيط
ايه بقي حكاية تظبيط المظابيط دي؟
بص ياعم الجراحة مش زي الباطنة خالص
بمعني اصح هي الاسئلة الي بتيجي معروفة وبتتحدد والباقي بيتشطب وبيتشال ودا عن طيق الدكاترة الي بيظبطوا المظابيط الي احنا قلناها فوق
وخلي بالك اني الكلام دا بيتشطب أثناء الشرح مش في أخر السنة يعني حتي لو مش بتاخد درس لازم تتابع تشوف ايه الي اتشطب وايه الي متشطبش
في ملحوظة هامة جدا جدا جدا جدا قبل ما نبقي خلصنا :
الأستاذ الدكتور العلامة حسين خيري بيشرح الجراحة كاملة في الكلية كمحاضرات اضافية مجانية للطلبة
خمس أيام في الاسبوع بس هو مشكلته انه هو متجه للعلم اكتر من الامتحان يعني ميقلكش دا مهم ودا اشطبه وكده يعني
Science oriented not exam oriented
*اه كنت عايز اقولكم بالنسبة للعملي الدكتور حسيب بيشرحه محاضرات مجانية اضافية في الكلية اوعي أي حد يفوته لانه بيشرح الكلينكال كله والعمليات واوعي تفوت له ولا مرة واحدة حتي .
اتفقنا
كده يبقي ناقص توزيعة الدرجات
]

الاسبيشيالات

هنحط قواعد عامة في الاول :
1-الكلام الي هقوله دا هو دا النظام السنة الي فاتت الله اعلم السنة دي ايه النظام
2-لو فيه غياب يبيق مسموح لك في الاسبيشيال ب 3ايام بس
نخش بقي في الموضوع :

اولا اسبيشيالات الباطنة :
1-الكارديولوجي :
·المكان : الدور التالت قسم 23
·الحضور : براحتك
·مصدر المذاكرة : ورق رعاية الشباب
  • الامتحان : M.C.Q
2-الامراض الصدرية ( الشيست )
·المكان : الدور الارضي وانتا متجه عكس مستشفي النسا علي ايدك اليمين قرب اخر الطرقة
·الحضور : عليه درجتين من السبع درجات
·مصدر المذاكرة : ورق رعاية الشباب
  • الامتحان : M.C.Q وبيبقي خمس جمل بس علشان الدرجتين الي اتشالوا بتوع الغياب
3- الامراض النفسية :
·المكان : الدور الارضي وانتا متجه عكس مستشفي النسا علي ايدك الشمال قرب اخر الطرقة برده
·الحضور : براحتك
·مصدر المذاكرة : ورق رعاية الشباب ( خلي بالك في كتاب بتاع القسم وكتاب الدكتور ماجد الشيخ وكتب تانية ودي لازم تجيب منها كتاب علشان امتحان اخر السنة بيبقي فيه نفسية والنفسية مبتشرحش في درس الباطنة دي بتاخد فيها درس لوحدها او بتسمع لها شرايط او بتحضر معاهم وبتجيب الكتاب وبتابعهم بحيث لما يجي اخر السنة وتجي تذاكرها نظري تلاقي خلفية في دماغك
·الامتحان : M.C.Q
4- الجلدية :
·المكان : العيادة الخارجية للامراض الجلدية ودي ادام عيادة الانف والاذن علي طول
·الحضور :عمليا مفيش حد اتحرم نظريا القسم حريص جدا علي الغياب وبيتاخد يوميا وانتا مروح
·مصدر المذاكرة : خلي بالك اني الجلدية ملهاش امتحان بعد الاسبيشيال بيعملوا امتحان تجريبي ولا له أي لازمة بس بيجمعوا كل الباطنة في اخر الست شهور وبيعملوا لهم امتحان واحد في قاعة الامتحانات علشان كده انتا بتذاكرها من المصدر الي هتذاكرها منه بعد كده ودي ليها كتب القسم ( عدو الطلاب) وفي كتاب الدكتور أدهم عبد الحليم (معظم الطلبة بيجيبوه ) وكتاب ماجد الشيخ ( اه هو هو الي عامل نفسية عامل برده كتاب جلدية ) وفي ورق في رعاية الشباب عبارة عن اجابات للاسئلة الي في الاسطوانة الي عاملها القسم مفيد برده هاتوه
  • الامتحان : M.C.Q
5- المتوطنة :
ودي بقي عبارة عن امراض الكبد
·المكان: قسم الامراض المتوطنة الدور الارضي اخر الطرقة وانت عكس اتجاه عن مستشفي النسا علي ايدك الشمال
·الحضور : براحتك
·مصدر المذاكرة : القسم دا عامل ورق للامراض المتوطنة عاوز تجيبه هاته عايز تذاكر من مكان ماهتذاكر النظري ذاكر
·الامتحان : شفوي وكلينكال يعني في حالات وعيانين بس الدكاترة طيبين متخفش خالص ولا تحمل له هم
6- الروماتيزم :
·المكان : في ايام بتبقي في العيادة الخارجية وفي ايام بتبقي في القسم والعيادة الخارجية مع العيادات الخارجية مش هتوه عنها متقلقش
·الحضور : عمليا محدش اتحرم بس هما بياخدوا الغياب
·مصدر المذاكرة : المكان الي هتذاكر منه نظري الروماتيزم في الباطنة ودول 25 ورقة في مذكرة الدكتور الهواري
·الامتحان : شفوي وشد حيلك يا بطل وهتروح بالبدلة ان شاء الله
7- الامراض العصبية :
·المكان : الدور الارضي وانتا متجه عكس مستشفي النسا علي ايدك الشمال قرب اخر الطرقة برده جنب قسم العصبية علي طول
·الحضور : عمليا محدش اتحرم بس هما بياخدوا الغياب
·مصدر المذاكرة : ورق رعاية الشباب
كده يبقي خلصنا اسبيشيالات الباطنة
موعدنا مع اسبيشيالات الجراحة قريبا
ان شاء الله


يتبع ...
abdobasha
ثانيا : اسبيشيالات الجراحة :
1-المسالك البولية :
·المكان قسم المسالك البولية الدور التاني قسم 17 اخر الطرقة وانتا متجه ناحية مستشفي النسا علي ايدك اليمين
·الحضور محدش اتحرم غير اسبيشيال واحد بس طول السنة علشان حضورهم كان وحش خالص وخلي بالك في دكتور ممتازاسمه الدكتور الشنوفي دا الي بيشرح كل يوم في الغالب وهو الي بيعمل الامتحان حاول تحضر له هتستفيد كيير وبيدي درجات بونس للناس الي بتجاوب معاه
·مصدر المذاكرة ورق رعاية الشباب
·الامتحان 21 جملة MCQ
·
2-جراحة القلب والصدر
·المكان وحدة 24 جراحة القلب و الصدر الدور التاني اخر الطرقة علي ايدك الشمال
·الحضور مفيش حد اتحرم والحمد لله بس خلي بالك اني في دكتور اسمه أيمن جادودا بيمتحن معظم الطلبة وبيعمل مراجعة للكورس في يوم واحد بس لازم تحضر له لانه بيسال في الي بيقوله
·مصدر المذاكرة ادامك حل من اتنين اما المصدر الي انتا بتذاكر منه الجراحة الجزء الخاص بالاسبيشيالات او ورق الدكتور ايمن جادو منزله في رعاية الشباب
·الامتحان : شفوي
3-جراحة الاعصاب :
  • المكان الدور التالت قسم 26 وانتا طالع من السلم هتلاقيه في وشك علي طول
  • الحضور يقال اني الغياب عليه درجتين وخلي بالك منكلمة يقال دي
  • مصدر المذاكرة ادامك احتمال من اتنين انك تذاكر من مكان ما بتذاكر الجراحة نظري وساعتها هتتعب جامد جدا لاني معظم الاسبيشيال دا مواضيعه في النيرو من الباطنة فالاسهل والافضل كتاب ب 2 جنيه بس بيتباع في المكتبات بتاع الدكتور اسمه برسوم بس اسمه الاول انا مش متذكره اوي بصراحة هتلاقي فيه كل حاجة انتا عايزها
  • الامتحان شفوي
4-الاشعة :
  • المكان بصوا بقي هو وصفه صعب اوي بس بصفة عامة كده الدور التاني هتلاقي طرقة ضيقة جدا علي ايدك اليمين امشي معاها ومع منحنياتها لحد ما تلاقي سلم تطلعه وتوصل للسكرتيرة بسلام
  • الحضور مفيش حد اتحرم خالص وفي النص التاني من السنة مكنش في حد بيحضر اصلا
  • مصدر المذاكرة مفيش مصدر مذاكرة ومفيش مذاكرة اصلا
  • الامتحان مفيش امتحان
امال هعمل ايه ؟
هتعمل بحث وتقدمه بس كده والبحث لا يشترط فيه عدد الصفحات ولا حد بيبص عليه اصلا وال7 درجات كلهم علي البحث في احد المواضيع الاتية :
1- CT appearance of brain haemorrahge & infarction
2- CT appearance of brain abscess
3- radiological appearance of chronic hemolytic anemia
4-radiological appearance of rickets
5-plain film ( PA & lateral ) signs of mitral valve stenosis
6-plain film of fallot tetralogy
7-plain films ( PA & lateral ) signs of pleural effusion ( mild – moderate – sever )
8-plain films (PA & lateral ) signs of COPD
9-Barrium swallow findings in cases of oesophageal varieces & corrosive stricture and carcinoma
10- Barrium enema findings in cases of cancer colon &diverticulosis and bilharzial polyposis
11-plain films findings in cases of intestinal obstruction
12-IVP findings in cases of cancer bladder & prostatic hyperplasia and hydronephrosis
5-التخدير :
  • المكان قسم التخدير بجوار مكتبة الجراحة في الدور التاني
  • الحضور في درجتين علي الغياب والموضوع دا باوا ينفذوه في النص التاني من السنة بس وخلي بالك الدكتور طارق قداح بيعمل مراجعة للكورس كله في يوم واحد دي لازم لازم تحضرها هتسهل عليك كتييييير
  • مصدر المذاكرة ورق في رعاية الشباب وخلي بالك في ورق الدكتور طارق قداح منزله في الكورس كامل دا ياريت تجيبه لانك كده كده هتحتاجه اخر السنة علشان التخدير فيه منه سؤال في امتحان الجراحة النظري اخر العام وخد فكرة عن المنهج مش هتخسر
  • الامتحان MCQ
6-أمراض الذكورة والتناسل :
  • المكان بتتقسموا مجموعتين مجموعة في قسم واحد الدور الارضي علي ايدك اليمين قرب اخر الطرقة كده ومجموعة تانية في العيادة الخارجية ودي اول عيادة خارجية علي ايدك الشمال وانتا جاي من البوابة الرئيسة بتاعت القصر العيني
  • الحضور لازم تحضر الناس دي مبتهرجش وبتحرم بجد وشد حيلك يا بطل وناس اتحرمت في النص التاني من السنة كتييييييييير
  • مصدر المذاكرة ورق رعاية الشباب والقسم منزل كتاب ب 10 جنيه هاتوا لانك كده كده هتحتاجه لاني في امتحان شفوي اخر السنة لامراض الذكورة واقروا قراءة عابرة اما الورق الي في رعاية الشباب هو الاساس
  • الامتحان MCQ
7-العظام :
  • المكان بتتقسموا اربع مجموعات مجموعة في قسم 7 واخري في قسم 9 ( والقسمين دول في الدور الارضي وانتا متجه ناحية مستشفي النسا ومجموعة ثالثة قسم 20 ومجموعة رابعة قسم 18 ( والقسمين دول الدور التاني علي ايدك الشمال وانتا متجه في اتجاه مستشفي النسا
  • الحضور الوحدتين الي فوق ( 18 و 20 ) فيهم حرمان والوحدتين الي تحت مفيش حاجة براحتكيعني لو انتا تحت
  • مصدر المذاكرة المكان الي بتذاكر منه جراحة نظري الجزء الخاص بالاسبيشيالات وخلي بالك في مواضيع معينة هي الي بتسال اعرفها وبعد كده بص علي الكتاب علشان متتخدش من العظام
  • الامتحان شفوي



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقة عمل المعمولة المصرية بالصور ادخل وشوف حالا
الى فى اى معهد فى مصر ادخل حالا
حساب جوجل ادسينس ادخل حالا
لا توجد خطوط حمراء ادخل حالا





لا تنسى تسجيل اعجابك

احدث مواضيع المنتدى
جميع الحقوق محفوظة © nmisr.com نجوم مصرية