نجوم مصرية
 • تسجيل الدخول
 • تسجيل عضوية جديدة

فيس بوك  جوجل بلس  تويتر 

الطاغيه جمال عبد الناصر

 

اولا اتمنى الرد بدون اى تعدى على شخص اكتر من النقد لانى هتكلم عن شخصيات ماتت و الميت لا يجوز عليه سوى الرحمه و لكن اذا كان الشخص مسار جدل فهذا من دواعى مناقشته
مره من المرات قرات مقال باسم جمال عبد الناصر الطاغيه انا نقلته لكم دون حذف او زياده لكى ارى ارائكم فى هذا الموضوع و هذا هو الموضوع
موضوعي هذا للتعريف بشخصية قامت بدور عظيم في تاريخ مصر الا و هو اللواء محمد نجيب رحمة اللة و قد طمس هذا الدور بفعل الالة الاعلامية و هذا كلة يرجع الي الطاغية جمال عبد الناصر قائد الهزائم و النكسات زعيم الهمبكة العربية المتأمر الطاغية

وقد كتب الأستاذ نادر‏ ‏شكري محمد‏ ‏نجيب فى جريدة وطنى (1) عن هذا الموضوع فقال : " مع‏ ‏الاحتفال‏ ‏بثورة‏ ‏يوليو‏ ‏من‏ ‏كل‏ ‏عام‏ ‏يذكر‏ ‏عبد‏ ‏الناصر‏ ‏والسادات‏ ‏دون‏ ‏أن‏ ‏يتذكر‏ ‏شخص‏ ‏أن‏ ‏محمد‏ ‏نجيب‏ ‏كان‏ ‏البطل‏ ‏الحقيقي‏ ‏لثورة‏ ‏يوليو‏ ‏وأول‏ ‏من‏ ‏كتب‏ ‏بيان‏ ‏الثورة‏ ‏وأعطي‏ ‏إشارة‏ ‏التحرك‏,‏لم‏ ‏يذكر‏ ‏أحد‏ ‏أن‏ ‏يضع‏ ‏يوما‏ ‏أكليلا‏ ‏من‏ ‏الزهور‏ ‏علي‏ ‏قبره‏ ‏تكريما‏ ‏له‏

محمد نجيب.. قائد الثورة التي أنكرته!

تقدم الصبي الصغير من أبيه.. وقدم له كتابًا والدموع تنساب من عينيه متسائلا في براءة ودهشة: ألم تكن رئيسًا لمصر في يوم ما؟

فقال الأب بابتسامة حذرة تتوقع الشر: نعم يا بني، لكنه زمن مضى.. لماذا تسأل؟

فقرأ الصبي بصوت مرتفع: "جمال عبد الناصر هو أول رئيس لجمهورية مصر".

وكأن الأب "محمد نجيب" قد تلقى طعنة في قلبه حين فوجئ باسمه قد رُفع من كل الكتب في محاولة لتزييف التاريخ...

أصول مصرية ونشأة سودانية

عانى أبوه "يوسف نجيب" اليتم مبكرا، ونشأ معتمدا على نفسه ليعمل في الزراعة والرعي، واستطاع بمشقة أن ينتظم في التعليم إلى أن التحق بالمدرسة الحربية وتخرج فيها 1896، ليخدم بالكتيبة "17 مشاه" في السودان، تزوج من "زهرة" ابنة أحد وجهاء أم درمان، فرُزقا عام 1896 بابنهما الأكبر "محمد نجيب" الذي لم يكد يبلغ الثالثة عشرة من عمره حتى مُني بفقد والده يوسف نجيب -الذي ذاق اليتم هو الآخر في نفس السن- وكان محمد وقتها طالبًا بالقسم الداخلي بكلية "غوردون"، التي كانت مدة الدراسة بها 4 سنوات، عانى خلالها من التعالي الذي كان يتعامل به المدرسون الإنجليز مع أهل البلد، ومن ذلك أن "سمبسون" مدرس اللغة الإنجليزية كان يملي عليهم قطعة إملاء جاء فيها: "إن مصر يحكمها البريطانيون"، فتوقف محمد نجيب عن الكتابة، وصرخ في وجهه: عفوا أستاذ.. مصر تحتلها بريطانيا فقط.. لكنها مستقلة داخليًّا وتابعة لتركيا، فثار المدرس الإنجليزي، وقرر معاقبة هذا الطالب المصري/ السوداني بالجلد.. وبالفعل طُبق عليه هذا الحكم العجيب!!

عقب وفاة والده اضطر إلى العمل كموظف صغير براتب شهري 3 جنيهات، ثم قرر دخول المدرسة الحربية. والطريف أنه كان خائفا من قصر قامته سنتيمتر واحد عن الحد المطلوب، وحين أسرّ برغبته لصديقه "إبراهيم عرابي" ابن أحمد عرابي باشا، حاول إبراهيم إثناءه عما ينتوي؛ لأنه يرى أن "الضابط في بلد محتل ليس إلا مقاول أنفار للحفر والردم، ومتابعة أعمال السكك الحديدية"، لكن "نجيب" قَبِل التحدي، وقرر خوض التجربة.

"الثائر" يرتحل للقاهرة.. ويصر على حلمه

كان كل ما يمتلكه هو 9 جنيهات ترك منها 6 جنيهات لأمه واحتفظ بالثلاث الباقيات لرحلته، ارتدى الملابس الشعبية السودانية ليتسنى له الركوب في القطار بتخفيض، وبعد رحلة استغرقت 6 أيام وصل إلى القاهرة، لكنه فوجئ بتأخره 11 يوما، وأن الدفعة المطلوبة قد بدأت دراستها بالفعل، فصُدم لذلك صدمة عنيفة، لكنه لم يسلم نفسه لليأس وسعى حتى اتصل بالسلطان حسين كامل وسردار الجيش البريطاني، فاختُبر في لجنة خاصة تحت ظل شجرة كافور، وأُلحق بالمدرسة ليتخرج ويعمل في نفس كتيبة والده "17- مشاه"، وعاد إلى السودان لينتظم في عمله، لكن بعد مرور بضعة أشهر أدرك أن حديث صديقه "إبراهيم عرابي" كان صائبًا، وأنه لا يعدو كونه "مقاول أنفار"؛ ولهذا لم يجد أمامه إلا إكمال دراسته في محاولة لتحسين أوضاعه، وبدأ في المذاكرة مرة أخرى حتى حصل على الكفاءة ثم البكالوريا...
الوطن شغله الأول والحرية أمله الكبير

اهتم محمد نجيب بالوطن وكان شغله الأول، ففي 1919 كان بركان الثورة قد انفجر في القاهرة، فقرر نجيب السفر ليشارك في العمل الوطني، وفي طريقه مر أمامه ضابط إنجليزي، وكانت التقاليد العسكرية تستدعي أن يؤدي له نجيب التحية العسكرية، لكنه لم يفعل، فتوقف الإنجليزي ووبخه طالبا منه تأدية التحية، وأصر نجيب على موقفه ولم يتراجع إلا عندما بادله الإنجليزي التحية العسكرية بمثلها.

وليس أدل على وطنيته من موقفه حين تزعم مجموعة من زملائه الضباط يرتدون زيهم الرسمي متوجهين صوب بيت الأمة، معبرين عن احتجاجهم وسخطهم لنفي سعد زغلول وأقاموا اعتصامًا على سلم بيت الأمة "منزل سعد زغلول".

حاول التخلص من وظيفته بالجيش لتبعيته العمياء لإنجلترا، فدخل مدرسة البوليس لدراسة القانون الإداري واللوائح ليتسلم العمل في أقسام الشرطة بالقاهرة، فأفادته هذه الفترة في التعرف على قاع الحياة فيها، واحتك بطبقاتها المطحونة وشعر بآلامها.. لكن سرعان ما قرر العودة ثانية لصفوف الجيش.
درس من "النحاس" في احترام الحرية

عاد إلى السودان.. لكنه عكف هذه المرة على تأمل علاقة مصر والسودان ببريطانيا، وأصدر كتابًا يرصد فيه أهم مشكلات السودان والخطر الذي يهدد وحدة وادي النيل، وبعد فترة قصيرة نُقل إلى الحرس الملكي، وفي عام 1927 حصل على ليسانس الحقوق، وتزوج للمرة الأولى.. وهو نفس العام الذي أصدر فيه الملك فؤاد قراره بحل البرلمان -لأن أغلبية أعضائه كانوا من حزب الوفد الذي كان دائم الاصطدام بالملك- فتخفى محمد نجيب في ملابس سودانية، وقفز فوق سطح منزل مصطفى النحاس باشا، وعرض عليه تدخل الجيش لإجبار الملك على احترام رأي الشعب، لكن النحاس رفض ذلك بشدة، وطالب بأن يبتعد الجيش عن الحياة السياسية وضرورة ترك هذا الأمر للأحزاب.

كان درسا هاما تعلم من خلاله محمد نجيب الكثير حول ضرورة فصل السلطات واحترام الحياة النيابية الديمقراطية، ويبدو أنه الدرس الذي أراد تطبيقه بعد ذلك عام 1954، ولكن الأمور جرت على خلاف ما كان يريد.

نجيب والضباط الأحرار اللقاء الأول

مجلس قيادة الثورة قبل الانقلاب على زعيمه في 1954

منذ اعتلاء فاروق العرش شهدت مصر تدخلات كثيرة من الإنجليز، وكانت حرب 1948 وما حدث للجيوش العربية فيها هو القشة التي قصمت ظهر البعير؛ فقد رجع بعض الضباط الشباب الذين خاضوا مرارة هذه الهزيمة محمّلين بهاجس قوي يدفعهم نحو ضرورة التغيير، والتقت حماستهم مع حنكة اللواء أركان حرب محمد نجيب، وأخبروه بما ينوونه، وأعلن الرجل موافقته وإيمانه بالفكرة.

ولم يكن نجيب آنذاك نكرة بل كان بالفعل علما عسكريا فقد حصل على نجمة فؤاد الأول مرتين لبسالته، كما حارب في فلسطين 1948 ونال شرف الإصابة فيها 3 مرات، وحصل على رتبة فريق.

بالإضافة لذلك كانت للرجل مكانة علمية مرموقة فهو مؤلف لعدة كتب قيمة، وكذلك حصل عام 1929 على دكتوراه في الاقتصاد.

وكان أول اختبار حقيقي لشعبية الرجل داخل الجيش هو انتخابات نادي الضباط التي فازت فيها قائمة الضباط الأحرار بقيادة نجيب بـ 95 % من الأصوات في مواجهة قائمة القصر، حينها أدرك الملك الشعبية الطاغية لنجيب وسط الضباط، فرشحه وزيرا للحربية قبيل الثورة بأيام؛ في محاولة لامتصاص غضب الضباط، لكن يبدو أنها محاولة تأخرت كثيرا حيث لم يتبق على الثورة إلا إعلانها وهو ما تم بالفعل في صباح 23 يوليو 1952 حيث حاصرت قوات الجيش قصر عابدين، ولم تكد تمر أيام حتى أجبروا "فاروق" على مغادرة مصر، والتفت الجموع حول محمد نجيب الذي أعلن أن الجيش سيؤدي ما عليه، ويرجع ثانية للثكنات، تاركا الحكم لأولي الأمر.

نجيب: مهمة الجيش انتهت وليحكم الشعب نفسه

وكانت روح الحرية التي حملتها هذه البيانات هي السبب فيما تعرض له؛ فقد تصادمت هذه النظرة الراقية للثورة مع طموحات الضباط الشباب الذين وجدوا أنفسهم يحكمون مصر بين عشية وضحاها، وما جاءوا إلا ليبقوا، وجاء الأمر أسهل مما تصوروا، فالانقلاب الذي جاء لتصحيح الأوضاع والرجوع للثكنات تحول في لحظة إلى ثورة 23 يوليو المجيدة (!) ومنذ هذه اللحظة بدأت الشباك تُنصب حول محمد نجيب وحول الديمقراطية بشكل عام، وبدأ رجل قوي آخر يخرج من الظل الذي ارتاده لحاجة في نفسه، وكان هذا الرجل هو جمال عبد الناصر الذي شرع في التخلص ممن ظن أنهم يمثلون خطرا عليه، وأولهم محمد نجيب، فبدأ أولا في تدبير أزمة مارس 1954 ثم حانت الساعة الفاصلة في نوفمبر 1954 عندما فوجئ الرئيس وهو يدخل قصر عابدين بضباط البوليس الحربي، وإذا بهم يقتادونه إلى فيلا قديمة في ضاحية المرج أقصى شرق القاهرة، على وعد بأن يعود بعد أيام، ولكنه ظل حبيس هذه الفيلا حتى عام 1982، إلى أن نقلوه إلى شقة أكثر ضعة لحين وفاته عام 1984.

وظل عبد الناصر قائما بأعمال الرئيس إلى أن تم انتخابه في يونيو 1956 رئيساً منتخباً لجمهورية مصر العربية بعد حصوله في استفتاء شعبي على نسبة 99,8% (!!!) من مجموع الأصوات. وهي بالتاكيد نسبة مزورة قام بها قائد النكسات و الهزائم الطاغية جمال عبد الناصر






فقد عشنا سنوات كانت الكتب المدرسية تقول إن عبدالناصر هو أول رئيس لمصر‏..‏ و عبد الناصر هو قائد ثورة يوليو بينما أول رئيس هو محمد نجيب‏ و قائد ثورة يوليو الحقيقي حبيس ذليل مقهور‏.‏ وكنا نقرأ ولا نملك أن نقول‏:‏ بم‏..‏ وكبر صغارنا وكانت دهشتهم عظيمة عندما قرأوا كيف كانوا كالببغاء يغنون ويرقصون للرئيس في غياب الرئيس الحقيقي‏.‏

القطط والكلاب أوفى من البشر أحيانا؟!

لم يجد أول رئيس جمهورية مصري من سلوى إلا تربية القطط والكلاب.. طيلة 30 عاما هي فترة إقامته الجبرية في منزل بعيد بضاحية المرج، مُنع من مقابلة أحد حتى إنه ظل لسنوات عديدة يغسل ملابسه بنفسه، حتى سمح له جنوده "ضباط الثورة" بخادم عجوز يرعاه، ولم يقفوا معه عند هذا الحد بل تفننوا في إيلامه وتعذيبه، وانسحب ذلك على أسرته أيضًا وتلك مأساة أخرى، فابنه الأكبر "فاروق" اتهم بمعاداة النظام بعد أن افتعل معه أحد أفراد الشرطة مشاجرة وزج به في السجن ليتعرض لأقسى ألوان التعذيب النفسي والجسدي ثم يخرج ليموت كمدا وقهرا.

والابن الأوسط "علي" الذي كان يكمل دراسته بألمانيا، ويقوم بنشاط هام في الدفاع عن القضية العربية وعن مصر ضد من يهاجمونها، اتُّهم من قبل أصدقاء والده القدامى الذين لم يعجبهم أمره بأنه يريد أن يعيد صورة والده إلى الأضواء، وقُتل في بلاد الغربة وأحضروا جثته، ومُنع الأب رغم توسلاته من شهود دفن ابنه أو الصلاة عليه، ولم يتبق له من الدنيا سوى ابنه الأصغر يوسف الذي تعثر في دراسته، وحصل على شهادة متوسطة ثم التحق للعمل بالحكومة، وتم فصله بقرار رئاسي (!!) ولم يجد أمامه إلا أن يعمل سائقا للتاكسي.

يقول الكاتب انيس منصور في احدي مقالاتة التي نشرت في الصحف

اما الرئيس محمد نجيب فقد تكفل الرئيس عبد الناصر بتعذيبة و اذلالة و اهانتة و منعة ان يمشي فب جنازة زوجتة و ابنة الذي اغتالوة و منعة من ممارسة اقل القليل من الحرية الشخصية مثلا طلب من يذبح لة خروف العيد فرفض عبد الناصر فقام هو بذبحة بنفسة ثم طلب من يقوم بتقطيع الخروف و توزيعة علي الفقراء رفض عبد الناصر .. فدفن الخروف في حديقة البيت الذي عاش و مات فية و دفن الخروف تحت لافتة هنا يرقد اعز اصدقائي

رحل الرجل في صمت في أوائل الثمانينيات بهدوء شائن لكل الأطراف ليترك لنا كتابه "كنت رئيسا لمصر" الذي حكى فيه مذكراته دون أن يسب أحدا أو ينال من أحد حتى أعنف ظالميه، وليترك علامات تعجب حول معاني الوفاء والغدر، وسؤال كبير لا يزال يطرق أذهاننا: ألا يصلح الطيبون للسياسة في أوطاننا؟

رحمك اللة يا محمد نجيب فكنت رجل بحق رغم ما تعرضت لة من ابتلاء علي يد الطاغية جمال عبد الناصر قائد النكسات و الهزائم

__________________
و كانت هذه كلمات الموضوع بدون زياده او تقصير
و عندما قراته حدث دفعنى الفضول لمعرفه اكتر عن الموضوع و عن عبد الناصر فبحثت عن ما يتعلق بذلك لاجد مذكرات الراحل محمد نجيب و قراتها و ليتنى لم اقرائها وجد ما كتب صحيح فمذكرات محمد نجيب عباره عن فضائح ضباط الثوره و هذه المكرات كتبت عام 1982 و لكن لم اصدق ذلك فبحثت مره اخرى ووجد مذكرات خالد محى الدين لاجد نفس الكلام و فى مذكرات محمد نجيب صور ضاط الثوره كانهم اباطره من العصر الرومانى و لذلك قررت طرح الموضوع و ادعو من عنده مذكرات محمد نجيب ان يقراها و يا ريت اجد اراء الاعضاء الكرام لان الموضوع بجد مش هزار بعد ما قرات الكتب هذه كرهت عبد الناصر اكتر من اى شخص فى الكون



المقال "الطاغيه جمال عبد الناصر" من كتابة: بتاريخ : بتوقيت القاهرة
عاجل
مميز
 ›  اسباب لذة الماء عند العطش الشديد
 ›  الاوقات المثالية لتناول الفطور والغذاء والعشاء
 ›  رجل هندي يأكل الطوب و الطين فقط !
 ›  اسباب و علاج الام الدورة الشهرية
 ›  اجمل صور و استايلات و رسومات الحنه

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

خير الدين
اخي الفاضل محمد كيف حالك
ومشكور لطرحك هذا الموضوع الشيق
ولي رأي بسيط حول ما تسمى بثورة يوليو ، والتي اسميها ( انقلاب يوليو ) فهي لكي نكون ادق في التعبير انقلاب عسكري وليست ثورة لان الثورة هي ما يقوم بها الشعب...
وجمال عبد الناصر هذا الرجل العاشق للزعامة ، وقائد هذا الانقلاب لم يكن الا صورة لمجلس قيادة يفعل ما يشاء في هذا الشعب...
ورحم الله محمد نجيب الذي اغتالوا حريته. فقد كان رجلا، عندما قال نترك الحكم للشعب قالوا عنه مخرف....
( مجلس قيادة الانقلاب ) الثورة لم يكن الا مجلسا لهدم كل ما هو جميل في هذا البلد...
مشكور اخي على الطرح
Ahmed al saka
كلام جميل وفعل ممكن يكون التاريخ نسى محمد نجيب

بس ممكن سوال

مرة الكثر والكثر على كرسى عرش مصر

ولكن اللى انتم بتقولو علية طاغية دا

ام مسك حكم مصر كان طاعبة وال كان عادل

كان عوز مصر تتقدم وال تكون ورا

وفى اعتقادكم لو كان هو مازل يحكم مصر


كان زمانها اية دلوقتى


بلاش بالبلدى ننبش فى القبور

سيبونا زى ما احنا فى بلوتنا وذلتنا


نحن العرب واسال على العرب على كوكب الارض دلوقتى

يقول لك الله يرحمهم كانو -------


لكن الان --------

اللى يعجبكم اكتبوة فى الخانتين ؟

وفى النهاية الموضوع جيد

ويستحق النقد

hero_ma
موضوع رائع شكرا لك

انا شايف ان الثورة لجات لمحمد نجيب علشان يكون ليها ظهر ويكون قائدها محبوب عند الشعب
لكن ولانهم جيش ولانها ثوره مع اول اختلاف وتصادم شالو محمد نجيب وعملو فيه اللى علملوه

بالنسبه لعبد الناصر هو زى اى حاكم ليه اعمال تحسب ليه واعمال تحسب عليه

والله يرحم الجميع
هارى بوتر1988
ميرسى لمرور الجميع
بس عبد الناصر كان من اكبر المنافقين
و لكن هو اكبر شخصيه ممكن اتكلم عنها لان الناس حبيته و هو كان فاسد
و بذلك كسر المعادله
nonosh
انا مش معاك يا محمد في كلامك اعذرنى

اولا رحم الله محمد نجيب

ثانيا

احنا كشعب مينفعش معانا غير الشده لان المصريين عموما يفضلو يحبوك ويخلصولك
ومن ااقل غلطه يتقلبوا عليك

عبد الناصر عمل كتير لمصر وخدمها وحسن وضع الشعب الى كان مغلوب على امره
ساوى الغنى بالفقير وريح الفلاحين وبنا السد العالى الخ الخ
لو اتكلمنا على ان عبد الناصر وحش

يبقي مين الى كويس ؟

ليتك تعود يا ناصر ليت ايامك تعود ليت عدلك يعود

الله يرحمه عشان مفيش حد جه بعده ولا عمل الى عمله

مشكور على الطرح
هارى بوتر1988
انا مش معاك يا محمد في كلامك اعذرنى

اولا رحم الله محمد نجيب

ثانيا

احنا كشعب مينفعش معانا غير الشده لان المصريين عموما يفضلو يحبوك ويخلصولك
ومن ااقل غلطه يتقلبوا عليك

عبد الناصر عمل كتير لمصر وخدمها وحسن وضع الشعب الى كان مغلوب على امره
ساوى الغنى بالفقير وريح الفلاحين وبنا السد العالى الخ الخ
لو اتكلمنا على ان عبد الناصر وحش

يبقي مين الى كويس ؟

ليتك تعود يا ناصر ليت ايامك تعود ليت عدلك يعود

الله يرحمه عشان مفيش حد جه بعده ولا عمل الى عمله

مشكور على الطرح
ميرى ليك يا ندى بس انا هقولك على الاخطاء فى ردك
1\ محم نجيب لو مسك الحكم بدون عبد الناصر و امثاله كنا زمانا فى بلد ديمقراطى
2\ ازاى تفتكرى انتصارات عبد الناصر و تنسى اخطاءه البشعه
3\ بتقولى ان الشعب المصرى بينقلب على اقل غلطه ( سيدنا عمر بن الخطاب قال لو عقرت ناقه فى الشام اساءل عليها يوم القيامه) تقولى انتى الشعب المصرى يتقلب على اقل غلطه على فكره الكلام ده هو اللى بيرجع المصريين ملايين السنين
hero_ma
انا عامه بحب عبد الناصر علشان حاجات كتير منها
الاصلاح الزراعى والوحده العربيه وتاميم قناه السويس والوقوف فى وش الغرب
لكن مش بنسى انه كان ليه اخطاء كتير منها
قتل الحياة السياسه اللى فضلت ميته حته الان
مراكز القوى اللى كانت بتحكم مصر حتى لو كان حاصل دا من وراه
لكن زى ما قلت فوق ان عبد الناصر هو زى اى حاكم ليه اعمال تحسب ليه واعمال تحسب عليه
nonosh
انا لا اجادل معاك يا محمد في حته ان لو محمد نجيب مسك الحكم كان هيبقي ديمقراطى

وانا معاك ان جمال كان ديكتاتورى في حكمه لكنه كان بيدى لكل واحد حقه

كان بيعدل بين الناس والحقائق التاريخيه تشهد له بذلك

و مش كلامى انا الى هيرجع البلد ملايين السنين

الى اصلا مخلينا ورا اننا مبنعرفش ندافع عن حقوقنا ونطالب بيها؟

ويمكن سالتك سؤال

لو جمال وحش مين الى جه بعده كويس ؟
هارى بوتر1988
و الله كل واحد و ليه وجهت نظر
armouh
لايصح ابدا ان نقول على الزعيم الثانى لمصر مثل هذا الكلام
فهو زعيم بمعنى الكلمة شانه شان انور الساداتومثل محمد نجيب ولنقل
انه قمع الكثيرين ظلم اخرين دمر اسر
ولكن مثلما نقول ذلك لابد ان نذكر دوره فى السد العالى _ صدالعدوان الثلاثى
تأميم القناة خذ فقط شىء من الثلاثة كافية لتجعله قائد جسور..
لا يوجد احد خالى من العيوب لكن لابد ان نرى المجمل السؤال؟
هل مجمل الزعيم جمال عبد الناصر جيد ام لا؟
الاجابة جيد جيد جيد جدا هو فعل اشياء ومشاريع دائمة للوطن ولكن
كان الاحرى ان نتكلم على اى طاغية اخر من العصر الحالى...

تحياتى وتقبلوا المشاركة
هارى بوتر1988
نعم يأ ارموه هو جيد جدا
لما فعله من كبت حريات موجود الى يومنا هذا
و الى قمع الديقراطيه و موجود ايضا الى يوما هذاا
sadman
بشهد على قولك ياهرى من عاش ايامه ولكن كل من سالتهم
مما عاصروه وعددهم بالضبط 12 من اقاربى لم يذكروه الى كبطل ليس له مثيل

وان كان طاغية كما ذكرت لما استحوذ على حب الناس لان هذا من عند الله
ولو انت تشكك فى حب الناس له يكفيك ان ترى جنازنه

الاخوان هم اصحاب اكبر يد فى تلويث تاريخ الرجل الذى سيظل خالد بافعاله وبحب الناس له
sherif.shikoo
انا قريت في مقال في المصري اليوم بيقول فيه ان ابن محمد نجيب بيشتغل سواق علي تاكسي .. ابن رئيس الجمهورية السابق بيشتغل علي تاكسي دلوقتي وعلي فكره مع حبي للقائد محمد نجيب انا لم اجد رئيس مصري خائف علي بلده وفكره سابق عصره هو الرئيس محمد انور السادات هو اللي قضي علي الفساد اللي سابه بعد الناصر راجل مسك حكم مصر لا جيش ولا اقتصاد ولا اي حاجه وفي خلال 11 سنه مدة حكمه حارب وانتصر ورجع سيناء ورجع قناة السويس بعد ما كانت محتلة من اليهود في حرب النكسه وعمل طفرة اقتصاديه في البلد منها مدينة العاشر من رمضان وستة اكتوبر ومدينة السادات علي فكره لو السادات مكانش اتخلص من اللي اسمه سامي شرف وشلة عبد الناصر اللي كانوا عاملين زي النازيه دول كان زمان دلوقتي عاملين زي سوريا كده واحب اوضح الناس اللي كانت في معتقل عبد الناصر واتسجنت ايام السادات كانوا بيقولوا معتقل السادات ولا جنة عبد الناصر يكفي مكانش فيه تعذيب ايام السادات ودي قريتها كتير ويكفي ان منتصر الزيات محامي الجماعه الاسلاميه اللي اتسجن ايام السادات قال ان الراجل ده فعلا سابق عصره ومكنتش مدرك اللي بيعمله عشان مصر عشان كان هو لسه طالب ومكنش مدرك اللي السادات كان بيعمله رحم الله محمد نجيب ومحمد انور السادات
sadman
انا قريت في مقال في المصري اليوم بيقول فيه ان ابن محمد نجيب بيشتغل سواق علي تاكسي .. ابن رئيس الجمهورية السابق بيشتغل علي تاكسي دلوقتي وعلي فكره مع حبي للقائد محمد نجيب انا لم اجد رئيس مصري خائف علي بلده وفكره سابق عصره هو الرئيس محمد انور السادات هو اللي قضي علي الفساد اللي سابه بعد الناصر راجل مسك حكم مصر لا جيش ولا اقتصاد ولا اي حاجه وفي خلال 11 سنه مدة حكمه حارب وانتصر ورجع سيناء ورجع قناة السويس بعد ما كانت محتلة من اليهود في حرب النكسه وعمل طفرة اقتصاديه في البلد منها مدينة العاشر من رمضان وستة اكتوبر ومدينة السادات علي فكره لو السادات مكانش اتخلص من اللي اسمه سامي شرف وشلة عبد الناصر اللي كانوا عاملين زي النازيه دول كان زمان دلوقتي عاملين زي سوريا كده واحب اوضح الناس اللي كانت في معتقل عبد الناصر واتسجنت ايام السادات كانوا بيقولوا معتقل السادات ولا جنة عبد الناصر يكفي مكانش فيه تعذيب ايام السادات ودي قريتها كتير ويكفي ان منتصر الزيات محامي الجماعه الاسلاميه اللي اتسجن ايام السادات قال ان الراجل ده فعلا سابق عصره ومكنتش مدرك اللي بيعمله عشان مصر عشان كان هو لسه طالب ومكنش مدرك اللي السادات كان بيعمله رحم الله محمد نجيب ومحمد انور السادات
اولا السادات نفذ خطط محطوطة من ايام عبد الناصر وكدا او كدا العبور كان منتظر وموت عبد الناصر معطلوشة بل بالعكس كان قوة دافعة لزيادة الانتقام ودا علشان متظلمش عبد الناصر

وان معاك ان الشئ الوحيد الى كان بيعيب عد الناصر هى شلة الفساد الى حلويه بس دا مترحمش منه السداد بدليل الفساد الاقتصادى فى اول التمانينات

ولسه موضوع الشلل دا سارى لحد دلوقت ولعلمك دا عيب فينا لاننا بنخاف من كل حاجة من او لعسكرى الشرطة لحد الوزير ودا عيب فين احنا بس لان الناس تعتبر شغالة عندنا ولو للشعب موقف واحد فى معاملة الناس دى كان بقى لنا شكل ودور مش مجرد تهزيئ والسلام

ومن الاخر لو عبد الناصر طاغية فبقول تانى يكفى من صارو فى جنازته لينال رحمة ربنا
sherif.shikoo
والله بص بلا خطط عبور ايام عبد الناصر والكلام ده سيبك من الكلام ده كله كلام سامي شرف والشلة الفسدانه دي

اولا السادات راجل عارف بيعمل ايه ثانيا عبد الناصر كان بيلعب علي عاطفة الشعب عارف ان شعب عاطفي وانا عايز افهم انا اروح ليه احارب في اليمين وسوريا وداخل حرب 67 مش جميله اوي يعني عامل زي باب النجار مخلع

انا مالي اشوف نفسي الاول وبعدين اشوف غيري وعايز افهم ترقية ايه من رائد لعميد ولا مش عارف الرتبه كانت ايه لعبد الحكيم عامر مش ده دليل انه بيرسم انه يمسك البلد

عبد الناصر يا جماعه شعارات فقط اقوال لا افعال

وبصراحه لو كانوا مشيوا علي موضوع السادات في الانفتاح الاقتصادي بس مشوه صح كان البلد حالها اتغير لدرجة كان في دراسة من صندوق النقد قالوا ان اليابان ومصر هتبقي من النمور الاقتصاديه وطبعا لما الباشا شرف واحنا عارفينه بقت من القطط الاقتصاديه

علي فكره لو السادات مكانش زكي بما فيه الكفايه وسابق عصره ومسك مكان عبد الناصر واحد زيه

كنت هتلاقي نفسك زي سوريا حاليا

ابقي قابلني لو حرروا الجولان دي ولو حرروها ابقي شوف ان فككوا مستوطنات اليهود

محدش يزايد علي السادات بصراحه ياريته كان مسك قبل عبد الناصر
مكانش دا بقي حالنا

علي الاقل ايامه مكانش فيها مجلاملات لحد

المشير احمد اسماعيل بعد ما احاله عبد الناصر للمعاش في الجيش

رجعه تاني السادات وعدل خطه العبور

فعلا الراجل ده ناسيين حقه المشير احمد اسماعيل رحمه الله ورحم كل رجال اكتوبر ورحم القائد السادات وان شاء الله في الجنه
sadman
والله بص بلا خطط عبور ايام عبد الناصر والكلام ده سيبك من الكلام ده كله كلام سامي شرف والشلة الفسدانه دي

اولا السادات راجل عارف بيعمل ايه ثانيا عبد الناصر كان بيلعب علي عاطفة الشعب عارف ان شعب عاطفي وانا عايز افهم انا اروح ليه احارب في اليمين وسوريا وداخل حرب 67 مش جميله اوي يعني عامل زي باب النجار مخلع

انا مالي اشوف نفسي الاول وبعدين اشوف غيري وعايز افهم ترقية ايه من رائد لعميد ولا مش عارف الرتبه كانت ايه لعبد الحكيم عامر مش ده دليل انه بيرسم انه يمسك البلد

عبد الناصر يا جماعه شعارات فقط اقوال لا افعال

وبصراحه لو كانوا مشيوا علي موضوع السادات في الانفتاح الاقتصادي بس مشوه صح كان البلد حالها اتغير لدرجة كان في دراسة من صندوق النقد قالوا ان اليابان ومصر هتبقي من النمور الاقتصاديه وطبعا لما الباشا شرف واحنا عارفينه بقت من القطط الاقتصاديه

علي فكره لو السادات مكانش زكي بما فيه الكفايه وسابق عصره ومسك مكان عبد الناصر واحد زيه

كنت هتلاقي نفسك زي سوريا حاليا

ابقي قابلني لو حرروا الجولان دي ولو حرروها ابقي شوف ان فككوا مستوطنات اليهود

محدش يزايد علي السادات بصراحه ياريته كان مسك قبل عبد الناصر
مكانش دا بقي حالنا

علي الاقل ايامه مكانش فيها مجلاملات لحد

المشير احمد اسماعيل بعد ما احاله عبد الناصر للمعاش في الجيش

رجعه تاني السادات وعدل خطه العبور

فعلا الراجل ده ناسيين حقه المشير احمد اسماعيل رحمه الله ورحم كل رجال اكتوبر ورحم القائد السادات وان شاء الله في الجنه
احنا مش فى سباق السادات ولا عبد الناصر الاتنين كانو نفس الفكر تقريبا

وبعدين عبد الناصر ازاى اقول مش افعال حرام عليك يراجل انت مسمعتش عن السد والتاميم والجلاء والتوحيد وووو

هقول تانى حب الناس حاجة بتاعة ربنا ومهما وصل السياسى من حنكة مش هيوصل لحب الناس الى بمجهود وقيع وتغيير يحس به الناس
sherif.shikoo
حب الناس جاله من الشعارات

طيب لو كان البنك الدولي مول السد بذمتك كان امم القناة

سؤال يطرح نفسه وجاوبني عليه
sadman
حب الناس جاله من الشعارات

طيب لو كان البنك الدولي مول السد بذمتك كان امم القناة

سؤال يطرح نفسه وجاوبني عليه
ايه دا وانت متخيل انه امم القناة علشان خاطر السد بس

طبعا اه كان هيامم لان قرار التاميم مش لعبة واكيد كان بيفكر فيه

وانتهز فرصة السد وضرب عصفورين بحجر واحد

لانه كدا كدا كان متوقع موضوع العدوان برضو وكان بيحاول ميدهمشو فرصة انهم يقعدو فى القناة باى

طريق بعد الجلاء بس موضوع السد ساعدة فى لعبها صح ولعلمك عبد الناصر فعلا طاغية بس

طاغية سياسية والا مكنش اعدائنا كرهوه ولى دى بالشعارات كمان
هارى بوتر1988
اولا انا فرحان
ان فى ناس بتتناقش فى المنتدى مش بتدخل تقول شكرا و خلاص
اما يا اخى سادمان
لن اقول لك سوى ان عبد الناصر كان رجل الاتحاد السوفيتى الاول فى زمانه
ولو انا بألف الكلام ده
تقدر ترجع لاى كاتب شريف كتب عن المعتقلات و قرارات عبد الناصر
التى تجعلك تشمئز من هذه الشخصيه التى وقعت على تلك القرارت

و شكرااااا لمرورك انت و شيكو
سيكوسيكو
يا أخ تسمي انقلاب لو كانت الحكومه من شعبنا مش شويه ناس بيمصو دم الغلابه ولولا قوانين الاصلاح الي حطها عبد الناصر كان زمان الفلاح بيزرع أرضه الي اتخدت منه عنوه للطغاه دون مقابل لو عبد الناصر كان طاغيه مكنش ساعد ثوره جزائر ولا كل الدول العربيه والافريقيه كان تاجر بدم العرب زي مابيحصل دلوقتي الثوره عدلت وضع فقير مش ضرت بيه عبدالناصر رحمه الله مكنش من شعبنا بيكرهه غير الاغنيه الي قضي ع استعبادهم لطبقه فقيره من شعب اسأل ناس عاشو في عصر دي عشان متجيش تقول ع واحد غير مصير امه للافضل من استعباد الطبقه الغنيه انه ظالم هو صحيح كان ليه عيوبه بس مميزاته اكتر وصح دلوقتي في عهدنا عهد حريه وديمقراطيه هه
الروسى

هارى بوتر كم يسعدنى فى الرد على كلام هذا الموضوع

اولاً هى مش ثورة هى إنقلاب عسكرى

ثانياً من الممكن قالوه ان جمال اول رئيس جمهورية مصرى من أبوين

اى مصرى بالأصل

ثالثاً أنا بعارض ان أى حد يهاجم عبد الناصر ويقول عليه طاغية

لو كان طاغية يبقا طاغية على الظالم على الأقطاعين طاغية

على من تأمر على الوطن وعلى مصلحته وعلى شعبى

هو ده الطاغية

بالنسبة لمحمد نجيب انا معاك أنه هو أبرز الظباط الأحرار

بس أنت مسألتش نفسك ليه هما عملوله أقامة جبرية

هقولك ليه بعد نجاح الثورة اراد محمد نجيب ان يتولوه الحكم السياسين

اى من أحد طبقات المجتمع المصرى لكن عارضوه أعضاء مجلس قيادة الثورة

بشدة وهذا كان لأسباب فى مخيلتهم على ضعف الحاكم فيما بعض

وعلى دخول نفوذ اجنبى مرة أخرى فى مصر

وبالرغم من ده كله عارضو وأقاموه أقامة جبرية بالفعل

وتشبث العسكرين فى الحكم حتى الأن

وانا معاك ان التارسخ ظلم محمد نجيب بس مش معنى

كده هنصف الأخرين بالطغيان والظلم

واللعبة السياسية لابد من وجود ضحايا ليها

وللحديث باقية وشكراً بجد تناولك موضوع زى ده

وأن شاء الله هكمل كلامى فيما بعد

تحياتى وأفادكم الله
الروسى


عودة الأخ الكريم هارى بوتر بعد بحث وقراءة

اولاً انا معاك ان كان فى اقامة جبرية بس مش معنى

اللى بيصفه أنيس منصور بالظبط

معلش احنا نتكلم بالعقل شوية اولاً الكاتب من طبيعته انه بيحسسك

بحساسيته ومشاعره فى اى من كتباته وانيس منصور رغم انه المفضل لدى

من بين القراء لكن اسرة انيس منصور كانت من العائلات الأقطاعية فى مصر

فلما أنيس منصور يشوف حاجة زى ديه اكيد بيفتعل على الموقف المتأخذ من قبل

بحصر ثروات الأغنية والمساواة مع طبقات الشعب

بصراحة انا بقراء لـ أنيس منصور كتير وبحب كلامه وبيكون منطقى

إلا فى الكلام سورى وجهات نظر وبالفعل

شخص اتحاكه عليه الجميع وبيشكر أفضاله صعب يكون طاغية

بالذات انه كان أشتراكى بدون الدخول فى تفاصيل سياسية

ستبرهن فيما بعد على أفعال جمال وكم كان من رحيم وعطوف

ومأظنش أن عبد الناصر ممكن يشوف واحد مسلم بيقوم بتنفيذ

فريضة من نفس دينه ويحرمه من قضاء دينه

أظن صعبة وعقلياًٍ ولك جزيل الشكر للـموضوع
sasa1610
اولا بحييك على تذكيرنا بالاول رئيس ولقائد الثوره محمد بجيب رحمه الله
الظباط وللاسف كانوا عاوزين الحكم مش الاستقلال ذي ماقال الرئيس محمد نجيب احنا شلنا ملك وجبنا 12 ملك هو لما حب انه يطبق اهداف الثوره اتفقوا عليه وشالوه من الرئاسه ليمسك جمال اللي بدوره حاول انه يبعد كل واحد ممكن يبقالوا قوه وشعبيه من منصبه مهما كان مؤثر ومنهم كتير من الظباط اللي فيه منهم لحد دلوقتي ناس عايشه وحجات كتير وكفايه انه حب يكون زعيم العرب وبعت الجيوش هناك وهنا وشتتها على الاخر والمفروض انه كان يصلح حال شعبه قبل اي شئ وبعد كده يبص بره ذي مهو عاوز وذي ما قال قائد الجيش المصري في اليمن لما بلغه بضعف الجانب المصري هناك وكان بيطلب منه الانسحاب رد عليه وقال "وبرستيجي قدام العرب" والكلام ده من على لسان قائد القوات في اليمن مش متذكر اسمه دلوقتي
وانا ملاحظ ان سالبيات عبد الناصر اكتر من ايجابياته واللي خله الناس تحبه انه وزع عليهم اراضي وده يدل على غلب الشعب وجهله السياسي وطيبته برده
نادية
على فكرة انا كنت شايفة ان محمد نجيب ماينفعش رئيس مصر

ده غير ان شخصيته وذكاءه شايفه انهم مش على مستوى رئاسة الجمهورية

هو بقى رئيس جمهورية بعد الثورة لانه كان اعلاهم رتبه واكبرهم سناً

ده غير انه مش لاب وام مصريين واللى يمسك مصر لازم يكون مصرى

من ناحية بباه ومامته

وبالنسبة لانيس منصور انا بحب اقراله لكن ماتبعجبنيش افكاره عن الثورة والجمهورية

انا قريتله مقال عن الاسرة المالكة بجد كرهته وحسيت انه انسان غير وطنى

انيس منصور بيقول ان الثورة دى كانت لعب عيال

وانسان ناقم على الجمهورية وبيحب الملكية وهو اللى قال ان الملكية احسن من الجمهورية

وكان عامل حوار مع الملكة فريدة وفى مقدمة حواره كان كاتب مقدمة إشادة للأسرة المالكة

وشتايم عن الثورة والجمهورية هو ده انيس منصور بجد انا مابحسوش وطنى ومعقد

وبالنسبة لعبد الناصر ياهارى انا فى حياتى ماشوفتش راجل يه بجد انا بعشق الراجل ده

وانور السادات انا بحبه اوى بردو بس فعلا خطة الحرب كانت موضوعة وجيه السادات كملها

بذكائك كدة فى رئيس يقدر يجهز جيش وطيران فى سنتين ولا 3 سنين

جمال بعد الناكسة غير قيادة جهاز المخابرات والجيش

ده غير ان السادات خارج من مدرسة عبد الناصر

بجد ربنا يرحمه لانى بعشق الراجل ده وهو ده حب ربنا ليه ان جيل ماشافوش يحبه بغض النظر عنك انت واللى زيك هارى

ميرررررررررررررررررر وربنا يرحم ناصر والسادات
sasa1610
انا متفق معاكي في بعداللي انتي قولتيه يا ناديه بس في اعتراض على حتة ان السادات كمل الخطه والدليل

* عبدالناصر كان بينفي اي ظابط بيحس انه بقاله شعبيه في الجيش بطريقتين يا بيمسكه اي حاجه في الدوله بعيد عن الجيش يا بيبعده خالص عن مصر ويخليه يحارب في اي بلد عربي

* كان عاوز يعمل صلاح الدين فبدا يبعت الجيش وينتوره يمين وشمال بدل ما يجمعه ويقويه

* ان كان الجيش فعلا كان كويس ليه لما اتهزمنا في اليمن مبعتش امتاداد للجيش او حتى يقولهم انسحبوا انما كان رده وبرستيجي قدام المنطقه دا لما طلب منه قائد القوات المصريه في اليمن الانسحاب (دا على لسان قائد القوات المصريه في اليمن)

* ان كان الجيش فعلا كويس ليه انتحر عبد الحكيم عامر

واما بخصوص ازاي كون السادات الجيش اسالي اي حد كبير او عاش فترة الحرب وهو يوصفلك ازاي كانوا بيجندوهم اي حد كان بيقدر يشيل سلاح ومش بيتعلم اخدوه الجيش واسالي وهما يوصفولك احسن مني والصفقات اللي السادات كان بيعملها مع الروس لشراء السلاح وغيرها وغيرها كتيييير

اما حكاية حب معظم الناس ليه فدا لاننا شعب اللي بنسمعه بنمشي عليه بالذات من اهلينا وهو في نظر الغلابه زمان كان بطل حولهم من خدم وعبيد ل اصحاب اراضي ودي يمكن الشئ اللي يغفرله
نادية
انت عمرك كام سنة

احب اقولك انى سمعت الكلام من ببايا اللى عاصر النكسه وحرب 73 بس ماحاربش لانه لسه صغير

وكمان سمعته من جندى حارب فى 67 وفى 73

وجدى اللى هو عم ببايا حارب فى 67 و73 وكان من الاسرا

انا عن نفسى بحب جمال عبد الناصر واذاكان بيحبوه الغلابه ى ماانت مابتقول فيبقى ده بردو حب ليه من ربنا

وبتتكلم عن عبد الحكيم عامر انه انتحر

عبد الحكيم ده ان مبوظ الجيش وكان مستغل الصداقة اللى مابينه ومابين عبد الناصر

وصلاح نصر كان ابشع رئيس جهاز مخابرات فى مصر كلها

والظباط دول ايام ماكانوا احرار كانوا ظباط كفاءة

وبعد مابقوا فى المناصب دى اتغيروا وبقوا منحرفين جداا

ومش عايزنا نخسر فى 67 بس بعد الناكسه جمال غيرهم

وبدا يعد الجيش بجد

وجمال عبد الناصر اكيد ماكانش خايف على شعبيته

لانه ماجاش فى مصر ولا فى البلاد العربية كلها رئيس

كان ليه شعبيه جمال عبد الناصر
sasa1610
ماشي يا ناديه متشكر على التريقه بس لعلمك انا عايش بقالي كتير قوي هههههههه وبعدين القرايه دلوقتي ممكن تعيشك زمان ودلوقتي وبكره

واكيد انتي فخوره بعم ابوكي ذي ما احنا فخورين بيه وبكل مصري شارك في الحرب

نخلينا في موضوعنا معظم السياسيين اللي وصفوا فترة حكم عبد الناصر امدوا انه كان ديكتاتور وانه كان بيسمع لنفسه وبس وبعضهم مثله بصدام في فترة حكمه الله يرحمه (مع اختلاف الشعوب طبعا والكل عارف كده)

وان كان على شعبيته في الوطن العربي فالعرب بيحلمه ان مصر تقدم شبابها وارواحهم في سبيل تحريرهم من غير ما يخسروا روح واحدا (اصل ارواحهم غاليه واحنا رخاص قوي في نظرهم) وعبدالناصر حقق حلمهم فليه ميحبهوش ويكرهوا السادات اللي فضل مصلحة بلده مصر قبل كل شئ علشان كده بيوصفوه بالخاين وبطلنا بطل السلام السادات الرئيس الراحل بيوصفوه بالخيانه وان اللي قتلوه شهدا ذي ما قالت ايران ووصفته في فلمها السينمائي وذي ما علق صدام صوره في الميادين وعلق بالبند العريض الخائن

وشعبيته في الداخل مش معناها حب ربنا ليه لان العلاقه دي احنا منعرفش عنها حاجه وان كانت كده فيبقى ربنا بيحب شارون لشعبيته الفظيعه في اليهود حتى وهو مرمي بين الحيا والموت لسه الناس بيحبوه فدا مش مقياس لحب ربنا للواحد والله اعلم

تعليق اخير اذا كان فعلا عبد الحكيم عامر هو اللي خرب الجيش وكان معتمد على صداقته فاعتقد رئيس جمهوريه صح ميعينش راجل مش كفاءه في منصب حساس ذي دا وحتى لو حصل من المفروض انه يشيله باكتشاف تقصيره
HOSAMELGAMAL
دى بعض انجازات الزعيم عبدالناصر

* وافق على مطلب السوريين بالوحدة مع مصر في الجمهورية العربية المتحدة، والتي لم تستمر أكثر من ثلاث سنين تحت اسم الجمهورية العربية المتحدة (1958-1961) وسط مؤامرات دولية وعربية لإجهاضها.
* استجاب لدعوة العراق لتحقيق أضخم انجاز وحدوي مع العراق وسوريا بعد تولي الرئيس العراقي المشير عبد السلام عارف رئاسة الجمهورية العراقية بما يسمى باتفاق 16 ابريل 1964.
* قام بتأميم قناة السويس وإنشاء السد العالي على نهر النيل.
* تأسيسه منظمة عدم الانحياز مع الرئيس اليوغوسلافي تيتو والإندونيسي سوكارنو والهندي نهرو.
* تأميم البنوك الخاصة و الأجنبية العاملة في مصر.
* قوانين الاصلاح الزراعى و تحديد الملكية الزراعية والتى بموجبها صار فلاحو مصر يمتلكون للمرة الأولى الأرض التى يفلحونها ويعملون عليها وتم تحديد ملكيات الاقطاعيين بمئتى فدان فقط .
* إنشاء التليفزيون المصري (1960)
* قوانين يوليو الإشتراكية (1961)
* إبرام إتفاقية الجلاء مع بريطانيا العام 1954، والتى بموجبها تم جلاء آخر جندى إنجليزى عن قناة السويس و مصر كلها في الثامن عشر من يونيو 1956 .
* بناء إستاد القاهرة الرياضي بمدينة نصر.
* إنشاء كورنيش النيل.
* إنشاء معرض القاهرة الدولي للكتاب.
* التوسع في التعليم المجاني على كل المراحل.
* التوسع المطرد في مجال الصناعات التحويلية.

يقول د.علي الجربتلي المنتمي إلى المدرسة الليبرالية في الاقتصاد "انه في عهد عبد الناصر، قامت الثورة باستصلاح 920 الف فدان، وتحويل نصف مليون فدان من ري الحياض إلى الري الدائم". ما يصل بنا إلى مساحة مليون واربعمائة الف فدان.
عبد الناصر يخطب في الجماهير السورية 1961

يضيف د.جربتلي "فيما يتعلق بالقطاع الصناعي، انه حدث تغيير جذري في الدخل والانتاج القومي، فقد زادت قيمة الانتاج الصناعي بالاسعار الجارية من 314 مليون جنيه سنة 1952 إلى 1140 مليون جنيه سنة 1965 ووصلت إلى 1635 مليون سنة 1970 وزادت قيمة البترول من 34 مليون جنيه سنة 1952 إلى 133 مليون سنة 1970، ناهيك عن وفرة الطاقة الكهربائية، خصوصا بعد بناء السد العالي".

أما د.إسماعيل صبري عبد الله الذي تولى وزارة التخطيط الاقتصادي في عهد السادات فيقول "أن الإنتاج الصناعي كان لا يزيد عن 282 مليون جنيه سنة 1952 وبلغ 2424 مليون جنيه سنة 1970, مسجلا نموا بمعدل 11.4% سنويا,ووصلت مساهمته في الدخل القومي إلى 22% سنة 1970 مقابل 9% سنة 1952,ووفرت الدولة طاقة كهربائية ضخمة ورخيصة، وزاد الإنتاج من 991 مليون كيلو وات/ساعة إلى 8113 مليون كيلو وات/ساعة." ويقول د.صبري "ان الثورة جاوزت نسبة 75% في الاستيعاب لمرحلة التعليم الالزامي، وارتفع عدد تلاميذ المرحلة الابتدائية من 1.6 مليون إلى 3.8 مليون، وعدد تلاميذ المدارس الاعدادية والثانوية من 250 الف إلى 1.500.000 وعدد طلاب الجامعات من 40 الف إلى 213 الف".


مساندة للحركات الثورية في الوطن العربي

اعتبر الرئيس ناصر من أبرز الزعماء المنادين بالوحدة العربية وهذا هو الشعور السائد يومذاك بين معظم الشعوب العربية. وسبقه في ذلك الزعيم العربي الشريف حسين قائد الثورة العربية الكبرى. كان "مؤتمر باندونج" سنة 1955 نقطة انطلاق عبدالناصر إلى العالم الخارجي.

دعم الرئيس عبد الناصر القضية الفلسطينية وساهم شخصيا بحرب العام 1948 وجرح فيها. وعند توليه الرئاسة اعتبر القضية الفلسطينية من أولوياته لأسباب عديدة منها مبدئية ومنها استراتيجية تتعلق بكون قيام دولة معادية على حدود مصر سيسبب خرقا للأمن الوطني المصري. كما أن قيام دولة إسرائيل في موقعها في فلسطين يسبب قطع خطوط الاتصال التجاري والجماهيري مع المحيط العربي خصوصا الكتلتين المؤثرتين الشام والعراق لذلك كان يرى قيام وحدة إما مع العراق أو سوريا أو مع كليهما.

و كان لعبد الناصر دور بارز في مساندة ثورة الجزائر وتبني قضية تحرير الشعب الجزائري في المحافل الدولية، وسعى كذلك إلى تحقيق الوحدة العربية؛ فكانت تجربة الوحدة بين مصر وسوريا في فبراير 1958 تحت اسم الجمهورية العربية المتحدة، وقد تولى هو رئاستها بعد أن تنازل الرئيس السوري شكرى القوتلي له عن الحكم، إلا أنها لم تستمر أكثر من ثلاث سنوات.

كما ساند عبد الناصر الثورة العسكرية المتمردة التي قام بها الجيش بزعامة المشير عبد الله السلال في اليمن بسنة 1962 ضد الحكم الإمامي الملكي حيث أرسل عبد الناصر نحو 70 ألف جندي مصري إلى اليمن لمقاومة النظام الملكي الذي لقي دعما من المملكة السعودية وقد يعزى إلى هذا التدخل إرهاق الجيش المصري في اليمن مما سبب الخسارة الفادحة في عام النكسة. كما أيد حركة يوليو 1958 الثورية في العراق التي قادها الجيش العراقي بمؤازرة القوى السياسية المؤتلفة في جبهة الاتحاد الوطني للاطاحة بالحكم الملكي في 14 يوليو 1958.


الاتجاه نحو التصنيع
شهدت مصر في الفترة من مطلع الستينيات إلى ما قبل النكسة نهضة اقتصادية وصناعية كبيرة، بعد أن بدأت الدولة اتجاها جديدا نحو السيطرة على مصادر الإنتاج ووسائله، من خلال التوسع في تأميم البنوك والشركات والمصانع الكبرى، وإنشاء عدد من المشروعات الصناعية الضخمة، وقد اهتم عبد الناصر بإنشاء المدارس والمستشفيات، وتوفير فرص العمل لأبناء الشعب، وتوَّج ذلك كله ببناء السد العالي الذي يُعد أهم وأعظم إنجازاته على الإطلاق؛ حيث حمى مصر من أخطار الفيضانات، كما أدى إلى زيادة الرقعة الزراعية بنحو مليون فدان، بالإضافة إلى ما تميز به باعتباره المصدر الأول لتوليد الكهرباء في مصر، وهو ما يوفر الطاقة اللازمة للمصانع والمشروعات الصناعية الكبرى.
sasa1610
في الاول بشكرك على المجهود الرائع لاحصاء انجازات الرئيس الراحل عبدالناصر
بس يا راجل الكلام دا كله كان اكيد انه هيحصل من اي حد يمسك مصر بعد الفتره المره اللي مرت بيها مصر ايام الملك فاروق فان كنت بتعتبر الارقام قبل الثوره انها ارقام فآسف دي مش ارقام دوله دي ارقام قريه فاكيد كان لازم ترفع وانا معاك في ان التاميم والسد يعتبروا انجازات
من ناحيه تانيه انت لو حسبت ارقام الرئيس مبارك وقارنتها بالارقام اللي انتا قولتها يبقى على كده ريسنا احسن ولا ايه



اسم العضو:
سؤال عشوائي يجب الاجابة عليه

الرسالة:


رابط دائم
مواضيع مشابهة:
للبيع شقة في سيدي بشر جلال حماد مع جمال عبد الناصر
صور نادرة ومعلومات نادرة للزعيم جمال عبد الناصر - صور لم تراها من قبل لجمال عبد الناصر

احدث مواضيع المنتدى
جميع الحقوق محفوظة © nmisr.com نجوم مصرية