اهلا يا جماعة ازيكم ايه الاخبار بصوا انا النهاردة حبيت اجيبلكم موضوع مضحك و غريب اتفرجوا و شوفوا


امتحان اللغة العربية للثانوية العامة سنة 2020
***********************************************

وزارة الفرهدة و التهييس
بالاشتراك مع السبكى للانتاج الفنى
الماسة-النصر- اوسكار للتوزيع
يقدمان

امتحان مادة اللغة العربية
للمرحلة الاولى من الثانوية العامة
لعام 2020-2021
زمن الاجابة : خلص نفسك و اجري

=====================
هذا الامتحان برعاية بيبسى الراعى الرسمى لجمهورية مصر العالمية ))
==============================================

ملاحظة: اجب عن الأسئلة التعجيزية و عددها ( 6 ) إجباري و ( 1 ) اختياري
على أن يكون مجموع الأسئلة 7

( في حالة انك حبيت تنط من الشباك ملاحظة: عجلة الجاذبية 9.8)
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة ))
==================================================

السؤال الأول القصيدة0
==============================================
قال ريكو في أغنية (( خلي الشعب يعيش )) : مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==============================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد
2- لماذا أكد ريكو على القصد الشريف و النية الصادقة ، و علام يدل قوله (( هزيها بشويش بشويش )
3- استخرج من البيت الاول محسن ابراهيم و محسن اسماعيل مبيناً نوع كل محسن. منهما وكنانة واستعارة متنية

==================================================
مساحة خالية للإعلان- ت : (( ياعم كبر يا عم بص .. ده حتى بص ده الواد بيلظ ))

==================================================
السؤال الثاني
================================================== :
=====================================

1-اذكر عدد الشعيرات البيضاء فى دماغ مدير شركة الشامبو سانسيلك فرع كوم حماده.... مع كتابة نبذة مختصرة عن ماتشش الالمنيوم و الكروم فى دورى الدرجة التاانية عام 1920
2 -كام بذره في البطيخه التي كان يأكلها محمد هنيدي في فيلم وش إجرام ؟وما إسم بائع البطيخ ؟
3- ايه الى كان بيقوله سونج فى سره لما زيدان قطع منه الكوره في كأس أفريقيا ؟ وكم كانت سرعة أبو تركه لحظة لميه للكره؟ )
مع ذكر نوع الصابون الى استحمى بيه محمد زيدان قبل الماتش

4- إختر أي 7 حروب حدثت بين أي بلدين في جنوب أفريقيا ؟مع ذكر عدد الشهداء وأسمائهم؟ مع توضيح دور مصر في تهدئة الحرب بين عيلة أبو حمدان وعيال إمبابه؟ )
============================================= أخي الممتحن لو لسه فيك الروح الصفحة إقلب


==================================================
السؤال الثالث –اختياري-


ما اسم الراجل اللي حط كرتونة مياه (( بركة )) المعدنية رقم 120656- في سيارة نقل القاهرة رقم 966504
مع ذكر اسم اول زبون اشترى ازازة ميه من الكرتونة ديه مع ذكر لون شرابه ؟-

أذكر إسم واضع الإمتحان ؟مع ذكر نبذه مختصره عن حياة إبنه الصغير ميشو ؟وإسم الحلاق الذي يحلق عنده إبن عمت خالة أبوه ؟ وياترى كان بيحلق كنيش ولا كابوريا مع ذكر نوع الكريم المستخدم؟
==================================================
فاصل إعلاني: غمض عين فتح عين اشتري بيتزا تاخد اتنين ... (( هذا العرض ساري حتى نهاية الوقت المحدد للإمتحان ))
==================================================
السؤال الرابع (ادينى فى اللذيذ يا عبد العزيز)ء
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================

1- (سهل خالص) رتب كلمات الأغنيه ترتيباً تنازلياً لا يخل بقواعد النحو الخوارزميه ؟
مع توضيح ماذا كان يريد عمرو دياب قوله للمزه مع ذكر إسم خالة المزه ولون الستاره اللي في غرفه الصالون في بيتهم؟
2- ما نوع الكنبه اللي كان قاعد عليها عمرو ؟ مع ذكر إسم المنجد؟(مع التوضيح)

3- ما اسم صبي الخياط بتاع ام المزه اللي كانت في الكليب مع ذكر إسم المدرس اللي كان بيدرسله قبل ما يسيب التعليم؟
==================================================

السؤال الخامس(نهنئك بوصولك لهذه
المرحلة)
==================================================
موضوع التعبير

قال الشاعر عبده نصايح : " حسن زعبولا .. ماشي بيتسالا .. محندق الجاكيته و بيتعايق بالجزمه
"
أكتب نبذه عن حياة ابو حسن زعبولا (( الحاج زعبولا )) و اذكر 13سبب عن سبب انفصال الحاجة زعبولا عن مدامة (( زوجته الاولى)
==================================================
سفن أب يالذيذ يا رايق المشروب الرسمي لهذا الامتحان
============================================= أخي الممتحن أقلب الصفحة أحسنلك (( اصلك مش عارف اللي فيها ))
==================================================
السؤال السادس(سؤال الادب و البلاغة ) ء
==================================================
اجب عن أربعة فقط من الأسئلة
==================================================
ما رأيك في تصرف "محمود " عندما علم بمقتل زوجته في فيلم "واحد من الناس؟
مبيناً ماذا سيحدث في فيلم ( تيتو ) بعد مقتل ( تيتو ) في الفيلم


2- ما رأيك بموقف "حسام" من "سرية" في مسلسل الحقيقة و السراب ؟

3 من برأيك أقوى وأفضل بوكيمون - هل هو – بيكاتشو /شلامندر / سنوبي ....و مين اطول واحد فى سلاحف النينجا مع ذكر نبذة مختصرة عن شنخر و منخر

4 – ، أذكر أسماء أبطال الكابتن الماجد ؟ مع بيان كل الفرق وتشكيلتهم الأساسيه والإحتياطيه؟ ولماذا لم يشارك كابتن ماجد كأساسي في نصف النهائي برغم أنه غير مصاب؟
==================================================
إشتري كارت ب 330 جنيه وأحصل على 75 قرش رصيد ...عرض خاص من موبينيل من عند الحاج سمعان أبو رنه فرع الفيوم
==================================================
سؤال المساعدة (مش محتاجه أساساً)
==================================================
أ – اذكر أسماء 3 من رؤساء بلدية قرية يوكوزوهريتاشاناتا اليابانيه ؟ مع عدد سنوات حكمهم؟
ب – أذكر أسماء زوجات 5 ممن ماتوا في قصف مدينة هيروشيما ليابانية عام 1945 بالقنبلة الذرية على أن تكون إحداهن شقراء والأخري حامل في السادس
==================================================

انتهت الاسئلة و نلقاكم في امتحان الدور التاني انشاء الله
ده كان التخيلات لمنظر الامتحان بعد 11 سنه هوا اه حاجة تضحك بس لو وصلنا للدرجة دى تبقى الدنيا خربت و بقينا فى الضياع

سلااااااااااااام

هههههههههههههههههههههههههه

جامدة اوووووى

شكرا يا قمراية

لا بجد موضوع روعه تسلم أيدك

حلو الوضوع طب يا ريت الامتحانات تيجى كدة صحيح

مكنش حد غلب فيها
مهو دة اللى الشعب المصرى شاطر فية انا عن نفسى ممكن اجيب فية الدرجة النهائية

انتي فالته يانور هو فيه حد زيك هو انا وقعت من قليل