اميييييييييييييييييييييييييييييييييييييييييييييييي يييييين

اسفه ياجماعه مش هينفع اكمل تانى النهارده لان القصه عندى ع الجهاز وعاوزه اعدل فيها حاجات

لانى اصلا كنت حطاها باسمائنا الحقيقيه وكمان الجزء ده هشيل منه كلام كتير لانه مينفعش يتقال فى المنتدى

وكمان فى ناس اصحابى جداد فى القصه هشيلهم عشان مش عاوزه تحصلى مشاكل

استنوا عليا لحد بكره

ومحدش يزعل منى
وخصوصا سويتى

وتاتا

مش رديتى انتى ساره ولا لا
ياريت القصه زى ماهيا بجد عاوزه اعرفها بطبيعتها ولو مش ينفع عادى

حلووووووووووة اوووووووووى

ليه كدااااااااااااا

بجد حراااااااااام

ياريت يرجعوا لبعض

ف انتظار البااااااقى

اها صحيح


انا شايفه انك ساره

صح ولا ايه؟؟؟؟؟

انا عن نفسي عرفت انتى مين خلى بقي الباقي يخمن
وكملى بقي القصه بسرعه انا تعبت وررايا امتحانات هفشل بسبب قصتك هههههه
في انتظار الباقي

ريرى انا قريت لحد الجزء التالت الحلقه التانيه واحساسى لحد دلوقتى بيقول انك ميرنا
مش عارفه ليه بس حاسه برده انك ميرنا

احنا فى الانتظار يا ريرى


ومتخيفش انزل السنة بس


علشان القصة



على فكرة بهزار

ان شاء الله بالنجاح لكل المسلمين

يا ريرى.............................................. .................................................. يا ريرى
حد شاف .................................................. ...............................ريرى
انتى فين............................................... .....................يا ريرى
اتاخرتى علينا ليه
واحشتينا

ريري ياجماعة

متأخرة .......... عشان هي دلوقتي بتتمشى ع الكورنيش مع بنت خالتها

وهتـــــــــرووووح النادي كمااااااااااااااان

وسيباااااااااااااني ............ يرضيكوا كده واحنا أصحــــاب

انــــــــــا زحــــــــــلانة خــــــــاااااااااالص

انتى اسمك مون فضايح.

ماااااااااااااااااااشى.والله لاوريكى

وكلت كمان ايس كريم
هههههههههههه.احسن اهو جهازك باظ بسبب نفسنتك دى ياجزمه

وع فكره ياعثوله انامش ميرنا

جربى حدتانى

فى 3 هنا عارفين انامين

يابخت الناس اللى اتفسحت
وكمان ايس كريم
مش كنتى تقوليلى اجى معاكى
وياترى رحتى النادى ولا لا

ها اااااااااااااااااااااا ياترى هتقوليلنا ايه النهاردة
اتاخرتى علينا لية

والاغنية دى بهديها لريرى
بعيدا عن القصة
تملي معااك و لو حتى بعيد عني بقلبي هواك....

تملي معااااك..

تملي في بالي و فقلبي و لا بنساك.. تملي وحشني لو حتى بكون وياك...

تملي حبيبي بشتقلك تملي عنيي تندهلك

ولو حولي كل الكون بكون يا حبيبي محتاجلك....

تملي معاك ..

معاك قلبي معك روحي يا اغلى حبيب ..

يا اغلى حبيب و مهما اتكون بعيد عني لقلبي قريب...

يا عمري الجي و الحاضر يا احلى نصيب ...

تملي حبيبي بشتقلك

تملي عينيي تندهلك

ولو حولي كل الكون بكون يا حبيبي محتاجلك...

يابخت الناس اللى اتفسحت
وكمان ايس كريم
مش كنتى تقوليلى اجى معاكى
وياترى رحتى النادى ولا لا

هههههههههه مون صيتتلى.اه ياقمر رحت النادى ساعه كده.كان بينش وفاضى

وكلت ايس كريم.ابعتلك دليفرى بقى المره الجايه

والاغنية دى بهديها لريرى
بعيدا عن القصة
تملي معااك و لو حتى بعيد عني بقلبي هواك....

تملي معااااك..

تملي في بالي و فقلبي و لا بنساك.. تملي وحشني لو حتى بكون وياك...

تملي حبيبي بشتقلك تملي عنيي تندهلك

ولو حولي كل الكون بكون يا حبيبي محتاجلك....

تملي معاك ..

معاك قلبي معك روحي يا اغلى حبيب ..

يا اغلى حبيب و مهما اتكون بعيد عني لقلبي قريب...

يا عمري الجي و الحاضر يا احلى نصيب ...

تملي حبيبي بشتقلك

تملي عينيي تندهلك

ولو حولي كل الكون بكون يا حبيبي محتاجلك...

يانهار.انتى عسل اخر حاجه ياسويتى.وانابهديلك اغنيه اسيبك لا لحسام حبيب

بقولك عاوزه رقمك.اخده ازاى

للاسف ياجماعه القصه الاصليه اتمسحت من الجهاز عندى

بس ان شاء الله هكمل الباقى من دماغى تانى

وياريت يبقى افضل من الاول

بس استنوا عليا شويه

يعنى مش هنزل حلقات كتيره ورا بعضها

ممكن حلقتين كل يوم ومتزعلوش منى لانى انا اكتر منكوا زعلانه وبشد فى شعرى

اوكى يا ريرى مش تتاخرى


يا ريررررررررررررررررررررررررررررررررررررررى

الفصل الرابع............

(الحلقه الأولى)

عدلت منى من وضع سماعة الهاتف على اذنها في عصبية.
منى: حاضر يا وائل ...,حاضر.
وائل: تخلصي السكاشن الي عندك وتروحي على طول, متعديش مع اصحابك, مش لازم يعني.
منى: حاضر يا وائل, دي عاشر مرة تقولي الكلام دا, فهمت حاضر.
وائل: لو خلصت بدري هكلمك نروح سوا.
منى: حاضر ان شاء الله.
وائل: ماشي يا حبيبتي, خدي بالك من نفسك.
منى: مش هتوه نفسي حاضر.
وائل: طيب يا ظريفة, يلا,..سلميلي ع البنات, سلام يا موني.
منى: سلام يا حبيبي.
اغلقت الخط والتفتت لسارة وميرنا اللتان كانتا تتنظراها وهما تتحدثان.
منى: اووف, ميت مرة يقولي ويأكد عليا, خلصي يا منى وروحي على طول ,خلصي يازفتة وروحي, منا سمعتك اول مرة.
ساره: طيب هو مش هنا في الجامعة, مجتيش معاه ليه؟.
منى: اصله جاي من بدري, انا قلت اجي براحتى, وبعدين ييه, حرام عليكي, عايزاني كنت اسمع الموشح الي اتقالي في التليفون دا طول الطريق, وتروحي بدري, ولو شفتي حد من اصحابك الصبيان سلمي وامشي على طول متقفيش, وبطلي الضحك والدلع بتاع البنات في الجامعة دا, ناقص يقولي متعديش الشارع لوحدك, كأني جاية اول يوم مدرسة.
ميرنا: ماهما كلهم كده, يعني عندك خالد يقولي متسلميش على رجالة خالص, اقوله طيب واصحاب بابا الناس الكبيرة دي الي بتمد ايدها وتحرجك, يقولي ابدا, اقوله دا راجل اد ابويا يقولي برضة.
سارة: طيب ماهو عنده حق.
ميرنا: اه ,على الناس بس, لكن لما يجي يمسك ايدي واقوله حرام , يعملهالي حكاية, يعني انتي تسلمي على الرجالة الغرب, وتيجي تقوليلي انا حرام,ويزعل ويتقمص وتبقي ليلة, المباديء مبتتجزأش, مش على الناس كل حاجة حرام, وعليه حلال يعني.
منى: بس انا عارفة وائل بيعمل كده ليه؟.
سارة: عشان احمد يعني؟.
منى: اه, يعني وهو احمد مثلا لو شافني هييجي يسلم عليا.
سارة: انتي مكنتيش قلتيله انه كلمك؟.
منى: لا طبعا, انتي مجنونة, دا لو عرف خلاص بقي , يسيبني ويريح دماغه مني.
سارة: ليه يا بنتي ؟, انتي مش ممشياها معاه صراحة؟.
منى: بس الحاجات دي بقي متتقالش, يعني انا لو رحت قلتله ان احمد كلمني, كأني برجع الموضوع دا تاني ينط في حياتنا, وبشككه فيا بنفسي, ومهما افهمه اني هزأته وبهدلته مش هيصدق,يا سارة مش كل حاجة تتقال كده.
ميرناا: المهم ميكونش الزفت سجلك ولا حاجة.
منى: حتى لو سجلي, انا مقلتش حاجة غلط, انا كل الي قلته انه يبعد عني بقي وانا بحب خطيبي.
ميرنا: تفتكري ممكن يكون في الكلية النهاردة؟.
منى: مفتكرش , احمد معادلوش اصحاب كتير هنا خلاص, عشان قطع من الكلية السنة الي فاتت, وعشان بيشتغل, مفتكرش هييجي في تاني اسبوع كده, اكيد هيعدله شهر في البيت.
ميرنا: والله انتي ادرى.
توقفت سارة امام المبني الذي به السيكشن.
سارة: تصدقو بالله, انا ماليا مزاج ادخل السكشن دا اصلا.
منى: لا, بقلك ايه, ليطلع وائل كده ولا كده يتمشي يلاقيني قاعدة, يقولي مدخلتيش ليه امال انتي جاية ليه, تعالي يا بنتي ندخل, انا مش ناقصة كلام من حد.
ميرنا: هما هياخدو الغياب؟, انا حاساهم السنة دي سخنين علينا اوي.
سارة: لا احنا الي خدنا علي الاستعباط.
منى: لا حول ولا قوة الا بالله.
سارة: خير.
منى: لفو وشكو , رشا قدامي اهي.
اشاحتا بوجيههما بعيدا وسارة تقول.
سارة: ودي ايه الي لسه بيجيبها هنا دي؟.
منى: انا اسمع انها لسه مع عبد الحميد, تلاقيها جياله.
سارة: ربنا يهديها بقي وتعقل.
ميرنا: يهدي مين؟, رشا عادي؟؟, دي ماركة مسجلة.
سارة: بس يا ميرنا متتكلميش على البنات.
منى: ياربي , دنا مش هخلص من وائل, لو جت وكلمتني.
نظرت سارة تبحث عنها.
ميرنا: لا هي مش واخدة بالها مننا اصلا,فيه واحدة وقفتها هناك , مديانا ضهرها.
منى: انا مش عارفة انا هخلص امتى من الحكايات دي بقي.
سارة: ماهو على قد ما دخلتي في علاقتك باحمد, على قد ما هتاخدي وقت تخرجي منها.
منى: يانهاري؟, يعني هعد سنة ونص اعصابي مشدودة كده؟؟.
سارة: ههههههه, يعني مش اوي كده, يعني لو شيلنا منهم اول كام شهر الي كان لسه بيظبطك فيهم, يبقي هتصفصف على سنة.
منى: انتي بتهذري انتي كمان, دنا والله هتجن من الموضوع دا, حاسة ان وائل مش مرتاح رغم انه بيحاول ميبينليش دا.
سارة: اصل هو معذور, يعني انا بيتهيألي ان اي حد عنده هيكون اهون من احمد.
ميرنا: طيب بس الي حصل بقي , نعمل ايه في حظ البنت الغلبانة دي.
منى:حظي انا وحش؟؟, طيب دنا حظي بالدنيا اني وقعت في واحد زي وائل ميتقدرش بمال, عقل ايه واخلاق ايه, وبيحبني بطريقة عمري ما حستها حتى مع احمد, بيحبني بالافعال مش بالكلام, انا فعلا بقوم وانام احمد ربنا عليه.
سارة: ايه دا كله؟؟, الله يرحم زمان , مكانش حد بيعرف يقول كلمه حلوة في حقه قدامك.
منى: والله يا سارة, انا نفسي مستغربة, صحيح احنا على طول بنشد مع بعض, بس كل دا ولا ييجي حاجة في خناقاتي انا واحمد, يعني وائل عمره ما جرحني ولا غلط فيا حتى وهو غضبان,ولا اتهور واتعصب زي احمد, والله انا حاسه اني بحبه بجد واتعلقت بيه اوي, ربنا يخليه ليا.

سارة: انتي مش عارفة بجد انا مبسوطالك قد ايه.
ميرنا: وانتي بقي مش ناويين نفرح فيكي ؟؟.
سارة: ايه؟, عندك عريس؟.
منى: اه صحيح يا بت انتي, انا مش كنت كلمتك على موضع اخويا؟, لا كلمتي مامتك ولا عملتي حاجة.
سارة: منا كلمتها , انا مش قلتلك يا ميرنا, قالتلي اني مينفعش افاتح بابا في دا وانا لسه في تانية ولا تالتة, يا اما هفتح عنين بابا عليا, واخليه ياخد باله مني ومن علاقتي بيكي يامنى, هيفتكر ان فيه حاجة بيني وبين اخوكي.
ميرنا: انتي باباكي مخنق عليكو كده ليه؟, مشافش بابا الي كان هيخطبني لمازن وناقص يجيبله الشبكة والشقة كادو, كأني قاعدة على قلبه.
سارة: اصل بابا بيحبنا اوي ,وبيغير علينا اوي.
نظرت ميرنا خلف منى في حذر, ثم قالت.
ميرنا: ااااه, يلا بقي ندخل بسرعة عشان مطلعتش جاية لعبد الحميد.
فالتفتت سارة تنظر , رأت احمد يقترب من اخته ,فقالت في ذعر.
سارة:طيب يلا بقي عشان انا كنت حاسة ان النهاردة مش هيعدي على خير.
لم تنظر منى لتتحقق من كلامهما, انها لاتريد ان ترى احمد, لا تريد حتى ان تلمحه, فبمجرد ان علمت بوجوده, وجهت نظرها للارض, وفارقتهما في سرعة تسبقهما للداخل.
م* يارب استر يا رب
**************************
قالت رشا بمجرد ان اقبل عليها اخاها.
رشا: ايه مشفتش خنقة؟ , كانت واقفة هنا من شوية.
التفت احمد يبحث بعينيه في سرعة عن منى, فلم يرها.
احمد: فين؟؟.
رشا: هناك عند السلم, معرفش كنت لسه شايفاها حالا ,تلاقيها مشيت على ما كلمت هدي.
احمد: تفتكري تكون طلعت ولا مشيت؟.
رشا: طالعة المدرجات يعني؟, معرفش, مشفتهاش بجد.
فنظر مرة اخرى يبحث عنها في وجوة الفتيات, فلكزته اخته.
رشا: ايه ياعم الحبيب, دنا كنت ما صدقت انها اتخطبت وغارت, ايه سابت خطيبها ولا ايه؟.
احمد: معرفش, متعرفليش انتي؟.
رشا: لا ياسيدي, بس لو عايزني اطقسلك.
احمد: لا مالوش لزوم, مش عايزها تعرف اني بسأل عليها لسه.
رشا : انت ايه نظامك؟,قلبت علي نورا ولا ايه؟.
احمد: هي الي قلبتلي دور خنيق كده, انا مش ناقص.
رشا: احمد , انت بتستهبل, انت عايز تخسرني صاحبتي؟؟.
احمد: هي مبتحكلكيش ولا ايه؟, انتو بقكو في ودان بعض دايما, روحي اسأليها, والله هي واخداني وعارفة انا ايه, مترجعش تشتكي بقي.
رشا: متستندلش, انت كده هتخليني اخسرها.
مال عليها احمد وقال بلؤم غاضب .
احمد: يعني مكانش حد قالك حاجة لما خسرتيني كريم ,ولا نسيتي؟.
رشا: دانتا رخم رخامة, انا اصلا هسيبك وهمشي, هتروح فين دلوقتي؟.
احمد: انا؟؟,لا انا قاعد هنا شوية.
أ*لما اشوف منى راحت فين
واشعل سيجارة وجلس في مكانه المعهود الذي يطل على الكلية بأكملها.
******************
استبد باحمد الملل وهو ينتظر ظهور منى, وشعر بالغضب اكثر اذ لمح وائل يتنقل في ارجاء الكلية,ولولا تأكيد اخته له انها رأتها لانصرف منذ فترة, وجال بخاطره ان يتصل بها لكنه تراجع ماذا لو لم تجب عليه؟,انه يريد ان يفاجئها , فالمفاجأة نصف المعركة, وقاوم رغبته الملحة في الجلوس بعد فترة, وقرر الانصراف, لربما لم تكن منى من رأتها رشا, او ربما انصرفت, وقبل ان يذهب لمح اخر شخص كان يتوقع رؤيته في الكلية, لمح مريم, فاقبل عليها من بعيد مبتسما.
أ* مريم تاني,رايح فين يابني؟, انت مبتحرمش؟؟
مشفتهاش بقالي كتير في الشغل, والله ليها وحشة
انت يا بني اهبل, مش كنت جاي تشوف منى, اوام غيرت دماغك
منى ابقي اكلمها باليل ولا حاجة, بس ساعة الحظ متتعوضش, من امتى كنت بشوف مريم في الكلية عندي, الحاجات دي فرص
يعني هتروحلها تقولها ايه,انت عايزها تفرج عليك الكلية
معرفش , هقولها اي حاجة والسلام
طيب خد بالك, ومتضيعش نفسك
متخافش عليا,...جايلك يامريم

يارب يكون الاسلوب حلو ياتاتا لانى بقالى كتير مبكتبش.قوليلى كده رأيك ايه فى الحلقه دى؟؟؟؟؟ياترى لسه اسلوبى كويس؟؟؟؟؟؟؟

(الحلقه الثانيه )

نظرت مريم الي احمد المقبل عليها من بعيد في دهشة, وابتسامة شبة ساخرة على شفتيها.
مريم: اعوذ بالله من غضب الله.
احمد: ايه؟, شفتي عفريت؟.
مريم: انا نفسي اعرف انت ليه بتطلعلي كل شوية زي عفريت العلبة, بلاقيك في كل مكان.
احمد: دا بس من حظي الحلو.
مريم: مممممم, وحظي انا الوحش جدا.
احمد: انا نفسي اعرف انتي بتكرهيني كده ليه؟.
مريم: انا مبكرهكش, لاني لو كرهتك يبقي انت في دايرة اهتماماتي اصلا, والحمد لله انت مش فيها.
احمد: انتي بتعملي ايه في الجامعة ؟, انتي مش اتخرجتي خلاص؟.
مريم: بطلع شهادتي, عقبالك بعد عمر طويل ان شاء الله.
احمد: وطويل ليه؟ , ان شاء الله دي اخر سنة, انا مش عايز اعتب الجامعة دي تاني بقى.
مريم: ايه ؟, شايفلك شغل؟.
احمد: لا ان شاء الله , سفرية.
مريم: ايه دا كله!!, انت عايز تسافر بقي.
احمد: انا لو عليا اهاجر.
مريم:عشان كده هتفضل طول عمرك فاشل.
احمد: انا الحمد لله مش فاشل.
مريم: قول الكلام دا للادارة.
احمد: الادارة؟؟؟, انتو ايه؟, هترفدوني؟؟.
مريم: لا , احنا بس بنعمل اختبارات وابحاث على العاملين قبل مانقدر نصرف منهم, لما تعدي الحاجات دي اقدر اقول عليك بدأت تكون مش فاشل.
نظر اليها احمد في يأس,ثم قال باستياء.
احمد: هو انتي مش شايفاني انفع خالص اكون ناجح؟.
نظرت اليه في عطف وقالت.
مريم: يا احمد لما تعوز تتغير , انت اول واحد هتحس بانك ناجح ومش هتحتاج تحاول تثبتلي او لغيري انك مش فاشل, وساعتها هترتاح ومش انا بس الي هشوفك ناجح , كل الناس هتشوفك كده.
احمد: بجد؟؟.
مريم: هو ايه الي بجد؟, طبعا بجد, بس انت انوي تكون احسن وتتغير , وربنا هيساعدك اكيد, ربنا مبيضيعش جهد حد خالص.
نظر اليها في دهشة ,ثم قال.
احمد: انتي غريبة اوي, انتي غير لينا خالص,انتو عاملين زي الشرق والغرب.
ضحكت مريم.
مريم: اه صحيح, انا سمعت ان لينا بتقول عليك رخم خلاص, انتو معدتوش اصحاب خلاص ولا ايه؟.
احمد: لا يا ستي لينا اختك دي غريبة, ليها جو تاني خالص.
مريم: ممممم, عموما يلا, ربنا يهديها ,ويهديك انت كمان بالمرة.
احمد: كمان بتدعيلي؟؟, ايه دا كله؟, انا ربنا راضي عني بقي, مش كفاية اليوم عدا من غير ما تشتميني.
مريم: يلا , انت محتاج دعاوي كتير اوي اصلا عشان يأثر فيك.
احمد: يامريم مينفعش كده ,طيب حتى راعي الكام سنة الي بينا.
ضحكت وهي تبتعد عنه.
مريم: الاحترام له ناسه يا احمد, يلا بقي انا همشي عشان الحق شئون الطلبة.
هتف من خلفها.
احمد: يارب ابقي ناسه بقي.
أ*البت دي شاربه ايه النهاردة؟, ايه الرضا دا كله
******************
م*احمد ,تاني, والمرة دي من رقمه, عايز ايه بقي؟؟؟؟
اعمل ايه انا ؟؟؟,ارد عليه ولا اعمل ايه؟؟, هي شغلانة بقي؟
ردي شوفي عايزك في ايه؟
لا انا المرة الي فاتت رديت عشان مكنتش عارفة انه هو, المرة دي من رقمه,لو رديت يبقي انا قاصدة
وايه المشكلة؟, لو مرديتش مش هيبطل يتصل, بس لو رديتي ووقفتيه عند حده, هتخلصي منه خالص
هو عايز مني ايه تاني؟, انا مش خلاص قلتله سلام اخير
ردي اعرفي, مش لازم وائل يعرف
ولو عرف؟؟؟
مش هيعرف
لا انا خايفة
.............
منى: ممكن اعرف انت بتكلمني ليه تاني؟.
احمد: طيب قولي سلام عليكم الاول.
منى: مفيش سلام, انت عايز تعملي مشاكل يا احمد, احنا مش قلنا سلام؟؟.
احمد: انا مش عايز اعملك مشاكل ابدا, انا بس محتار وملقتش حد غيرك اكلمه.
منى: فيه ايه؟.
احمد: انتي عارفة انك كنتي اقرب واحدة ليا, وانا خسرتك كحبيبة, مش عايز اخسرك كصديقة يا منى, ياريت متحرمنيش من ده.
منى: مينفعش ابقي صاحبتك ,احنا مكناش اصحاب, وبعدين دلوقتي انا مخطوبة.
احمد: انا مقلتش هنعمل حاجة غلط, بس انا فعلا ساعات ببقي محتاج حد ينصحني , وانتي الوحيدة الي بثق في رأيها, انا بس بقلك لما ابقي عايز حد ينصحني, ممكن يكون انتي؟.
منى: لا مش ممكن.
احمد: بالله عليكي يا منى ماتصديني.
م*وبعدين بقي, قول بس خلصني
منى: ماشي يا احمد, بس المرة دي بس, فيه ايه المشكلة؟, قول بسرعة.
احمد: اصل انا.....معجب بواحدة.
م*نعم ياخويا؟؟؟؟؟؟؟؟؟؟؟؟؟؟؟
منى: مممممم.
احمد: يعني, هي بنوتة حلوة, بس هي المشكلة بنت مديري في الشغل, وهي محترمة اوي ما شاء الله.
منى: ممممم.
م*وانت بتسألني انا ليه يا ظريف
وشعرت بشيء من الغيرة يتسلل الي قلبها.
احمد: وذكية.
منى: ....طيب فيه ايه المشكلة؟.
احمد: المشكلة ان انا.... عايز اخطبها.
م*.....................................
منى: ممم.
احمد: بس هي بنت ناجحة اوي وانا لسه في الكلية, فانا قلت استني لما اخلص السنة دي ان شاء الله, بس المشكلة بقي, افاتحها دلوقتي واعرفها, ولا استني لما ابقي جاهز اتقدم؟.
م*مممممممم ,وانت بتسألني انا ليه , هو انا امك؟؟
منى: معرفش, انت مش بتقول انها محترمة؟؟.
احمد: جدا يا منى, جدا.
م* طب بالراحة علينا شوية
منى: يبقى استني لما تيجي تتقدم, وهي مش هتطير يعني.
أ*اه يا ناصحة, اجي اشتغلك تشتغليني
احمد: يعني انتي شايفة كده؟؟.
منى: انا بقلك رأيي, وانت اعمل الي يريحك,بس انا شايفة انك متكلمهاش الا لما تبقي جاهز.
م* انت بتردهالي مثلا ؟,جاي تسألني؟؟, هو انا خاطبة؟
أ*اه يا موني , والله وحشني اشتغالاتك
احمد: بجد, يعني هما البنات كده؟؟.
منى: بتسألني انا عن البنات ليه؟,اسأل نفسك, انت مش خبير؟.
احمد: يا موني انتي خليتي فيها خبير.
شعرت منى بالحنين بعد كلمة موني, والضحك الذي بدا في صوته, فأفاقت سريعا لتقول في جدية.
منى: يلا بقي انا مش نصحتك؟, يلا مع السلامة بقي.
أ*ماشي يا موني ,مش هتقل عليكي كفاية انك رديتي,نكمل مرة تانية
احمد: ماشي يا منى, انا متشكر اوي انك رديتي عليا و نصحتيني.
منى: انا زي "اختك" برده.
احمد: طبعا واعز من اختي كمان.
منى: يلا سلام.
احمد: مع السلامة.

اسلوبك جامد طحن


برافوا عليكى


انتى سارة اكيد


حاسه انك سارة



بجد قصة فوق الروعة

احمد ده ايضيع كل حاجة


انا خايفة من كده

اسلوبك جامد طحن


برافوا عليكى


انتى سارة اكيد


حاسه انك سارة



بجد قصة فوق الروعة

هههههههههههه حلوه طحن دى يابت يتاتا

انا؟؟؟؟؟ساره؟؟؟؟؟؟؟؟

امممممممممممم
خليها مفاجأه واقولكوا فى اخر الحلقات

احمد ده ايضيع كل حاجة


انا خايفة من كده

اصلا ايمو ده واد دزمه وابن دزمه

أسلوبكـــ جميييييييييييييييييييل أوي ياريري

ماتخافيش ........ مسح القصة مش هيـــــــأثـــر ان شاء الله

كملي بنفس المستوى

(الحلقه الثالثه )

مريم: صباح الخير, جاي بدري النهاردة.
قالت مريم هذا لاحمد دون ان ترفع عينيها عن الملفات بيديها, وهي متوقفة بالقرب من مدخل قسم الحسابات.
احمد: سمعت ان فيه تشديد على الموظفين اليومين دول.
مريم: فعلا, خد بالك بقى.
احمد: ادعيلي بقى.
رفعت وجها ضاحكا له, وهي تتحرك في اتجاة اخر.
مريم: انت طمعت ولا ايه ؟,دي كانت مرة كده على الماشي.
وانصرفت في سرعة ,وهو يبتسم خلفها.
أ*داحنا اتغيرنا خالص, يعني المرة الي فاتت مكانتش شاربة حاجة, دي بجد بتتعامل معايا كويس
يلا ,يمكن يتحقق الي انت قلته لمنى
مين؟؟انا ومريم؟؟؟, مش ممكن!!
ومش ممكن ليه؟انا مش قلتلك لما تكلم اختها هي هتغير
لا تغير مين دي مريم ,دي تلج ياراجل
مفيش حد تلج, وبعدين النار بتسيح التلج
يعني تفتكر؟؟؟؟؟
بس خد بالك دي سكتها رسمي
رسمي ازاي يعني؟؟؟؟, وانا اقدر ع الرسمي منين؟
الحب بيعمل اكتر من كده
الحب؟؟؟,تفتكر ممكن تحبني؟؟؟
بس الحب دا عايز شغل
يعني ايه؟, اخد بالي منها؟؟
شد حيلك وانا معاك
**********************
سارة: ممكن افهم ايه الي اخوكي عمله دا؟.
منى: يعني عمل ايه يعني؟ هو دخول البيت من بابه بقي عملة دلوقتي؟.
سارة: طيب كنتي قوليلي ,عرفيني انه هيعمل كده.
منى: انا نفسي معرفتش الا بعد مارجع انه راح لباباكي في الشغل يكلمه, هو شكله زهق من التطويح الي انا قاعدة اطوحوله دا.
ميرنا: بجد والله؟, اخوكي راح لابو سارة في الشغل؟؟,قاله ايه؟, ومقلتليش ليه يا سارة؟.
منى: راح قاله انا اخو منى صاحبة سارة, وسألت عليكو وعايز اخطب بنتك.
ميرنا: بجد؟؟, وباباكي عمل ايه يا بت انتي, محكتليش ليه؟؟.
سارة: بابا من امبارح مبيكلمش قاعد يمخمخ, وساكت كده ومش مطمناله خالص.
منى: والله الي عمله مؤمن ميتعيبش خالص.
ميرنا: ايوة فعلا.
سارة: بابا قاله هرد عليك.
ميرنا: طيب قشطة, كويس.
منى: ماهو يا بنتي انتي قاعدة تتكلمي نظري وبس, بابا بيغير ومش هيوافق, كل دا عشان لسه الموقف مبقاش جد, لما يبقي بجد, باباكي اكيد هيتصرف صح.
سارة: يلا ربنا يستر بقي.
ميرنا: اعوذ بالله , بتتكلمي كأنك في مصيبة, ومقلتيلناش رأيك انتي يعني يا هانم.
سارة: انا رأي بابا هو رأيي.
ميرنا: من امتى؟؟, هو فيه حد رأي باباه رأيه برضه.
سارة: منا قلتلكو , الخطوبة اصلا معمولة عشان الناس تعرف بعض, مش اخر الدنيا يعني .
منى: عموما يا سارة انا ماليش دعوة بالموضوع دا اصلا, وافقتو او موافقتوش, انا ماليش دعوة, وكمان مؤمن محبش يدخلني عشان ميبقاش فيه حساسية بينا, وتقدري تردي براحتك.
سارة: طيب طيب,متسبقوش الاحداث.
وبعد تغيير الموضوع, سرحت منى بأفكارها قليلا.
م*هو انا مش هقولهم بقي؟؟
على ايه؟
ان احمد بيكلمني بقاله مدة وبيستشيرني
انتي بتهرجي؟؟,لا طبعا دول كانو موتوكي
بس انا مخنوقة ولازم اعرف حد , انا حاسة ان الي بنعمله دا غلط ,مع ان والله ما بنقول حاجة خالص, دا هو تلات تربع المكالمة بيعد يكلم على صاحبته دي ولا البنت المعجب بيها
اديكي قلتيها اهه, يعني مفيش حاجة اصلا عشان تحكيها
بس انا خايفة ,لو وائل عرف يفهم غلط
هيعرف منين؟, الا اذا انتي قلتي لحد
وافرض احمد قال لحد
احمد بيفكر في واحدة تانية خالص, لو كان عايز يأذيكي كان أذاكي من اول مكالمة, وبعدين انتي مش مستريحة دلوقتي ان علاقتك باحمد طبيعية , على الاقل انتي كده ضامنة انه مش هيشغل جنانه عليكي عشان هو مش في باله انتي دلوقتي
يعني ما اقولهومش؟؟؟
ولا تجيبي سيرة خالص
********************
نظر سامي الي احمد نظرة جانبية, وهو يضحك مع مريم ويتحدث في منطقة تقديم القهوة بالشركة, وشعر بالدهشة, وانتظر ختى انهى احمد حديثه معها وعاد اليه.
سامي: ايه الي بيحصل دا؟, انا مش فاهم حاجة.
احمد: عيب يا بني ,انا مش قلتلك عارفها.
سامي: ماشي عارفها, ماكلنا عارفينها وهي عارفانا واحد احد, بس ايه الضحك والهذار دا كله؟.
احمد: انا كنت متأكد انها مش رخمة, وانها زي العسل, وجميلة بالشكل دا.
سامي: الله !!!, كمان زي العسل؟؟, لا يا حلو فوق, دي مش زينا.
احمد: يعني ايه مش زينا؟.
سامي: يعني مريم دي بنت ناس نضيفة اوي, ومش عشان الراجل يعرف ابوك يبقي ممكن تاخد بنته, متتعلقش بحبال دايبة يا احمد.
احمد: دايبة؟؟.
سامي: بص يا ابو حميد, انا سمعت انها كانت هتتخطب السنة الي فاتت , وخلاص كانو مرتبين كل حاجة, بس الواد اترفض في الاخر, مش هي دي المشكلة, الواد الي كان هيخطبها ابن وزير يا احمد, دي ناس واصلة ياعم, انا خايف عليك يا بني , اوعى تعشم نفسك.
احمد: انا ؟؟؟, اعشم نفسي بايه؟؟, انت بتهذر يا بني, انا اصلا مش بتاع تدبيس,لا طبعا, انا مش في دماغي اصلا, مريم ايه الي افكر اخطبها دي.
أ*شفت بقي, اديني مجبتش حاجة من عندي , الولد قالك بنفسه, دي مستوى تاني خالص
طيب منا عارف, منا قلتلك من الاول, هي لو عايزاك هتتحل كل حاجة
ودي اخليها عايزاني ازاي دي؟, داحنا يادوب بنهذر شوية في الشغل لما بشوفها, حتى نمرتها من ساعة ما اخدتها وانا مش عارف اتصل بيها بحجة ايه؟, اهي دي الي مش عارفلها مدخل خالص, حتى بعد ما اتغيرت وبقت بتديني وش
اشتغل انت بس عليها والفرصة هتيجي معاك, متستعجلش,خليها بس قلبها يتفتحلك, وانت مش هتعمل حاجة, هي الي هتعمل كل حاجة
ربنا يسهل
*****************
دخل مؤمن غرفة منى مبتسما.
منى: خير ؟؟.
مؤمن: خير اكيد.
منى: يارب.
مؤمن: بابا سارة كلمني.
منى: بجد؟؟, وبتضحك؟؟, يبقي وافق.
جلس على كرسي المكتب امامها , واكمل حديثه.
مؤمن: هو قالي اني لازم اقعد معاها نتكلم طبعا,وبعدها يقررو وكده, ومش هينفع ادخل البيت قبل ما يوافقو, فهما هيبقو عاملين كده قعدة في البيت وهنروح انا وماما وانتي, بلاش بابا دلوقتي عشان الاحراج ونقعد نتكلم , ولو هي وافقت يبقي خلاص نحدد معاد نروحلهم البيت بقى رسمي.
منى: وليه اللفة المهببة دي؟, ما تتقابلو برة وخلاص, زي ما عملت انا ووائل, وزي ما كل الناس بتعمل.
مؤمن: معادش ينفع بعد ما دخلت باباها اعدل على كلامه واقله لأ ننزل نشوف بعض برة, دا كان يبقي لو قبل ما كان يقترح هو, ثانيا انتي مش بتقولي انه راجل شديد وبيغير على بناته, خلاص, خلينا نريحه لغاية ما اعرف اكسبه.
منى: طيب كويس اصلا انه وافق مبدئيا تتكلمو, دي سارة كانت محسساني ان مش هيوافق ابدا.
مؤمن: انا نفسي حسيت كده لما كلمته, انا حسيت اصلا انه شوية كده وكان هيقوم يضربني.
منى: بس مامتها عايزاك لسارة, واضح انها اثرت عليه شوية.
ثم صمتت منى ونظرت اليه في دهشة.
منى: بس انت من ساعة ماقلت لباباها لا قلتلي اسألي سارة عن رأيها , ولا سألتني هي موافقة ولا لأ.
مؤمن: انا مش عايزك تتدخلي انتي في الموضع عشان ميبقاش فيها حساسيات بينكو, وبعدين لو كنت انا اتقدمت لاي واحدة من برة , مش صاحبتك, كنت هعرف رأيها منين يعني.
منى: بجد يا ميمو انا فرحانالكو اوي, يارب يارب يارب يوفقكو سوا, وتاخدو بعض.
وقامت وعانقته, فقال.
مؤمن: يعني مش هتزعلي مثلا؟.
ابتعدت وهي تقول.
منى: انا ؟؟؟,ابدا, والله دانت مش هتلاقي زي سارة دي ابدا, وانا ماتمنالاكش حد احسن منها.
مؤمن: وانتي؟, ايه اخبارك مع وائل؟.
م* ممم بتسأل ليه؟
منى: الحمد لله كويسين.
مؤمن: وائل, ولد ميتعوضش يا منى, وانا الي بجد مبسوط ان ربنا وقعك فيه.
منى: الحمد لله.
مؤمن: وانتي المفروض تحافظي عليه بجد, وماتحاوليش تزعليه او تضايقيه, لانك لو لفيتي مصر كلها مش هتلاقي حد احسن منه.
منى: مممممممم, منا عارفة.
م*منا عارفة يا مؤمن, لزمته ايه الكلام دا دلوقتي؟, انت دايما بتبقي حاسس بيا لما بعمل مصيبة,ربنا يستر ومش انت الي تعرف ,ماهي مصيبة في الحالتين لو انت عرفت او وائل عرف, يارب ما حد يعرف, لاااا انا لازم احط حد للموضوع دا ,انا مش هكلم احمد دا تاني خلاص,لما يكلمني المرة الجاية هقله متكلمنيش تاني, انا مش ناقصة قلق دانا مصدقت كنت خلصت من القلق

أسلوبكـــ جميييييييييييييييييييل أوي ياريري

ماتخافيش ........ مسح القصة مش هيـــــــأثـــر ان شاء الله

كملي بنفس المستوى

شكرا ع التشجيع ياامانى

بس بجد خايفه ان فى حاجات انساها

شوفى الحلقه الجايه بقى كده وكفايه عليكوا النهارده

انا فضلت ساعتين افكر واكتب لماعنيا هتطلع لبره

بكره اكمل

بقولك اناهخلص بكره الشغل بدرى يعنى ممكن 9 ونص او 10 فى الحدود دى

اجيلك ولاهتكونى نايمه؟؟؟؟؟؟؟

شكرا ع التشجيع ياامانى

بس بجد خايفه ان فى حاجات انساها

شوفى الحلقه الجايه بقى كده وكفايه عليكوا النهارده

انا فضلت ساعتين افكر واكتب لماعنيا هتطلع لبره

بكره اكمل

بقولك اناهخلص بكره الشغل بدرى يعنى ممكن 9 ونص او 10 فى الحدود دى

اجيلك ولاهتكونى نايمه؟؟؟؟؟؟؟

هي هي هي هي هي

انتي عبيطــــة ولا اييييييييييييه ؟؟؟؟؟؟

هوه انا يعني هاصحي لأغلى منـــــــــــكــــ

مستنياكي نفطـــــــــر سوا بكـــــــــــره ............. ابقي رنيلي بعد ماتخلصي شغلــــــك