نجوم مصرية
الرئيسيةمنتديات نجوم مصرية منتديات شباب وبنات منتدى طلبة جامعات مصر منتدى طلبة كلية طب قصر العيني
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


المعادلة الاسترالية للاطباء amc بالتفصيل الطب في استراليا

 


ونقلا عن تجربة احد الدكاترة :
اللي خلاني اكتب عن الموضوع ده سببين الاول خدمه اخواني من اطباء مصر ونصحهم من مبدا الدين نصيحه والسبب الثاني مرتبط بالاول وهو اني لاحظت اكتر ناس بيقدموا علي الامتحان ده من الهند وبجلادش وافغانستان وباكستان وهم مش احسن من دكاتره بلدي وعلي فكره احنا مستوانا احسن منهم بمراحل فوق ما تصوروا .
اولا : لماذا استراليا :
لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء , وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.
ثانيا : التسجيل :
هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه ,
طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين نظري (mcq ) وعملي , كيف يتم التسجيل هذا هو الي اشرحه لكم حتي لا توجد اخطاء وتاخير حتي لا يحصل كما حصل معي .
اول حاجه تروح للموقع بتاعهم وهوwww.amc.org.au بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي , طيب ازاي اتعمل ماستر كارد او فيزا كارد . لو رحت لاي بنك في مصر ايقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما وديه ب12 جنيه وبعد كده ضع فب المبلغ اللي يناسبك, و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف , وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط . بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,
بعد كه اتروح للصفحه التاليه وهي بتاعت اثبات الشخصيه الخاص بك , وبسبب اخوانا الهنود اللي بيقدموا شهادات مزوره , استراليا عامله شروط علشان تتاكد من شخصيتك مطابقه للي موجود في الشهاده ولا لا وهي كالاتي , عامله خمسه فئات , الفئه الاولي 70 نقطه , الفئه الثانيه 70 نقطه , الفئه الثالثه 40 نقطه ,الفئه الخامسه 25 نقطه , سيادتك مفروض يكون عندك اكثر من 100 نقطه , ازاي , فكر.

الفئه الاولي ب 70 نقطه وهي يكون معاك تسجيل طبي من اي ولايه استراليه . حضرتك طبعا مش معاك , روح للفئه التانيه وهي ب70 نقطه ايضا وهي و يكون معاك جواز سفر او شهاده ميلاد بالانجليزي , طبعا انا اخترت جواز السفر ليه و لانهم بيفضلوه ولانه في صورتك , ومكتوب بالعربي والانجليزي , اذا كده انت اتختار جواز السفر وكده ايكون عندك 70 نقطه , روح للفئه التالته ب 40 نقطه وهي يكون معاك بطاقه هويه استراليه او بطاقه موظف استراليه او معاك شهاده امتحان ايلتس ويكون فيها بياناتك علي فكره تكلفه امتحان الايلتس 750 جنيه مصري سيبك من الفئه ديه , روح للفئه الرابعه وهي ب25 نقطه , اذا كده لازم يكون معاك حاجنين منها علشان يكونوا ب50نقطه + 70نقطه بتاعت جواز السفر وكده يكون عديت ال100 نقطه , الفئه الرابعه فيها ايه , اقول لك كارد بنك زي الفيزا (25 نقطه) اللي عملتها ورخصه قياده دوليه (25نقطه) , طيب انت معاك رخصه مصريه ,تعمل ايه , روح للاداره العامه للمرور عند جامع رابعه وروح قول انا عاوز شهاده تحريات للرخصه الدوليه , اتاخذها ببلاش وانت واقف , بعد كده روح لنادي السيارات اللي في وسط البلد في شارع قصر النيل واديهم شهاده التحريات +صوره من الرخصه بتاعتك وادفع 40 جنيه واتسلتم الرخصه بعد ساعه , وخليهم يكتب اسمك بالانجليزي بالضبط حرف حرف زي اللي انت مسجله في جواز السفر وشهاده التخرج بتاعتك . اوعي اوعي اوعي يكون اي حرف من اسمك في الاوراق اللي تقدمها متغير ولو حرف واحد, طيب افرض انت مش معاك رخصه تعمل ايه , في الفئه الرابعه ايضا ممكن تسجيل مزاوله المهنه ب25 نقطه , بس يكون مترجم , علي فكره فيه حاجات كتير في الفئات الاربعه , بس هم مش بيقبلوا من غير الاسترالين غير ده فقط وممكن انت تتاكد وترسل ليهم وتسالهم,

ما هي اهم الاخطاء في الحاجات اللي انا قلتها وحصلت لي ؟
علي فكره عند حصول خطا ,لازم تدفع تمن غلطك وهو 110 دولار استرالي , وده اللي حصل معاي.

بعد كده اتروح الصفحه الاخيره وهي بتاعت الدفع , والدفع عن طريق اما ماستر كارد او فيزا فقط والرسوم 110 دولار استرالي ( الدولار النهارده ب3.65 جنيه مصري ) بعد ما يتم الدفع عن طريق النت , اتوصلك رساله في ايميلك وهي applicationبالاضافه لورق فيه الحاجات اللي مطلوبه منك توثقها من السفاره , الورق ايه هو , يعني انت مثلا اخترت جواز السفر , والرخصه وكارد بنك لاثبات الشخصيه, الورق ده مطلوب منك توثقه من السفاره , ازاي , اصبر .
وتلاقي ايه تاني في الورق , اتلاقي ورقه عباره عن تصريح منك علشان المجلس الطبي الاسترالي يرسل شهادتك الي امريكا الي اتحاد كليات الطب العالميه علشان يتاكد من ان كليتك معترف بيها وعلي فكره الزقازيق وكل كليات طب مصر معترف بها , ومعني ان كليتك معترف بها , مش شرط علشان تمارس المهنه في استراليا , لا هم عاوزين يتاكدوا من كليتك دراستها محترمه شويه,
كده خلصنا مرحله التسجيل عن طريق النت , وده ثلث الطريق
بعد ما تسجل في الموقع , اتجي رساله ليك في ايميلك , عباره عن ملف pdf يتكون من 4 ورقات , الورقه الاولي عباره عن رقمك في المجلس الطبي الاسترالي وبياناتك اللي انت سجلتها والاوراق المطلوبه منك توثقيها في السفاره وعنوانهم اللي اترسل الورق عليه سواء ارسلته ببريد عادي, وعنوان اخر لو ارسلته ببريد خاص زي ارامكس,
الورقه التانيه فيها تكتب فيها اسمك وبيانات لك, الورق التالته وهي المهم عباره عن توكيل او تصريح منك ليهم علشان يرسلوا شهادتك لامريكا علشان يتاكدوا من كليتك معترف بيها ولا ( اشرح كل حاجه بالتفصيل) الورقه الرابعه للضرايب وديه تحتفظ بيها عندك او ترسلها مش مهم . وفوق ده كله مطلوب منك ترسل 4 صوره موثقين , انا ارسلت 6 احتياطي. خلي بالك كل ورقه ترسلها او صوره لازم تكون موثقه.





الورقه الاولي :
فيها اسمك اللي انت سجلته وكليتك وسنه تخرجك ورقمك في المجلس الطبي (تحفظه) وفيه الحاجات المطلوبه منك ترسله وتكون موثقه وهي شهادة التخرج (وهي لازم تكون باللغه العربيه ومرفق ترجمه ليها من مكتب ترجمه معتمد ليهم, مش تذاكي وتخلي كليتك طلع شهادتك بالانجليزي ,هم عاوزين الشهاده الي كليتك بطلعها سواء بالعربي او الهندي ولو فيه ترجمه مش يكون من كليتك , يكون من مكتب ترجمه محايد ), والحاجات اللي انت اخترتها علشان اثبات الشخصيه وهي جواز السفر ( بالنسبه لجواز السفر تصور كل صفحتين مع في ورق واحده ( مش وش وظهر )وهم كالاتي الصفحات 2 و3 مع بعضهم في ورقه واحده والصفحات 4 و5 مع بعضهم في ورقه واحده والصفحات 6 و7 مع بعضهم في ورقه واحده , طيب حد يسال ليه ده كله , الصفحات 2 و3 فيها بيانات الجوزار وتاريخ صدوره وانتهاءه , 4 و5 فيه اسمك بالانجليزي والعربي وتاريخ ميلاده وعنوانك وصورتك , الصفحه 7 ليه لان فيها حاجه اسمها توقيع حامل الجواز وديه سيادت لازم توقع في الجواز في الحته ديه ليه لانك في الورقه الثالثه فيها خانه لتوقيعك ولازم يكونوا زي بعض. ده بالنسبه للجواز ) اثبات الشخصيه التاني فيه ناس اختارت الايلتس وده ب 40نقطه تاخذ صوره من النتيجه وتوثقها وفيه ناس اختارت زي الرخصه الدوليه (25نقطه) وبطاقه البنك (25 نقطه) , بالنسبه للرخصه الدوليه تصور الصفحه اللي فيها بياناتك وصورتك بالانجليزي والصفحه اللي فيها اسم الرخصه ونادي السيارات وديه بالفرنساوي والانجليزي, وبالنسبه ل بطاقه البنك تروح تصور وش البطاقه اللي فيها اسمك بالانجليزي وظهر البطاقه علي نورقه واحده مع بعض , يعني الوش فوق والظهر تحتها,
ومطلوب منط تاني 4 صور حديثه مش يكون مر عليها اكتر من سنه وموثقه من السفاره , لما تروح تصور خليهم في ستوديو التصوير يضعه تاريخ علي الصوره , انا ارسلت 6 صور.
ده الورقه الاولي , اما الورقه التانيه فيها بيانات تسجلها وهي اسمك الاول والاوسط واسم العائله وتاريخ ميلادك , كلام كله سهل وواضح ,
الورث التاله و هي بتاعت التوكيل , وفيها توقيعك , نظامها ازاي , اتاخذها معك السفاره ومش تكتب فيها اي حاجه , اتعطيها ليهم وهم ايكملوا بياناتها ويخلوك توقع امامهم ولازم لازم يكون توقيعك زي الجواز , الورقه الرابعه مكتوب عليها للاغراض الضريبيه , صراحتها ابا بعتها تاني ليهم,
ده الحاجات المطلوبه منك اتروح بيها للسفاره في مركز التجاره العالمي الدور 12 يوميا من الساعه 9 الي الساعه 10.30 صباحا فقط وتوثق , كل التوثيق مجانا , بس خذ بالك لو ورقك 10 ورقات او زاد مش اتاخذ الورق في نفس اليوم , اتدفع حوالي 40 جنيه لشركه TNTوهي اترسله ليك بعد يوم , يومين , اسبوع انت وحظك , وفرع الشركه ده اتلاقيه موجود في السفاره,
بعد ك
ه سيادت عاوز ترسل الورق استراليا , عندك شركات شحن زي fedex < dhl > aramex كلهم باسعار حوالي 300 جنيه تقريبا ويوصلوا في 3 ايام , المبلغ كبير , تعمل ايه , اعمل زي , بعد ما تخلص السفاره روح البريد المصري الفرع الرئيسي اللي في العتبه ,تدخل القاعه وترسله , فيه نوعين من البريد سريع وده ب140 جنيه وايوصلك بعد 3 ايام , وفيه بريد مسجل , روح البريد المسجل , وده ايوصل بعد 8 الي 10 ايام ومضمون , بكم , 25 جنيه بس , يا بلاش , ربنا يخلينا الدعم.


روابط مفيدة :
http://www.egyptiantalks.org/invb/?showtopic=55413






إقرأ ايضاً - طلب حذف عضوية
- استفسار بخصوص ادسنس ووضع الاعلانات في المنتدي
- الشيخ مسعد انور يتحدث عن حازم ابو اسماعيل فانظروا ماذا قال
- ماذا لو لم يفز حازم صلاح ابو اسماعيل برئاسة مصر
- مشكلة النشر الجانبي وصعوبة قراءة المواضيع

المقال "المعادلة الاسترالية للاطباء amc بالتفصيل الطب في استراليا" من كتابة: Google Plus   بتاريخ : بتوقيت القاهرة
عاجل
مميز
 ›  كيف ترى طلب الصداقة الذي قمت بإرساله على الفيس بوك
 ›  اغرب واجمل تسريحات للشعر ظهرت في 2014
 ›  صور تجسد الرحمة والرأفة لبعض البشر
 ›  شاهد حيلة تقطيع الموز إلى شرائح دون تقشيره

 ›  بالفيديو: شبح يظهر فى مباراة كرة قدم

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

abdobasha
لما انت تروح السفاره الاستراليه وعاوز توثق ورق , مثلا ورقتين او تلاته , اتوثقهم وانت واقف , طيب لو عشر ورقات او اكتر , في السفاره ايقولوا لك اترك الورق واحنا انوثقه وانبعته لك عن طريق شركه TNT وديه موجود ليه فرع في قاعه الاستقبال اللي في السفاره وتدفع رسوم الشحن ده حوالي 40 جنيه ويرسلوه لحد بيتك بعد يوم يومين تلاته انت وحظك( انا قابلت هناك مهندس في السفاره قال لي ان ورقه وصل بعد 2 اسبوع , والله هو اللي قالي).
بعد كده لما توثق ورقك انت مفروض ترسله استراليا , وده اما عن طريق شركات شحن خاصه زي fedex dhl aramex وديه اسعاره تتراوح بين 250 جنيه و 350جنيه وده بيوصل في 3 ايام وممكن تعرف المجلس الطبي استلمه ولا لا , وفيه البريد السريع المصري وده ب150 جنيه ويوصل في 3 ايام ايضا بس عيبه انك مش تقدر تعرف المجلس الطبي استلمه ولا لا , غير لما المجلس الطبي يرسل ليك رساله يقولك انه استلم ,
وفيه البريد المسجل تبع الربيد المصري وده ايصل في 8 الي 10ايام ومضمون ميه ميه وب 25 جنيه



بالنسبة لرخصة القيادة الرخصه المطلوبه منك هي الدوليه , وده اللي طلبوه مني من ان انا قلت ليهم ان معايا رخصه مصريه , هم ردوا علي ان رخصتك المصريه بلغتك العربيه واحنا عاوزين رخصه انجليزيه وديه موجود في الرخصه الدوليه, هم كل اللي عاوزينه يتاكدوا من شخصيتك فقط, وعلي فكره لما تطلع الرخصه الدوليه اتلاقي البلاد المعترف بيها منها استرالياه وامريكا وكندا وانجلترا وفرنسا , يعني انت لو سافرت هذه الدول ممكن تقود سياره برخصتك الدوليه وده اللي اتلاقيه مكتوب فيها,
بالنسبه للايلتس اللي مطلوب منك 7 درجات بس نصيحتيي مش تدخل الايلتس لانه رخم جدا , فيه امتحان اسهل بكتير بس مشكلته ان مكلف , يعني بحوالي 3500 جنيه مصري وهو امتحان oet , وبالنسبه للورق اللي اتبعته كلها صور وده اللي اتلاقيه مكتوب في الاربع ورقات اللي ايرسلوها ليك, ومفيش علي فكره قوايم انتظار في الفرست , قوايم الانتظار في العملي لحالات معينه,
ملحوظه هامه جدا جدا جدا محدش سال فيها , بس انا اقولها,
هل ينفع شهاده التخرج بتاعتك اللي انت خدتها من الكليه وتعينت بيها؟
الجواب : ينفع ومش ينفع , ازاي؟
انت لما ترسل شهادتك الاصليه اللي هي المؤقته اترسلها ومعاها ترجمه ليها من مكتب ترجمه معتمد ومحايد,طيب الشهاده مكتوب انها مؤقته ومكتب الترجمه ايترجمها انها مؤقته, وانت اترسل الورق ده , هم ايردوا عليك ايقولوا ليك ان شهادتك بعتوها امريكا , وانت اصبحت مؤهل للامتحان , بس ايقولوا ليك انك نتيجه امتحان mcq بتاعك ايحجب لحد ما ترسل لينا شهاده التخرج النهائيه , قصدهم الكرتون.


روابط مفيدة
http://www.egymedicine.net/forums/sh...ad.php?t=31292
Dr.Mohamed Ghallab
السلام عليكم ورحمة الله
اولا احب اشكرك ياعبدة باشا على الموضوع .. وعلى حرصك على اخواتك ...
ثانيا احب استفسر منك على حاجة..

انت سبق وذكرت ان ممكن معادلة المعادلة الامريكية بنظيرتها الاسترالية ...
طيب لو كنت واخد الجزء الاول والجزء التانى فى المعادلة الامريكية اللى امتحانهم فى مصر من غير امتحان الكلينيكال اللى فى امريكا
هل كدة دة هيفرق معايا..
ولا لازم اخلص كل المعادلة ؟؟
واية هى ظروف الشغل هناك ؟؟؟
وهل كل التخصصات متاحة ولا بطنات بس زى امريكا..
وبالنسبة للفلوس ازاى احسن ؟؟

معلش طولت عليك بس انت عارف الواحد مبيصدق يلاقى حد يتكلم معاة...

وشكرا لسعة صدرك ..
dr.hosrom
شكرا عبدة باشا
ونرجو ان تحدثنا عن المزيد ياأخي الفاضل

وشكراااااااااااااااااا
%u0632%u0627%u0626%u0631
ارجو من سعادتك رقم تليفونك الخاص بك للمزيد من الاستفسار
rewey
شكرا جزيلا على هذا التوضيح
يا ريت حد يقولى هل بيجرى فى مصر

amc mcq exam
aladdindeno
طيب بالنسيبه لأطباء الأسنان هيا نفس الخطوات ولى بتختلف أرجوا الإفاده وشكرا



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
موعد مباراة اوزبكستان و استراليا كاس امم اسيا - توقيت مباراة اوزباكستان و استراليا
دورات الطب البديل/دورات الطب التكميلي/دورات الطب النفسي/دورات الطب الرياضي/دورات دبلومات معتمدة عالم
رخصة مزاولة الطب البديل،الطب النفسي،الطب الرياضي،العلاج الطبيعي
دورة في الطب البديل اقوي الدورات في الطب البديل،الطب التكميلي،الاعشاب،الحجامة،الابر الصينية،التغذية
الشهادات المعادلة (الآن نتائج المستنفدين من الشهادات المعادلة) تقليل الاغتراب للمرحلة






الكلمات الدليلية
amc, معادلة, استراليا, استرالية
لا تنسى تسجيل اعجابك

احدث مواضيع المنتدى
جميع الحقوق محفوظة © nmisr.com نجوم مصرية