نجوم مصرية
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


مصر هي امي...ولا بتشتغلني

 

هوه طوارئ
ولا مطارق
شيئ مش فارق
اوعى تكون قاعد متضايق
ظابط جندى
عامل افندى
جه مشى عندى
ضربنى ف ودنى





رحت انا زاعق
قالى طوارئ
اققفل بؤك
لاحسن ازقك
واكسر حٌؤك
قمت سالته
قولى جريمتى
ليه تضربنى
قول اكدلى
انا مسطول
ولا انا فايق
قالى طوارئ
خدنى سحلنى
وغمى عنيه
وراح دخلنى
على المدريه
قلت ارحمنى
وفك اديه
رد شتمنى
وشخط فيه
قلت سعتك
انا مش سارق
قالى طوارئ
فتحم محضر
مكتوب فيه
ان المخبر
شاف بعنيه
ان معايا
نص جنيه
مرسوم فيه صورة حامورابى
على طول شك ان انا ارهابى
وبعد ما فتش جوه جيوبى
اتاكدله ان انا متواطئ
قلتله معناها ايه متواطئ
قالى طوارئ
فك عنيه وبصلى بصه
وراح مدينى شلوط واتوصى
وقال هديلك اخر فرصه
اوعى اشوفك يوم فى مظاهرة
والا هتبقى فضيحتك جرسه
قلت له صادق
قالى طوارئ
فجأه سمعت هيصه وزيطه
وحطوا وشى فوش الحيطه
قالوا الباشا وصل ياحسام
رد يافندم كله تمام
دخل الباشا...
وقالى اتقدم هنا قدام
ايه تهمته دوة يا حسام
قاله ياباشا عامل مقدام
شوفناه ماشى رافع اعلام
قلت ياباشا دى كت شمسيه
كنت شريها لزوجتى هديه
اصلى شافتها فى ايد نبويه
وزجتى سعاتك مخها طاقق
قالى طوارئ
رد وقالى
روح واوعى اشوفك تانى
يالله غور من هنا ف ثوانى
خدتها جرى لحد البيت
مراتى شافيتنى
وهات يا صويت
مش قولتلى راجع ف دقايق
مالك كده راجع متضايق
قلت سبينى انا مش طايق
قالت ابداً
لازم اعرف
ايه اللى شقلبلك حالك
قولت طوارئ
هوه طوارئ






الى قانون الطوارئ
كفايه حرام
جيت م الشغل سته تمام
اتغديت وقلت انام
قمت قابلته فى الاحلام
روحت قايل له
كفايه حرام
ارحل بقى
خلينا ننام
كابسنا.. حابسنا
ديما طابق على نفسنا
خلاص اندسنا
فرقت مابينا وبين ناسنا
سيبنا فحالنا
ده اللى جرالنا
خلانا بنرجع قدام
كفايه حرام
كفايه سجون ومعتقلات
كفايه شجون
كفايه ظلمات
كفايه تعذيب
كفايه ترهيب
دا اللى جه قبلك
ولى ومات
وسبحان من له الدوام
كفايه حرام
غور فى داهيه
الاهى ما ترجع
بسمع سيرتك
بطنى ترجع
وبشوف اسمك
عينى بتدمع
م الخوف ربيتلى الاوهام
كفايه حرام
انت عصايه فى ايد السلطه
من غيرك السلطه فى ورطه
متلخبطه كده زى السلاطه
مع انك ....
انت اكبر غلطه
على كتفك طلع الاقزام
كفايه حرام
بيتحججوا ان انت حامينا
م الارهاب اللى حوالينا
دا انت اللى عامل ارهاب لينا
ومن غيرك هنعيش فى سلام
كفايه حرام
فرحان قوى ليه بالتمديد
دول عاملينك قبضه حديد
بيخاف منها قريب وبعيد
فاكر ان الظلم يفيد ؟
ده الظلم نهايته الاعدام
كفايه حرام
حرام
واحطك فى مكان يستاهلك
وإديك متكتفه ورا ضهرك
تقعد طول الليل ما تنام
من غير محكمه ولا حكام
قلت حرام
حرام
حرام
فجأه لقيت الست بتاعتى
ماسكه الميه وبتشربنى
وبتقولى ديما تتعبنى
كام مرة اقولك تتغطى
وعمرك ما بتسمعلى كلام
قلتلها كفايه حرام
حرام
قالى انا اقدراسجن اهلك
واحطك فى مكان يستاهلك
وإديك متكتفه ورا ضهرك
تقعد طول الليل ما تنام
من غير محكمه ولا حكام
قلت حرام
حرام
حرام
فجأه لقيت الست بتاعتى
ماسكه الميه وبتشربنى
وبتقولى ديما تتعبنى
كام مرة اقولك تتغطى
وعمرك ما بتسمعلى كلام
قلتلها كفايه حرام
حرام
حرام






مصر هى امى

ولا بتشتغلني!!!?

انا ابنها وضناها

ولا ابن بالتبنى!!!?

بتفرق ليه مابينى

وبين اخويا الكبير

وتطلع ليه فى عينى

لجل ما يلبس حرير!!!?

وتقولى اصبر شوية

يا ضنايا يانور عنيا

امى بتضحك عليا

مانا شايف خير كتير

مش لاقى فى بلدى شقة

وامى تقولى الظروف

افطر واتغدى دقة

واللحمة للضيوف

واخويا ابن اللذينا

واخد فيللا فى مارينا

وبسين وكمان جنينة

وانا اسكت غصب عنى

ماهى امى بتشتغلنى

مش لاقى وظيفة ليا

اصرف منها واعيش

ومعنديش محسوبية

بالتالى دخلت جيش

واخويا حظه نار

وبيقبض بالدولار

امى بتديله كوسه
ولابتشتغلنى ؟
وتصدرلى الخيار

مصر هى امى
ولابتشتغلنى ؟





معاك الحق ياصاحبى
تقول وتعيد كمان وكمان
كلام واعِـر جرَح قلبى
وهز شعورى والوجدان
وليه يامصر بعـتـينا ؟
ورَخـَّصتينا فى الأتـمان ؟
وليه سِـبـتـينا لِـلـغـُريَـة؟
وحُضنِـك ليه ماعَـدش أمان ؟
***
زمان كان الأمل موجود
وكان الحُـب ر ِسمالـنا
وكان الخير مالوهش حدود
بـِيـغـمُر كـُلِّ أعمالـنا
وكنتِ انتِ الكَرَم والجود
نـَعِـيمِـك كان بـِيـِحلالـنا
وحَـبل الود كان مَـمدود
بـِيـِربُط كل أجيالـنا
***
وليه سِـبتِى الولاد جاعـوا ؟
وأكـَّلـتِـى الغـَريب خِـيرك
وليه بَعـد الأمل ضاعـوا ؟
ولِـيهُـم بَس مين غِـيرك ؟
ومين هَـتخِـف أوجاعـُه ؟
ومين هَـيطيـب فى تـَقـديرك ؟
إذا شاف الطبـيب باعُـه ؟
وشاهِـد زور فى تـَقريرك ؟!
***
ومات وانتِ ولادريـتى
ولارُحتِـى وعـَزِّيـتيه ،
وبـِعـتِـى الحُب ونسـيتى
وكان عايش وعَـذِّبـتيه
وحَـبـِّك هوَّ وقـسيـتى
بَـناكِى وانتِ هَـدِّمـتـيه
ومات فى الغـُربَة ورضيتى
هَـيـيجى عليكى يوم تِـبكيه
***
بلاد الحُـب فـين راحِـت ؟
وفين راح الأمان ياولاد ؟
وريحة الشر ليـه فاحِـت ؟
وليه الموت بَـقـَى العَـدَّاد ؟
وليه الخـَلق مارتاحِـت ؟
بـِرَغم تاريخنا والأمجاد ؟
شـَباب اليوم خـَلاص تاهِـت
وكـُلِّ الخوف على الأحفاد




وقتلو الشاب خالد
يادوب ف العشرينات
قالو البانجو خنقو
وكدب وارهاصات
ماكنشى غابلو شمس
...لو ابن من الذوات
قتيل الظلم خالد

ملامحو بتحكي لينا
ماجرالو من عذاب
لكمة وشقة جبين
ودموع صبحت سراب
غلط زى نص جيلو
واسمو طيش شباب
ماهوش جبار ومارد

هنا المخبر ده سلطه
وأمين الشرطه بيه
هتبص لفوق قصادو
أفاك تاخد عليه
ده هدر العزة كيف
الهى لجأت ليه
وع الفجار ده شاهد

كلامى سكوت مرير
وقلمى فلق سطورى
ضعيف الحيلة ولا
فسادكو كبت نذورى؟
ماكونشى شطان اصم
وأبكم لو ضرورى
الراحل لو كان خالد
يجيبولو بدل فاقد
الجانى وهو راقد
قتيل الظالم خالد






من موقع الشهيد خالد سعيد

إقرأ ايضاً - مصر هي امي...ولا بتشتغلني
- مين نازل معايا وقفه يوم الجمعة علشان اخونا خالد سعيد
- فئران تجارب
- رساله×زجاجه×البحر
- لو سمحت يا استاذ عبدو باشا





المقال "مصر هي امي...ولا بتشتغلني" من كتابة: بتاريخ : بتوقيت القاهرة
عاجل
مميز
 ›  الفتنة القادمة التي تهدد البلاد
 ›  تعرف على موعد صرف المعاشات التي اهدرت منذ 23 عاما
 ›  اطرف صور لاشخاص مع التماثيل
 ›  بالصور زهور البلابل الرائعة
 ›  تعرف على رأي الشيخ "حسين يعقوب" في حماس
 ›  بالفيديو: هبوط جسم مجهول من السماء يثير الهلع فى ايسلندا

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

امو
الله يرحمه
بس مصر هى امك .. واللى فيها من دمك .. والزمن قادر ينسيك همك
ميرسى ليك
نايس توبيك
ATEER QUEEN
الله بجد موضوع جميل جدا جدا

اللى حصل لخالد ولغيره كتير

عامل حاله غضب لكل المصريين

كل المصريين بقوا خايفين على اولادهم من الحكومه

انا نفسى مش عارفه مصر راحه على فين

يعنى حرام مصر فيها خير كتيييييييييييييييييييير واحنا محرومين منه

ومش شا يفين غير الوش الوحش اللى كله ظلم

الواحد بيتضايق ويتخنق اما يقول على بلده فيها ظلم بس فعلا مصر ظلمت ولادها

فى اكتر من موتهم فى ام يهون عليها ولادها الابرياء تموتهم


بحبك يا مصر كلنا بنحبك
سجده
جميل اوي اوي

بجد كلام جميل جدا وكله صح ودي بقت مصر
معرفش ايه اللى حصل خلى مصر بقت كدا بقى فيها ظلم وغدر وكدب وقتل
لكن هيفضل حبها جوايا مهما حصل

الله يرحمك يا خالد ويجعل مثوانا الجنه ان شاء الله

شكرا ليك ع الكلام الجامد دا



اسم العضو:
سؤال عشوائي يجب الاجابة عليه

الرسالة:


رابط دائم
لا تنسى تسجيل اعجابك

احدث مواضيع المنتدى
جميع الحقوق محفوظة © nmisr.com نجوم مصرية