انا نازل يوم الجمعة متشح بالسواد حداد على اخويا وابن بلدي خالد سعيد

ايوة هنزل ومش هسكت تاني .. هنزل عشان كفاية ظلم وجهل وسلبية

هنزل عشان اشارك مع مئات زيي في التغيير

عشان كفااية شعارات وتنديد

عشان اتكلم وانا راسي مرفوع

عشان الصمت والسكوت هما اللي ملوا مننا وقرروا انهم يتكلموا

هنزل عشان ابن بلدي اللي اتضرب واتهان واتعذب واتقتل لمجرد..

لمجرد اانه رفع راسه وقال لا

وحاول يكشف قضية فساد للضباط اللى المفروض انهم يحمونا من الجرايم والمخدرات

لا هم اللي بيوزعوها .. !!

خالد مات عشاني وعشانك وعشاان كل المصريين

ماات وهو بيحاول يعلمنا نصرخ بكلمة دايما كنا بنقولها لوحدينا في الضلمة في سرنا

انا خلاص اتعلمت الكلمة ومش هخاف اقولها

دمك مش هيروح .. انت مش رخيص .. وحقك .. ارتاح واحنا هنجبهولك هنجبهولك

انا هنزل يوم الجمعة الكورنيش مع غيري كتير ستة ونص

والشمس لونها بيحمر وبتبكي عليك

هندعيلك كلنا والنيل شاهد علينا وسامع دعانا وقرآننا

وهسمعه بيردد ورانا في خشوع

هتفضل خالد في قلوبنا واذهاننا

واقسم بربي مش هننسى دمك

صحيح هنقف وقفة صامتة .. بس تحمل ابلغ المعاني

انت اللي جمعتنا .. من بعد كده .. خلاص سهل اننا نتوحد ونتجمع كلنا

ها .. لسه ساكتين ؟!

كفيانا بقي ذل كفايانا انكسار وخوف

خلاص علمونا نخاف

30 سنه قانون طوارئ

30 سنه خوف ورعب

عمرنا ما كنا كده

خلاص انا مبقتش اخاف ومش هخاف تاني

انا نازل وقفه الجمعه بعد بكره

مش علشان الشهيد خالد بس

علشان نعرفهم اننا بقينا فاهمين

عارفين فين حقوقنا

واننا مش هنسكت تاني خلاص

البلد دي بلدنا ولازم يبقالنا صوت

انا نازل الوقفه الصامته من6.30 بالليل ان شاء الله

مين هينزل معايا

بجد حاجه كويسه جدا

وجزاك الله خيرا

حسبنا الله ونعم الوكيل
ربنا ينتقم منهم

انا نازله للمره التانيه ان شاء الله

وهنزل باذن الله كل ميكون في وقفه صامته

احنا هننزل مش بس علشان خالد ..احنا هننزل عشان مصر

خلاص الخوف من الحكومه اتكسر .. ولازم التغيير يحصل

لان دى بلدنا مش بلدهم

دى حاجة بجد كويسة اوى منك
وربنا يرحمه ان شا الله
وياخد الظالم بقى لاننا زهقنا اوى

ان شاء الله هحاول انزل
ولو منزلتش هعد اقرى قرآن
وادعيله وادعى لكل اللى اتعذب ومات
فى البلد دى
ربنا يوفقنا فى الوقفة دى
شكرا جدا على الموضوع

بجد شكراا ليكم

شكراا لكل الي قال انا نازل

انا شوفت كميه ناس سلبيين لما كنت هموت نفسي النهارده

ربنا يهديهم

ان شاء الله الوقفه بكره 6.30 ان شاء الله

في كل مصر

كل واحد يقدر يتصل بحد ياريت


http://www.facebook.com/event.php?ei...581280&index=1


هنا الاماكن في كل المحافظات

الي هتعلن النهارده الساعه 9


شكراا ليكم

ياريتنى كنت في مصر كنت نزلت معاكم

الله يرحمو

وجزاكم الله كل الخير

وربنا ينصر المظلوم ولو بعد حين

السلام عليكم

اماكن الوقفات في معظم المحافظات

هنا

http://www.facebook.com/note.php?not...42745079072654

لو سمحتو التزمو بالتعليمات دي