نجوم مصرية
منتديات نجوم مصرية المنتدى العام منتدى الحوار العام



تابع نجوم مصرية على أخبار جوجل




التكافؤ العلمي بين الزوجين كفة تعادلها الحب....!!

 


السلام عليكم ورحمة الله وبركاته
انتشر فى مجتمعنا الشرقى وفى الاونه الاخير على وجهه الخصوص..
ان الرجل لايجب ان يتزوج الا من فتاه تكون بنفس المستوى التعليمى له..
وطبعا البنات نفس الشئ بيقولوا اهم شئ التكافؤ العلمى لااستمرار الحياة والقدره على تفاهم الطرفين..
الا اننى ارجع كفة الانسجام الروحى الذى يقطع كل الطرق ويقرب ابعد المسافات لان كل واحد من هؤلاء يحاول التقرب من الاخر ..
وهذا يحتاج ذكاء من الطرفين وهناك العديد من الزوجات التى اثبتت نجاحها على الرغم من عدم وجود تكافؤ علمى..
ومن خلال تجربتى فى الحياه ان الرجل يبحث عن..
الجميله لتكون حبيبته..
المثقفه لتكون صديقته..
والحنونه لتكون زميلتها..
والبسيطه لتكون زوجته ..
ولا اعتقد ان الفوارق العلميه تشكل عقبه فى اختيار شريك الحياه الا فى رأى من يقول انا مثقف انا متعلم انا مؤهلى عالى وانا وانا وانا ...؟
تابع نجوم مصرية على أخبار جوجل



واحب ان اوضح انه لايجب النظر الى للرجل الشرقى من منظور واحد ولا اعتقد ان التكافؤ العلمى شرط لحياة زوجية سعيده..
ولكن اهم شئ هو نظره الرجل للمرأه ونظره المرأه للرجل من منظور دينى واول ما يسأل عنه هل هى او هو ملتزم وصالح ومحافظ على الصلاه واخلاقه كل هذا هو الاسس التى يبنى عليها الزواج الناجح ..
وكم من رجل متعلم ومثقف تزوج من فتاه لاتجيد القرأه والكتابه الا قليل جداا.. ولكنها تكون دعمه قويه لزوجها فى حياته ونجاحه فى عمله وتنشئ وتربى جيلا يفتخر به فى المستقبل ..
قال رسول الله صلى الله عليه وسلم .. تنكح المرأة لمالها وجمالها وحسبها ودينها
فأظفر بذات الدين تربت يداك ..

ومن المنطق يتبن لنا ان الزواج الناجح لايقوم الا على اساس الدين والتفاهم والموده والرحمه ..
والمتعلم صاحب كلمه انا وانـــــــــا وما اكثرهم هذه الايام وان لم تقال بشكل صريح ..فهل الرجل والمرأه يريدون الزواج من نفس مستوى التعليم من اجل التفاخر بين الناس او اننا نتفاخر امام اصدقائنا واقاربنا نقول زوجى /زوجتى مثقفه ومعها مؤهل كذا ..؟
ولكن
ايهما نفضل الزواج من متعلم/متعلمه غير متدينه او غير متدين ..؟
ام المتدين/المتدينه التى ترعى شؤن بيته واولاده واذا مارجع من عمله وجد صدر حنونا وابتسامه جميله وزوجه رقيقه فى انتظاره ..
وخير شئ اختم به كلامى وهو .
لم تخلق حواء من قدم ادم حتى يدوسها..
ولم تخلق من رأسه حتى تتكبر عليه ..
وانما خلقت من ضلعه حتى يكون حنون عليها ..
والخلاصه فى كلامى
يجب على الزوجين ان ينظر للعلاقه الزوجيه من خلال منظور دينى وليس من منظور دنيوى ..


تحيـــ سفير الاحترام ـــاتى






المقال "التكافؤ العلمي بين الزوجين كفة تعادلها الحب....!!" نشر بواسطة: بتاريخ:
moustafa capo
الموضووووووووع جميل جدا
دعنا نفسرها خطوة خطوة
لم يترك الدين شئ الا وضحه حتي لو سيحدث بعد الف سنة
؟؟؟؟؟؟؟؟؟؟؟؟؟؟؟؟؟؟
وانت ذكرت حديث للنبي صلوات ربي عليه وسلم
اذن الدين يحث علي الفووووز بذات الدين وهي المكسب الحقيقي
ان نظرت لها سرتك
هي مستودع همومك واسرارك واحزاانك
هي من تحمل اسمك وشرفك بحضورك وغيابك
ول يتطرق الحديث في نهايته
للطبية او المهندسة او خريجة ال auc

ومع ذلك نحن خلفنا كل هذااااااا
واصبحنا نبحث ع اشياء أخري زائلة وتركنا الجوهر لم يتسائل احدنا لماذا فضل الاسلام ذات الدين لان الحسب والمال والجمااااال زائل

عموما ان شخصياااااا
لن تفرق معي مسألة المؤهل اطلااااااقا
طالما هناااااااك اصل طيب
زوجة تحافظ عليا وعلي ابنائي
شكـــــرا للموضوع المتميز يا سفير



اميرة رومانسية
طبعا انت عندك حق وكلامك مقنع جدا
بس التكافؤ بردو لازم يكون موجود فى الزواج علشان يستمر
وعلشان تكون الحياة مشتركة والاهتمامات مشتركة وفى حاجة بتجمع بينهم
التكافؤ طبعا بيكون فى كل حاجة
فى السن والمستوى الاجتماعى والمادى
بس مش شرط مثلا انه يكون بنفس الدرجة بالظبط
يعنى ممكن البنت تكون اقل من الولد لكن مش العكس
لان البنت دايما لازم مستواها يعلى عند الجواز مش يقل
لكن الرجل مهما كان فى حب بينه وبين زوجته الا ان لو فى فرق فى اى مستوى
بينهم فده بيكون ليه تاثير سلبى جدا على علاقتهم
وممكن ياخد اى شىء بحساسية شديدة ويفسر اى كلمة او تصرف من الزوجة تفسير غلط لشعوره الداخلى والدائم انه اقل منها فى حاجة
طبعا لو الموضوع على قد التعليم وبس فده ممكن يتغاضى عنه لو الرجل دة عنده شخصية قوية وعقل ناضج وواعى وهو مايكتسبه من واقع الحياه ومروره بتجاربها مما يكسبه خبرات تدعم شخصيته للافضل وده طبعا مش سهل لان فى كتير متعلمين ولكنهم لايفقهون فى الحياه الا القليل
بس بردو مايكونش المستوى التعليمى هذا منعدم او قليل جدا بالنسبة للزوجة
يعنى مثلا ممكن تكون هى خريجة كليه من كليات القمة وهو كليه عادية نظريه
او مثلا دبلوم وهى ليسانس عادى
لكن لو اقل من كدا اعتقد الموضوع هيكون صعب شوية
وحتى لو الرجل دة مثقف فاكيد هيحس بنقص داخله حتى ولن لم يظهر هذا
اما بالنسبة للمعاملة بين الزوجين وان الزوجة تكون رقيقة حنونة بسيطة وفى انتظار زوجها دائما
فده مالوش اى علاقة بالتعليم او غيره لكنه بيكون علاقته قوية جدا بالتربية والنشئة والشخصية وطباعها
وياما فى زوجات تخلوا عن اعلى المناصب من اجل زوجها ودون ان يطلب هو هذا
ولكن حبها له واهتماما به وحرصا على راحته ولعلمها بان هذا مايوصى به ديننا ورسولنا صلى الله عليه وسلم
توبيك هايل سفير الاحترام
تقبل مرورى واسفى للاطالة
ولك تحياتى
moustafa capo
لي اضاااااااافة صغيرة

نسبة كبيرة في هذا الوقت
من الامهاااااات المصرية تعليمها عاااادي ومتوسط
ولكنهم امهااااات وزوجاااااات بمعني الكلمة وده رااجع في الاصل لتربيتهم
وده موجوود وانا شخصي رايت منه امثلة كثيرة جداااااااااااا

عمري ما شفت الزوج المتعلم بقي تعالي او
عاير زوجته

الاصل الطيب والتربية السليمة هي الاسااااااس
بس بقي الزمن اتغيير والمرأة اصبحت الان تبحث عن دور الند للرجل
ونسيت انه الرجل شئ وهي شئ
مكمل كلا منهم الاخر
مش هانحط الشهاااااادتين علي بعض
نجيب بيهم التمووووووووين
سجده
انت عندق حق وكلامك جميل ومعقول وكويس وكل حاجه

لكن التكافؤ احسن وافضل
قولي بقى من ناحية ايه
اقولك انا قصدي ان كلما كان مستوي الفكر واحد كلما كان افضل واحسن وارقى في التعامل بين الزوجين
وخصوصا ان الحب غاب في زمننا دا وبقى جواز العقل هو اللي ماشي

يعني مثلا النجار مينفعش يتجوز دكتوره
لان هي ليها تفكير واسلوب وهو ليه تفكير واسلوب خاص بيه
هي هتتكلم عن المرضي والتحاليل والعلاج
وهو هيتكلم عن المسامير والخشب
فالمستوي التفكير عندهم مش واحد
لكن عادي جدا لو الدكتوره اتجوزت دكتور او اي بكالريوس تاني مثلا تجاره
فهيكون مستوي الفكر عندهم متناسب مع بعضه شويه
وهيفهموا بعض اكتر من النجار والحياه هتبقى احسن

دا رايي
واسفه على الاطاله
ويارب تكون فهمت قصدي وقصد اسينات وغيرنا كتير في موضوع بتاع فلسطينيه
سفير الاحترام
الموضووووووووع جميل جدا

دعنا نفسرها خطوة خطوة
لم يترك الدين شئ الا وضحه حتي لو سيحدث بعد الف سنة
؟؟؟؟؟؟؟؟؟؟؟؟؟؟؟؟؟؟
وانت ذكرت حديث للنبي صلوات ربي عليه وسلم
اذن الدين يحث علي الفووووز بذات الدين وهي المكسب الحقيقي
ان نظرت لها سرتك
هي مستودع همومك واسرارك واحزاانك
هي من تحمل اسمك وشرفك بحضورك وغيابك
ول يتطرق الحديث في نهايته
للطبية او المهندسة او خريجة ال auc

ومع ذلك نحن خلفنا كل هذااااااا
واصبحنا نبحث ع اشياء أخري زائلة وتركنا الجوهر لم يتسائل احدنا لماذا فضل الاسلام ذات الدين لان الحسب والمال والجمااااال زائل

عموما ان شخصياااااا
لن تفرق معي مسألة المؤهل اطلااااااقا
طالما هناااااااك اصل طيب
زوجة تحافظ عليا وعلي ابنائي
شكـــــرا للموضوع المتميز يا سفير



مفيش كلام بعد كلامك ياكابو
انت وضحت كل شئ وتكلمت عن الزوجه التى يتمناها الرجل وانا كمان متفق معك فى كل كلمه..
نورتنى ونورت الموضوع يادرش
وشكراااا لمرورك الرائع
سفير الاحترام
طبعا انت عندك حق وكلامك مقنع جدا

بس التكافؤ بردو لازم يكون موجود فى الزواج علشان يستمر
وعلشان تكون الحياة مشتركة والاهتمامات مشتركة وفى حاجة بتجمع بينهم
التكافؤ طبعا بيكون فى كل حاجة
فى السن والمستوى الاجتماعى والمادى
بس مش شرط مثلا انه يكون بنفس الدرجة بالظبط
يعنى ممكن البنت تكون اقل من الولد لكن مش العكس
لان البنت دايما لازم مستواها يعلى عند الجواز مش يقل
لكن الرجل مهما كان فى حب بينه وبين زوجته الا ان لو فى فرق فى اى مستوى
بينهم فده بيكون ليه تاثير سلبى جدا على علاقتهم
وممكن ياخد اى شىء بحساسية شديدة ويفسر اى كلمة او تصرف من الزوجة تفسير غلط لشعوره الداخلى والدائم انه اقل منها فى حاجة
طبعا لو الموضوع على قد التعليم وبس فده ممكن يتغاضى عنه لو الرجل دة عنده شخصية قوية وعقل ناضج وواعى وهو مايكتسبه من واقع الحياه ومروره بتجاربها مما يكسبه خبرات تدعم شخصيته للافضل وده طبعا مش سهل لان فى كتير متعلمين ولكنهم لايفقهون فى الحياه الا القليل
بس بردو مايكونش المستوى التعليمى هذا منعدم او قليل جدا بالنسبة للزوجة
يعنى مثلا ممكن تكون هى خريجة كليه من كليات القمة وهو كليه عادية نظريه
او مثلا دبلوم وهى ليسانس عادى
لكن لو اقل من كدا اعتقد الموضوع هيكون صعب شوية
وحتى لو الرجل دة مثقف فاكيد هيحس بنقص داخله حتى ولن لم يظهر هذا
اما بالنسبة للمعاملة بين الزوجين وان الزوجة تكون رقيقة حنونة بسيطة وفى انتظار زوجها دائما
فده مالوش اى علاقة بالتعليم او غيره لكنه بيكون علاقته قوية جدا بالتربية والنشئة والشخصية وطباعها
وياما فى زوجات تخلوا عن اعلى المناصب من اجل زوجها ودون ان يطلب هو هذا
ولكن حبها له واهتماما به وحرصا على راحته ولعلمها بان هذا مايوصى به ديننا ورسولنا صلى الله عليه وسلم
توبيك هايل سفير الاحترام
تقبل مرورى واسفى للاطالة

ولك تحياتى




نورتى الموضوع يا اميرة وطبعا بحترم رأيك
وشكرااا لمرورك الرائع
سفير الاحترام
لي اضاااااااافة صغيرة


نسبة كبيرة في هذا الوقت
من الامهاااااات المصرية تعليمها عاااادي ومتوسط
ولكنهم امهااااات وزوجاااااات بمعني الكلمة وده رااجع في الاصل لتربيتهم
وده موجوود وانا شخصي رايت منه امثلة كثيرة جداااااااااااا

عمري ما شفت الزوج المتعلم بقي تعالي او
عاير زوجته

الاصل الطيب والتربية السليمة هي الاسااااااس
بس بقي الزمن اتغيير والمرأة اصبحت الان تبحث عن دور الند للرجل
ونسيت انه الرجل شئ وهي شئ
مكمل كلا منهم الاخر
مش هانحط الشهاااااادتين علي بعض
نجيب بيهم التمووووووووين


نعمل ايه يادرش دلوقتى خلاص العصر اللى بتحكى عنه انتهى وزمن الامهات الطيبه وستات البيوت انتهى خلاص دلوقتى مش بنعترف غير بالشهادات والمؤهلات ولازم البنت تتزوج واحد عشان تتباهى وتتفاخر بيه امام اصحابها واقاربها ...
وشكرااا لمرورك مرة اخرى
الموضوع نور بمشاركتك يادرش
سفير الاحترام
انت عندق حق وكلامك جميل ومعقول وكويس وكل حاجه

لكن التكافؤ احسن وافضل
قولي بقى من ناحية ايه
اقولك انا قصدي ان كلما كان مستوي الفكر واحد كلما كان افضل واحسن وارقى في التعامل بين الزوجين
وخصوصا ان الحب غاب في زمننا دا وبقى جواز العقل هو اللي ماشي

يعني مثلا النجار مينفعش يتجوز دكتوره
لان هي ليها تفكير واسلوب وهو ليه تفكير واسلوب خاص بيه
هي هتتكلم عن المرضي والتحاليل والعلاج
وهو هيتكلم عن المسامير والخشب
فالمستوي التفكير عندهم مش واحد
لكن عادي جدا لو الدكتوره اتجوزت دكتور او اي بكالريوس تاني مثلا تجاره
فهيكون مستوي الفكر عندهم متناسب مع بعضه شويه
وهيفهموا بعض اكتر من النجار والحياه هتبقى احسن

دا رايي
واسفه على الاطاله
ويارب تكون فهمت قصدي وقصد اسينات وغيرنا كتير في موضوع بتاع فلسطينيه



المشكله اننا عارفين ان الكلام صح ومعقول لاكن نقدر نعمل به لالالالالالا طبعا.
واكيد انا بحترم رأيكم وكل راجل وبنت من حقهم يختاروا شريك العمر المناسب.
وللمره المليون الشئ ده والتفرقه دى مش موجود غير فى مصر ..
وشكرااا لمرورك
سجده
دي مش تفرقه خالص
الصنايعي دا شئ محترم وكويس جدا
ينفع يرتبط باي انسانه طبعا
لكن مش هيبقى فيه بينهم تكافؤ في التفكير
جرب كدا وشوف اي صانيعي مرتبط بواحده متعلمه تعليم عالى
هي هتوافق عليه لكن ارتباطهم مش هيكمل لعدم المساواه في التفكير ومستوى الذكماء بس
مش علشان حاجه تانيه
واظن انا شرحت ليه في ردي الاول

دا مش تكبر خالص دا راي المنطق والعقل
بس كدا
ومفيش حاجه مستحيله
ممكن ينفع احيانا لكن ههيبقى فيه تضحيه جامده من الطرفين

بس كدا
امو
انا عن نفسى شوفت نماذج فاشلة للزواج اللى من النوع ده
ويعتبر هى تعليم عالى وهو صنايعى و مؤهل متوسط يعنى متعلم برده مش جاهل
لكن مع الاسف ماكانش فى اى توافق
و النهاية هى الطلاق
انا مش بقول كده لانى ضد الموضوع
لكن حل الموضوع فى اننا نتعامل مع الجوهر مش المظهر

والاهم ان كل شخص يحترم راى الاخر
وكل واحد يعرف واجباته قبل حقوقه
واذا نفذها على اكمل وجه اكيد هياخد حقوقه قبل ما يطلبها
ثانكس
نايس توبيك
أميرة الورد
موضوعك جاااامد جداااااااااا

وانت طبعا عارف رايي

مش هضيف عليه غير ربنا يهدى الناس


وتحياتى لرجاحة عقلك ولقلمك المميز:d
سفير الاحترام
دي مش تفرقه خالص
الصنايعي دا شئ محترم وكويس جدا
ينفع يرتبط باي انسانه طبعا
لكن مش هيبقى فيه بينهم تكافؤ في التفكير
جرب كدا وشوف اي صانيعي مرتبط بواحده متعلمه تعليم عالى
هي هتوافق عليه لكن ارتباطهم مش هيكمل لعدم المساواه في التفكير ومستوى الذكماء بس
مش علشان حاجه تانيه
واظن انا شرحت ليه في ردي الاول

دا مش تكبر خالص دا راي المنطق والعقل
بس كدا
ومفيش حاجه مستحيله
ممكن ينفع احيانا لكن ههيبقى فيه تضحيه جامده من الطرفين

بس كدا



طبعا رأيك وبحترمه
وعلى فكره انا مش محتاج اجرب لانى بعرف كتير متل كده..
1/ بنت تزوجت نجار صاحب محل نجاره وهى كانت لسه بتدرس فى كليه طب وكملت دراستها وانجبوا طفلين ذى القمر وعايشين حياة كلها سعاده لانها لما ترجع من الشغل مش بتفكر انها دكتوره بل انها ست بيت ومسؤله عن بيت واولاد ...
2/ بنت حياليا بتدرس فى علوم ومخطوبه لشاب كان زميله فى الثانويه بس حصلت له ظروف وما قدر يكمل دراسته وهى تفوقه فى المستوى العلمى والمادى ومع ذلك فرحهم بعيد عيد رمضان ...
3/رجل بيشتغل فى الهيئه الدبلوماسيه طلق مراته صاحبة المؤهل العالى وتزوج من بنت حاصله على الثانويه فقط ..
وبعرف كتير تانى وبس مش عايز اطول فى الكلام وكلهم عايشين حياة مفيش بعدها لانها على مبدأ اذا جائكم من ترضون دينه وليس ترضون مؤهله او مؤهلها..
بس للاسف كل الحلات اللى ذكرتهم مفيش منهم اى حاله فى مصر...
وكمان انا عايز اعمل خير معكم لانكم بعرف انكم الحين فى وقت قوه وصلابه اما بعد بعد سن الثلاثين هتقولوا اى واحد ومش مهم بيشتغل ايه وهكون خدامه تحت رجليه حتى لو ماعنده غير اوضه على السطوح وهعيش معهاه على الحلوه والمره .. انا عارف مفيش بنت هتقتنع بكده لانها لسه فى ربيع عمرها بس اكيد لما تيجى فتره مابعد الثلاثين تفكريكم بيتغير لوحده وبدون ماتشعروا لانكم بتحسوا ان خلاص هو ده اخر امل بالنسبه لكم ..
اما انا بالنسبه لو حبيت اتزوج مش هتختار بنت مثقفه او عندها مؤهل لانى عايز اتزوج ومراتى اكون انا كل حياتها وانا لو شعرت انى كل دنيها اكيد مش هتأخر عنها فى اى شئ حتى لو طلبت لبن العصفور ولو كان تفكريها محدود هنزل لمستواها واشاركها واعطيها حرية الرأى ومش هتشعر ابداااااااااا بالفرق العلمى او الفرق المادى اللى بينى وبينها...

ومع ذلك دى وجهة نظر والاخلاف فى الرأى لايفسد للود قضيه وكل واحد من حقه يختار ويتحمل نتيجه اختياراته..
وشكرا لمرورك
سفير الاحترام
انا عن نفسى شوفت نماذج فاشلة للزواج اللى من النوع ده
ويعتبر هى تعليم عالى وهو صنايعى و مؤهل متوسط يعنى متعلم برده مش جاهل
لكن مع الاسف ماكانش فى اى توافق
و النهاية هى الطلاق
انا مش بقول كده لانى ضد الموضوع
لكن حل الموضوع فى اننا نتعامل مع الجوهر مش المظهر

والاهم ان كل شخص يحترم راى الاخر
وكل واحد يعرف واجباته قبل حقوقه
واذا نفذها على اكمل وجه اكيد هياخد حقوقه قبل ما يطلبها
ثانكس
نايس توبيك


كلامك عين العقل يا امو
صحيح ممكن فشل عشان الفرق العلمى..
بس معنى ذلك ان كل زوجين بيكونوا متساوين فى التعليم والثقافه حياتهم بتكون ناجحه..
لا طبعا اكيد فى بينجح وفى اللى بيفشل وهذا فى كل الطبقات ..
وكما ذكرتى يجب ان نتعامل مع الموضوع من حيث الجوهر وليس المنظر..
وشكرا لمرورك الرائع ومشاركتك الاروع..
سفير الاحترام
موضوعك جاااامد جداااااااااا


وانت طبعا عارف رايي

مش هضيف عليه غير ربنا يهدى الناس



وتحياتى لرجاحة عقلك ولقلمك المميز:d




بالعكس انا احترمتك بزاف وعرفت انك عقليه واعيه ومثقفه بجد من خلال مشاركتك السابقه ..
وبجد ياريت كل البنات بتفكر مثلك ..
كانت اشياء كتير هتتغير فى مجتمعنا

نورتى الموضوع
وشكرااا لمرورك الرائع..
عثولةجدن
السلام عليكم

فى الاول احب اشكرك يا سفير على الموضوع الحلو ده وفعلن هو موضوع رائع

بس فى نقطه عايزه اضيفها فى كتير متعلمين والله ومعاهم ليسنس ومش على قدر واعى من الثقافه

انا حالين بدرس فى كلية اداب وعندى زملائى بحس انهم مدخلوش جامعه ولا تفكرهم نضج

الثقافه والتفكير السليم مش بيتحكم بشهاده وانما بيتحكم عليه بالعقل

وانما بالنسبة لموضوع التكافؤ فهو مطلوب ولا غنى عنه مش بس عشان التفكير يكون متشابه ومتقارب

ولكن عشان نحافظ على المظهر الاجتماعى المطلوب لان احنا مع الاسف بقينا فى زمن المظاهر وانا نفسى نبطل نفكر كده شويه

ونفسى بجد الاهل يحسوا بمعاناة الشباب ويعرفوا اد ايه هما بيتعبوا ويبصوا للتكافوء من جميع النواحى مش بس من ناحية التعليم او بس من ناحيه المستوى المادى

اسفه على الاطاله

ويمكن اكون اتكلمت فى اكتر من نقظه ولكن هو موضوع شيق وحبيت اقول راى

مشكور
سفير الاحترام

وياااااااااا اخواتى البنات
انا ليس ضد فكره ان كل واحد يتزوج من نفس مستواها العلمى والمادى وليس ضد التكافؤ
بالعكس بيكون بينهم تفاهم وود وحب وبينجحوا فى حياتهم ..
ولكن انا ضد الغاء الفكره من اصلا وعندما نوصل لمرحله معينه ننسى الاقل مننا ويكون محرم علينا وكأن الشاب او الفتاه الذين لم يحصلوا على فرصتهم فى التعليم شئ غير مرغوب به فى حياتنا ومينفعش اننا نحتك بيهم ونشاركهم تفكريهم ونعرف هما بيفكروا اذاى ..
طيب مش ممكن نلاقى فيهم اشخاص احسن مننا فى كل شئ..
من حيث الالتزام والاخلاق وكيفيه احترام الاخرين ..
الناس دى ياجماعه والله بتعرف تفكر مثلنا وناس ذى الفل وبيعرفوا يتفاهموا مثلنا واحسن كمان.. بس احنا واخدين مقلب فى نفسنا وبنحاول نتجاهلهم من حياتنا ..
لذلك انا ليس ضد التكافؤ العلمى او المادى..
ولكن ضد التفرقه بين البشر بحجه انهم مبيعرفوش يفكروا مثلنا ..
الحمد لله ربنا خلق لكل واحد عقل فينا يعنى مش احنا بس اللى بنعرف نفكر وهما ماعندهم عقل مابيعرفوا ولامش بيفقهوا شئ فى الحياة..
ولنتذكر يوم وقفة عرفات هل بيكون فى فرق بين غنى وفير متعلم واجاهل مصرى او هندى لايكون هناك اى فرق..
لماذا لانكون كذلك
لماذا لانحاول نشوف هما بيفكروا اذاى
لماذا لايكونوا جزء من حياتنا ولو حتى طريقة تفكرهم غير صحيحه نحاول اننا نقرب منهم ونعمل على تصحيح الشئ الغلط مع انهم احيانا بيتفوقوا علينا فى التفكر وعندهم ثقافه فى الحياه صعب اننا مهما وصلنا لمراحل تعليمه انا نحصل على ثقافتهم..
وللمره المليون انا ليس ضد التكافؤ
ولكن ضد الغاء الفكره من اصلا بحجة اننا مش هنقدر نتفاهم معهم وكأننا احنا عباقرة المجتمع وهم اغبياء ولايفقهون شئ فى الحياة..
وربنا يوفق الجميع
وكل واحد يحقق حلمه اللى بيحلم بيه..
ويختار شريك حياته بالشكل المناسب له ولطريقة تفكريه
......
وشكرااا لمن شارك فى الموضوع وقال عن رأيه بصراحه..
وفى النهايه احنا هنا مثل الاخوات وياريت محدش يزعل منى ...
nonosh
موضوع رائع كعادتك ..فانت تمتلك قلم مميز ..

اولا اعزرنى انا مقرأتش كل الردود ..لذلك ممكن اكرر كلام اتقال ..ولكنها وجهه نظرى

التكافؤا مش بالمؤهلات ..كتير نلاقي شباب وبنات متخرجين من كليات كبيره ولا يمتلكوا ادنى شئ من الثقافه

وفي نفس الوقت تلاقي صنايعي مثقف جداااا ..وانا قابلت شخصيه زى كدا

المشكله مش في المؤهلات ... المشكله في الثقافه عند الطرفين ..

انا من وجهه نظرى ان المفروض البنت تكون اقل ثقافه من زوجها .. حتى يدوم الزواج بخير

لان الفروق في الثقافه او التعليم بين الزوج وزوجته ...لما تكون الزوجه اعلى من زوجها ...

بيجعل البيت في توتر دائم ..وفي حساسيه في الكلام ..لان الزوج بيحس بالنقص دايما وده شئ اكيد بيجرح الراجل

كمان حابه انى اعلق على كلمات حضرتك زكرتها في رد ليك وشدت انتباهى ..واعزرنى لانى لا اتفق معك

الجميله لتكون حبيبته..مش دايما الراجل بيدور على الجمال علشان يحب ...لان الحب ده قدر ومحدش عارف قدره ايه ..ومرايه الحب عاميه زى ما بيقولوا
المثقفه لتكون صديقته..اعتقد ان دى الى حد ماااا كبير صحيحه
والحنونه لتكون زميلتها..طب تيجى ازاى دى ..هوا الرايح يشتغل ولا يدور على حد حنين ..فالزماله ليست اكثر من كلام في امور العمل
والبسيطه لتكون زوجته .. ايضا لا اتفق معك فيها ..لان الرجل يريد في زوجته جميع الصفااااااات ..لان الرجاله عامه لا يعجبهم العجب ههههههههه
يعنى انتوا تحبوا ان الزوجه تكون ..جميله ومثقفه وحنونه وبسيطه وهاديه ومرحه و جاده واحيانا مجنونه وعنيفه وغريبه ومتنوعه و.......وقائمه طويله عريضه من الصفات وكلها تبقي في واحده بس ..ازاى بقا الله اعلم ؟؟؟؟؟

في نهايه اعتزر عن اطالتى في الحديث ..واشكرك على الموضوع الاكثر من رائع
تقبل فائق تقديري واحترامى ...


سفير الاحترام
السلام عليكم


فى الاول احب اشكرك يا سفير على الموضوع الحلو ده وفعلن هو موضوع رائع

بس فى نقطه عايزه اضيفها فى كتير متعلمين والله ومعاهم ليسنس ومش على قدر واعى من الثقافه

انا حالين بدرس فى كلية اداب وعندى زملائى بحس انهم مدخلوش جامعه ولا تفكرهم نضج

الثقافه والتفكير السليم مش بيتحكم بشهاده وانما بيتحكم عليه بالعقل

وانما بالنسبة لموضوع التكافؤ فهو مطلوب ولا غنى عنه مش بس عشان التفكير يكون متشابه ومتقارب

ولكن عشان نحافظ على المظهر الاجتماعى المطلوب لان احنا مع الاسف بقينا فى زمن المظاهر وانا نفسى نبطل نفكر كده شويه

ونفسى بجد الاهل يحسوا بمعاناة الشباب ويعرفوا اد ايه هما بيتعبوا ويبصوا للتكافوء من جميع النواحى مش بس من ناحية التعليم او بس من ناحيه المستوى المادى

اسفه على الاطاله

ويمكن اكون اتكلمت فى اكتر من نقظه ولكن هو موضوع شيق وحبيت اقول راى


مشكور




مشاركتك كانت اكتر من رائعه يا عثولة
واكثر شئ اعجبنى انك قلتى شئ من الحقيقه واللى كثير مننا خايف او مش قادرين اننا ننطقها او نقولها..
وانما بالنسبة لموضوع التكافؤ فهو مطلوب ولا غنى عنه مش بس عشان التفكير يكون متشابه ومتقارب

ولكن عشان نحافظ على المظهر الاجتماعى المطلوب لان احنا مع الاسف بقينا فى زمن المظاهر وانا نفسى نبطل نفكر كده شويه


انتى ذكرتى اهم نقطه فى المشكله وهى المظهر والتفاخر بين الناس..
وبشكرك لصراحتك
ولمرورك الاكثر من رائع
سفير الاحترام
موضوع رائع كعادتك ..فانت تمتلك قلم مميز ..

اولا اعزرنى انا مقرأتش كل الردود ..لذلك ممكن اكرر كلام اتقال ..ولكنها وجهه نظرى

التكافؤا مش بالمؤهلات ..كتير نلاقي شباب وبنات متخرجين من كليات كبيره ولا يمتلكوا ادنى شئ من الثقافه

وفي نفس الوقت تلاقي صنايعي مثقف جداااا ..وانا قابلت شخصيه زى كدا

المشكله مش في المؤهلات ... المشكله في الثقافه عند الطرفين ..

انا من وجهه نظرى ان المفروض البنت تكون اقل ثقافه من زوجها .. حتى يدوم الزواج بخير

لان الفروق في الثقافه او التعليم بين الزوج وزوجته ...لما تكون الزوجه اعلى من زوجها ...

بيجعل البيت في توتر دائم ..وفي حساسيه في الكلام ..لان الزوج بيحس بالنقص دايما وده شئ اكيد بيجرح الراجل
طبعا كلامك صحيح ان بيكون الموضوع محرج شويه بس لو الرجل شخصيته قويه وواثق من نفسه اكيد هيقدر يتلاشى ده كله..

كمان حابه انى اعلق على كلمات حضرتك زكرتها في رد ليك وشدت انتباهى ..واعزرنى لانى لا اتفق معك

الجميله لتكون حبيبته..مش دايما الراجل بيدور على الجمال علشان يحب ...لان الحب ده قدر ومحدش عارف قدره ايه ..ومرايه الحب عاميه زى ما بيقولوا
اكيد مراية الحب عاميه وهذا شئ متأكد منه وعايشته ينفسى بس انا لااقصد هنا بالحب الحقيقى اقصد حب التسليه وضياع الوقت ...
المثقفه لتكون صديقته..اعتقد ان دى الى حد ماااا كبير صحيحه
والحنونه لتكون زميلتها..طب تيجى ازاى دى ..هوا الرايح يشتغل ولا يدور على حد حنين ..فالزماله ليست اكثر من كلام في امور العمل ومين دلوقتى اللى بيحب الشغل بدون مايكون له زميله تساعده على قضاء فتره مايعلم بيها الا ربنا وهى فتره الشغل .
والبسيطه لتكون زوجته .. ايضا لا اتفق معك فيها ..لان الرجل يريد في زوجته جميع الصفااااااات ..لان الرجاله عامه لا يعجبهم العجب ههههههههه اقصد اللى بتكون بسيطه مع فى كل شئ وفى نفس الوقت تشعره انه هو كل شئ فى حياته..
يعنى انتوا تحبوا ان الزوجه تكون ..جميله ومثقفه وحنونه وبسيطه وهاديه ومرحه و جاده واحيانا مجنونه وعنيفه وغريبه ومتنوعه و.......وقائمه طويله عريضه من الصفات وكلها تبقي في واحده بس ..ازاى بقا الله اعلم ؟؟؟؟؟
صحيح احنا بنحب الصفات واعتقد انكم لازم تكونوا كده واحنا ليس لنا دخل فى ذلك يعنى يكون فيكم كل الصفات اذاى وكيف دى مشكلتكم انتوا وشوفوا حل لها براحتكم ههههههههه..

في نهايه اعتزر عن اطالتى في الحديث ..واشكرك على الموضوع الاكثر من رائع
تقبل فائق تقديري واحترامى ...



بالعكس انتى مرورك كان اكثر من رائع
واتكلمتى فى نقاط مهمه جداااااااااا
نورتى الموضوع..
وشكرااااااا لمرورك الرائع
Mizoalex
انا اولا مبسوط انى طريقة الحوار بينكم محترم الى ابعد الحدود

ثانيا بالنسبة للموضوع

انا مش مع او ضد التكافؤ فى الزاوج

و لكن لو كان فى تكافؤ هيبقى افضل

بس برضو لو فى حب ده هيلغى التكافؤ .. بمعنى انك بتحب حد لشخصه و اخلاقه مش عشان مستواه المادى او الثقافى او الاجتماعى ..

الحالات اللى انت قولت عليها من ان زواج نجار بدكتورة .... اكيد مليون فى الميه الزواج ده ناتج عن قصه حب . مش ممكن يكون غير كده..

اللى انا اقصده

بالنسبة ليا انا الزواج لازم يكون مبنى على الحب ليس اكثر ولا اقل

و مايهمني التكافؤ الثقافى و لا المادى ولا الاجتماعى ..

مع الاخذ فى الاعتبار انى فى ثوابت لا يمكن تجاوزها .. ( الدين - الاخلاق )
سفير الاحترام
انا اولا مبسوط انى طريقة الحوار بينكم محترم الى ابعد الحدود

ثانيا بالنسبة للموضوع

انا مش مع او ضد التكافؤ فى الزاوج

و لكن لو كان فى تكافؤ هيبقى افضل

بس برضو لو فى حب ده هيلغى التكافؤ .. بمعنى انك بتحب حد لشخصه و اخلاقه مش عشان مستواه المادى او الثقافى او الاجتماعى ..

الحالات اللى انت قولت عليها من ان زواج نجار بدكتورة .... اكيد مليون فى الميه الزواج ده ناتج عن قصه حب . مش ممكن يكون غير كده..

اللى انا اقصده

بالنسبة ليا انا الزواج لازم يكون مبنى على الحب ليس اكثر ولا اقل

و مايهمني التكافؤ الثقافى و لا المادى ولا الاجتماعى ..

مع الاخذ فى الاعتبار انى فى ثوابت لا يمكن تجاوزها .. ( الدين - الاخلاق )




الموضوع للنقاش ومعرفة اراء وطريقه تفكير الاخيرين
وفى النهايه كلنا بنحترم رأى اى شخص فينا ..
وانا متفق معك انى لست ضد او مع التكافؤ
ولكن ضد الغاء الفكره من اصلا ..
واهم شئ فى اختيار شريك الحياه ..
الدين.الحب.التفاهم. الثقه المتبادله.
اما التكافؤ فهذا طبعا واجب منه بس مش معنى ذلك ان نطبقه فى كل حياتنا وفى كل الظروف ..
نورتنى ونورت الموضوع
وشكرا لمرورك الرائع
ALi_HAFEZ
كلامك منطقى جدا ومعقول
وفعلا لازم نفكر من خلال منظور دينى وليس من منظور دنيوى
دائما فى تقدم يا باشا
سفير الاحترام
كلامك منطقى جدا ومعقول
وفعلا لازم نفكر من خلال منظور دينى وليس من منظور دنيوى
دائما فى تقدم يا باشا

حبيبى ياعلى
نورتنى ونورت الموضوع
واكيد انا كنت عارف رأيك من قبل ماكتبه لانى واثق منك ياباشا...
وشكرا لمرورك الاكثر من رائع
meme banota
اية الموضوع دة
بجد جزاك الله كل خير بجد موضوع هايل
طريقة الاسلوب والكلام بجد جميل
شكرا على الموضوع
مهينار
انا بلنسبالى الرضا والاقتناع بالانسان سواء كان مؤهل عالى او متوسط
بس لما هنيجى نرضا هنحط فى اعتبارتنا الدين والاخلاق وكمان مستوى الثقافة
يعنى النجار اللى بتتكلمة علية دا مستوا كلامة هيتلائم مع مستوى التفكير و كلام المتعلمة
طب ما ممكن النجار دا معاة باكالريوس او ليسننس واعتقد فى كتير اوى كدا

شكرا اوى على الموضوع
سفير الاحترام
اية الموضوع دة
بجد جزاك الله كل خير بجد موضوع هايل
طريقة الاسلوب والكلام بجد جميل
شكرا على الموضوع


شكرا لمشاركتك
الااننى كنت عايز اعرف رأيك ايه ..
نورتى الموضوع
ومرورك شرفنى
سفير الاحترام
انا بلنسبالى الرضا والاقتناع بالانسان سواء كان مؤهل عالى او متوسط
بس لما هنيجى نرضا هنحط فى اعتبارتنا الدين والاخلاق وكمان مستوى الثقافة
يعنى النجار اللى بتتكلمة علية دا مستوا كلامة هيتلائم مع مستوى التفكير و كلام المتعلمة
طب ما ممكن النجار دا معاة باكالريوس او ليسننس واعتقد فى كتير اوى كدا
شكرا اوى على الموضوع

نورتى الموضوع
وشكراا لمرورك
meme banota
شكرا لمشاركتك
الااننى كنت عايز اعرف رأيك ايه ..
نورتى الموضوع
ومرورك شرفنى
انا هقولك وجهة نظرى
التكافؤ العلمى مطلوب بس مش دايما يعنى مش علشان هى دكتورة لازم تاخد دكتور يعنى لية يعنى
بس حتى يكون الانسان دة مثقف زى مابتقول او الانسانة دى تكون عندها شوية علم مش جهل يعنى
يعنى ممكن واحد واخد كلية كويسة وتعليمة عالى يعنى وكل حاجة بس مش عارف حاجة ولا هيقدر الانسانة اللى هيرتبط بيها وممكن يكون واحد تعليمة على قدة بس بيفهم وبيقدر
دة رايى شوف انت بقى؟؟؟؟؟؟؟؟؟
سفير الاحترام
انا هقولك وجهة نظرى
التكافؤ العلمى مطلوب بس مش دايما يعنى مش علشان هى دكتورة لازم تاخد دكتور يعنى لية يعنى
بس حتى يكون الانسان دة مثقف زى مابتقول او الانسانة دى تكون عندها شوية علم مش جهل يعنى
يعنى ممكن واحد واخد كلية كويسة وتعليمة عالى يعنى وكل حاجة بس مش عارف حاجة ولا هيقدر الانسانة اللى هيرتبط بيها وممكن يكون واحد تعليمة على قدة بس بيفهم وبيقدر
دة رايى شوف انت بقى؟؟؟؟؟؟؟؟؟





بجد بحيكى على رجاحة عقلك وانا سبقت فى اكتر من مشاركه انى لست ضد التكافؤ التعليمى والتكافؤ المادى..
ولكن ضد الغاء الفكره من الاصل بحجة اننا متعلمين ومثقفين ومؤهلاتنا اعلى منهم...
والثقافه مش بالمؤهل بس وكلنا بنشوف ناس فى اعلى الكليات ولكن ماعندهم ثقافه صحيح بيكونوا من ذوى المؤهلات العليا بس بتكون مجرد شهاده بس ..
لذلك انا بقول مثل ما بننظر لتكافؤ لازم ننظر كمان للدين والاخلاق قبل اى شئ فى الاختيار..
وبشكرك على تعليقك المميز..



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
أهمية الحوار بين الزوجين لإستمرار الحب
عشر وسائل لتنمية الحب بين الزوجين
الخلافات بين الزوجين تساعد علي استمرار الحب
الحب والموده بين الزوجين

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية