نجوم مصرية
منتديات نجوم مصرية المنتدى العام منتدى الحوار العام



تابع نجوم مصرية على أخبار جوجل




الحلقه التاسعه من برنامج هات من الاخر

 

السلام عليكم ورحمه الله وبركاته

اعزائى المشاهدين والمستمعين اهلا وسهلا بكم فى حلقه جديده من برنامجنا كلام من الاخر طبعا فى الاول بنعلن عن الفائزين فى الحلقه الماضيه strangerofthenight والان نبدا حلقتنا اليوم وهى حلقه تم اختيارها خصيصا نظرا لاهتمام مشاهدينا بهذا الموضوع الهام جدا وهو بعنوان ( زواج الصالونات وزواج الحب ) ومن الاسم الكل يعرف جيدا وخاصه الاسر المحافظه معنى هذا الكلام واصبحنا نشهد صور غريبه بالفعل يعنى انا حتى مش عارف احكيها لمشاهدينا ازاى يعنى واحده اهلها يخلوها تروح كافتريا والعريس يشفها من بعيد يعنى عايز حد من مشاهدينا يعطينى تعليق لا تعليق ولكن يا احبائى موضعنا زواج الصالونات ما هو بكل بساطه هو عباره عن وسطه للزواج عن طريق ناس موثوق فيها ويجتمع الطرفان فى مكان ويتعرفوا على بعض ويمكن تاتى الكمياء الى هى الحب ويمكن نقول مع السلامه ولكن من الطبيعى ان لهذا الزواج فوائد واضرار ومن فوائده الثقه فى الشخص الى هخطبه وانه ممكن يكون انسان ممتاز انا مقدرش اقبله فى حياتى وفى شى مهم مشاهدينا البعض يقلك عادى زواج الصالونات لانى لو الشخص مناسب هيتحول الى حب ولكن فيه اضرار مثل عدم اختيار الشخص من البدايه بالحب وكمان الى بيهمهم فى هذا الزواج الاخلاق مش مهم الحب يقلك بعد الزواج ولكن اذا تحدثنا عن زواج الحب فهو ممتاز وتختار فارس احلامك ولكن ممكن فارس احلامك ده وهم ويخدعك ولكن لمزيد من التفاصيل مع نجم الحلقه ولكن بعد الفاصل
تابع نجوم مصرية على أخبار جوجل



........................................... فاصل .........................................






المقال "الحلقه التاسعه من برنامج هات من الاخر" نشر بواسطة: بتاريخ:
همسات مسموعه
موضوع جميل جدااا


واحنا فى انتظار نجم الحلقه
اجتماعى اخر حاجه
.................. عدنا .................

والان مشاهدينا اهلا وسهلا بيكم مره اخرى والان مع نجمتنا الجميله الذى احبها المنتدى كله الحاصله على العديد من مدليات المنتدى وهذا يدل على جهدها وتميزها الدائم طبعا كلنا عرفنها ميسره اهلا بيكى نجمتنا اول سوال وهو تقليدى من هى ميسره ؟ عرفينا بشخصيتك؟
ميسره
اهلا بيك وبكل اعضاء المنتدى الجمال اللي انا بعزهم قوي

اوكي

انا يا قمر اسمي ميسره

عندي 19 سنه

كليه تقنيه معلومات وعلوم الحاسب

بنوته بتحب الحياه ودائما متفائله و طموحه لأبعد الحدود


اجتماعيه بحب الناس وبحب يكون ليا أصدقاء كتير
اجتماعى اخر حاجه
رائع جدا نجمتنا وهذا هو سر حب الناس ولكن يوجد سوال مهم جدا ماذا يمثل لكى منتدى نجوم اف ام ؟
ميسره
منتدى نجوم اف ام بيمثل ليا كتير بصراحه دا مش اول منتدى ادخلو دخلت منتديات كتير مصريه وخليجيه وسوريه كتير

لغرض التسليه والاستفاده من المواضيع والتعارف على اصدقاء جدد

لكن بصراحه منتدى نجوم اف ام الوحيد اللي ارتحت نفسيا فيه

عشان فيه اعضاء جمال قوي ومحترمين قوي

يعني مينفعش يعدي يوم من غير ما ادخل ولو حتى خمس دقائق
اجتماعى اخر حاجه
نجمتنا كلامك بانك دخلتى منتديات كثير كمصرى وخليجى وسورى هذا يعنى توفر الخبره عندك فياريت نعرف منك ايه الفرق بين منتدى نجوم وبين هذه المنتديات بغض النظر عن متعتك الشخصيه ؟
ميسره
اوكي

هو منتدى نجوم اف ام فيه مميزات كتير مش موجوده في منتديات اخرى

زي مثلا ان كلنا جنسيه واحده فعرفين بعضنا كويس واما مثلا اقول لحد انا من اسكندريه يقولي منين بالظبط مثلا يعني عارفين بعض كويس فكده العلاقه بينا بتبقى حميمه اكتر وممكن نبقى اصحاب ونشوف بعض كمان بره المنتدى يبقى كدا المنتدى فدنا في حجات كتير


وهنا فيه خاصيه الملف الشخصي ممكن نتكلم فيه ونسال على بعض فيه

في منتديات تانيه مش موجود الحكايه دي فيه طبعا ملف شخصي بس مش موجود مجال للكتابه فيه

وبردو المنتديات التانيه انا استفدت منها اني اتعرفت على جنسيات مختلفه ودا شرف كبير ليا طبعا وعرف عادتهم وتقالديهم وبيفكرو ازاي وبشاركهم في افراحم
اجتماعى اخر حاجه
رائع نجمتنا ومعلوماتك رائعه ولكن محبى نجمتنا عايزين يتوغلوا فى اعماق شخصيه نجمتنا واحنا هنا مش هنرد طلبهم وهنسئل نجمتنا عده اسئله عن شخصيتها واليكى سوال هام هل طموح نجمتنا محدود ؟ وما هى تخطيطها لمستقبل حياتها بعد التخرج؟
ميسره
حلو قوي السؤال دا

انا طموحي مفهوش حدود ابدأ ومش حسمح ان يكون ليه حدود مهما حصل

بالنسبه لبعد التخرج

اانا اول طموح ليا ني اطلع بعثه الجامعه عاملها للمتفوقين بإذن الله حطلعها بعد ما اخلص

وسواء طلعت البعثه او لأ بعد التخرج حدور على شغل طبعا عشان انا مش نويه اقعد في البيت

لازم اشتغل وانجح وابقى فعاله للمجتمع افيد الناس واستفاد انا

ونفسي اعمل حاجه جديده في عالم الالكترويات والحاسب اكتشف مثلا حاجه جديده او اعمل برنامج يفيد شركات وناس كتير

و طموحي الكبير اللي دايما شاغلني اني اعمل شركه متخصصه في برامج الكمبيوتر تبتدى في مصر وبعد كده تنتشر للعالم كلو

نفسي فيها بجد ومفيش حاله بعديه عن ربنا
اجتماعى اخر حاجه
بصراحه نجمتنا بكلامك الجميل ده انتى شرف لبلدك وكل محبينك يتمنوا لكى النجاح الدائم والان نجمتنا سوال هام جدا اثار فى الاونه الاخيره علاقه ارتباط بينك وبين الكابتن نجم حلقتنا الماضى وهو اكد ذلك ولكن محبينك يحب يسمعوا الكلام ده منك شخصيا ؟
ميسره
جميل جدا السؤال دا عشان عيزلو توضيح كتير

طبعا معظم اللي هنا يعرفوني كويس وعارفين ان الحب بالنسبه ليا وهم

انا استحاله ارتبط بأي شخص غير لما الاقي فيه صفات معينه انا حطاها ولو حصل وحبيت اي شخص مثلا او اتشديت ليه واتكلمت معاه ولقيت فيه صفه واحده مش موجوده من اللي انا طلباها حسيبو فورا حتى لو كنت بحبو وعشان عرفه ان الحب بيعمي مش حطول معاه عشان احبو اكتر ومقدرش استغناه عنو لأ من اولها لو لقيت ان فيه صفات مش موجوده فيه عالطول حسيبو

انا عرفه ان سعيد بيحبني قوي وانا بعزو قوي والله وانا قبلت اني اتكلم معاه كتير عشان لقيت فيه الذكاء والمرح والطموح ودول من الصفات اللي طلباها ولسه بنتكلم مع بعض عشان اكتشف فيه بقيت الصفات

انا حقلك ايه هي الصفات دي ولون المفروض مقلش بس عشان عرفه انك حتسأل وفيه ناس عيزه تعرف

الصفات

ذكاء - حنان - مرح - بيعشق المرأه العامله وبيحترمها وبعملها الف حساب - طموح - محترم

واخر حاجه مفيش اي ارتباط حيحصل سواء مع سعيد او غيرو غير لما اخلص دراستي والاقي الصفات دي موجوده فيه

شكرا
اجتماعى اخر حاجه
بصراحه نجمنا اعتقد كل مشاهدينا وضح له الامر ونجمتنا لم تقصر وان شاء الله تلاقى الصفات المناسبه والان نجمتنا سوال هام ايضا هل لديكى عدوات فى المنتدى او مشاكل مع حد ؟
ميسره
لأ الحمد لله مفيش اعداء كلهم حبايبي واصحابي
اجتماعى اخر حاجه
الحمد لله نجمتنا وهذا المتوقع والان طبعا عارفه حب الاعضاء ليكى ولكن عايزينك تحددى اكثر 6 بتحبيهم حددى اسماء
ميسره
استحاله اقول 6 انا اصحابي كتير جدا ادخل على ملفي الشخصي وتلاقي 5 صفحات اصدقاء

كلهم اصحابي وكلهم عزيزين قوي على قلبي والله
اجتماعى اخر حاجه
طبعا دى حريه شخصيه واحنا متاكدين انى نجمتنا تحب الجميع والكل يحبها والان سوال مع نجم كلنا بنحبه روميو يقول عن سر الستاره البيضه المختلطه بالالوان؟
ميسره
هههههههههههههههههههههههههههههههههههههههههههههههههه ههههههههههههههههههههههههههههههه

ماشي يا روميو

اوكي

هو مفيش سر ولا حاجه

الموضوع ان فيه عضو حط لعبه في قسم الالعاب

اللعبه دي ان كل واحد يوصف الغرفه بتاعتو ففي ناس اخترتني

فانا شرحت غرفتي والستاره بتاعت غرفتي كده بيضه ومختلطه بالألوان عجبتي جدا لأن الاستيل بتاعها جميل جدا هو استايل سويدي فجبتها حطتها في الغرفه وكتبت كده في االلعبه

روميو باشا بقى عجبو وصفي قوي وبقت حاجه مشهوره قوي بينا

بس يا قمر
اجتماعى اخر حاجه
ههههههههههههههه دائما نجمنا روميو صاحب الدم الخفيف ونجمنا بتعليقتها الجميله والان ياريت نعرف مواهب نجمتنا ؟
ميسره
اممممممممممممممم

القراءه - السفر - الكمبيوتر - الرسم بعض الاحيان
اجتماعى اخر حاجه
جيد نجمتنا والان بما اننا نقترب من يوم عيد اليتيم تحبى نجمتنا ايه الرساله الى توجييها لجمهورنا بخصوص هذا اليوم ؟
ميسره
عيد اليتيم

هو المفروض يبقى اسمو يوم اليتيم

المهم

اليتم حاجه صعبه قوي سواء كان اليتيم جا من الاب او الام

والمفروض نفتكرهم ونزرهم بإسمترار منغير ما يكون فيه يوم محدد

انا مش حقعد اقول في كلام كبير

كل اللي حقوله ان اللي يقدر يروح لي اليتماء يواسيهم ويحسسهم ان هما مش لوحدهم ياريت ميتأخرش

ونساعدهم كتير

واللي مش قادر كفايه يصلي ركعتين ويدعي ليهم ربنا يصبرهم او حتى ممكن نصلي قيام الليل وندعي ليهم كتير لأن الاحساس نفسو صعب قوي
اجتماعى اخر حاجه
كلام جميل من نجمه قلبها زى لون اللبن والان مع سوال خطير جدا هل تفتخرى انك عربيه ؟ وهل اذا جائت لكى فرصه للعيش فى الخارج مستعده ؟
ميسره
اكيد بفتخر اني عربيه دا شئ يشرفني

اعيش في الخارج في حاله واحده لو جالي فرصه عمل كويسه بره في اي بلد اوروبي
اجتماعى اخر حاجه
جيد نجمتنا والان سوال اى انسان بيسئله لنفسه هل انتى راضيه عن نفسك ؟ ولا انتى لسه ناقصك اشياء لكى ترضى عن نفسك وتصرفاتك
ميسره
اكيد انا راضيه عن نفسي وواثقه في نفسي جدا

بس خلينا نقول ان انا لو احلامي اتحققت حكون افضل

لكن اكيد راضيه عن نفسي
اجتماعى اخر حاجه
ما شاء الله شى رائع ان يكون الانسان راضى عن نفسه والان نجمتنا فى اى شخص تحبى توجهى له رساله شكر او عتاب من برنامجنا ؟
ميسره
رساله شكر وحب لكل شخص إحترمني ثم حبني
اجتماعى اخر حاجه
شكرا نجمتنا والان ننتقل الى التحدث عن موضعنا وهو الزواج الصالونات وزاج الحب واقلك ما هو زواج الصالونات من وجهه نظرك ؟
ميسره
زواج الصالونات في نظري يعتمد على جمله انت وبختك

بمعنى انك ممكن يحصل زواج بناء على انطباعاتك من خلال لقاء واحد مع عروستك المستقبليه



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
معاد الحلقه التاسعه من برنامج هات من الاخر
رشح نجم الحلقه التاسعه من برنامج هات من الاخر
الحلقه السادسه من برنامج هات من الاخر
الحلقه الثالثه من برنامج هات من الاخر
الحلقه الثانيه من برنامج هات من الاخر

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية