نجوم مصرية
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


الكحرتة.. أسرع وسيلة للحمل!!

 

عملية الحمل والولادة فى الدنيا كلها كوم وفى مصر كوم تانى خالص... اذا ربنا كرم وحملت المدام من اول شهر ينظر للزوج على انه محمد الفاتح الذى فتح القسطنطينية, الفارس المغوار الحاصل على بطولة العالم فى حمل المدامات من أول شهر.. أما اذا لم تحمل وطولت شوية وتأخر الحمل تعيش ام محمد الفاتح فى قلق رهيب تنقله بالضرورة الى زوجه ابنها والتى مهما وصلت لدرجة عالية من البرود واللامبالاه سوف تتحول بسبب اسئله حماتها كل شهر الى زوجة مسروعة ع الخلفة وهتموت على العيال ليس لغرض اخر غير حفظ ماء وجهها أمام حماتها وسلايفها.. وتخيلوا معى كل شهر تسمع الزوجة جمل قصيره مقتضبة من نوعية "لسه برضه؟!" "هى جاتلك؟!" مع شهقه محترمه..."شدى حيلك ياحبيبتى" مش عارفة تشد حيلها تعمل ايه؟! هى داخلة مسابقة جرى مسافات طويلة؟! "يلا بقى نفسى تفرحوا قلبى" ثم تدخل بعد ذلك الى مرحله النقرزة.. "البت ريهام جارتنا بنت امبارح اللى لسه ماطلعتش من البيضه جابت ولدين توأم بسم الله ماشاء الله راخر جوزها طاير بيها وبالعيال طير!!" ثم تتحول النقرزة والتلميح بالكلام الى شتيمة من تحت لتحت " ياختى انتى لا وراكى عيل ولا تيل هتعملى فيها مشغولة".. " قومى ياحلوة ياصغيرة اخدمى نفسك واغسلى مكان طبقك ماحدش هيخدمك كل واحدة من بناتى بطنها قدامها قد كدة يا دوب عارفة تشيل روحها ربنا ينولهالك ياحبيبتى".. وكل ده وحماتها متخيلة انها بذلك تحمسها وتنحررها عشان تحمل وقد لاتعرف انها بذلك تؤخر حملها أكثر وأكثر بسبب الحالة النفسية السيئة التى تصاب بها الزوجة لسماعها يوميا هذا الكلام اللى زى السم.



وعلى مر العصور فى مصر عانت الزوجات المتأخرات فى الحمل من نظرات الشفقة والمصمصات على الشفايف والنظرة لها بشىء من الدونية وكان التى تحمل وتنجب الاولاد ده شطارة منها وبيديها استطاعت أن تنجب وليس بارادة الله سبحانه وتعالى ولذلك دأبت الزوجات المحرومات من الحمل على زيارة كل الشيوخ البركة التى تسمع عنهم ظنا منها انها لازم تسعى وتعمل اللى عليها وزيادة من فك سحر وأعمال وعمل احجبة للاسراع بعملية الحمل .. وحينما يطلب منها الشيخ البركة حاجة من قطر جوزها ودم قطة وريش هدهد يتيم.. تخرج من عنده واثقة ميه فى الميه انها سوف تملأ البيت عيال وعندما يمر شهر ورا الثانى بدون حمل تلوم نفسها قائلة " ما هى دى غلطتى أصل الهدهد ماكانش يتيم!! " الغريبة انها تظل مواظبة على زيارة الشيخ البركة اعتقادا منها انها بتتعالج , مرة يديها شربة ومرة يكتبلها على لبخة وزيت تدهن بيه لجوزها وميه تعدى من عليها وكله بثمنه.. واذا صادفت وواحدة من اللى بتروح لهذا الشيخ ربنا كرمها وحملت أصبح هذا الشيخ سره باتع ومكشوف عنه الحجاب والستات تقف على بابه بالطوابير والحجز ولا أشهر دكتور نساء وتوليد " ياختى هم الدكاترة دول بيعملوا حاجة.. زى قلتهم سوا , العيال باذن الله هيتسرسبوا واحد ورا التانى على ايد سيدنا الشيخ".



والحقيقة تراثنا يحمل الكثير من القصص الغريبة بخصوص هذا الموضوع أغربها على الاطلاق ما كانوا ينصحون به الستات المتأخرات فى الحمل فى الصعيد الجوانى ولم أتخيل أن الستات عندنا فى مصر وصلن الى هذه الدرجة من الاستبياع والتضحية بأنفسهن فى سبيل انها تحمل وذلك لأنهم كانوا ياخدوا الستات دول يكحرتوهم وهذه الكلمه بلغتهم وليس بلغة محمد هنيدى معناها يدحرجوهم من على جبل عشان الست تتخض ولما تتخض هتحمل ان شاء الله!!!! مش فاهمة هتحمل ازاى دى وهى بعد هذه الكحرتة أكبر حته فيها هتبقى أصغر من أى مولود فى اللفة!!!! كما اننى اتساءل ماهى علاقة الخضة بعملية الانجاب فى تراثنا فالى الان أى ست طبيعية بتتخض, أول حاجة بتقولها " انا خلاص قطعت الخلف"!..



بالاضافة الى هذا التدخل السافر والبجح فى علاج المتأخرات فى الحمل بهذه الطرق الهلهلية يحدث ايضا تدخل جاهل وغير مبنى على أى أسس علمية فى تشخيص الحمل ومتابعته وتحديد نوع الجنين عن طريق شوية تكهنات حريمى تناقلتها الحريم فى جلساتهن ساعة عصرية على المصطبة وانتشرت وتأصلت وأصبحت من الثوابت فى حياتنا فالست أم بطن مفلطحة وأنف بطشة دى حامل فى بنت بكل تأكيد , والست اللى بطنها بالطول وحلوة تبقى حامل فى ولد والأدلة جاهزة أصل البت بتاخد من حلاوة أمها !!





وطبعا النصائح بالافراط فى الأكل أصل انتى بقيتى اتنين دلوقتى كلى واتغذى فتاكل الحامل ليها وللعيال وللزمن!! انما الفولكلور والأمثال والمقولات لم تقف عند هذا الحد ولكنها استمرت لتصف الناس وتقسمهم أنماطا تبعا لعدد شهور الحمل فالشخص العصبى اللى خلقه ضيق وعلى طول مش طايق لا نفسه ولا اللى حواليه فهو بالتأكيد ابن سبعة!.. أما أى حد تنك وأليط وشايف نفسه يتساءل من حوله الناس هو ماله شايف نفسه كده ليه ما احنا كلنا ولاد تسعة !!


ترى من أين جاء هذا الربط بين شخصية الانسان وعدد الشهور التى قضاها فى بطن امه..؟! سؤال حير البعض ولم يشغل بال البعض الاخر ...

من مواضيعي - متظاهرون يحرقون مقر حمله احمد شفيق بالدقى
- مناوشات بين التراس الاهلى ووزاره الداخليه فى هذه اللحظه
- كلمات اغنيه حصل خير رامى جمال 2011
- كلمات اغنيه مش بمزاجك رامى جمال 2011
- معلش احنا بنتكيف !!!!





المقال "الكحرتة.. أسرع وسيلة للحمل!!" من كتابة: بتاريخ : بتوقيت القاهرة
عاجل
مميز
 ›  كيف تضع صور الفيس بوك على الاٍنستجرام
 ›  مفاجأه : السيسى يشترى حلق زينب
 ›  شاب من الأوروغواي يقوم بتصوير لحظات بناء بيت لزوجين من العصافير
 ›  النبع الطائر من عجائب الطبيعة
 ›  بالصور النحت علي العملات المعدنية
 ›  فن الرسم على الأطعمة
 ›  بالفيديو: طفلة يمنية تبكى حجارة بدلاً من الدموع

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

عثولةجدن
بجد موضوع جامد وعجبنى اوى اصل انا عندى اتنين قريبين منى اوى اتجوزو عن قريب ولقيت فيهم نفس كلامك وكانك كنتى بتسمعى حكويهم معايا الاولى اول ما اتجوزت حملت من تالت يوم
وايه محسسانا ان جوزها طلع مطلع وعمل اللى محدش عمله قبل كده
اما التانيه بقى فالحمل اتاخر شويه كانت كل شهر زى المجنونه وع الدكاتره مقولكيش من تانى شهر جواز

والله بجد موضوع جامد اوى وعجبنى والصراحه ضحكنى اوى على موضوع كلام الحموات ده ايه ده يا بنتى انتى كنتى حما قبل كده ولا ايه

اما عن سؤال
ترى من أين جاء هذا الربط بين شخصية الانسان وعدد الشهور التى قضاها فى بطن امه..؟! سؤال حير البعض ولم يشغل بال البعض الاخر ...

انتى مش فاهمه اصل هو العيل مجاش له خلق يقعد فى بطن امه اكتر من سبع شهور عشان كده بيقولو عليه خلقه دايق

افهموها بقى ههههههههههههههههه
riri cat
بجد موضوع جامد وعجبنى اوى اصل انا عندى اتنين قريبين منى اوى اتجوزو عن قريب ولقيت فيهم نفس كلامك وكانك كنتى بتسمعى حكويهم معايا الاولى اول ما اتجوزت حملت من تالت يوم
وايه محسسانا ان جوزها طلع مطلع وعمل اللى محدش عمله قبل كده
اما التانيه بقى فالحمل اتاخر شويه كانت كل شهر زى المجنونه وع الدكاتره مقولكيش من تانى شهر جواز

والله بجد موضوع جامد اوى وعجبنى والصراحه ضحكنى اوى على موضوع كلام الحموات ده ايه ده يا بنتى انتى كنتى حما قبل كده ولا ايه

اما عن سؤال
ترى من أين جاء هذا الربط بين شخصية الانسان وعدد الشهور التى قضاها فى بطن امه..؟! سؤال حير البعض ولم يشغل بال البعض الاخر ...

انتى مش فاهمه اصل هو العيل مجاش له خلق يقعد فى بطن امه اكتر من سبع شهور عشان كده بيقولو عليه خلقه دايق

افهموها بقى ههههههههههههههههه

ههههههههههههههههههههه
جامده ياعثوله بجد
لامكنتش حما ولاعندى مزاج ابقى حما
بلاغم
ههههههههههههههه
فهمناها ياباشا كده
خلقه ديق
شكلك بنت 7
ههههههههههههههه
m_emay
بجد هوه ده اللى بيحصل كلامك ميه ميه وبعين هما مش وخدين بالهم ان
ده تخلف مش ذكاء وفكرين نفسهم كده اذكيه مش عرفين ان ده قدرة
الله عز وجل وربنا ما بيتعنتش
بجد موضوعك جااااااااااااااامد اخر حاجه عجبنى اوى علشان الحكايه ده
كل شويه بتزيد ونفسى الناس ده تبطل التخلف اللى فيهم ده بقى
اشكرك على موضوعك الرائع ده
riri cat
بجد هوه ده اللى بيحصل كلامك ميه ميه وبعين هما مش وخدين بالهم ان
ده تخلف مش ذكاء وفكرين نفسهم كده اذكيه مش عرفين ان ده قدرة
الله عز وجل وربنا ما بيتعنتش
بجد موضوعك جااااااااااااااامد اخر حاجه عجبنى اوى علشان الحكايه ده
كل شويه بتزيد ونفسى الناس ده تبطل التخلف اللى فيهم ده بقى
اشكرك على موضوعك الرائع ده
فعلا ياريت الناس تفهم بقى
اصل انتى متعرفيش فى ايه؟
فى حاجه فى الجو بتعدى
ههههههههههه
الناس اتجننت وبقت تخنق بعضها
بقى وباء بعيد عنك
زى فيلمresident evil
هم بس لو يعرفوا ان ربنا سبحانه بايده كل شىء كانوا لموا نفسهم شويه
m_emay
فعلا ياريت الناس تفهم بقى
اصل انتى متعرفيش فى ايه؟
فى حاجه فى الجو بتعدى
ههههههههههه
الناس اتجننت وبقت تخنق بعضها
بقى وباء بعيد عنك
زى فيلمresident evil
هم بس لو يعرفوا ان ربنا سبحانه بايده كل شىء كانوا لموا نفسهم شويه
يلا كله منه لله وحسب الله ونعم الوكيل
فى التخلف او الوباء على رئيك اللى احنا بقينا فيه ده
riri cat
يلا كله منه لله وحسب الله ونعم الوكيل
فى التخلف او الوباء على رئيك اللى احنا بقينا فيه ده
ماهو ده يدل على ان احنا اكيد فى مصر
مش اى بلد تانيه
وسلملى على الحكومه
ملاك الحب2010
موضوعك جميل جدا واحب اشكرك عليه
وفعلا هو ده الى بيحصل وهيفضل يحصل لحد ما يوم القيامة يجى
وعمر ما الناس وخصوصا الحموات هيتغيروا
انا اقدر احط كل الكلام الجميل ده تحت عنوان واحد وهو التخلف
تقبلى مرورى
عثولةجدن
ههههههههههههههههههههه

جامده ياعثوله بجد
لامكنتش حما ولاعندى مزاج ابقى حما
بلاغم
ههههههههههههههه
فهمناها ياباشا كده
خلقه ديق
شكلك بنت 7

ههههههههههههههه

لاء والله ياختى بت تسعه كلنا واحد
مهينار
قومى ياحلوة ياصغيرة اخدمى نفسك واغسلى مكان طبقك ماحدش هيخدمك كل واحدة من بناتى بطنها قدامها قد كدة يا دوب عارفة تشيل روحها ربنا ينولهالك ياحبيبتى".

بجد كلام جارح اوى وفى ناس كتير بيقلوة
مرسى اوى على الموضوع المهم اوى دا
وياريت الناس تفضل فكرة ان الموضوع دا من عند ربنا
عثولةجدن
ماهو ده يدل على ان احنا اكيد فى مصر

مش اى بلد تانيه

وسلملى على الحكومه

ايوه احنا اكيد اكيد فى مصر

عند حد مانع انا من مدافعى عن مصر
اى حد عنده اعتراض ميقوليش عليه انتوا فاهمين
الفراشة العاشقة
كلامك كلو صح فعلا والله
وانا لية اعرف حد كدة
تسلم ايدك يا قمراية على التوبيك الجامد دة
riri cat
موضوعك جميل جدا واحب اشكرك عليه
وفعلا هو ده الى بيحصل وهيفضل يحصل لحد ما يوم القيامة يجى
وعمر ما الناس وخصوصا الحموات هيتغيروا
انا اقدر احط كل الكلام الجميل ده تحت عنوان واحد وهو التخلف
تقبلى مرورى
يااااااه فينك من زمان
بجد نورتى موضوعى
بس الحموات فى منها الطيب وفى منها القنبله الذريه
ربنابس يوقعنا فى حما كويسه مش حما حمى
عنوان جميل التخلف
بس ياترى هتحطيه لايه ولا لايه فى بلدنا؟!!!!!
riri cat
لاء والله ياختى بت تسعه كلنا واحد
هههههههههههه
ومالك بتقوليها وانتى متعصبه كده
ههههههههههه
يانهار بنت 9؟!!
ومامتك استحملت تشيلك جواها 9 شهور؟!!
ده هتلاقيها لزقت من كتر العسل
riri cat
قومى ياحلوة ياصغيرة اخدمى نفسك واغسلى مكان طبقك ماحدش هيخدمك كل واحدة من بناتى بطنها قدامها قد كدة يا دوب عارفة تشيل روحها ربنا ينولهالك ياحبيبتى".

بجد كلام جارح اوى وفى ناس كتير بيقلوة
مرسى اوى على الموضوع المهم اوى دا
وياريت الناس تفضل فكرة ان الموضوع دا من عند ربنا
شكرا لمرورك الكريم اختى مهينار
ياريت الناس تعقل
riri cat
ايوه احنا اكيد اكيد فى مصر

عند حد مانع انا من مدافعى عن مصر
اى حد عنده اعتراض ميقوليش عليه انتوا فاهمين
بتدافعى عن مصر؟
بايه بقى بالسلاح ولا بالعسليه؟
فهمينى يابت..
وبعدين انامعترضه بقى
objection
عارفه انانفسى اعيش فين؟
فى بطن ماما تانى
ياسلام عيشه اخر روقان
اكل وقت مااحب احلى اكل ده بتبقى هيصه وانام وقت مااحب ولماازعل اتنرفز على ماما براحتى واديها كام شالوت فى بطنها
ولاتقدر تعملى حاجه ولافى بقى ياختى اسلحه الدمار الشامل كالشبشب ابو ورده ولا الهوا
riri cat
كلامك كلو صح فعلا والله
وانا لية اعرف حد كدة
تسلم ايدك يا قمراية على التوبيك الجامد دة
ماهو مش انتى اللى هتعرفى حد كده
هى بتيجى صدفه ياختى
انتى وحظك بقى مع حماتك
نورتينى يافراشتى
lionhmada
موضوع جامد ومهم جدا

وفعلا يا ريت الناس تقتنع ان الاولاد رزق مش شطارة

وان كل حاجة مكتوبه ولها ساعتها الجواز والاولاد كله حيجي في وقته

وربنا يهدي الناس

شكرا على الموضوع المتميز
طايشه بس عايشه
هههههههههه بجد موضوع جامد اخر حاجه

وفعلا هو ده اللى بيحصل والللللللللللله ياريت محدش يستعجل بكره ابنه يجى ويطلع عينه وياسلام لو كانت بنت

يبقى نهاره .............................................
أميرة الورد
موضوع جميل قوى يا قمر وفعلا مش في مصر بس الحجات دى حتى عندنا في المغرب

بس في شوية وعي يعنى عندنا

بس التقاليد والعادات بردو ليها دخل في كل دة يعنى ممكن تلاقي ناس مثقفة وواصلة بالعلم الحمد لله يعنى

بس برددو تلاقي افكار دى شغلهم الشاغل

زمان كانت الست ماوراهاش حاجة غير الخلفة وبس فكانو بيتنافسو على الخلفة والى مخلفتش بسرعة تبقى ست ناقصة او حاجة زي كدة

وزبينسو ان ممكن يكون سبب التاخير عند الراجل لالا بيحكمو على الست وبس لو خلفت بسرعة ساعتها بس الراجل هو الى شاطر ومش عارف ايه؟

ولو اتاخرت الست دى مش نافعة شوفلك غيرها

افكار متخلفة في عصر التقدم العلمى والتكنلوجى

انا بنت خالتى مخلفتش غير على 12 سنة لما ربنا اراد طبعا لان كل حاجة بايد ربنا منمش بايد البشر

ربنا يهدى الناس يارب ويرحمونا من العادات الى بتودى ورا الشمس دى

نايس توبيك يا قمر

تقبلى مرورى
princess.moon
ههههههههههههههههههههههه

يخــرب بيـت دمـاغكـ البلـــوة دى

هههههههههههههههههههههههههههه


انــا الحمــد لله بنــت 9 شهــور

عارفين ياجماعة ...... ماما اتعرضت لحاجات كتير زى دى

وحماتها اللى هيا جدتى "الله يرحمها"

أخدتها وراحت التُرَب بالليل عشان تتخض وتخلف

هههههههههههههههه
بس كل ده كان حالة نفسية طبعاً

وسبحان الله اول ماسابت بيت العيلة ده
وقعدت في شقه لوحدها
بعيد عن الدوشة
انا بقا جييييييييييييييتتتتتتتت
هههههههههههههههههه

لأنى بلا فخـر جيت بع 7 سنين جواز

هههههههههههههههههه

ده انا مون مون برضه ....... مش اى حد

لكن ياجمــاعة البـت ريـري

أبصــم بالعـــشرين


انهـــا بنــت 5 شهـــور

هههههههههههههههههههههههههههه

ولا 7 ولا 9

يادوب ......... مامتها ماتستحملهاش اكتـر من كــده


هههههههههههههههههههههههههههههههههههه

هههههههههههههههه

ههههههه

هههه

هه

ه
أميرة الورد
هههههههههههههههههههههههههههههههههههههههههه

يخرب عقلك يا مون مون

انتى شكلك بنت 10 شهور
ومامتك رفضت تنزلك من بطنها

هههههههههههههههههههههههههههههههههه
riri cat
موضوع جامد ومهم جدا

وفعلا يا ريت الناس تقتنع ان الاولاد رزق مش شطارة

وان كل حاجة مكتوبه ولها ساعتها الجواز والاولاد كله حيجي في وقته

وربنا يهدي الناس

شكرا على الموضوع المتميز
شكرا ليك يامحمد
نورت موضوعى
riri cat
هههههههههه بجد موضوع جامد اخر حاجه

وفعلا هو ده اللى بيحصل والللللللللللله ياريت محدش يستعجل بكره ابنه يجى ويطلع عينه وياسلام لو كانت بنت

يبقى نهاره .............................................
مالها البنات يابت؟
هو انتى مش منهم ولاايه؟
ههههههههههههههههههه
وبعدين البنات زى الشربات
لكن الولاد بلانكد
riri cat
موضوع جميل قوى يا قمر وفعلا مش في مصر بس الحجات دى حتى عندنا في المغرب

بس في شوية وعي يعنى عندنا

بس التقاليد والعادات بردو ليها دخل في كل دة يعنى ممكن تلاقي ناس مثقفة وواصلة بالعلم الحمد لله يعنى

بس برددو تلاقي افكار دى شغلهم الشاغل

زمان كانت الست ماوراهاش حاجة غير الخلفة وبس فكانو بيتنافسو على الخلفة والى مخلفتش بسرعة تبقى ست ناقصة او حاجة زي كدة

وزبينسو ان ممكن يكون سبب التاخير عند الراجل لالا بيحكمو على الست وبس لو خلفت بسرعة ساعتها بس الراجل هو الى شاطر ومش عارف ايه؟

ولو اتاخرت الست دى مش نافعة شوفلك غيرها

افكار متخلفة في عصر التقدم العلمى والتكنلوجى

انا بنت خالتى مخلفتش غير على 12 سنة لما ربنا اراد طبعا لان كل حاجة بايد ربنا منمش بايد البشر

ربنا يهدى الناس يارب ويرحمونا من العادات الى بتودى ورا الشمس دى

نايس توبيك يا قمر

تقبلى مرورى
شكرا يانونا بجد نورتى موضوعى
وفعلا العادات السخيفه دى مش فى مصر وبس
ده فى بلاد كتيره
ربنا يهدى الجميع ويعرفوا ان ربنا قادر على كل شىء
riri cat
ههههههههههههههههههههههه

يخــرب بيـت دمـاغكـ البلـــوة دى

هههههههههههههههههههههههههههه


انــا الحمــد لله بنــت 9 شهــور

عارفين ياجماعة ...... ماما اتعرضت لحاجات كتير زى دى

وحماتها اللى هيا جدتى "الله يرحمها"

أخدتها وراحت التُرَب بالليل عشان تتخض وتخلف

هههههههههههههههه
بس كل ده كان حالة نفسية طبعاً

وسبحان الله اول ماسابت بيت العيلة ده
وقعدت في شقه لوحدها
بعيد عن الدوشة
انا بقا جييييييييييييييتتتتتتتت
هههههههههههههههههه

لأنى بلا فخـر جيت بع 7 سنين جواز

هههههههههههههههههه

ده انا مون مون برضه ....... مش اى حد

لكن ياجمــاعة البـت ريـري

أبصــم بالعـــشرين


انهـــا بنــت 5 شهـــور :d:d:d

هههههههههههههههههههههههههههه

ولا 7 ولا 9

يادوب ......... مامتها ماتستحملهاش اكتـر من كــده :d


هههههههههههههههههههههههههههههههههههه

هههههههههههههههه

ههههههه

هههه

هه

ه
هههههههههههههههههههههههههههههههههههههههههههههههههه ههههههههه
احدوا مامتك على الترب
وانااقول البت دى برضه شكلها ملبوسه
هههههههههههههههه
وحلوه لمابعدوا عن بعيد العيله جابونى فى الروقان دى
هههههههههههههههه
اه طبعا ركزوا وهم لوحدهم فجابوكى
هههههههههههه
يخربيت سنينك
وبعدين مين قالك انى قعدت فى بطن ماما 5؟
يابنتى ده من حبها فيا
لماميعاد ولادتى جت
قالت لاااااااااااا مش هولدها دلوقتى
انابحبها اوى وعاوزه فتره صلاحيه جديده
فشحنت كارت ب9 جنيه
وقعدت مده زياده
يعنى اناقعدت فى بطنها يااما 18 شهر
وبعدين بابا قالها كفايه كده عليها ده استوت
يلااولديها بقى
حتى لمااتولدت كنت نازله بشعر
riri cat
هههههههههههههههههههههههههههههههههههههههههه

يخرب عقلك يا مون مون

انتى شكلك بنت 10 شهور
ومامتك رفضت تنزلك من بطنها

هههههههههههههههههههههههههههههههههه
10 ايه يابنتى
هى كفايه عليها 3
وهتلاقى مامتها زهقت منها
ههههههههههههههههههههههه
princess.moon
هههههههههههههههههههههههههههههههههههههههههههههههههه ههههههههه
احدوا مامتك على الترب
وانااقول البت دى برضه شكلها ملبوسه
هههههههههههههههه
وحلوه لمابعدوا عن بعيد العيله جابونى فى الروقان دى
هههههههههههههههه
اه طبعا ركزوا وهم لوحدهم فجابوكى
هههههههههههه
يخربيت سنينك
وبعدين مين قالك انى قعدت فى بطن ماما 5؟
يابنتى ده من حبها فيا
لماميعاد ولادتى جت
قالت لاااااااااااا مش هولدها دلوقتى
انابحبها اوى وعاوزه فتره صلاحيه جديده
فشحنت كارت ب9 جنيه
وقعدت مده زياده
يعنى اناقعدت فى بطنها يااما 18 شهر
وبعدين بابا قالها كفايه كده عليها ده استوت
يلااولديها بقى
حتى لمااتولدت كنت نازله بشعر


ههههههههههههههههههههههههههههههههههههههه


انا ملبوسه ياتحفة .............. امال انتى ايه ؟؟؟؟؟؟؟؟ هههههههههههههههه

اقولك ......... انتى العفريت اللى لابسنى .............. :d:dهههههههههههههههههههههههههههههههههههه


يخرب بيت عقلك ........... انتى نازله بشعــــــر ....... هههههههههههههههههههههه

عشان كده شعـرك اطول منك ................. لا بيتهيألى لسانك هوه أطول حاجة فيكى

ههههههههههههههههههههههههههههههه
princess.moon
10 ايه يابنتى
هى كفايه عليها 3
وهتلاقى مامتها زهقت منها
ههههههههههههههههههههههه
مين دى اللى قعــدت 3 شهــور

اذا كان انا اسمى مون مون ........... يعنى قمرين ......... مش قمــر واحد

ههههههههههههههههههه


في قمــرين بالحلاوة دى والدم الخفيف ده ........... يقعـدوا 3 شهـور بس؟؟؟؟؟؟؟؟؟

ههههههههههههههههههههه
riri cat
ههههههههههههههههههههههههههههههههههههههه


انا ملبوسه ياتحفة .............. امال انتى ايه ؟؟؟؟؟؟؟؟ هههههههههههههههه

اقولك ......... انتى العفريت اللى لابسنى .............. :d:dهههههههههههههههههههههههههههههههههههه


يخرب بيت عقلك ........... انتى نازله بشعــــــر ....... هههههههههههههههههههههه

عشان كده شعـرك اطول منك ................. لا بيتهيألى لسانك هوه أطول حاجة فيكى

ههههههههههههههههههههههههههههههه
هههههههههههههههه
اكيدامك داعيه عليكى عشان كده انالبستك ياختى
سيحى بقى؟
قال شعر قال
وانتى شايفانى قزمه للدرجه؟!!!!!!!!
معرفش ياختى العقله مش جايبه نتيجه
ههههههههههه
امالسانى اطول منى فلااعتقد
*انتى هتعملى فيها عبده العبيط؟
ده هو المتنيل على عينه كان بيقولى نفس الكلمه مع انى مطولتش لسانى غير 4 مرات
هههههههههههههههه



اسم العضو:
سؤال عشوائي يجب الاجابة عليه

الرسالة:


رابط دائم
مواضيع مشابهة:
صور عائلة سعد الصغير آيام الكحرتة
بالفيديو : أسرع سيارة فى العالم تسابق أسرع طيارة مقاتلة .. يا تري مين اللي هيفوز؟
بالصور .. أسرع سيارة في العالم: أسرع من الصوت وأسرع حتى من الرصاصة !
بدء تصنيع أسرع سيارة في العالم أسرع من الصوت وأسرع حتى من الرصاصة !
الانترنت أسرع وسيلة لانهاء العلاقات العاطفية
لا تنسى تسجيل اعجابك

احدث مواضيع المنتدى
جميع الحقوق محفوظة © nmisr.com نجوم مصرية