نجوم مصرية
الرئيسيةمنتديات نجوم مصرية منتدى المدونين واصحاب المواقع منتدى الربح من موقعك
 • تسجيل الدخول
 • تسجيل عضوية جديدة

فيس بوك  جوجل بلس  تويتر  يوتيوب 


كيفية استخراج فيزا نت من بنك العربى الدولى الافريقى و كريدى اجريكول

 

السلام عليكم ورحمة الله وبركاتة

إذا كنت تريد شراء اى شئ من عن طريق الانترنت اليكم
شرح كيفية استخراج فيزا انترنت من
البنك العربى الافريقى الدولى و بنك كريدى اجريكول


اولا: البنك العربى الافريقى الدولى


كيفية الحصول على فيزا انترنت 4U Card من البنك العربى الافريقى الدولى

كرت فيزا نت البنك العربى الافريقى أو اللي إسمها 4U Card و دي كروت فيزا مخصصه للانترنت فقط و مش مرتبطه بحساب يعني تعمل إيداعات و سحوبات في الكارت عن طريق إنك تروح للبنك بنفسك
دي نوعها Debit Card يعني تحط الفلوس الاول و بعد كده تشتري بيها مش زى Credit Crad اللي البنك بيدفع لك و ليك مهلة سداد 55 يوم تسد اللي البنك دفعهولك الكارت الديبت ده اللى هوا اسمة 4u card مابتكونش مربوط بمده معينه يعني تحط فلوس و تشتري بيها و تسد كمان 10 شهور محدش هيقولك لأ


(و مالهوش حساب عشان تدخل ليه من علي الانترنت يعني تديره أونلاين)

دي صوره من الكارت اللي انت هتستلمه



إيه نظام الكارت ده طيب ؟؟؟؟؟؟
كارت فيزا نت واسمة 4U Card
الكارت ده هو مخصص للانترنت فقط و ماينفعش لا تشتري بيه من محل و لا تسحب بيه و لا أي حاجه غير للانترنت
يعني بمجرد ما تعمل الايداع في الكارت لايمكن إنك تسترجعها كاش أو تسحبها من الكارت إلا لو هتقفله و الفلوس هترجعلك بعد 30 يوم


مميزاته
>لا يشترط سن معين<
>الكارت صلاحيته 3 سنين و يتم تجديده بـ10 جنيه برده<
>أقل إيداع 100 جنيه و أقصي حد 4000 جنيه<


تحديث هام جداً جداً
أنا رحت البنك العربى الافريقى
1- استخرجت كارت فور يو عادي.
2- حطيت فيه مبلغ الحد الأقصى وهو 4000 جنيه.
3- قدمت طلب رفع الحد الأقصى إلى 2000 دولار.
4- تمت الموافقة على الطلب وتم رفع الحد الأقصى.
5- حطيت باقي مبلغ الـ2000 دولار في الحساب بتاع الكرت.
6- عملت العملية بتاعتي عادي جدا ونجحت وسحبت المبلغ بنجاح.


طيب تعالوا ندخل في تفاصيل إصداره
أول حاجه إنت بتروح البنك زي الباشا لقسم خدمة العملاء
و تقولهم انا عايز أعمل كارت 4U Card و تكون مجهز 110 جنيه
(هشحرلكم تفصيلهم)
هتاخد إستماره عشان تملاها فيها شوية بيانات شخصيه و رقم الـActivation Code المكون من 4 أرقام
(هقوللكم فايدته)
بعد ما تملا الاستماره دي هياخدوها منك و هيدولك كارت زي اللي في الصوره فوق و الـ110 جنيه
و البطاقه عشان يصوروها


تفاصيل الفلوس دي هي كالاتي :
10 جنية = رسوم اصدار





100 جنية = أقل إيداع في الكارت
بعد خمس دقايق هيقلولك كده خلاص الكارت بقا بأسمك
و تقدر تشتغل بيه بعد ما تفعله بعد الساعه 8 أو 9
روح البيت و نام شويه و إصحي علي 8 أو 9


و إتصل علي رقم خدمة العملاء
19555 فى مصر
و قولهم عايز أفعل الكارت
هيسألوك عن شوية بيانات و رقم الـActivation Code
و خليك فاكر الـAct. Code ده عشان كل مره هتتصل تسأل علي حاجه هيسألوك عليه
و بكده بقا معاك يا سيدي كارت فيزا و تشتري اللي انت عايزه من علي الانترنت

إحذر:
لما تيجي تتعامل بالكارت و قبل ما تشتري بيه
راجع كل البيانات بتاعة الكارت مع خدمة العملاء اللي علي الرقم السريع
و لو حد قالك الاسم بتاع الكارت INTERNET (حروف كبيره)
قوله لأ انا عايز يكون إسمي هو اللي علي الكارت و السبب في ده
بيكون الموظف اللي بيعمل لك الكارت بيون نسي يضيف اسمك و هو بيحط بيانات الكارت
فشركة فيزا بتحط الاسم ده من عندها لأنه الـDefault
لأن معظم المواقع بتقوللك إتأكد من الاسم الصحيح لما تكتب internet
و مش هيشتغل معاك


رأيي الشخصي في البنك
* خدمة عملاء في قمة الاحترام
* السيستم بتاعهم بيبين أي عمليه إنت عملتها و فورا
* أي عمليه مشبوهه زي مثلا شراء موقع أو سلعه من اللي بيتم شراؤها من علي النت بالفيز المسروقه
يكلموك و ينبهوك يقولولك ده إنت و لا لأ

ودية كل التفاصيل عن كارت فيزا نت ( 4ucard) من البنك العربى الافريقى الدولى






إقرأ ايضاً - طلب حذف عضوية
- استفسار بخصوص ادسنس ووضع الاعلانات في المنتدي
- الشيخ مسعد انور يتحدث عن حازم ابو اسماعيل فانظروا ماذا قال
- ماذا لو لم يفز حازم صلاح ابو اسماعيل برئاسة مصر
- مشكلة النشر الجانبي وصعوبة قراءة المواضيع

المقال "كيفية استخراج فيزا نت من بنك العربى الدولى الافريقى و كريدى اجريكول" من كتابة: بتاريخ : بتوقيت القاهرة
عاجل
مميز
 ›  كيف ترى طلب الصداقة الذي قمت بإرساله على الفيس بوك
 ›  اغرب واجمل تسريحات للشعر ظهرت في 2014
 ›  صور تجسد الرحمة والرأفة لبعض البشر
 ›  شاهد حيلة تقطيع الموز إلى شرائح دون تقشيره

 ›  بالفيديو: شبح يظهر فى مباراة كرة قدم

أخبار مصر    |   اخبار الفن    |   اخبار الرياضة    |   صور    |   بنات    |   الحب والرومانسية    |   العاب    |   طب وصحة

   |   غرائب    |   عروض    |   اسعار العملات والذهب    |   موبايل    |   فيس بوك    |   تعليم

swahid
بنك كريدى اجريكول (Gift Card Visa)

بطاقة الدفع المقدم من كريدى اجريكول وتسمى Gift Card Visa وهى سيلة سهلة جدا و آمنة لاستخراج فيزا انترنت لاستخدامها فى الشراء عبر الانترنت او عبر المحلات التجارية

ودية صورة موضحة للفيزا



كافة التفاصيل عن بطاقة فيزا نت (انترنت) والتى تسمى (Gift Card)
من بنك كريدى اجريكول :


*- البطاقة مدفوعة مقدما و لايمكن الشراء الا بالمبلغ الموجود فيها فقط و بالتالى فنخرج من شبهات التعامل الربوى للبطاقات الائتمانية المدفوعة بالاجل و تحميك من السرقة فلا يمكن توريطك فى مبالغ يتم سحبها اكثر من الموجودة فى البطاقة

*- استخراج البطاقة سهل جدا لايحتاج الى حساب مسبق فقط ببطاقتك الشخصية يمكن استخراج واحدة


*- ثمن البطاقة لأصدارها مبلغ 15 جنية مصرى


*- مدة الإصدار: تحصل عليها فورا من تاريخ الطلب مع صورة البطاقة الشخصية


*- البطاقة سارية لمدة ثلاث سنوات من تاريخ طباعتها. وطبعا تكون مطبوعة مقدما لأنك تحصل عليها فورا. ولذلك يكون تاريخ صلاحيتها الفعلي من تاريخ الطلب ينقص بحوالي 5 أشهر على الأكثر. يعني حوالي سنتين وسبع أشهر. لذلك لو حد عايز يطلعها يبقى يطلب من الموظف بطاقة ذات صلاحية أطول ما يمكن.


*- البطاقة حقيقية حيث انها ممغنطة و يمكن استخدامها للشراء من المحال التجارية او من الانترنت على حد سواء


*- البطاقة مميزاتها الحقيقة فى انك تتعامل بها مع ماكينات الصرف الآلى فقط ATM و لاتتعامل بها من خلال البنك المصدر , و هذه ميزة حقيقة فعمليات الايداع و السحب و معرفة الرصيد تتم من خلال ماكينات البنك المنتشرة فى مصر , ولك ان تتخلص من عناء الروتين , حيث اننى اقوم بعمليات الايداع فى البطاقة فى ايام الاجازات و فى اى وقت على مدار اليوم 24 ساعة على مدار ال 7 ايام دون عطلات او توقفات و الايداع فى الحساب فورى و تحصل على ايصال يالمبلغ المودع و برصيدك و التفعيل فورى دون الانتظار لساعات عمل او وقت معين يتم فيه الشحن ويتم الشحن بمضاعفات العشرة جنيه مصرى مع ملاحظة أن الماكينة لا تقبل إلا الفئات التالية: 10و20و50و100 والمبلغ المشحون بيسمع في الرصيد فورا لكن هناك موظف قال لي بأنه لا يمكن استخدام ذلك الرصيد إلا بعد مرور 24 ساعة لكني جربتها بعد شحنها بربع ساعة واشتغلت معي..


*- الميزة الاخيرة يمكنك السحب من رصيد بطاقتك من ماكينات الصراف الآلى و لكن بنسبة اعتقد كبيرة بعض الشئ اعتقد 3.5 جنيه فى عملية السحب الواحدة اما الايداع فلا توجد عليه رسوم


*- الاستعلام : يتم عن طريق التليفون 19191 من مصر


*- الدعم الفني : ممتاز للغاية


اخيراً .. البطاقة مقبولة عالميا بجميع المواقع الشهيرة او اى موقع فى العالم
البطاقة يمكن استخراجها من اى فرع من فروع بنك كريدى اجريكول فى مصر Crédit Agricole Egypt او اى بلد اخرى

كريدى اجريكول مصر
خدمة العملاء 19191
موقع البنك
كريدي أجريكول مصر

ودية معظم التفاصيل عن الفيزا انترنت لبنك كريدى اجريكول

لو حد عايز اى سؤال انا موجود

zapata
معلومات مفيدة ولك كل الشكر والتقدير ، نتمنى ان تفيدنا بمواضيع جديدة اخرى .
ziadarwady
يعني بطاقة كريدي اجريكول هطلعا ( نت و atm ) لا تشطرط سن ب 15 جنيه بسس :]
swahid
معلومات مفيدة ولك كل الشكر والتقدير ، نتمنى ان تفيدنا بمواضيع جديدة اخرى .
اتمنى ان يكون عجبك الموضوع

يعني بطاقة كريدي اجريكول هطلعا ( نت و atm ) لا تشطرط سن ب 15 جنيه بسس :]
ايوة ياصديقى هو كدة بالضبط لايشترط سن بدال معاك بطاقة شخصية ممكن تطلعها فى ثوانى وانتا فى البنك فى نفس اليوم وبـ 15 جنية بس + انك ممكن تشترى بيها فى جميع المحلات التجارية
والايداع بيكون من عن ماكينة الصراف ( atm) والسحب ايضا

وهو من افضل البنوك اللى اتعاملت معاها فى الفيزا نت
mohamed89
لم تذكر شيئ عن بطاقة بنك مصر
وانا ارى انها جيدة
لان اسمك يكون مطبوع عليها لذلك التسليم بعد 10 ايام
تستخرج ب 10 جنية بالبطاقة ولا يشترط السن
لا يوجد حد ادنى للايداع بها
الانتظار 24 ساعة لتفعيل المبلغ ( انا حطيته وبعد حوالى ساعتين اشتغل )
خدمة العملاء 24 ساعة فى رقم مخصص للكروت فقط
يكفى توفر بنك مصر فى كل مكان يعنى هتحط الفلوس فى اى فرع قريب منك
swahid
لم تذكر شيئ عن بطاقة بنك مصر
وانا ارى انها جيدة
لان اسمك يكون مطبوع عليها لذلك التسليم بعد 10 ايام
تستخرج ب 10 جنية بالبطاقة ولا يشترط السن
لا يوجد حد ادنى للايداع بها
الانتظار 24 ساعة لتفعيل المبلغ ( انا حطيته وبعد حوالى ساعتين اشتغل )
خدمة العملاء 24 ساعة فى رقم مخصص للكروت فقط
يكفى توفر بنك مصر فى كل مكان يعنى هتحط الفلوس فى اى فرع قريب منك
هى طبعا فيزا بنك مصر كويسة وميزتها فعلا ان البنك فى كل مكان ولايوجد حد ادنى للايداع بس ليها عيوب :

اولا انها مع بعض المواقع لا تقبل الدفع من عن طريقها

ثانيا انها تاخذ وقت للحصول عليها ومش المهم ان يكون اسمك عليها المهم سرعة تنفيذها واستعمالها
ولكن فى البنكين اللى انا ذكرتهم بـتأخذها فى النفس الوقت اللى انتا رايح تقدم عليها بعد 15 دقيقة من
التقديم

ثالثا لازم لما تعمل ايداع طبعا لازم تروح البنك ولكن فيزا كريدى اجريكول مثلا تعمل الايداع عن طريق ماكينة الصرافة يعنى ممكن تعمل ايداع 24 ساعة فى اى وقت مش محتاج تروح البنك حتى لو 5 الفجر


رابعا : انا فاكر لما كنت عملتها انى هيا كانت مدتها سنة واحدة فى بنك مصر ولكن بنك كريدى اجريكول والعربى الافريقى الدولى مدتة 3 سنوات و بـ 15 و بـ 10 جنية فقط
mohab_hoba
مشكور جدا عالموضوع الجامد ده بس عندي سؤال صغير

انت بتقول في كارت البنك الافريقي اكون محضر معايا 110 جنيه اوك يعني 100 جنيه دي هتبقي رصيد معايا؟؟

و بالنسبة لكارت اجري كول بدفع بس 15 جنيه جميل طب بالنسبة للرصيد؟؟ طب هو بالنظام الاقتراض طب هو بيبقي فيه ضمانات او اي حاجة و امتي بدفعهم و بجد اكون شاكر ليك و اسف عالأطالة
swahid
مشكور جدا عالموضوع الجامد ده بس عندي سؤال صغير

انت بتقول في كارت البنك الافريقي اكون محضر معايا 110 جنيه اوك يعني 100 جنيه دي هتبقي رصيد معايا؟؟

و بالنسبة لكارت اجري كول بدفع بس 15 جنيه جميل طب بالنسبة للرصيد؟؟ طب هو بالنظام الاقتراض طب هو بيبقي فيه ضمانات او اي حاجة و امتي بدفعهم و بجد اكون شاكر ليك و اسف عالأطالة
العفو ياصاحبى وبالنسبة لأسألتك
100 جنية حتكون معاك رصيد وتقدر تستعملها فى شراء اى شئ

بالنسبة لكريدى اجريكوا انتا بتدفع بس 15 جنية وبالنسبة للرصيد الحد الادنى ايضا 100 جنية بس مش لازم
تخدها اول مرة زى البنك العربى الافريقى ممكن تعمل ايداع بيها فى اى وقت

لأ هو مالوش دعوة بنظام الاقتراض انتا بتشترى بالفيزا على حسب الفلوس اللى انتا جاطتها

ضمان على اية بالضبط؟

لايوجد وقت محددد بالنسبة للسحب او الايداع لأن فى الاول وفى الاخر انتا اللى حاطط الفلوس دية فى الفيزا وانتا اللى بتسحبها فى اى وقت تشاء
elgharib2008
thanbksssssssssssssssssssssssssss
swahid
thanbksssssssssssssssssssssssssss
you are welcome any time
%u0632%u0627%u0626%u0631
مشكور علي المجهود الاكثر من رائع
%u0632%u0627%u0626%u0631
السلام عليكم ... بعد اذنك كنت عايز اسأل لو عايز اعرف الرصيد المتبقي في البطاقة ... هل فيه موقع ممكن اعرف منه ؟
شكرا جزيلا
%u0632%u0627%u0626%u0631
اولا اشكرك على شرحك الاكثر من رائع فعلا انتا قولت الى انا محتاجو من شرح عن البطاقات
ثانيا سؤال اول مره اشحن فيها لكريدى اجريكول مصر بتبقى 100 شرط اساسى وبعدين اى فئه من الفئات المحدده ولا اى فئه من الفئات المحدده على طول
ارجو الرد
%u0632%u0627%u0626%u0631
تشحنا باىء فئة انا شحنتها بالف جنية ورق فئة 200 جنية
%u0632%u0627%u0626%u0631
انا لو عايز اعمل فيزا كارت

او اى اعمل حساب تاني ازاى



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كل ما تريد معرفته عن فيزا إنترنت كريدي أجريكول للشراء عبر الإنترنت
البنك العربى الافريقى الدولى
طريقة استخراج فيزا كارت كيفية استخراج كريدت كارت في مصر
موجز اخبار مصر الخميس 9/2/2012-تهريب اثار-سطو على كريدى اجريكول-تفجير الداخلية-11 جثة...............
تفاصيل محاولة السطو على بنك كريدى اجريكول شرم الشيخ اليوم الاربعاء





لا تنسى تسجيل اعجابك

احدث مواضيع المنتدى
جميع الحقوق محفوظة © nmisr.com نجوم مصرية