ريال مدريد يطلب التعاقد مع أبو تريكة ...و تشلسى يتدخل لإفساد الصفقة .

2. برشلونة الأسبانى يطلب التعاقد مع متعب بديلا لصامويل ايتو وإنتر
ميلان يطارد اللاعب فى كل مكان .

3. رونالدينو يعرض نفسه على الأهلى ومجلس الإدارة يرفض حرصا على
العلاقات
التاريخية بين الأهلى و برشلونة .

4. فابيو كابيللو المدير الفني لريال مدريد يقول : أحلم بتدريب الأهلى

5. جماهير اليابان تطالب شركات الطيران بتنظيم رحلات شارتر أسبوعية إلى
القاهرة لمشاهدة مباريات الأهلي فى الدوري .

6. انتشار أسم أبو تريكة بين المواليد الجدد فى اليابان .

7. أندية برشلونة و ريال مدريد ومانشستر يونايتد و تشلسى تطلب اللعب مع
الأهلى وأندية أيطاليا و المانيا وفرنسا فى أنتظار الدور .

8. فابيو كنافارو مدافع منتخب ايطاليا و أحسن لاعب فى أوروبا 2006 يقول :

اتمنى اللعب بجوار وائل جمعة .

9. اينو يقول : لم أوقع ل ( أيه سى ميلان ) علشان بحب
الأهلي .

10. صراع بين البرازيل و الأرجنتين للحصول على خدمات البدرى ....و حسام البدرى
يرد : أنا قاعد فى الأهلي .

11. المدير الفني لليوفينتوس يطلب التعاقد مع احمد عادل عبد المنعم بديلا لبوفون ,

وتعليقا على جلوسه احتياطيا لمدة سنتين يقول : مش مهم ...المهم انه من ريحة
الأهلي .

12. مطاردة بين سماسرة الكرة الأوربية الكبار وجميع لاعبي الأهلي فى شوارع
طوكيو ( حلق يا جدع )

.

13. بور سعيد مش بتحب الأهلي......مش مهم علشان ..لندن بتحب الأهلي و باريس
بتحب الأهلي و روما بتحب الأهلي ومدريد بتحب الأهلي و موسكو بتحب الأهلي و
واشنطن بتحب الأهلي وجميع كل حته في الأرض بتحب الأهلي ( فريق عالمي بأه...) .

14. مفاجأة ......الحزب الجمهوري يخسر انتخابات الكونجرس لأنهم مش بيشجعوا
الأهلي .
15. كشف أثرى هام ....العثور على بردية من أيام الملك خوفو مكتوب عليها (
بيب بيب ...أهلي ) بالهيروغليفي .

16. وكالة ناسا الفضائية تعلن : جماهير الأهلي في كوكب زحل تناشد المسؤولين
في النادي الأهلي إذاعة مباريات الفريق على الهواء مباشرة رغم اختلاف التوقيت .

17. بعد أن تخطى مرحلة العالمية ......الفيفا يختار النادي الأهلى ممثلا
لكوكب الأرض في بطولة دوري أبطال المجموعة الشمسية المؤهلة لبطولة
دورى
أبطال المجرة .....المؤهلة لكأس أبطال الكون ........المؤهلة مباشرة الى الخانكة
طبعا دى أخبار مش حقيقيه

هههههههههههه وكمان هههههههههههههه كمان مرا هههههههههه
يارب كنت خلاص شويه وهقتنع

ههههههههههههههههههه
والله انتى عسل ياابنى
اوعى تقتنع

ههههههههههههههههه انا من اول مدخلت وعرفه نيه الزمالكاويه ههههههههههههههه

بس اللى متعرفوش انها حقيقه هههههههههههههه

هههههههههههه
اوك وعلشاااااااان خاطر الزمالكاوية اخوانا الاعزاااء

جااري تثبيت الموضوع

اهلاااااااااااوي ع طووووول

على فكرة عادى كل شىء جايز
والله انت واد رخم هههههههههههههههههههه

اهو الكلام ده ذات نفسه
يقنع نفسه
ان الاهلى بنفسه
مكروه من كل الزمالكاوية واللى مش عارف ينافسوا
ازيك بجــــــــى

شكرا يادرش حبيبى طول عمرك بتحرجنى بذوقك واخلاقك
امو مش بنعرف ننافس طب ميعادنا الكاس
وسيكا سيكا ....ع المزيكا
حنمسح البدرى ....بالاستيكه