|
احنا مستنين باقى الحلقات من زمان بليز تنزلها بسرعة متشوقين لمعرفة الاحداث
|
|
بلييييييييييييييييييز ياريت باقى الحلقات انت طولت علينا اوى او ى
|
|
اسفة اوى عالازعاج بس بجد مشتاقين نعرف اية النهاية
|
|
بليييييييييييييييييز عايزين نعرف امتة هتنزل باقى الحلقات
|
|
كل سنة وانتم طيبين ورمضان كريم
وســـــــــــــــــــــــــورى علـــــــــــــــــــــــــى التـــــــــــــــــــاخيــــــــــــــــر الحلقه السادسه و العشرين تاني يوم مازن مقدرش يروح الجامعه عشان كان عنده تمرين الصبح نانسي: سلام عليكم مازن: و عليكم السلام اهلا نانسي نانسي: سوري يا مازن اني كلمتك بس انت مجتش النهارده و كنت عايزه اعرف عملتلي ايه في الموضوع اللي كلمتك فيه مازن: اها انا كلمت بابا و قالي هيرد عليا النهارده ان شاء الله نانسي: يعني باليل كده اتصل بيك مازن: لالالا انا جاي بكره الجامعه نانسي: اوك.. طيب تحب اصورلك محاضرات النهارده كان فيه محاضره مهمه جدا للدكتور سيد نجم مازن: لا شكرا يا نانسي علي هيصورهالي نانسي: اوك طيب هستني الرد بكره مازن: ان شاء الله ـــــــــــــــــــــــــ ـــــــــــــــــــــــــ ــ ريم وقتها كانت بترن عليه بيديها مشغول و اخيرا بعد ما خلص رن ريم: ازيك يا حبيبي مازن: الحمد لله عامله ايه يا حبيبتي و اخبار الكليه معاكي ايه؟ ريم: اهه الحمد لله.. بقالي عشر دقايق برن عليك بيديني مشغول خير في حاجه؟ مازن: ها لا مفيش عادي انا كنت بكلم واحده زميلتي ريم: زميلتك؟؟؟ خير مازن: لا خير ان شاء الله دي كانت عايزه مني خدمه كده و خلاص هخلصهالها بكره الصبح ريم: اها... طيب مازن: ايه؟ دماغك مترحش لبعيد احسن اكسرهالك ريم: لا يا سيدي لا بعيد و لا قريب انا واثقه في حبيبي اطلع منها انت مازن: ههههههههه طيب طالع اهه متزقيش ريم: وحشتني اوي مازن: و انتي وحشتيني موت و الله يا ريم نفسي اجيلك اوي و الظروف معصلجه معايا بطريقه غبيه بجد هتجنن ريم: بعد الشر علي حبيبي من الجنان و لا يهمك يا روحي انا مقدره ظروفك مازن: ربنا يخليكي ليا يا روحي ريم: و يخليك ليا يا روح قلبي ـــــــــــــــــــــــــ ـــــــــــــــــــــــــ ـــ تاني يوم الصبح في الجامعه نانسي: مازن ... ماااازن مازن: ايوه نانسي كنت بدور عليكي نانسي: خير خلصتلي الموضوع؟ مازن: ايوه يا ستي رئيس الجامعه وافق و كله تمام تقدري تبدأي من بكره لو حبيتي نانسي: بجد ميرسي اوي يا مازن بجد مش عارفه اشكرك ازاي مازن: لا متشكرنيش انا و الله نفسي اعمل حاجه فيها خير كده من زمان نانسي: طب ما احنا فيها مازن: مش فاهم تقصدي ايه؟ نانسي: انا محتاجه حد يساعدني في المشروع ده صعب اوي اكون لوحدي فيه ايه رايك لو تساعدني انت مازن: اممممم لا صعب جدا انا معنديش وقت اساسا باجي الجامعه بالعافيه عشان اخر سنه و لازم التزم شويه و التمارين مش رحماني مينفعش خالص نانسي: ليه بس انا مش هعطلك كتير وقت ما تحب تمشي امشي انا بس عايزه راجل يقف معايا و يساعدني و كده و اهه برده ثواب مازن: بس يا نانسي .. نانسي: انا مش هغصب عليك فكر و انا مستنيه رايك و ايا كان مش هزعل مازن:طيب هبقي ارد عليكي ـــــــــــــــــــــــــ ـــــــــــــــــــــــــ ــــ مازن* و بعدين اوافق و لا موافقش بس هيبقي تعب عليا جامد هو انا ناقص يعني .. انا صحيح نفسي من زمان اعمل حاجه زي دي بس متجيش علي حساب الجامعه و التمارين انا مش ناقص عطله عاوز اوصل بقي.. ياابني ما هي قالتلك مش هعطلك ووقت ما تحب تمشي هتمشي... امممم ممكن ليه لا ... اوووبس ريم ... ريم دماغها هتروح لبعيد انا وعدتها اني هقطع علاقتي بكل البنات في الجامعه و في كل حته .. ياابني ده عمل خير هو انا رايح احب البنت ... و هي هتفهم كده دي بتغير عليا من صحابي الولاد ... هههههه عسل البت ريم دي بحبها اوي .... وقت ضحك انت كمان هتعمل ايه؟؟.... مفيش غير اني اقولها واخد رايها.. يا سلام يااخويا و انت مالكش راي.. طبعا ليا راي بس مبحبش ازعلها دي مهما كان روح قلبي .. و افرض موافقتش هتمشي كلامها عليا يعني... لا طبعا القرار الاخير هيبقي ليا انا بس هقولها عشان تبقي عارفه و ميحصلش مشاكل و بعدين كمان متعودتش اخبي عليها حاجه ريم: و يعني مفيش غيرك هو اللي يساعدها مازن: هي بتقول عايزه راجل يقف جنبها ريم: يا راجل ... و الله حلو اوي مازن: ريم انظبطي في الكلام ريم: ما هو حاجه متتعقلش بصراحه مفيش رجاله غير مازن .. و بعدين هو انت فاضي اساسا مازن: و الله معرفش اهه اللي حصل .. و بعدين متخلنيش اندم اني اخدت رايك ريم: لا هتاخد بيه اوي ... ماانت مش هتنفذ الا اللي في دماغك في الاخر هو انا عبيطه يعني هصدق انك جاي تاخد رايي و اللي هقوله هيتنفذ مازن: لا كده بجد ندمت و ندمت اوي كمان ريم: خلاص انا اسفه .. اعمل اللي انت عايزه مازن: يا بت خليكي واثقه فيا انا بحبك و عمري ما هفكر في حد غيرك اعقلي بقي يخربيت دماغك ريم: طيب متزعقش اعمل اللي انت عايزه خلاص مازن: برده.. يخربيت رخامتك مش هقفل الا لما تقوليلي موافقه و روح يا حبيبي انا واثقه فيك و في حبك ليا يلا اخلصي ريم: هو بالعافيه مش قايله مازن: ريم ريم: اووف موافقه يا حبيبي مازن:كملي انا واثقه في حبك ليا و من غير اوف ريم:انا واثقه ياخويا في حبك ليا خلاص مازن: اخوكي في عينك .. انا حبيبك يا دزمه ريم: طيب يا حبيب الدزمه مازن: ريم ريم: نعم مازن: مازن بحبك اوي و بجد عمري ما هفكر في حد غيرك و لا هحب حد غيرك و الله لو كانت مين و بنت مين برده بحبك يا ريم ريم: و انا بحبك و مش عايزه احس ان في حد قريب منك و انا بعيد و خصوصا انها بنت و مش اي بنت زي ما بتقول مازن: مهما كانت برده بحبك انتي ريم: ربنا يخليك ليا يا حبيبي مازن: يعني خلاص اقتنعتي؟ ريم: اممممممم مش اوي مازن: عارفه انتي لو قدامي دلوقتي كنت عملت ايه فيكي؟ ريم: هتضربني يعني؟ مازن: لا هبوس راسك و اخدك في حضني و اقولك بحبك و عمري ما هستغني عنك ريم:ان كان كده يبقي خلاص موافقه مازن: بحبك ريم: و انا بعشقك ـــــــــــــــــــــــــ ـــــــــــــــــــــــــ ــــــــــ بدأ المشروع مع نانسي و بقي مشغول طول الوقت و ريم هتتجنن ليل نهار تتصل بيه و الدنيا بتولع نار لما يقولها انه مع نانسي او يكون موبايله مشغول و هي بترن بتبقي هتتجنن شهنده: يا ريم اعقلي مازن بيحبك ريم: طب ما عمرو كان بيحبني و مع ذلك باعني مع اول بنت دخلت حياته شهنده: لا بقي حرام عليكي و الله تقارني مازن بعمرو ده حاجه و ده حاجه ريم: بصي بقي انا عمري ما شكيت في عمرو و برده طلع ندل خايفه اعمل كده مع مازن يطلع زيه شهنده: لا ده انتي كده هبله بجد يا بنتي انتي اكتر واحده عرفتي مازن ده بيحبك بجد عمرو ده كان لعب عيال ريم: يا سلام ياختي و لما هو لعب عيال ليه لحد دلوقتي بيكلمك يطمن عليا بعد ما غيرت نمرتي شهنده: واحد خنيق و مالوش لازمه بصراحه لو فضلتي علي الحال ده مازن هيسيبك بجد عشان الجنان ده ريم: يسبني .... ده انا كنت اموت و الله اموت انا بحبه اوي يا شهنده ده لما بنزعل مع بعض يومين و منتكلمش فيهم بحس ان روحي بتتسحب مني و بتعب اوي شهنده: يبقي تعقلي كده و خليكي واثقه فيه شويه اكتر من كده ريم: بس ده معاها ليل نهار ان مكنش في الجامعه يبقي في التليفون شهنده: و انتي ايه اللي عرفك هو فاضلها مش وراه تمارين و مذاكره ريم: برن عليه الاقيه مشغول شهنده: يادي النيله و مفيش غير ست نانسي اللي بتكلمه ريم: مش عارفه بقي اللي اعرفه انه لو فكر يسبني هقتله و اقتل نفسي ده ان ممتش في ساعتها شهنده: و الله انتي مجنونه ربنا يهديكي و تقدري النعمه اللي في ايدك و مش تضيعيها بغبائك و بسبب واحد تافهه زي عمرو ـــــــــــــــــــــــــ ـــــــــــــــــــــــــ ـــــــــــــــــــــــــ وليد: ياابني طب ما تريحها و بلاها المشروع ده مازن: يعني ايه انا متعودتش اسحب كلمتي و بعدين هو انا بعمل ايه يعني لكل القلق و الغيره دي..عمرها ما كنت كده بقالنا سنتين اهه.. دي بتكلمني ليل نهار و طول ماانا في الجامعه تتصل مش فاهم في ايه وليد: بتحبك و بتغير عليك مازن: طب ماانا بحبها و وعدتها مليون مره اني مش هحب حد غيرها وليد: معلش ريحها يعني ريم و لا المشروع؟ مازن: ياابني ايه اللي دخل دي في دي ... المشروع ده خير بعمله مش عشان خاطر نانسي زي ما هي فاكره وليد: مش عارف انت دماغك ناشفه و مش هتسمع كلام حد مازن: انا واثق في نفسي كويس و عارف انا بعمل ايه هي بقي مش واثقه فيا دي حاجه تانيه و لازم تتأدب عليها عشان مش بعد كل الحب ده تطلعني علي الاقل في دماغها اني قليل الاصل و ممكن افكر في واحده غيرها وليد: هتعمل ايه يعني مازن: هخليها تندم علي شكها فيا و بعدين هأكدلها حبي بطريقه تخليها في ربع هدومها و تبطل هبل الغيره و الشك ده وليد: و الله ما فاهم حاجه مازن: مش مهم المهم اني فاهم و هنفذ اللي في دماغي و نشوف دماغك فيها ايه يا مازن بس الحلقه الجايه((الاخيره)) مستنى رائكم فى الحلقه |
|
لنى اتاخرت كتير اوى على نزول الحلقات فا هنزلكم الحلقة الاخيرة ويارب تكون القصة عجبتكم
الحلقه الاخيره ريم: مازن انا عيزاك تسيب المعرض ده ممكن؟ مازن: نعم اسيبه ليه ان شاء الله؟؟!! ريم:مش طايقه احس انك مع اللي اسمها نانسي دي طول الوقت و انا حبيبتك مشفتكش في حياتي الا مره واحده مازن: ريم انا عمري ما قلت كلمه و رجعت فيها و انا قلت هكمل في المشروع ده يبقي هكمل ريم: يعني المشروع ده اهم من حبيبتك؟ مازن: مش ملاحظه انك زودتيها اوي ريم: زودت ايه؟ مازن: زودتي رغيك و زنك في الموضوع ده و انتي عارفه كويس اني لا بحب الرغي و لا الزن ريم: ماشي يا مازن انا رغايه و زنانه بس برده مش هرتاح الا لما تسيبه انت مستفاد منه ايه؟ مازن: انتي عايزه تتخانقي زي كل يوم و لا ايه هو بقي مقرر عليا كل يوم يتنكد عليا بسببك انتي مبقتيش طبيعيه انا خلاص زهقت و اتخنقت و و و و ريم:................. مازن:انا خلاص يا ريم مبقتش قادر استحمل انتي تقريبا مش بتنيمني ليل نهار تتصلي بيا الشك هيقتلك و يقتلني معاكي ارحمي نفسك شويه و ارحميني بقي انتي ايه مبتزهقيش ريم:............. كل ده و ريم ساكته و الدموع نازله زي الشلال علي خدها مش قادره تنطق مش مصدقه ان مازن بيقول الكلام ده و هو بيكمل و مش مبطل اللي بدأه مازن: انا هقفل و مش عاوز اسمع صوتك تاني الا لو رجعتي ريم بتاعت زمان ريم اللي بتحب مازن بجد و بتثق فيه ريم اللي عمر ثقتها بنفسها ما اهتزت و لا لحظه سلام و قفل في وشها ريم* مش ممكن انا ايه اللي بيحصلي ده.. مين اللي كان بيكلمني عمرو و لا مازن .. هتجنن مستحيل مستحيل يكون مازن اتغير للدرجه دي ...لا لا يا مازن انا بحبك و بحبك اوي كمان حرام عليك تعمل فيا كده حرام حرااااااااااااام و انهارت في العياط و هي مش مصدقه اللي بيحصل و لا قادره تستوعب اي كلمه سمعتها من مازن ـــــــــــــــــــــــــ ـــــــــــــــــــــــــ ــــــــ بعد يومين و ريم في حاله انهيار شديده و بكاء مستمر شهنده: يا حبيبتي اهدي مش كده ريم: اهدي ازاي بقولك مازن خلاص راح مني راح يا شهنده ده قالي مش عايز اسمع صوتك تاني شهنده: اكيد لحظه غضب و هيرجع يتاسفلك صدقيني ريم: لا مازن عمره ما قالي كده و بيعرف يتحكم في اعصابه كويس مستحيل يكون مش قاصد الكلام ده مستحيل شهنده: ياربي طب اهدي حرام عليكي نفسك بقالك يومين مبتبطليش عياط كده هيحصلك حاجه ياريم ريم: ده معبرنيش يا شهنده يومين اهه و معبرنيش برنه حتي ازاي هنت عليه شهنده: يمكن مشغول شويه او عايز يريح اعصابه شويه ريم: مشغول في ايه مشغول مع الهانم اللي اخدته مني انا ليه بيحصلي كده لييييه ياربي ليه و اترمت في حضن شهنده و هي بتعيط جامد اوي ريم: ليه الجرح دايما هو نصيبي ليه مبتهناش علي حب ليه ... مازن كان بالنسبالي الدنيا الحياه النفس اللي بتنفسه من غيره هيحصلي حاجه يا شهنده همووووووت شهنده: بعد الشر عليكي متقوليش كده ... مازن مش زي عمرو صدقيني ريم: متقوليش مش زي عمرو كلهم واحد كلهم خاينين ميستحقوش غير الخيانه و الغدر انا بكرهه بكرهم كلهم بكرهم ـــــــــــــــــــــــــ ـــــــــــــــــــــــــ ــــــــــ روحت شهنده البيت و هي زعلانه اوي علي حال صحبتها و اللي حصلها مش مصدقه ان مازن يعمل كده بعد كل الحب اللي كان ما بينهم و كميه السعاده اللي كانت بتشوفها في عيون ريم و هي بتتكلم عنه و تاني يوم الصبح اتصلت شهنده بريم في البيت محدش رد عليها و لما اتصلت علي موبايلها لقته مقفول قلقت جدا علي صحبتها و خصوصا ان حالتها كانت وحشه جدا و راحت تطمن عليها في البيت و لما سالت الجيران قالوا ان ريم تعبت اوي امبارح و نقلوها المستشفي باليل و طلعت جري علي المستشفي تطمن علي صحبتها شهنده: خير يا طنط ريم حصلها ايه؟ الام: مش عارفه يابنـتي امبارح باليل فضلت تعيط جامد و حرارتها ارتفعت اوي و قعدت ترتعش لحد لما اغمي عليها و نقلناها علي هنا شهنده: يالهوي كل ده حصل ؟ يا حبيبتي يا ريم الام: حالها متغير بقالها يومين لا بتاكل و لا بتشرب و دايما حابسه نفسها في اوضتها مبتكلمش حد ..انتي الوحيده اللي عارفه فيها ايه يا شهنده.. قوليلي ريم مالها و ايه اللي بيحصلها؟ شهنده: ها .... اه .... لا يا طنط اصل ريم من يوم ما بدأت الدراسه و هي حاسه انها اقل من زمايلها اللي سبقوها و دايما حاسه انهم بيبعدوا عنها عشان كده هي مخنوقه اوي من الكليه و تعبانه بس الام: لا حول و لا قوه الا بالله صحابها دول ايه ده كل شئ نصيب يارتنا كنا حولنالها زي ما كانت عايزه شهنده: قدر الله و ماشاء فعل المهم دلوقتي هي اخبارها ايه؟ الام: الدكتور قال هتبقي كويسه بس قال الاحسن تقعد يومين يطمنوا عليها اكتر شهنده: احسن برده طب ممكن ادخل اطمن عليها الام: طبعا يا حبيبتي ادخليلها ـــــــــــــــــــــــــ ـــــــــــــــــــــــــ ـــــــــــــــ قبل ما تدخل شهنده علي ريم حاولت تخبي دموعها و تبان طبيعيه قدام صحبتها شهنده: قطتي الجميله عامله ايه؟ ريم:............. شهنده: يا خرابي قطتي مبتردش عليا يا ناس ... سكتت شويه بعد ما شافت الدموع ماليه عيون ريم و بعدين كملت شهنده: ازيك يا ريمو عامله ايه دلوقتي يا حبيبتي؟ ريم: الحمد لله شهنده: للدرجادي بتحبيه يا ريم؟؟!! ريم:  شهنده: طب تحبي اتصلك بيه؟ ريم: اوعي يا شهنده و الله العظيم يكون اخر يوم بيني و بينك شهنده:  ريم حست انها زودتها لانها عمرها ما قالت كلمه زي دي لشهنده ريم: انا اسفه يا شهنده متزعليش مني شهنده: انا مش زعلانه منك يا ريم انا زعلانه عليكي عايزه اساعدك باي طريقه و مش عارفه ازاي ريم: لا انا مش محتاجه مساعده انا خلاص كده انتهيت و مفيش حاجه عادت تفرق معايا شهنده: طب ما تقوليش انتهيت دي تاني عشان بجد هزعل منك ريم: لا متزعليش انا خلاص يا شهنده هعيش لنفسي و الحب ده مش هيدخل قلبي تاني بعد النهارده شهنده: ريم: انا كنت فاكره ان في واحد احسن من واحد لكن كلهم طلعوا زي بعض نسخه من بعض مفيش فرق بين عمرو و مازن الفرق الوحيد اني حبيت مازن بجد و اتجرحت برده بجد و مش اي جرح ده اكبر جرح هيفضل ينزف بقيه حياتي شهنده: بس يا ريم..... ريم: من غير بس انا خلاص مبقتش عايزه حاجه زي ما قلتلك هعيش لنفسي و مش هحتاجه لا هو و لا غيره شهنده: قامت باستها و حضنتها شهنده: ربنا يوفقك يا حبيبتي و يخفف عنك يارب ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ خرجت ريم من المستشفي بعد ما قضت 3 ايام فيها و 3 ايام زيهم في البيت و قررت تنزل الجامعه و تكمل حياتها و كان شيئا لم يكن اتفقت مع شهنده و نزلوا سوي و كل واحده راحت علي كليتها في المحاضره الاولي فضلت سرحانه مش حاسه بحاجه و لا سامعه اي حاجه حواليها مش شايفه غير صوره مازن و مش قادره تسمع غير كلمه بحبك في ودنها منه ريم* بقي كده يا مازن للدرجادي هنت عليك ... هان عليك حبي ليك .. ده انا عمري ما دقت طعم الفرحه الا لما حبيتك .... وحشتني وحشتني اوي ... انتي ايه ده خلاص باعك و سابك انسيه بقي معدتيش تفكري فيه ده ميستاهلش زي غيره ... مش قادره بحبه مش قادره انساه و لا قادره افكر في حد غيره ..مش قادره استوعب انه خلاص مبقاش ليا مبقاش حبيبي معدتش هسمع صوته تاني ده حرام حرام يا ناس ـــــــــــــــــــــــــ ـــــــــــــــــــــــــ ــــ خلصت المحاضره و فضلت ريم في مكانها في المدرج لحد ما تبدأ المحاضره التانيه و هي قاعده سرحانه بتكلم في نفسها و الدموع ماليه عنيها رن موبايلها ريم: ايوه يا شهنده شهنده: ازيك يا حبي عامله ايه دلوقتي؟ ريم: الحمد لله شهنده: انتي فين دلوقتي؟ ريم: قاعده في المدرج مستنيه المحاضره الجايه شهنده: طب انزلي اقعدي معانا تحت معايا ندي و مها و هدير ريم: لا انا ماليش نفس انزل هفضل قاعده هنا شهنده: يا بت بقول انزلي صدقيني مش هتندمي ده انتي هتيجي تشكريني و تبوسيني من هنا و من هنا ريم: ههههههههه يا سلام ياختي طيب خلاص هنزل شهنده: اوك هنستناكي في الجنينه اياها ريم: جنينه .... لا شهنده: خلاص بلاش هستناكي تحت علي باب الكليه بس متتاخريش ريم: اوك خمسه و هنزلك نزلت ريم تدور علي شهنده علي باب الكليه ملقتهاش فضلت تلف يمين و شمال بعنيها و برده مش شيفاهاو فاجأه ببتلفت وراها شافت ريم:مازن ساعتها ريم حست بكذا احساس في بعض احساس الفرحانه الطايره من الفرحه لما شافت حبيبها واقف قدامها مختلط باحساس الحزينه اللي حاسه بجرح في قلبها بعد ما سمعت منه كلام عمرها ما كانت تتخيل انه يخرج من مازن لكن فرحتها كانت اكبر بكتير من زعلها و حزنها و قررت تعمل زعلانه شويه عشان يحس بغلطته و سابته واقف و مشيت جري وراها و مسكها من دراعها ووقفها و عنيها ثبتت في عنيه مازن: بحبك ريم:............. مازن: و الله العظيم بحبك اوي ريم:............. وقتها ريم حست ان قلبها ارتاح و انها ظلمته لكن افتكرت في لحظه كلامه ليها و الاسبوع اللي عاشته في بعده و كل اللي حصلها فيه و غصب عنها دموعها نزلت علي خدها مد مازن ايده علي خدها و بمنتهي الحنيه مسح دموعها مازن: دموعك غاليه عليا اوي محبش اشوفها ابدا علي خدك ريم: منشفتش و لا دقيقه طول الاسبوع اللي سبتني فيه مازن: انا اسف ريم: مازن: خلاص بقي ... ممكن نروح نقعد في مكانا ريم: ها ... مكانا علي اساس اننا مقيمين فيه كل يوم مازن: اللهم طولك يا روح بت يا ريم امشي قدامي ... يلا يا بت ريم:  طيبراحوا قعدوا في مكانهم و فضل مازن مبتستم ليها منزلش عينه من عليها لحظه واحده مازن: تعرفي انك كنتي زي الملاك و انتي نايمه ريم: نععععم نايمه فين؟ مازن: في المستشفي ريم:  مستشفي ايه؟!!!!مازن: انتي مش كنتي في المستشفي من 3 ايام؟؟ ريم: اها مازن: طيب انا جيتلك و دخلت عليكي و شفتك و انتي نايمه كنتي زي القمر ريم: مش فاهمه بصراحه اللي بتقوله ده جيت لمين و شفت مين ؟؟ مازن: هههههههه جيتلك المستشفي تاني يوم ما دخلتي و استاذنت من مامتك ادخل اشوفك و فضلت واقف جنبك حوالي خمس دقايق ريم:  مامه مين ؟؟ انت بتتكلم عن ايه و لا ايه اللي بتقوله ده؟مازن: افهمك انا يا ستي في الفيلم اللي كنت بعمله ده كنت قاصد ... ريم: فيلم!!!!!! مازن: استني بس ريم: مازن: انا كنت عامل خطه بيني و بين نفسي اني اعمل معاكي خناقه حلوه كده تفوقك من الهبل اللي كنتي فيه و عملتها و قلت هتتصلي و تتاسفي و تتعلمي من غلطك لقيتك متصلتيش خفت يكون حصلك حاجه و لا تعبانه فكرت اتصل بيكي و رجعت في كلامي قلت لا اتصل بشهنده احسن و اخليها تشترك معايا في خطتي... ريم: شهنده!!!! مازن: سبيني اكملك الاول ريم: كمل ده انتوا نهاركوا مش معدي النهارده مازن: هههههههههه....... اتصلت بيها يوم ما دخلتي المستشفي باليل قالتلي انك في المستشفي و تعبتي خالص و ادتني كلمتين حلوين حسستني بالذنب جامد من ناحيتك و حسيت اني فعلا غلطت اني عملت كده فيكي لاني عمري ما كنت اتخيل اني اكون سبب في تعب ليكي و قلتلها اني كنت قاصد بس افوقك من اللي كنتي فيه بعدها اخدت قرار في ساعتها و جهزت شنطه صغيره و ركبت اول قطر لدمياط و جيتلك المستشفي طبعا مامتك و اخوكي و ناس كتير كانوا موجودين استنيت لما الجو هدي و مبقاش موجود غير مامتك و رحتلها فهمتها علي كل حاجه بينا و قلتلها اني بحبك و حكتلها كل ظروفي و اني هتخرج السنه الجايه و هاجي اتقدملك و طلبت منها تديني فرصه و توافق علي علاقتنا... بصراحه مامتك طلعت ست عاقله مش هبله زي بنتها ريم: مازن: حست من كلامي بالصدق و عنيا كانت بتحكي قبل لساني و وافقت اننا نبقي مع بعض لحد لما اتخرج بس .. طلبت منها ادخل اطل عليكي و اشوفك و شوفتك .. كمان طلبت منها متجبلكيش سيره اني جيت خالص ريم: كل ده حصل يعني ماما عارفه دلوقتي كل اللي بينا؟ مازن: ايوه عارفه يا حبيبتي عشان تعرفي حبيبك بيحبك قد ايه ريم: مستحيل انا مش مصدقه حاسه اني بحلم مازن: تحبي اقرصك تاني ههههههههه؟ ريم: بجد يا مازن كل ده حصل و لا انت بتضحك عليا؟ مازن: و حياه ريم و غلاوتها في قلبي كل ده حصل انا بحبك اوي و عمري مااقدر ابيعك و لا اخونك مع اي بنت ايا كانت كان لازم تثقي في كده يا ريم ريم: يعني مش من حقي اغير علي حبيبي؟ مازن: من حقك طبعا تغيري بس كمان غيره بعقل مش تشيل ثقتك فيا من جواكي و تقوليلي غيره الغيره بتعبر عن الحب و منتهي الحب كمان بس الشئ اللي بيزيد عن حده بينقلب لضده ريم: انا اسفه مازن: انا اللي اسف يا حبيبتي سامحيني اني كنت سبب في كل اللي حصلك ريم: اللي حصلي في بعدك مش شويه انا حسيت اني انتهيت و ضعت للابد كنت بموت بجد في بعدك عني مازن: بعد الشر عليكي يا حياتي ريم: طب ليه مكلمتنيش الفتره اللي فاتت دي كلها يعني بقالك اسبوع تقريبا في دمياط و لسه جايلي النهارده؟ مازن: اقولك طبعا مامتك لحد دلوقتي مش مستوعبه اللي حاصل هي اينعم وافقت علي الوضع لكن مش كل شويه تلاقيني في وشها مينفعش ..فقلت استني لحد لما تنزلي الجامعه و انتي لسه نازله النهارده بس ريم: اها يعني بتقدر تيجي اهه و تغيب عن التمارين و الجامعه بالاسبوع مش يوم مازن: تفتكري لما اسمع ان حبيبتي تعبانه و في المستشفي هقدر اقعد من غير مااشوفها و لا اطمن عليها طب ازاي ده انا اغيب عن الدنيا بحالها عشان خاطر حبيبه قلبي ريم: بحبك مازن: و انا بحبك اووووووي ريم: متسبنيش تاني المره ده جت سليمه المره الجايه هتيجلي قبري مازن: بس ..متقوليش كده بعد الشر عليكي يا حبيبتي يارب انا قبلك ..مستحيل هزعلك تاني انتي كل حياتي و عمري و حبيبتي اللي مقدرش اعيش في الدنيا دي دقيقه من غيرها ريم: ربنا يخليك ليا يا حبيبي انا كمان مقدرش اعيش من غيرك ابدا مازن: تعرفي علي قد ما كنت مخنوق من اللي حصلك بسببي علي قد ماانا فرحان اني جاتني الشجاعه اتكلم مع مامتك و احكيلها حكايتنا من غير خوف او قلق ريم: انا لحد دلوقتي مش مصدقه مازن: تحبي اتصلك بيها تتاكدي منها بنفسك؟ ريم: لالالالا ده انا مش عارفه هروح ازاي و اقدر ارفع عيني في عينها ازاي مازن: هتقدري يا حبيبتي مامتك لو مكنتش حاسه اني انسان كويس مستحيل كانت هتوافق علي استمرار علاقتنا دي ريم: عقبال اهلك انت كمان لما يعرفوا مازن: باذن الله اول مااروح هكلم بابا و احكيله و ممكن كمان اطلب منه نجيلكوا قبل ما اخلص ريم: صعب يوافق مازن: لا مش صعب بابا بيثق فيا و في تفكيري و احتمال كبير اوي يوافق ريم: يااااااارب علي الاقل نخرج علاقتنا للنور و كل الناس تعرف بيها و يبقي حبنا حلال و يرضي ربنا مازن: ان شاء الله ريم:............... مازن:............... خدتهم لحظه صمت مليانه شوق و حب مرسوم علي وشهم و جوه عنيهم مازن: ممكن ابوس ايد الملكه المتوجه علي عرش قلب مازن؟ ريم: و باس ايدها مازن: ياااااااااااااااه وحشتيني اوي يا ريم نفسي اقوم اخدك في حضني دلوقتي و اجري بيكي بعيد عن الناس و الدنيا و نعيش في جزيره لوحدنا ريم: و انا مش عايزه من الدنيا غير اني افضل معاك و بين ايديك متبعدش عني و لا دقيقه واحده مازن: عارفه.. لما نتجوز هلففك العالم كله و انتي في حضني مش هسيبك و لا لحظه هفضل لازق علي قلبك لحد لما تزهقي مني ريم: انا ازهق منك ده انا روحي فيك مازن: عمري ما كنت اتخيل اني في بنت ممكن تسرق قلبي بالسهوله دي انا كنت بخاف من الحب كنت عاوز ابعد عنه باي طريقه علي الرغم اني كنت بتمناه في كل لحظه بس كنت بخاف مبقاش قد كلمه بحبك مبقاش قد مسئوليه القلب اللي هيحبني لكن لاول مره اعرف ان الحب بيقوي القلب و بيخليه قادر علي حاجات مستحيل يتخيل انه يعملها ريم: انا النهارده اسعد انسانه في الدنيا بوجودك معايا مش عايزه دلوقتي غير انك تفضل قدامي كده عيني في عينك و ايدي في ايدك و الحب مالي قلوبنا مازن: يعني خلاص سامحتيني؟ ريم: انا مش بس سامحتك انا نسيت كل الزعل مش عايزه افتكر غير اللحظه دي و بس مازن: ربنا ما يحرمني من حبك و قلبك اللي بموت فيه ريم: و لا يحرمني منك يا حبيبي مازن: نانسي بتسلم عليكي ريم: نعم مازن: تاني ريم: خلاص الله يسلمها ربنا يكفينا شرها مازن: هههههههه طب دلوقتي اكمل معاها في المعرض و لالا؟ ريم:اممممم كمل و امري لله انا خلاص بقيت بثق فيك كل الثقه اللي موجوده في الدنيا مازن: بس انا خلاص سبته و اعتذرت لنانسي و قلتلها مش هقدر اكمل معاكي عارفه قلتلها السبب ايه؟ ريم: ايه؟ مازن: قلتلها لاني بحب حبيبتي اوي و هي بتغير منك و انا مقدرش ازعلها عشان خاطر اي حد مهما كان ريم: بجد قلت كده مازن: و حياه ريم قلت كده تخيلي ضحكت و ردت قالت انا مقري فاتحتي يا مازن الشهر اللي فات طمن حبيبتك و سلملي عليها ريم: هههههههههههههههههه مازن: انا ضحكت زيك كده ... بس دلوقتي اكيد اتكدتي اني كان عندي حق لما قلت انك هبله و مجنونه كمان ريم: اوي مازن: ههههههههههههههه الحمد لله ريم: انا دلوقتي بحببببببببببببببببك اوووووووووووووووووي مازن: و انا بموت فيكي يا حياتي و دي كانت نهايه قصه اسيره الاحزان يارب يارب القصه تكون نالة رضاكم
وتكون عجبكم وشكرا لكل من كان متوجود معانا هنا |
| مواضيع مشابهة: | ||||
| › بلييييز شباب بطلب منكم تجاوبونى ... هل جزاء الاحسان الا الاحسان ؟؟؟ | ||||
| › كل سنه وانتي طيبه يا اسيره الليل | ||||
| › كاس الاحزان | ||||
| › انا بحر من الاحزان | ||||
| › ومن الاحسان ما قتل | ||||
