|
تحياتى قصه ممتازه
|
|
القصة بجد احلوت اوى يار يت تنزل بقيت الحلقات بسرعة
|
|
الحلقه الرابعه عشر
ريم فضلت تحرق في دمها اكتر من ساعه و بتفكر ازاي ترد لمازن اللي عمله ده و انه معبرهاش زي ما وعدها و جاتلها فوكيره كويسه فكرت تبعتله ماسج تفكره انه نسيها بس بطريقه تدايق و لسه هتبعت الماسج لقت الموبايل بيرن زوزو و ده الاسم اللي سمت بيه مازن علي موبايلها ريم: يالهوي ده هو.. ظلمتك يا واد يا مازن.. طب ارد و لا اسيبه يحرق دمه شويه اممممممم خليه شويه هيييييه زمانه بيغلي لما ارد بقي احسن يزعل و لا البتاع يخلص رن ريم بصوت حنين و جميل رن في ودن مازن جننه: الو مازن: سلام عليكم ريم: و عليكم السلام مازن: يخربيتك ريم: في ايه؟ مازن: لا ابدا بس ... صوتك ... صوتك حلو اووووي ريم: ههههههههههه ماشي يا عم المجامل ميرسي مازن: مجامل ايه انتي مش حاسه بنفسك صوتك يجنن ريم:خلاص بقي ... المهم قولي ازيك عامل ايه؟ مازن: الحمد لله تمام اوي دلوقتي بالذات و انتي؟ ريم: الحمد لله كويسه مازن: معلش اتاخرت عليكي بس اصل انا مكنش معايا رصيد و لفيت كتير و بعدين قلت استني شويه يكون ايمن اخوكي نام و كده *ريم يالهوي ظلمتك بجد و انا اللي فاكره انه بيستهبل و عاوز يعملي فيها مهم طب الحمد لله مازن: ايه رحتي فين ؟ ريم: ها... لا ابدا و لا يهمك عالتاخير بس ايمن لسه صاحي و ممكن يجيي في اي وقت و انا بكلمك مازن: طب و بعدين يعني مش هينفع اكلمك شويه ريم: معرفش بس هحاول ربنا يستر و فجأه جيه ايمن و ريم بتكلم مازن و مكنش قدامها حل غير انها تقفل في وشه من غير ما تقوله حتي سلام مازن الدم غلي في عروقه و كان مولع نار من جوه * لا بقي ده الا كده انا عمر ما حد عمل معايا كده ماشي يا ريم ماشي تقفلي في وشي السكه و من غير سبب كده اوك انا اللي غلطان مندفع ورا مشاعري و مبفكرش في اللي بعمله *ريم يالهوي زمان مازن زعل اوي اني قفلت في وشه يعني كان لازم تيجي دلوقتي يا ايمن اعمل ايه انا دلوقتي لا و جيه و قعد يعني قدامه ساعه اتنين لما يقوم ينام طب اعمل ايه لازم اتصرف ايون هي دي انا هبعتله رساله اعتذرله و بدأت تكتب في الرساله (معلش يا مازن انا اسفه متزعلش مني بس اصل اوووووه ايه الهبل ده و انا اعتذرله ليه يعني كل ده لالالا هي كفايه معلش و خلاص و مسحت و كتبت تاني (معلش يا مازن قفلت اصل ايمن دخل عليا فجاه لالالا ايه الرزاله دي و فيها ايه لما اقوله انا اسفه ماانا برده غلطت في حقه جامد و انا نفسي مقبلش حاجه زي دي علي نفسي خلاص هكتب الكلام اللي يجيي علي بالي كله و دي اخر مره بقي (انا اسفه يا زيزو متزعلش مني بس اصل ايمن دخل عليا فجأه و مكنش قدامي حل غير اني اقفل نتكلم وقت تاني بقي بس اهم حاجه متنساش تطمني عليك ) بعتت ريم الرساله دي و مترددش في كلامها المره دي وليد: ايوه يا عم رساله اكيد منها مازن: من مين يااخويا وليد: هنستعبط اللي كنت بتكلمها دلوقتي مازن: لا معتقدش خالص انها هي و عموما نشوف شاف مازن الرساله و فضل ماسك الموبايل متنح للكلام و للرساله و للرقم و مش مصدق *ايه ده مين ريم هي اللي كاتبه الكلام ده عايزه تطمن عليا الله اكبر ريم عايزه تطمن عليا يا واد يا وليد عايزه تطمن عليا انا بحلم صح لالالا اكيد الرساله مش منها يمكن ريم تانيه لالالا منها هي و ده رقمها انا حافظه انا مسامحك يا اجمل ريم مسامحك اقفلي ميه سكه في وشي و لا يهمك يا قمري يا عسل وليد: يالهوي اتجنيت ياد و لا ايه بتكلم في نفسك مين ريم دي مازن: هششششششش اخرس انت صوتك بيعصبني وليد: و ده من ايه؟؟ مازن: انا لسه سامع صوت كروان بيغني بعده اسمع بغبغان ايه القرف ده وليد: بغبغان تصدق انك واطي و حقير كمان وزباله مازن: وليد انت ماشي معايا ليه ها ماانت هتفضل لازقلي طول ما احنا مسافرين امشي من وشي انا بحلم و مش عايز حد يصحيني و لا اقولك همشي انا سلام سلام يا احمد.. ااا ... وائل...ااا ...وليد وليد سلام يا وليد وليد: هههههههههه الواد اتهبل دي شكلها هتبقي سفريه زي العسل مازن فضل ماشي لوحده طاير مش سامع حاجه غير صوت ريم و مش شايف حاجه غير كلمه طمني عليك ماشي سرحان طول الطريق لحد لما وصل بيتهم و اول ما دخل جري عالكمبيوتر و بعت ماسج لريم عشان تفتح نت و تكلمه ريم: ازيك يا زيزو روحت بدري كده ليه مازن: عشان اكلمك ريم: يا سلام مازن: مش مصدقاني و الله انا جاي جري عشان اكلمك ريم: طب ليه يعني مفروض انك عندك سفر و تجهيز حاجات و كده مازن: لالالالا سفر ايه و تجهيز ايه دي حاجات عبيطه فكك المهم اني اتكلم معاكي ريم اه يانا برده و بعدين معاك يا مازن نفسي ابعد عنك عشان تخرج من اللي انت فيه ده بس بجد مش قادره في حاجه غريبه بتشدني اوي ليك مش عارفه ايه هي نفسي افهم اللي فيا ده ايه حب و لا تعود نفسي مازن: ممكن و انا في السفر اكلمك كل يوم عشان اطمن عليكي ريم:ايه كل يوم؟؟؟ مازن: ايوه ده لو معندكيش مانع يعني ريم: اه مانع ...لا معنديش مانع اوك *ايه اللي هببتيه ده مانع ايه الل مش عندك انتي بتستعبطي اكيد ياريم...اعمل ايه بس مش بعرف ارفضله طلب معرفش ازعله ابدا ياربي انا معدتش فاهمه ايه اللي بيحصل ده يارب دبرني مازن: انتي بتروحي فين؟ ريم: لا ابدا معاك دخلت ريهام اخت مازن عليه و هو بيكلم ريم عشان تساله عن حاجاته و شنطته هياخد فيها ايه عشان تحضرهاله و بسرعه نزل المحادثه بينه و بين ريم تحت عشان ريهام متشفهاش و قال لريم ثواني لكن ريهام خدت بالها و كانت واخده بالها من زمان ان مازن مش مظبوط و في حاجه متغيره و خصوصا انه بقي يقعد في البيت كتير و عالكمبيوتر طول الوقت بيتكلم مع بنت و مش عايز حد يشوف كلامه معاها خالص ريهام اكبر من مازن بسنه بنت ذكيه اوي في كليه صيدله مؤدبه و رقيقه و بتحب مازن حب غريب مش مجرد اخ و اخت لا بتعتبره صديقها و حبيبها و كل حاجه مبتعرفش تخبي عنه حاجه و هو كمان مبيعرفش يخبي عنها حاجه ابدا بس الا دي ريهام: بقلك يامازن هتاخد ايه معاك و انت....... لاحظت ريهام ارتباك مازن اللي دايما بيبان عليه كل لما تدخل و يكون بيتكلم مع ريم مازن: عايزه ايه يا ريهام ريهام شدت كرسي و قعدت ريهام: عايزه اعرف اللي بيحصل بالظبط؟ مازن: مش فاهم قصدك ريهام: لا انت فاهم كويس مين البنت اللي بتكلمها دي و ليه بتخبي المحادثه اول ما ادخل مازن: دي ...دي ريم ريهام: و بعدين ايه حكايتها بقي؟ مازن: حكايه ايه لا حكايه و لا روايه؟ ريهام: مازن متنساش اني بفهمك اكتر من نفسك و بشوف الكلام في عنيك متخبيش عني و قولي في ايه بينك و بينها؟ مازن: ........... ريهام: رد عليا و الا بجد هقول لبابا يشيل الزفت النت ده من البيت خالص مازن: ريهام انا مبتتهدش و بابا بيثق فيا اوي و عارف اني مبعملش حاجه غلط ريهام: بس كده يبقي في حاجه غلط و الا مكنتش خبيت عني و انت عمرك ما خبيت حاجه و خصوصا عني مازن: عايزه تعرفي ايه؟ ريهام: عرفتها ازاي و هي بنت مين ده لو عايزني اساعدك مازن: عرفتها من من النت ريهام: ايه انت اتجننت نت نت ايه يا بيه اللي عرفتها منه مازن: وطي صوتك و اسمعيني للاخر ممكن ريهام: اتفضل اتكلم مازن: انا عرفتها من حوالي شهرين و بدأت اتشد ليها اوي مش عارف ليه غصب عني لقتها بتقرب من قلبي و حبتها بجد اوي يا ريهام من غير ما اشوفها و لا حتي اسمع صوتها ريهام: و ده يبقي اسمه حب لا شفتها و لا سمعت صوتها و لا تعرف هي ايه و لا مين و لا بنت مين مازن: انا عارف عنها كل حاجه هي قالتلي عن كل حاجه عنها بنت ناس و اهلها ناس طيبين و محترمين و صوتها انا سمعته النهارده ريهام: اه و صدقتها ماهي لازم تقول انها بنت ناس و انها محترمه و اهلها ناس طيبين امال يعني هتقول ايه؟ مازن: بس انا واثق انها مبتكدبش عليا انا حاسس كده قلبي بيقولي كده ريهام: اللي بيمشي ورا قلبه و مشاعره بيغلط كتير اوي يا مازن و انا مش عيزاك تغلط انت طول عمرك قلبك نقي بلاش تربط نفسك بواحده انت متعرفش عنها حاجه و ممكن في الاخر تطلع مازن: لا متكمليش ريم بنت كويسه صدقيني و بكره هثبتلك كلامي ده ريهام: ياريت تقدر تثبتلي و تثبت لنفسك انا مش عايزه غير اني اشوفك فرحان و تلاقي البنت اللي تحبك و تحافظ عليك و تقدر حبك ليها و تكون بنت ناس طيبين زي ما قالت مازن: ان شاء الله هتطلع كده و احسن كمان بس انا عايزك تقفي جنبي هي مش هتصدق حبي ليها الا لو في حد من اهلي كلمها انا حتي مش عارف اعترفلها بحبي خايف تصدني او متصدقنيش و متكلمنيش تاني بجد مش هقدر انها تبعد عني ريهام: انا هقف جنبك بس في حاله واحده بس لو ريم دي فعلا بنت كويسه و هتحبك و بجد و تخاف عليك غير كده انا هقف ضدك و هحاول علي قد مااقدر ابعدك عنها لاني مش عايزه اشوفك مجروح مازن:[IMG]http://www.**********/vb/images/smilies/11ap.gif[/IMG] ربنا يخليكي ليا يااحلي اخت و انا ان شاء الله هثبتلك ان ريم دي احلي و اجمل و اادب بنت في الدنيا بس ربنا يقدرني الاول و اقدر اعترفلها بحبي و يارب يارب تكون بتحبني ان شاء الله نص حبي ليها ريهام: يارب تقدر تثبتلي كده انا عايزه ايه غير ان حبيب قلبي يبقي فرحان مازن : ان شاء الله ... اوووبا انا نسيت البت و قاعد ارغي معاكي ريهام: ههههههه ماشي امشي انا و اسيبك بقي تكمل مازن: طيب شرفتي الحبه دول متكرريش الزياره بقي تاني و النبي ريهام: ههههههههه ماشي يا عم الحبيب رجع مازن لريم و اعتذرلها جامد اوي و قالها ان ريهام كانت داخله تساله عن شويه حاجات عشان السفر بكره ساعتها ريم قررت تساله سؤال محيرها اوي و ده اللي هيخلي القصه تحلو بجد استنوني الحلقه الجايه |
|
بارت حلو اوى بس قصير يا ريت متتاخرش علينا بالحلقة الجاية
|
|
بليز عايزة اعرف الحلقة الجاية امتة لانها اتاخرت اوى
|
|
الحلقه الخامسه عشر ريم فكرت كتير اوي قبل ما تسال سؤالها ده و اخدت قرار انها تساله بعد ما قعدت مع نفسها في اليوم ده بعد مكالمتها مع مازن و بعد ما سمعت صوته قعدت تفكر في كل اللي بيحصل و تدور علي مبررات لتعلقها الشديد بمازن و انها مبقتش تقدر تبعد عنه و انه بقي جزء اساسي من حياتها عشان كده قررت تفتح هي الموضوع معاه ريم: مازن ممكن اسالك سؤال؟ مازن: سؤال واحد بس اسالي ميه ريم: لا هو واحد ... انا ابقي بالنسبالك ايه؟؟؟ مازن اتلخبط اوي و عرق و مبقاش عارف يرد مع انه نفسه يقولها كل اللي في قلبه لكن كان عاوز يتاكد الاول من حقيقه مشاعر ريم ناحيته مازن: انتي يا ريم غاليه اوي علي قلبي و بحب اتكلم معاكي و .... ريم: و ايه كمل مازن:............... ريم: مازن انا يوم ما عرفتك كنت ضايعه و مخنوقه من حياتي و عيشتي و كنت بتمني الموت عشان اخلص من حياتي كنت حاسه اني لوحدي مفيش حد فاهمني و لا حد بيحس بيا عشان كده دخلت شاتات و كلمت شباب كنت عارفه ان اللي بعمله ده غلط و مع ذلك كنت مستمتعه اوي باللي بعمله لكن من بعد ما ظهرت في حياتي انا اتغيرت 180 درجه معرفش ازاي قدرت تغير فيا الحاجات دي كلها حببتني في الدنيا و في الناس لاول مره في حياتي احس ان في حد فاهمني اوي كده و بيقدر يحس بيا من غير ما اتكلم انت بجد مليت فراغ كبير اوي كان هيقتلني و بقيت بالنسبالي اغلي انسان في حياتي مازن: اغلي انسان في حياتك ريم انتي ....... انتي بتحبيني؟؟؟ ريم: ............... مازن: عشان خاطري ردي عليا بتحبيني انا نفسي اسمعها منك اوي ريم: انا عارفه ان انت مستغرب كلامي و مكنتش تتوقعه بس انا نفسي مكنتش متوقعه ابدا اني هحبك كل الحب ده مازن: الــــــــلـــــــــــه الله عليكي يااجمل ريم انا كمان بحبك بحبك اوووووي ريم: انا عارفه انك بتحبني و حاسه بيك من زمان مازن: انا طاير انا مش مصدق عيوني انتي اللي كاتبه الكلام ده ... ده احلي يوم مر عليا في حياتي انا هعمل اي حاجه عشان اجيلك و اشوفك و لو اني ميهمنيش شكلك لاني متاكد انك ملكه جمال انا بحبك كده زي ماانتي بحبك اوي ريم: انا كمان بحبك اوي و نفسي نكمل مع بعض انت اكتر انسان بيفهمني و يحس بيا مازن: ان شاء الله هنكمل و نفضل مع بعض العمر كله هعمل اي حاجه و كل حاجه عشان تبقي ليا و ابقي ليكي هموت نفسي في المذاكره و الكوره لازم اكبر باذن الله عشان الليق بيكي يا قمري اللي هينورلي طريقي و مستقبلي اللي جاي ريم: ربنا يخليك ليا يارب .. و دلوقتي قوم بقي عشان تحضر شنطتك مازن: لا اقوم ايه انا مش قايم من هنا انا قاعد مع حبيبتي.. علي فكره انا قلت لريهام اختي ريم: قلتلها ايه ؟ مازن: قلتلها اني بحبك ده انا لسه قايلها دلوقتي لما قلتلك ثواني ريم: انت بتتكلم بجد طب كان رد فعلها ايه؟ مازن: هي خايفه من شويه حاجات بس انا طمنتها و ان شاء الله هطمنها اكتر و خصوصا لما اعرفها عليكي يا قلبي ريم: حاجات ايه؟؟ مازن: بعدين بقي ابقي اقولك خلينا فينا دلوقتي ريم: اااااااه اوك يلا قوم بقي عشان تنام مازن: يا حبيبتي انا عايز افضل معاكي شويه ريم: لا لازم تقوم كمان عشان تنام الوقت اتاخر و انت عندك سفر بكره طويل اوي مازن: زهقتي مني و لا ايه؟ ريم: انا ازهق منك انا نفسي اعيش معاك عمري كله ... بس انا خايفه عليك مازن: ربنا يخليكي ليا يا حبيبتي يارب ... حاضر انا هقوم بس اول ما تصحي رنيلي عشان اكلمك ممكن ريم: حاضر يا حبيبي مازن: الله علي حبيبي ايه الجمال ده و الله عسل ريم: خلاص بقي يا بكاش مازن: ماشي يا عسل سلام كلام ريم مكنش متوقع ابدا لحد بالنسبه لمازن اخر حاجه كان يتوقعها ان ريم تقوله انها بتحبه قبل ما هو يقول مع انه كان حاسس انها عارفه و حاسه بيه.. كان فرحان اوي و سعيد جدا باللي حصل و مش مصدق انه اخيرا قلبه دق و حب البنت اللي فيها كل المواصفات اللي بيتمناها و كمان هي بتبادله نفس الشعور خرج من الاوضه جري علي ريهام يحكيلها اللي حصل مازن: ريهام ... ريهام يااحلي ريهام وحشتيني بحبك نفسي احضنك و احضن الدنيا كلها ريهام: سلامتك يا واد في ايه؟ مازن: انا حاسس اني بحلم مش ممكن تكون حقيقه اللي انا فيها دي ابدا ريهام: ايه ياابني اقعد كده و اصحي معايا من الحلم اللي انت عايشلي فيه ده و قولي حصل ايه؟ مازن: طلعت بتحبني و الله بتحبني انتي مش مصدقاني بتحبني ريهام: خلالالالاص مصدقاك انت قولتلها؟ مازن: ها اه قولتلها اني بحبها و هي قالتلي و انا بحبك و قالتلي كلام حلو اوي يا ريهام انا فرحان اوي و بحبها اوي ريهام فضلت تبص لمازن و هو بيتكلم عن ريم و الفرحه ماليه عنيه و قلبه مش مصدقه انها شايفه الفرحه دي في عيون اخوها اول مره تشوف في عنيه الحب ده كله لكن في نفس الوقت كانت خايفه عليه من العلاقه دي خايفه تطلع بنت مش كويسه تجرح قلبه و تضيعه ريهام: ربنا يفرحك كمان و كمان يا حبيبي... بس انا قلقانه مازن: لا عشان خاطري شيلي قلقك ده من قلبك اخوكي عاقل و بكره اثبتلك اني عرفت اختار بس تقفي جنبي انتي الانسانه الوحيده اللي هتقدر تساعدني ريهام: انا اقف جنبك في اي حاجه بس تكون في مصلحتك مازن: ان شاء الله هتكون مصلحتي و مستقبلي و عمري كله اللي جاي ريهام: ان شاء الله يا حبيبي اما ريم فقفلت مع مازن و كانت في نفس حاله تقريبا فرحانه اوي بيه و بحبه ليها من غير حتي ما يشوفها لكن في لحظه اتقلبت الفرحه لدموع غرقت خدودها لما افتكرت قصتها مع عمرو و قد ايه هي كانت غلطانه اوي انها ارتبطت بيه و انها كانت علاقه غلط من الاول و ما هي الا حب مراهقين عمره ما حس بيها عمره ما فهمها و كانوا دايما في خلافات علي حاجات هايفه كانت ندمانه علي كل لحظه قضتها معاه و في نفس الوقت كانت زعلانه اوي من نفسها انها خبت علي مازن علاقتها بعمرو و انها الكدبه الوحيده اللي كدبتها عليه لكنها مش اي كدبه دي ممكن تضيع مازن منها في لحظه لو عرف بعلاقتها بعمرو و طول السنين دي تاني يوم اتصلت بشهنده ريم: ازيك يا شاهي شهنده: الحمد لله ازيك انتي يا ريمو وحشاني اوي يا بت ريم: انا تمام بقولك فاضيه شويه عايزه اجي اقعد معاكي شهنده: طبعا و لو مش فاضيه افضالك تعالي طبعا يا حبي ريم: اوك نص ساعه و اكون عندك شهنده: انتي بتقولي ايه؟؟؟ ريم: بقولك اني بحب مازن و قلتله كده امبارح شهنده: لا انتي مجنونه رسمي بتحبيه ازاي و امته ده حصل و كمان قولتيله انا مش فاهمه حاجه خالص ريم: بصي يا شهنده انا عارفه انك مستغربه اللي حصل و مستغربه حبي لمازن عشان عمرو.. انا اكتشفت ان حبي لعمرو ده ما هو الا حب مراهقين و احنا كنا في فتره كله بيمر بيها.. عمرو انا كنت اوقات كتير بحس انه عادي بالنسبالي يمكن لما سابني اثر فيا فراقه لاني اتعودت علي وجوده معايا كمان لاني كنت مخلصه اوي ليه لكن هو طلع ندل معايا و باعني مع اول نزوه قابلته لكن حبي لمازن مختلف عارفه لما تحسي انك مجنونه بحد متقدريش تستغني عنه متستحمليش عليه الهوا تحبي تتكلمي معاه و تبقي معاه طول الوقت لما تحسي ان في حد فاهمك و عارف حتي كلامك اللي عايزه تقوليه من قبل ما تقوليه حد بيقدر يخفف عنك كل همومك حتي لو مكنش عارف ايه هي لما احس انه بقي حته مني جزء من كياني و قلبي لما الاقي نفسي بفكر فيه ليل و نهار مش مهتميه بحاجه غير بيه بحفظ كلامه اللي بيقوله مقدرش ارفضله طلب هو ده الحب اللي كنت بتمناه ..قلب مازن هو القلب اللي حبيته و بحبه و هفضل احبه شهنده: ايه يا بت الكلام الكبير ده اتعلمتيه فين انا عمري ما شفتك بتتكلمي عن حد كده ريم: ايوه لاني حبيت حب حقيقي عارفه اقولك علي سر يمكن اول مره اقوله انا بقالي مع عمرو كام سنه مش 3 سنين و كنا داخلين في الرابعه كلمه بحبك دي مسمعهاش مني غير مرتين و بعد ما اتحايل عليا اكتر من ساعه انه يسمعها مكنتش بقدر اقولها كنت بحسها تقيله اوي علي لساني بتخرج بالعافيه شهنده: انا مش عارفه اقولك ايه بس انا فرحانه اوي لفرحتك اللي ماليه عنيكي دي و نفسي تفضلي فرحانه كده علي طول ريم: بس ادعيلي يا شهنده انا و مازن علاقتنا دي مش سهله ابدا لا اهلي و لا اهله هيقبلوها و لا الناس عموما هيقبلوا حب النت ده شهنده: فعلا محدش بيقبله عالرغم انه اصدق و اشرف حب ده لسه مشافش صورتك و بيحبك كده امال لما يشوفك هيحبك ازاي ريم: ربنا يستر.. تعرفي انه قال لاخته شهنده: بتتكلمي بجد؟؟ ريم: اه و الله قالها امبارح شهنده: و قالت ايه؟ ريم: مرضيش يقولي قالت ايه بس قالي انها قلقانه من شويه حاجات اكيد قلقانه اني اكون بنت مش كويسه من بنات النت اياهم و هي عندها حق شهنده: اه عندها حق بس بكره تعرف انك اجمل بنت في الدنيا ياحبي ريم: ان شاء الله ....بس .... شهنده: بس ايه؟؟؟؟؟؟ نكمل الحلقه الجايه...مستنى رائكم فى الحلقه |
|
حلقة جامدة موووووووووووووووووووووووت وجميلة اوى
منتظرين باقى الحلقات على احر من الجمر |
|
الحلقه السادسه عشر ريم: ان شاء الله ....بس .... شهنده: بس ايه؟؟؟؟؟؟ ريم:
 شهنده: ريم انتي بتعيطي في ايه؟ ريم: ندمانه علي كل السنين اللي قضتها مع عمرو و خايفه اوي علاقتي بيه تضيع مني مازن شهنده: هتضيعه ازاي يعني هو انتي مش قولتيله علي اللي كان بينك و بينه ريم: لا كدبت عليه قولتله اني مرتبطش بحد قبل كده شهنده: و ليه قولتي كده ريم: كنت مكسوفه من علاقتي بيه حسيت زي ما قلتلك عيال بيحبوا بعض و مراهقه و كمان مكنتش حابه احكي حاجه عن عمرو لانه بجد صدمني فيه اوي شهنده: خلاص يا ريم مازن هيعرف منين يعني؟ ريم: يعني ايه انا لازم اقوله مينفعش حاجه زي دي اخبيها عنه لما يعرفها مني احسن ما يعرفها من غيري شهنده: تفتكري لو عرفها هيكون رد فعله ايه اكيد هتنعدم ثقته فيكي و مش بعيد ابدا انه يسيبك لانه مش هيقدر يجدد ثقته فيكي بعد ما كدبتي عليه كدبه زي دي و مش بالساهل يعديها احنا نسيبها لربنا و بعدين هو هيعرف منين صعب اوي انه يعرف حاجه زي دي ريم: عندك حق اكيد هيسبني ده اكتر حاجه بيكرها هو الكدب و دي مش اي كدبه شهنده: ايوه و بعدين كمان افتكري كويس ان مازن صعيدي ايوه ميبانش عليه و حياته كلها بره الصعيد لكن في الاول و في الاخر صعيدي و حاجه زي دي مش هيفوتها بسهوله مهما كان حبه ليكي ريم: خلاص انا مش هقوله حاجه و ربنا يستر و يسامحني علي كدبتي دي شهنده: ان شاء الله و جيه يوم السفر العصر الساعه 5 مازن: حبيبتي انا هحاول اكلمك كل يوم و كمان من وقت للتاني هدخل سيبر اكلمك من هناك ريم: هتوحشني اوي مع انك مش معايا و لا بشوفك لكن طول ماانت بعيد عن بيتك و اهلك و اصحابك بحس انك متغرب عني انا كمان مازن: انتي كمان هتوحشيني اوي و ان شاء الله هحاول احسسك اني معاكي و هدوشك كل يوم اتصالات و مسجات ريم: ان شاء الله يا حبيبي خلي بالك من نفسك مازن: ان شاء الله و انتي كمان خلي بالك من نفسك و افتكري دايما ان في واحد بيحبك اوي و بيخاف عليكي حتي من نفسك ريم: و انا بحب الواحد ده اوي و عشان خاطره نفسي هتبقي في عيوني و هحافظ عليها مازن: انتي اجمل بنوته في الدنيا و سكتوا شويه مش كتير ريم: ايه يا حبيبي انا معطلاك مش كده مازن: لا ابدا يا حبيبتي انا بس عاوز اطلب منك طلب بس عشان خاطري متكسفنيش ريم: عيوني امرني و انا انفذ مازن: الامر لله وحده انا بس عاوز ااااه ااااه ريم: ها عاوز ايه؟؟؟؟ مازن: عاوز اشوف صورتك ممكن ؟؟؟ ريم: من حقك طبعا يا حبيبي لازم تشوف صورتي بس انا معنديش صور حاليا عالجهاز بس وعد مني هنزل صور ليا و هوريهالك مازن: ياااااه ليه الحظ ده ده انا مسافر زياده عن شهر ريم: مش انت قلت من وقت للتاني هتدخل سيبر تكلمني نت مازن: ايون ان شاء الله ريم: خلاص قبلها بيوم قولي و انا هنزل صور عالجهاز اتفقنا مازن: بس كده خلاص احنا النهارده اهه بقولك يا ريم يا حبيبتي انا بكره هدخل سيبر و اكلمك من هناك تكوني محضرالي احلي صور لاحلي قمر عشان اشوفه ماشي ريم: ههههههههه يا مجنون حرام عليك نفسك ده انت مش هتنام النهارده خالص و المفروض انك هتوصل علي الضهر و تنام يبقي هتكلمني امته مازن: مالكيش دعوه انتي انا بصرف اموري و بعدين انا ممكن منامش اسبوع عادي خالص ريم: لاعيب كوره ايه ده... ورق... حرام عليك ياابني ... لازم تنام طبعا و تخلي بالك من صحتك مش كده ده جنان و بعدين مينفعش انزل صور خالص بكره صعب اوي مازن: اممممممم قولي كده مينفعش طيب طيب ريم: بس يا وحش لا طبعا الاهم اني خايفه عليك و لازم تخلي بالك من نفسك عشان خاطري مازن: عارف يا حبيبتي بهزر معاكي خلاص نخليها بعد بكره  ريم: يالهوي حاضر بعد بكره بس لما نتكلم بكره هقولك هقدر و لالا عشان متحطش امل و يطلع علي مفيش مازن: اااااه طيب ماشي يا حبيبتي خلاص و بعدين عادي انا عارف صورتك اساسا شوفتك قبل كده ريم:شوفتني ازاي  مازن: في خيالي ماانا رسمتك في خيالي و في قلبي و في عقلي و روحي و حافظ ملامحك من قبل مااشوفك و عارف انك قمر يا قمر ريم:  عسل يا منيلمازن: ايه ده بت اتلمي ايه منيل دي في واحده محترمه تقول لحبيبها يا منيل عيبه في حقي و الله اتهزقت يا مازن اتهزقت و مكنش يومك يا مازن ريم: يالهوي معلش يا روحي غلطه لسان ماانت عارف لساني مازن: اه عارفه اطول حاجه فيكي يا قزعه ريم: ههههههههه كده يعني دي جزاتي اني قلتلك اني قصيره شويه مازن: شويه 150 سم دي شويه يا قزعه ريم: خلاص بقي بتكثف و بعدين ايه يعني مش عاجبك و لا يكنش مش عاجبك مازن: لالالا عاجبني و نص كمان انا اقدر اتكلم بحبك ريم: و انا بحبك اوي مازن: ربنا يخليكي ليا يا حبيبتي يا عسل بقولك معلش انا لازم اقوم دلوقتي في حاجات نسيت اشتريها امبارح و لازم اجيبها دلوقتي ريم: ماشي يا حبيبي هتوحشني و مازن: و انتي هتوحشيني اوي بقولك عاوز اسمع صوتك ماشي موافقه صح اول ما اخرج من البيت هكلمك يلا سلام ريم: ههههههه ماشي يا حبيبي سلام ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ عمرو : اوووووووف تليفونها مشغول بقاله اكتر من ربع ساعه بتكلم مين دي اسلام: عادي يمكن بتكلم حد من صحابها عمرو: و الله صحابها ربع ساعه اه جايز اسلام: اهدي ياابني في ايه دلوقتي هتخلص ابقي اسالها عمرو: مش باينلها خلاص امبارح برده كان كده حاولت اتصل بيها و لقيت تليفونها مشغول كده مش فاهم في ايه انا حاسس ان.... اسلام: ان ايه متخليش عقلك ياخدك لبعيد عمرو: و انت شايف تفسير تاني؟؟ اسلام: الله اعلم بظروفها و بعدين مالك حارق دمك كده ليه يا حبيبي انسي بقي ريم خلاص مبقتش تخصك دي بقت حره تعمل اللي هي عيزاه كان زمان تقدر تحاسبها علي حاجه زي دي لكن دلوقتي بصفتك ايه ماانت قطعت كل الخيوط ما بينكوا عمرو: ايه الهبل اللي بتقوله ده لما ريم متخصنيش امال تخص مين؟ اسلام: ريم بقت حره نفسها دلوقتي و محدش يقدر يلوم عليها لو ارتبطت بحد تاني عمرو: ايه بتقول ايه انت اتجننت ترتبط بحد تاني لا يا حبيبي ريم دي ملكي انا لوحدي محدش يقدر ياخدها مني اسلام: ملكك نقي الفاظك الاول و بعدين اتكلمعمرو: ايوه ملكي و حبيبتي انا لوحدي و محدش هياخدها مني اسلام: اتمني يا عمرو ربنا ميخيبش املك و الله بتمني ترجعوا لبعض بجد عمرو: طيب شكرا يااخويا ...ايوه رن اهه ريم* يادي النيله عاوز ايه ده بقي...هو مش ناوي يسبني في حالي ... يااخي ارحمني بقي .. انت مش بعتني و خلصنا ...انا مش هرد عليه ايوه مش هرد ... انا دلوقتي بحب واحد تاني و مخلصاله و مينفعش اكلم حد تاني حتي لو كان عمرو عمرو رمي الموبايل بكل قوته علي السرير عمرو: مبتردش يبقي اللي في دماغي صح اسلام: ياابني حاول تقدر الظروف يمكن في حاجه متظلمهاش عمرو:ظروف اه طيب يا ريم انا هبعتلها رساله و اشوف هترد بايه ريم * ياربي و بعدين بقي ايه الرساله دي.. لزمتها ايه دلوقتي حرام عليك يااخي سبني في حالي بقي... ايوه انا لازم اقوله ايوه هقوله هو ده الحل الوحيد اللي هيخليه يبعد عني ده عمرو يعني الكرامه عنده فوق اي اعتبار صح كده و نشوف ريم هتعمل ايه مع عمرو بس الحلقه الجايه |
|
الحلقه السابعه عشر
ريم * ياربي و بعدين بقي ايه الرساله دي.. لزمتها ايه دلوقتي حرام عليك يااخي سبني في حالي بقي... ايوه انا لازم اقوله ايوه هقوله هو ده الحل الوحيد اللي هيخليه يبعد عني ده عمرو يعني الكرامه عنده فوق اي اعتبار صح كده اتصلت ريم بعمرو و فضلت ترن عليه و هو عمل فيها مهم و مرضيش يرد عليها ريم* ههههه مبيردش فاكرني هتحايل عليه احسن برضه و الله انا اساسا ما عايزه اكلمك و لا اسمع صوتك تاني ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ اسلام: ايه يا ابني مردتش عليها ليه؟ عمرو: مش رادد خليها تتحايل عليا شويه اسلام: هههههههه ابقي قابلني عمرو: ماشي هنشوف هتلاقيها بترن تاني دلوقتي اسلام: لما نشوف عدت ربع ساعه و ريم متصلتش تاني و نسيت الموضوع اساسا و لبست و راحت لشهنده و لا كان حصل حاجه و عمرو هيتجنن عمرو: ايه يعني مش هتتصل تاني و لا ما صدقت اني مردش عليها اسلام: مش قلتلك ابقي قابلني تستاهل عمرو: اسكت انت ... هتصل انا بيها ايوه هتصل انا برضه اللي كنت عاوزها من الاول مفيهاش حاجه يعني و اتصل بريم و المره دي ردت عليه و شهنده كانت جنبها عمرو: الو ازيك يا ريم وحشتيني اوي ريم: الحمد لله انت ازيك؟ عمرو: الحمد لله ممكن اسالك سؤال؟ ريم: اتفضل عمرو: تليفونك فضل مشغول اكتر من ربع ساعه ممكن اعرف كنتي بتكلمي مين ريم: اها و عاوز تعرف ليه؟ عمرو: ريم انتي ارتبطتي بحد تاني؟ ريم: .................... عمرو بزعيق و عصبيه: ردي عليا ريم: متزعقش فيا كده ايوه ارتبطت عمرو وشه جاب الوان و مكنش يتوقع ابدا انها ترمي الكلمه في وشه كده و عنيه دمعت و حاول يتماسك و يكمل كلامه معاها عمرو: بالسرعه دي انتي ما صدقتي بقي ريم: عمرو دي حاجه تخصني لوحدي و انا قلتلك لاني دلوقتي بعتبرك زي اخويا كمان عشان اريحك و اخليك تبطل تفكير في اننا نرجع لبعض تاني عمرو: اخوكي .... اها و اللي ارتبطي بيه ده انا اعرفه حد من الدفعه يعني ريم: ها.. لا واحد انت متعرفوش خالص عمرو: ربنا يوفقك يا ريم ريم: و يوفقك ان شاء الله هتلاقي بنت تحبك و تكون احسن مني تعوضك الايام اللي قضتها معايا عمرو: لا خلاص انا مش بفكر و لا هفكر تاني في حاجه زي دي المهم انك سعيده و كويسه دي اهم حاجه عندي ريم: الحمد لله عمرو: يلا عاوزه حاجه ريم: شكرا ربنا يخليك عمرو: ممكن يعني ابقي اتصل بيكي اطمن عليكي او لو مش عوزاني اتصل بيكي اتصل بشهنده عشان تطمني عليكي ريم: ان شاء الله عمرو: اوك وصلت .. سلام يا ريم خلي بالك من نفسك ريم: حاضر سلام ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ شهنده: جدعه يا بت يستاهل بصراحه ريم: بس صعب عليا اوي انا حاسه انه كان هيعيط شهنده: و ايه يعني ما يعيط انتي نسيتي اللي عمله فيكي و اللي جرالك بسببه خليه يدوق شويه ريم: ايوه عندك حق شهنده: المهم سيبك منه هو كده خلاص مش هيتصل بيكي تاني ريم: ها ... و النبي انتي طيبه اخر طلب طلبه ممكن ابقي اتصل بيكي اطمن عليكي و لو مش عاوزه اتصل بشهنده عشان تطمني عليكي شهنده: يادي النيله هو مش هيزهق بقي ريم: بكره يزهق انا خلاص معدتش هرد عليه تاني و احتمال قريب اغير النمره خالص شهنده: احسن برده و انا كمان مش هرد عليه احكيلي بقي عملتي ايه مع مازن ريم: مازن ده حته عسل انا حبيته اوي بجد ربنا يخليله ليا يااااااااااارب شهنده: ههههههههه يارب ياختي يارب ـــــــــــــــــــــــــ ـــــــــــــــــــــــــ ـــــــــــــــــــــــــ ـــ اسلام: مالك يا عمرو ريم قالتلك ايه؟ عمرو: ريم خلاص ضاعت مني للابد اسلام: ليه هي.....؟؟؟؟؟ عمرو: ايوه ارتبطت بواحد تاني اسلام: معقول بالسرعه دي عمرو: ما هو ده اللي هيجنني هي ما صدقت خلصت مني للدرجادي انا ماليش اي قيمه في حياتها اسلام: معلش يا عمرو ما هي اللي شافتهمنك مش شويه برضه عمرو: بس بس يا اسلام مش عاوز اسمع كلام في الموضوع ده تاني خلاص انا هشيلها من حياتي مش عاوز افتكرها تاني بس ازاي يارب اسلام: اهدي يا عمرو ربنا يقدرك و تنساها متزعلش نفسك عشان خاطري عمرو: انا هخرج اتمشي اسلام: طب استني انا جاي معاك ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ ريم بعد الكلام اللي قالته لعمرو حست ان جبل اتشال من علي قلبها و ان خلاص موضوع عمرو اتقفل للابد و كانت بتتمني انه ينساها و ينسي كل اللي كان ما بينهم زي ما هي بتحاول تنسي كل الايام دي و تيدأ حياه جديده مع مازن اللي ملي قلبها بحبه سافر مازن و كان كل يوم يكلم ريم في التليفون و قرب منها اكتر و شاف صورتها و عجبته جدا و كان كل يوم يزيد حبها في قلبه و يزيد حبه في قلبها و مكنوش بيتمنوا غير انهم يفضلوا مع بعض و يكملوا حياتهم و هما مع بعض و جيه يوم نتيجه ريم ريم: انا قلقانه اوي يا شهنده حاسه اني هموت من القلق بجد شهنده: اطمني ان شاء الله خير ريم: طيب تعالي نشوف نتيجتك الاول شهنده: اوك شهنده: انا نجحت جبت جيد انا مبسوطه اوي ريم: مبروك الف مبروك يا حبيبتي شهنده: خلاص بقي متخافيش خير ان شاء الله ريم: يارب يلا بينا و راحوا يشوفوا النتيجه و للاسف ريم منجحتش و اترمت في حضن شهنده و قعدت تعيط و حست ان الدنيا كلها اتقفلت في وشها شهنده: يا حبيبتي اهدي عشان خاطري استني انا هسال في شئون الطلبه مش ممكن انتي مش شايله و لا ماده الترم ده كمان تقديراتك حلوه اوي ازاي ده حصل و راحت تسال و الموظفه قالتلها ان اللي يشيل اربع مواد مستحيل ينجح حتي لو جاب امتياز في الترم التاني ريم: هعمل ايه يا شهنده سنه ضاعت من عمري هروح اقولهم ايه في البيت انا عمري ما شلت ماده في اي سنه طول عمرهم بيفتخروا بيا هقولهم ايه شهنده: معلش يا ريم ده نصيب اهدي عشان خاطري ريم: طب و مازن تفتكري هيفضل يحبني هيحب واحده فاشله زيي ازاي هيفتخر بيا ازاي في وسط اهله ازاي يا شهنده شهنده: لو بيحبك بجد عمر الموضوع ده ما هياثر فيه ابدا و متفكريش كده سيبي كل حاجه لربنا و متزعليش نفسك كده هيحصلك حاجه ريم: يارب اموت و اخلص و اخلص الدنيا مني انا ليه كده كل ما افرح تيجي حاجه تدمر فرحتي انا تعبت شهنده: استغفر الله العظيم حرام عليكي يا ريم كل ده نصيب اهدي بقي ريم: استغفر الله العظيم يارب شهنده: امسحي دموعك و اهدي و يلا نروح و انا هاجي معاكي البيت عشان ابقي جنبك ريم: يارب استر يارب انا خايفه اوي بابا تعبان و الخبر ده هيتعبه اكتر خايفه يحصله حاجه و اكون انا السبب شهنده: لا بعد الشر عليه ان شاء الله مش هيحصل حاجه و روحت ريم و بلغت الخبر لباباها و مامتها و كانت صدمه كبيره اوي محدش كان يتوقع ابدا ان ريم تسقط و اللي خفف الخبر عليهم انها مشالتش مواد في الترم التاني و اترفعت في ماده و هيبقي معاها 3 مواد بس لكن برده كنت صدمه صعبه اوي ريم قفلت الموبايل طول اليوم و مبطلتش عياط و كانت لا بتاكل و لا بتشرب نفسها تكلم مازن و تشوفه و تترمي في حضنه عشان يخفف عنها لكن كانت خايفه من رد فعله علي اللي حصل خايفه يسيبها و يبعد عنها ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ مازن: و بعدين انا هتجنن وليد: ايه موبايلها لسه مقفول برده مازن: ايوه مقفول انا خايف عليها اوي مش عارف حصلها ايه يارب خير وليد: طب مش معاك نمره حد من صحابها مازن: ياااااه ازاي فاتتني دي معايا نمره شهنده وليد: و مستني ايه كلمها بسرعه ــــــــــــــــــ شهنده** مازن [IMG]http://www.**********/vb/images/smilies/shocked.gif[/IMG] شهنده: ايوه سلام عليكم مازن: و عليكم السلام ازيك يا شهنده ... هي ريم فين قافله موبايلها ليه ؟ شهنده: اصل .... اصلها مازن: اتكلمي يا شهنده و الله انا اعصابي باظت خلاص حصلها حاجه شهنده: لا هي كويسه بس النتيجه مازن: مالها النتيجه هي ..... شهنده: ايوه للاسف اللي كانت خايفه منه حصل مازن:.................................. و نكمل الحلقه الجايه |
|
مستني الباقي
يا قمر بسرعه جدااااااا |
|
الاحداث بقة حلوة اوى
فى انتظار الباقى وميرسى ع الحلقات الحلوة دى |
|
بلييييييييييييييييييز عايزين حلقات جديدة فى اقرب وقت
|
|
سورى على التاخير
الحلقه الثامنه عشر
مازن: اتكلمي يا شهنده و الله انا اعصابي باظت خلاص حصلها حاجه شهنده: لا هي كويسه بس النتيجه مازن: مالها النتيجه هي ..... شهنده: ايوه للاسف اللي كانت خايفه منه حصل مازن: طيب ممكن يا شهنده تتصلي بيها تقوليلها تفتح الموبايل شهنده: هي كانت خايفه انك يعني لما تعرف الموضوع ده تــــ مازن: ايه اسيبها يعني ؟؟ شهنده: يعني مازن: ازاي تفكر اني ممكن اعمل كده شهنده اتصلي بيها دلوقتي حالا انا عاوز اكلمها النهارده شهنده: حاضر هتصل بيها اول ما اقفل معاك مازن: اوك و انا مستني سلام اتصلت شهنده بريم و مامتها قالتلها نايمه و طلبت منها انها تصحيها عشان عيزاها في حاجه مهمه و راحت مامتها تصحيها شهنده: ازيك دلوقتي يا ريم ريم: اهه كويسه شهنده: مازن اتصل بيا هيتجنن عليكي و بيقولك افتحي الموبايل دلوقتي عاوز يكلمك مش هينام غير لما يسمع صوتك و يطمن عليكي ريم: اكلمه اقوله ايه لا مش هقدر افتح الموبايل شهنده: حرام عليكي يا ريم ده هيتجنن عليكي و بعدين انا قلتله ريم: قولتيله ايه ؟؟؟ شهنده: قولتله علي اللي حصل ريم: و برده عاوز يكلمني؟؟ شهنده: و مش هينام غير لما يسمع صوتك يطمن عليكي ريم: بجد يا شهنده و لا بتقولي كده عشان تفرحيني شهنده: يا بنتي اخلصي بقي و افتحي الموبايل مستنيكي ريم و زي ما يكون جبل انزاح من علي قلبها: حاضر هفتحه سلام سلام دلوقتي و راحت فتحت الموبايل و اول ما فتحته لقت مازن بيرن مازن: ازيك يا حبيبتي عامله ايه؟ ريم بصوت حزين اوي : الحمد لله مازن: كده يا ريم تقلقيني عليكي و كمان بتقولي عليا ندل و ممكن اسيبك ريم: انا قلت عليك ندل؟ مازن: امال ايه معني كلامك عن اني ممكن اسيبك بعد اللي حصل ريم: انا اسفه يا مازن بس حسيت انك ملكش ذنب تكمل مع واحده فاشله زيي و كمان..... مازن: بس متكمليش انتي الظاهر لسه معرفتيش حبي ليكي شكله ايه يا ريم انا بحبك اوي و عمري ما هسيبك ابدا مهما حصل و الله لو بعد الشر يعني حصلك كده كل السنين اللي جايه و خدتي السنه في عشر سنين عمري ما هسيبك برده دي حاجه لازم تكوني عرفاها من غير ما اقولها ريم : يااااااااااه انا بحبك اوي اوووووووي لا بحبك دي قليله عليك انا بعشقك ربنا يخليك ليا يااجمل حبيب في الدنيا مازن: بعد ايه بقي انا زعلان منك ريم: خلاص انا اسفه سامحني بجد غصب عني مازن: خلاص مسامحك المره دي بس لكن لو اتكررت تاني بجد هزعل اوي ريم: ان شاء الله مش هتتكرر ابدا ابدا يا حبيبي مازن: لما نشوف .. انا عايزك متفكريش في اللي حصل خليكي في اللي جاي و ان شاء الله هتتعوض ربنا مبيعملش حاجه وحشه و كله نصيبي و ده اكيد اختبار من ربنا عشان يعرف قوه ايمانك و لازم تبقي قده و تعديه ريم: بس بابا و ماما زعلانين مني اوي مفيش حد فيهم بيكلمني مازن: يا حبيبتي اي حد مكانهم لازم هيعمل كده مش ممكن هيفرحوا و بنتهم اللي طول عمرها شاطره و بيفتخروا بيها حصلها كده هيزعلوا شويه و بعد كده هيبقوا كويسين معاكي بس هي فتره و هتعدي ريم: يارب مازن: ان شاء الله يا حبيبتي بس اهم حاجه ان السنين اللي جايه تشدي حيلك و تفرحيهم ريم: ان شاء الله غلطه و مش هتتكرر تاني مازن: عارف حبيبتي قد كلمتها و ان شاء الله مش هيحصل كده تاني ابدا ريم: ان شاء الله ريم بعد اللي حصل كان نفسها تحول لكليه تانيه لانها كرهت الكليه اكتر من الاول بكتير لكن للاسف باباها و مامتها مرضيوش يحولوها ريم: يا ماما عشان خاطري اسمعيني انا مش طايقه الكليه مبحبهاش مامتها: مش هتحولي يا ريم هتحولي تروحي فين مفيش كليه اسهل من التانيه كلهم صعبين و بعدين متنسيش ان السنه الجايه مش هيبقي معاكي غير 3 مواد بس لكن لو حولتي هتاخدي سنه كامله من اول و جديد ريم: بس ازاي هستحمل الكليه تاني انا مش بطيق اي حاجه فيها لا دكاتره و لا مواد و لا حتي زمايلي في الكليه حاسه اني لوحدي فيها مامتها: انتي اللي كرهتي نفسك فيها من قبل ما تدخليها و مش عارفه ليه كمان انتي اهملتي في الترم الاول اوي و لما ذاكرتي في التاني شويه شوفي تقديراتك شكلها ايه ريم: خلاص يا ماما ربنا يسامحه اللي كان السبب اللي عايزين تعملوه اعملوه انا خلاص مبقتش فارقه معايا ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ و راحت كلم مازن مازن: ازيك يا حبيبتي عامله ايه النهارده ريم: محتجالك اوي يا مازن مازن: حبيبتي انتي بتعيطي مالك في ايه؟ ريم: مخنوقه اوي محدش عاوز يسمعني و لا ياخد برايي تعبت مازن: اهدي بس عشان خاطري و فهميني ايه اللي حصل؟ ريم: عايزه احول من الكليه و مش راضيين مازن: عايزه تحولي ايه؟ و مش راضيين ليه؟ ريم: اي حاجه المهم اني مفضلش في الكليه دي بكرهها و مش راضيين بيقولوا مفيش كليه اسهل من التانيه مازن: اكيد هما شايفين حاجه انتي مش شيفاها و دايما الاهل علي حق و عارفين مصلحه ولادهم و عمرهم ما هيعملوا حاجه الا وواثقين من نتيجتها و لا ايه؟ ريم: يمكن عموما خلاص معدتش فارقه معايا مازن: لا لازم تفرق ده مستقبلك برده ريم: ربنا يسهل مازن: ان شاء الله هيسهل ،، قوليلي بقي انتي عامله ايه وحشاني ريم: انا الحمد لله و انت يا حبيبي اخبارك ايه و عامل ايه في التمرينات بتاعتك؟ مازن: الحمد لله تمام حبيبك هيرفع راسك ان شاء الله هعمل كل مجهودي عشان تفتخري بحبيبك و جوزك مستقبلا ريم: انا بفتخر بيك من يوم ما حبيتك و لولا خوفي من رد فعل ماما و بابا و خوفي انهم يبعدوني عنك كنت قلتلهم اني بحبك مازن: انتي حبيبتي و بموت فيكي و ان شاء الله قريب اوي هنعرف الدنيا كلها بحبنا و محدش هيقدر يبعدنا عن بعض ريم: يااااااارب مازن: انا كنت عاوز اعملك مفا جأه بس شكلها هتتأجل ريم: مفاجأه ايه فرحني و النبي نفسي افرح؟ مازن: كنت هجيلك دمياط عشان اشوفك ريم: بتتكلم بجد و اللله هتيجي امته؟ مازن:بقولك ممكن تتأجل ريم: ليه بس؟ مازن: اصل بابا جيه اسكندريه عنده شغل قامت ماما اتصلت و قالت هنيجي نقضي فتره مصيف يعني و نرجع علي رمضان و مينفعش اسيبهم كل يوم هبقي معاهم ريم: يا عيني علي حظي مازن: لالالا حظك هيبقي حلو اوي ان شاء الله انتي فكراني يعني هتأخر عليكي هو شهر بكتيره و هكون عندك ده انا هموت و اشوف عنيكي و امسك ايدك و الله و نفسي اضمك و اخدك في حضني اوي ريم: ياريت .... ايه تحضني ايه الجنان ده مازن: هههههههه كلمه الحق بتطلع الاول ريم: خلاص بقي متكسفنيش مازن: بحبك ريم: انا بقي مش بحبك انا ب ع ش ق ك مازن: ايه مش سامع؟ ريم: بعشقك يا روح قلبي مازن: ياهووووووو ايه العسل ده يخربيتك هتجنيني بحبك اوي اوي و بعشقك و نفسي اجي بكره لباباكي و اقوله يا عمي البت بنتك دي انا بموت فيها جوزهالي و هعيشها ملكه ريم: هههههههه تعالي مازن: و الله مجنون و اعملها انتي متعرفنيش ريم: معرفكش ده ايه ياابني انت ناسي اني انا مازن 2 مازن: انتي اجمل مازن 2 خلقه ربنا يا قمر انتي يا عسل بحبك اوي ريم: ربنا يخليلي حبك و يباركلي فيك يا اجمل انسان عرفته في حياتي مازن: و يخليكي ليا يا اجمل حبيبه في الدنيا،،، علي فكره ريهام سالتني عنك ريم: بجد و بعدين؟ مازن: انا قلتلها عنك كلام حلو اوي وصفتك ليها ملالالالالاك ريم: يا واد بطل بكش مازن: و الله البت من حلاوه كلامي عنك حبيتك اوي و نفسها تكلمك و تتعرف عليكي ريم: و انا نفسي اتعرف عليها اوي مازن: ان شاء الله هعرفك عليها قريب ريم: ان شاء الله يا حبيبي و نكمل الحلقه الجايه |
|
وكمان حلقة عشان اتاخرت عليكم
الحلقه التاسعه عشر
ريم بعد اصرار اهلها علي انها تكمل في الكليه سلمت للامر الواقع و وافقت انها تكمل في الكليه بتاعتها و مازن وعدها انه هيشجعها علي المذاكره من اول السنه قبل رمضان باسبوع اتصل مازن بريم و بلغها خبر فرحها اوي مازن: حبيبتي عندي ليكي حته خبر ريم: خبر ايه؟ مازن: حذري فذري كده ريم: لا متقولش هتيجي مازن: ايوه هاجي ريم: بجد و الله امته؟؟ مازن: هاجي يوم الخميس ها هتقدري تنزلي تقابليني؟ ريم: طبعا هقدر ان شاء الله بقي يبقي حبيبي جي و منزلش مازن: ربنا يخليكي ليا يا روحي قوليلي اجي الساعه كام؟؟ ريم: اممممم انا بقول تيجي الصبح و نتقابل في الجامعه بدل ما نتقابل بره و حد يشوفني تبقي كارثه مازن: في الجامعه يا ريم ريم: يا حبيبي بره اي مكان مش مضمون و انا اخاف حد يشوفني لو في الجامعه هقول واحد زميلي و عادي مازن: نعم هو انتي ليكي صحاب ولاد في الجامعه و بتقعدي معاهم و كده؟؟؟ ريم: عيب ده انا حبيبه مازن مازن: يعني ليكي و لا مالكيش ريم: اكيد ليا زمايل طبعا بس مش صحابي و لا ليا اختلاط بيهم نهائي مازن: بجد؟ ريم: ياابني انت بتحكي في ايه طبعا بجد و لا عمري كلمت زميل ليا في اي حاجه مهما كانت من قبل ما اعرفك كمان مازن: يا ناااااااااااااااااس بحببببببببببببببها اوووووووووي ريم: ههههههههه مجنون مازن: مجنون بيكي و بحبك يا مدوخاني مش عارف امسكلك علي غلطه ريم: و انت عاوزني اغلط ليه بقي ان شاء الله مازن: ههههههههه عارفه ساعات بتمني نتخانق زي بقيه البشر كده بقالنا شهر اهه و زياده و متخانقناش ريم: حرام عليك ايه الفال الوحش ده عاوزنا نتخانق بقي ده اسمه كلام مازن: يا بت خناق الحبيبه ده اللي يتخانقوا و يقعدوا يتصالحوا و اللي غلطان يصالح في حبيبه بطريقه حلوه كده زيك يا قمر ريم: ههههههههه مش بقول مجنون،، قولي مامتك و اخواتك هتسيبهم ازاي ؟ و هتقولهم ايه؟ مازن: هقولهم عندي تمرين الصبح و العصر و هرجع باليل ريم: امممممم تمام مازن: هتجيبي شهنده معاكي؟ ريم: بتسال ليه؟ مازن: عادي اصلي نفسي اتعرف عليها ريم: يا راجل مازن: يا بت ،، يخربيت نيتك السوده هتغيري من صاحبتك شهنده دي انا بعتبرها اكتر من اختي ريم: طيب يااخويا مازن: بقول شهنده مش انتي ريم: طيب يا حبيبي مازن: ايوه كده ـــــــــــــــــــــــــ ـــــــــــــــــــــــــ ـــــــــــ جيه يوم الاربعاء و مازن محضر نفسه انه يجي لكن ريم جالها برد من يوم الثلاثاء و زاد اوي عليها يوم الاربعاء و كانت قايله في البيت انها هتنزل الجامعه بس بعد ما جالها البرد ده مكنتش بتقدر تقوم حتي من السرير اتصل بيها مازن باليل عشان ياكد عليها الميعاد سمع صوتها متغير و تقريبا مش طالع مازن: مالك يا حبيبتي انتي كويسه؟ ريم: اها انا كويسه يا حبيبي مازن: بس صوتك تعبان اوي ريم: لا بس مخنوقه شويه مازن: من ايه؟؟؟؟ ريم: اصل..... اصل انا ..... مش هينفع اقابلك بكره مازن: ريم: حبيبي انت سامعني؟ مازن: ايوه ريم: معلش انا اسفه بس غصب عني مازن: ليه مش هينفع تقابليني؟ ريم: اصل بابا مش راضي اني انزل بكره مازن: يا سلام ريم: و الله ما راضي اتحايلت عليه كتير و مرضيش مازن: خلاص يا ريم مش مهم ريم: لا مهم و متزعلش مني لانه غصب عني مازن: قلت خلاص انتي لو عاوزه تنزلي و تقابليني كنتي هتقنعي باباكي باي طريقه لكن واضح انك انتي اللي مش عايزه ريم: حرام عليك متظلمنيش مازن:ريم انا هقفل عاوز اقعد لوحدي شويه ريم: طب اسمعني مازن: معلش مش قادر اسمع حاجه سلام كانت غلطه ريم الوحيده في الموضوع ده انها مرضيتش تقوله انها تعبانه مش هتقدر تنزل عشان كده و بررت اللي حصل بان باباها مش موافق و حلفت لانه فعلا بعد ما شافها في الحاله دي رفض انها تنزل ـــــــــــــــــــــــــ ـــــــــــــــــــــــــ ــــــ مازن** ليه كده يا ريم مش عاوزه تقابليني ليه .... ده انا بحاول اعمل اي حاجه عشان اخليكي تثقي فيا اكتر من الاول ... نفسي اشوفك من قريب نفسي احس اني بحب واحده شافتها عيني مش مجرد صوره ليه ياريم ليه ... انا عمري ما هقتنع بموضوع باباها ده هي قالتلي ان باباها بيحبها جدا مش بيرفضلها طلب و هي مخرجتش من يوم ما الاجازه بدأت يبقي هيرفض ليه....... لو كانت قالتله انها عايزه تخرج تشوف صحابها في الجامعه اتفقوا علي انهم يتقابلوا كلهم مكنش هيرفض بس واضح اوي انها هي اللي مش عايزه اااااااااااه يارب ريم** يا رتني قولتله اني تعبانه مكنش زعل مني انا غبيه كده هيقول اني انا اللي مش عايزه اقابله مش بابا هو اللي مش راضي هو عارف كويس ان بابا مبيحبش يزعلني ... بس فعلا بابا مش موافق طب هيرضي ازاي يخرجني و انا تعبانه كده انا مش قادره اقف علي رجلي مستحيل هيوافق انه يخرجني ابدا و اكيد هيشك فيا لو اصريت اني اخرج طب اعمل ايه بس ياربي ... مفيش قدامي غير اني اقوله الحقيقه اتصلت بيه مردش عليها من اول رنه و فضلت ترن لحد لما رد بصوت مخنوق اوي مازن: ايه يا ريم في ايه؟ ريم: في اني تعبانه مازن: الف سلامه ريم: انا مبهزرش السبب الحقيقي اني تعبانه مش باين علي صوتي عندي برد شديد و مش قادره حتي اقف علي رجلي مازن: بس انا سالتك قلتلك مالك ياريم صوتك تعبان قولتيلي لا كويسه ريم: قولت كده عشان متقلقش عليا مازن: يعني كدبتي ريم: مازن: لا و مش كدبه واحده كدبتين مره انك مش تعبانه و مره ان باباكي هو اللي مش موافق مش كده؟ ريم: لا مش كده بابا فعلا من التعب اللي شايفني فيه مش موافق اني اخرج و لو اصريت اني اخرج هيشك فيا و انا مبحبش حد يشك فيا مازن: اها طب و ليه مقلتيش انك تعبانه؟ ريم: مكنتش عايزه اقلقك عليا مازن: بتستعبطي يعني تكدبي عليا عشان مش تقلقيني ريم: انا اسفه مازن: و انا مش قابل اسفك انا محبش ان حبيبتي تكدب عليا عشان ترضيني انا رضايا هيبقي في صدقها معايا في كل حرف بتقوله و كل فعل بتعمله ريم: مازن حس انه فعلا قسي عليها اوي و زعلها و بدأ يحس انها خلاص هتعيط حب يبينلها انه مش زعلان و خصوصا لانها تعبانه مازن: خلاص يا ريم تتعوض في مره تانيه ريم: يعني انت مش زعلان مني؟ مازن: نتكلم بعدين في الموضوع ده المهم انتي خلي بالك من نفسك و من صحتك ريم: حاضر ان شاء الله مازن: يلا روحي دلوقتي استريحي و نامي سلام ريم: ماشي سلام مازن** انا كنت حاسس انها تعبانه صوتها مش مكنش طبيعي.. بس اللي خلاني اشك في كده هو انها قالت انها كويسه و هي مكدبتش عليا قبل كده عشان اشك انها كدابه ..كمان هي حلفت ان باباها مش موافق قلت يبقي صوتها مخنوق بس مش تعب و لا حاجه ... بس انا قسيت عليها اوي و ده ممكن يزود تعبها... لا لازم تتعلم ان مهما حصل متكدبش لا عليا و لا علي غيري و بعدين انا قلتلها قبل كده الا الكدب يا ريم ... كان نفسي ابقي جنبها و هي تعبانه كده،، يا حبيبتي ربنا يقومك ليا يالسلامه يارب تاني يوم مازن مكنش طايق يقعد في البيت و لا دقيقه كان مخنوق من كل حاجه مش طايق يكلم حد لانه كان بيحلم باليوم ده من زمان و لما حس انه خلاص راح حس انه مستحيل هيحصل او هتيجي فرصه زي دي تاني اما ريم فكانت تعبانه زي اليوم اللي قبله لا زاد التعب و لا قل بس كانت مخنوقه اوي من نفسها و حاسه باللي فيه مازن و ندمت اوي علي انها كدبت عليه و كانت طول النهار ماسكه موبايلها مستنيه حتي رنه من مازن يقولها انه مش زعلان او حتي انه يطمن عليها و جيه الليل حوالي الساعه 11 مازن** انا هتصل بيها اطمن عليها لا يكون التعب زاد عليها و لا حاجه... لا مش هتصل هي لازم تحس اني زعلان عشان متكررش اللي عملته ده تاني... يعني ايه مش هتصل بيها و افرض كانت تعبت زياده ... لا ان شاء الله مش هتكون تعبت متقلقنيش بقي و حياه ابوك مش ناقص ... انا هتصل و خلاص و هحاول ابينلها اني بتصل تأديه واجب عشان بس اطمن عليها ... لالالالا مش متصل بحد ريم و هي بتعيط جامد اوي بعد ما ياست ان مازن يكلمها** يعني خلاص مش عاوز حتي يطمن عليا للدرجادي انا غلطت دي اول غلطه اغلطها في حقه ... بس انتي برده تستاهلي مكنش لازم تكدبي عليه... غصب عني مبحبش اشوف حد قلقان عليا و كان هيقولي روحي لدكتور و بتاع انا مبحبش جو العيا ده....خلاص اشربي يا هانم اهه و لا هيعبرك انتي نسيتي انه قالك اكتر حاجه بيكرهها الكدب و كمان حذرك من زعله بس انتي مبتفكريش خليكي بقي كده...طيب اتصل بيه انا ... يا سلام ياختي هتتصلي بيه بتاع ايه احتمال ميرضاش يرد عليكي ...يوووه بقي خلاص يارب اعمل ايه و عشر دقايق و التيلفون رن يا تري مين اللي اتصل بمين هنعرف الحلقه الجايه...ومستنى رائكم فى الحلقه |
|
وادى كمان حلقة تالتة
متطمعوش اكتر من كدة
|
|
قصه جميله جدا
واحداثها مشوقه جدا تسلم ايديك |
|
الاحداث بقة حلوة اوى
شكرا ع المجهود وفى انتظار الحلقات القادمة |
 الحلقه 21 |
|
الحلقة جامدة بجد
فى انتظار الحلقات القادمة على احر من الجمر |
|
جميله اوى الحلقه
بس حزينه اووووووووووى فى انتظار الحلقه القادمه |
|
الحقله اتنين و عشرين تاني يوم بعد وفاه والد ريم اتصل مازن بشهنده عشان تطمنه علي ريم و طلب منها تحاول باي طريقه تخليه يكلمها و هي وعدته بكده راحت لريم و قالتلها ان مازن عاوز يكلمها... ريم كانت هتموت و تسمع صوت الوحيد اللي بيقدر يخفف عنها حبيب قلبها مازن و حاولت تبعد شويه عن الناس اللي كانت في وسطهم و اتصلت بيه مازن: حبيبتي ازيك عامله ايه دلوقتي؟ ريم: الحمد لله كويسه مازن: كان نفسي ابقي جنبك و اضمك لحضني اوي و اخفف عنك ريم انهارت في العياط و مقدرتش ترد عليه مازن: لا ياريم الا دموعك دي غاليه عليا اوي عشان خاطري تهدي ريم:مش قادره يا مازن حاسه اني بموت روحي بتتسحب مني مازن: لا يا حبيبتي متقوليش كده مامتك عيزاكي و اخوكي و شهنده و مازن حبيبك عاوزك و بيحبك ريم: ربنا يخليكوا ليا انا مش باقيلي غيركوا مازن: انا مش هقولك هعوضك عن باباكي لانه ميتعوضش انا عارف... بس هحاول علي قد مااقدر اقلل من احساسك بغيابه و ربنا يقدرني و اعوضك عن كل الحزن اللي عشتيه ريم: ربنا يخليك ليا يا حبيبي مازن: طيب يلا خلي بالك من نفسك و انا هتصل بيكي الصبح اول ما تصحي من النوم هتلاقيني علي دماغك و باليل كمان قبل ما تنامي زي دوا الكحه كده ريم: احسن دوا كحه في الدنيا مازن: و انتي احلي بنت قابلتها في حياتي مرت فتره علي وفاه والدها حوالي 5 شهور وقتها كان مازن بيحاول علي قد ما يقدر يخفف عنها و يحسسها دايما بوجوده جنبها في كل حاجه لكن ريم كانت بتحس بشعور غريب اوي مقالتوش لحد غير لمازن ريم: اقولك علي حاجه يا مازن هتستغربها اوي مازن: قولي ريم: بعد ما بابا مات لما بروح ازوره في قبره بقوله كلام غريب اوي بيطلع مني تلقائي مش عارفه بقوله ليه مازن: كلام ايه يا حبيبتي؟ ريم: بقول انا مش زعلانه عليك زيهم يا بابا هما لازم يزعلوا اكتر مني اكيد...عشان هيقعدوا فتره كبيره اوي مش يشفوك لكن انا لا ....انا هجيلك قريب و هندفن جنبك هنا ....متزعلش انا مش هسيبك لوحدك طول عمري بحب اروح معاك في كل حته و هنا كمان هاجي وراك مش هتاخر عليك يا حبيبي مازن انصدم بالكلام اوي لدرجه ان عنيه دمعت و اترعب من كلامها مازن: ريم انتي بتقولي ايه حرام عليكي متقوليش كده عشان خاطري ريم: مش عارفه انا بقول كده ليه مش عارفه مازن: لا لالا اكيد في سبب انتي تعبانه...تعبانه صح ردي يا ريم ارجوكي ريم: لا انا مش تعبانه و لا حاجه مازن: امال بتقولي كده ليه فهميني ؟ ريم: حبيبي متقلقش كده انا كويسه و الله مازن: امال ليه يا ريم بتعملي في نفسك و فيا كده ليه؟ ريم: متزعلش مني مش هقول كده تاني مازن: ريم نامي النهارده في حضن مامتك ممكن؟ ريم: مينفعش مازن: ليه مينفعش لا هينفع عشان خاطري ريم: يا حبيبي اانا بحب انام لوحدي في اوضتي مازن: لا النهارده بالذات نامي معاها و حياه مازن ريم: حاضر بس متقلقش كده انا مش هموت انا قاعده علي قلبك اهه انت فاكرني هموت و اسيبك لوحده غيري ده بعدك مازن: بتهزري ده وقت هزار و النبي حرام عليكي سيبتي ركبي انا مش قادر اقف علي رجلي ريم: روح اقعد واقف ليه مازن: يالهوي عليكي يابت حرام عليكي نفسك ارحميها شويه من افكارك السوده دي من يوم ما عرفتك و دماغك دي شغاله ليل نهار بتفكر في بلاوي زرقا ريم: ههههههه اصل انا مازن2 و حبيبه مازن1 لازم دماغي تبقي كده و لا ايه يا كابتن؟ مازن: الله يخربيت سنين مازن اللي انتي شبهه طب اختاري حد عدل ريم: تؤ تؤ تؤ احترم نفسك متشتمش حبيبي فاهم مازن: حاضر يا روح حبيبك مش هشتمه بس و حياه حبيبك بلاش تفكري كده تاني ماشي ريم: يا حبيبي لازم تكون مؤمن ان ساعتي لما تيجي مفيش مفر سواء النهارده بكره دلوقتي و انا بكلمك مثلا مازن: يالهوي بت قومي اتخمدي نامي قومي ريم: هههههههه لا قاعده علي قلبك برده مازن: تقعدي بادبك و ترمي لسانك و مخك الزباله ده بعيد و ترجعي لسان ريم الحلو اللي بينقط عسل و مخها ماشي و الا ريم: هتضربني؟ مازن: هحضنك اوي و ابوس دماغك و احطك جوه عيوني عشان احافظ عليكي ريم: يالهوووووووي بحبك مازن: و انا بحبببببببببك بحببببببببببك بحبببببببببك يا بت ريم: وطي صوتك يا مجنون هتصحي محمود اخوك مازن: انا عاوز الدنيا كلها تصحي و تسمع اني بحبك اوووووووووي ريم: و انا نفسي امشي معاك في وسط العالم كله و اقول القمر ده حبيبي و روحي و عقلي و بموت فيه مازن: لما انتي هتقولي كده انا اقول ايه بقي وقتها؟ ريم: انا اللي هقولك تقول ايه وقته اتصرف يا كابتن و شوف هتقول ايه بدل ما تفضحنا في وسط الناسمازن: هقول ريم: ها بسرعه عشان اقيم مازن بصوت عالي: يا ناااااااااااااااااااااس البنت دي حبيبتي و بموووووووت فيها و بعشق التراب اللي بتمشي عليه و نفسي تبقي مراتي و ام عيالي و حبيبتي للابد و مش هسمح لحد ياخدها مني و هعمل المستحيل عشان تبقي ليا سواء رضيتوا و لا مرضتوش لاني مش هستغني ابدا عن روحي و قلبي و عنيا و دنيتي كلها حبيبتي ريييييم بحببببببببببببببببببببببب بببببببك ريم: مازن: بت انتي نمتي؟ ريم: لا هنسحب بقي الناس بعد كلامك ده هتقول عليا خرسه مازن: هههههههههه لا هيقولوا دي الملكه اللي متوجه علي عرش قلب مازن و اللي عمره ما هيستغني عنها و لا هيسمح لمخلوق علي وجهه الارض يحرمه منها ابدا مهما كان ريم:انا بحبك اوي بحبك بجنون و بعشق كل حاجه فيك بعشقك كده كلك علي بعضك... مازن الشخصيه مازن الانسان مازن الرومانسي مازن الحنين مازن الطيب مازن الجدع مازن لاعب الكوره مازن حبيب قلب ريم من جوه و نور عينها اللي بتشوف بيهم مازن: يخربيتك كل دول مازن بتحبيهم يا مفتريه ريم: كل الصفات دي متجيش نقطه في بحر صفاتك يا حبيبي ربنا ما يحرمني من حبك يارب مازن: و لا يحرمني منك يا نور عيوني بقولك ريم: ايه؟ مازن: في واحده رخمه جنبي عايزه تكلمك ريم: لا متقولش ريهام مازن: ايون هي البت الرخمه دي ريم: طب امشي يا واد من هنا و اديها الموبايل كفايه عليك كده مازن:بتبعيني يا ريم ماشي و الله لاربيكي انتي و هي ريم: انجز يا حاج ووسع كده شويه للبنت مازن: ماشي ياختي خديها اهيه ريهام: ازيك يا ريمو عامله ايه يا حبيبتي ؟ ريم: الحمد لله ازيك انتي يا ريهام اخبارك ايه و اخبار المذاكره معاكي ايه؟ ريهام: اها ادعيلي دي اخر سنه ليه و امتحانات الترم قربت ريم: ربنا معاكي يا قمر ريهام: يارب و معاكي انتي كمان اخبار المذاكره ايه؟ ريم: ايه ...اها الحمد لله ماشيه المهم مازن بيذاكر و لا زي عوايده ريهام: لا ده بقي انا سيبهولك ولا ليا علاقه بيه في موضوع المذاكره دي بالذات؟ مازن: بس يا زفته يخربيت سنينكوا هاتي يا بت الموبايل ريهام: بس يله سيبني اشكيلها شويه من اللي شايفينه ريم: لا مالكيش دعوه انا هتصرف معاه في موضوع المذاكره ده ريهام: يارب تقدري عليه ..... ماشي يا حبيبتي خدي بقي كلمي الواد ده اصله خنقني ريم: ماشي يا عسل ريم: دي بجد ريهام اللي كانت بتكلمني؟ مازن: امال امي ؟ ريم: لا بجد مش مصدقه انت وصفتهالي حد تاني خالص مازن: لا يا حبيبتي ارجع و احذرك ريهام مش سهله خلي بالك من كلامك معاها كويس ريم: يعني ايه مش سهله؟؟؟؟ |
|
ميرسى ع الحلقة
الحلقة حلوة اوى وننتظر الباقى ان شاء الله |
|
تسلم ايديك
|
|
بليز عايزين نعرف الحلقة الجديدة هتنزل امتى
|
|
مستني الباقي يا قمر
|
|
بليز احنا مستينبقيت الحلقات
ياريت تنزل بسرعة |
|
سورى يا جماعة على التاخير
|
|
الحلقه الرابعه و العشرون
يوم السبت الضهر اتصلت ريم بمازن تاخد رايه في حاجه ريم: حبيبي عايزه اخد رايك في حاجه مازن: ايه هي يا حبيبتي؟ ريم: كنت بفكر اشتريلك حاجه و متردده اوي فيها مازن: ايه هي الحاجه دي؟ ريم: كنت داخله محل عندنا لقيت دبل للولاد بس شيك اوي عجبوني جدا فكرت اشتريلك واحده بس اترددت بعدها مازن: اترددتي ليه؟ ريم: يعني في ناس مبتحبش تلبس الدبل دي و بتعتبرها حاجه بايخه ان ولد مش خاطب و لاحاجه و لابس دبله مازن: بس انا بقي مش هعتبرها كده ريم: بجد يعني اشتريلك واحده مازن: حبيبتي تعمل فيا اللي هي عيزاه انا ملكها ريم: انت عسل اوي يارتني ما خدت رايك مازن: ههههههه ليه؟ ريم: عشان كنت اعملهالك مفاجأه مازن: و لا يهمك يا حبيبتي انا بقي عايز اطلب منك طلب؟ ريم: عيوني ياحبيبي مازن: عاوزك تجبيلي حاجه تكون بتاعتك فيها ريحتك ريم: ازاي يعني مازن: يعني حاجه تكون بتاعتك مستغنيه عنها بس تكوني لبستيها و بتحبيها ريم: امممممممم اوك لقتها انا عندي قلب صغير كنت حطاه في سلسله و كنت بحبه اوي و لبسته كتير هجبهولك ايه رايك؟ مازن: قلب... انتي بت زي العسل ماشي يا حبيبتي بس اوعي تنسيه ريم: طبعا مش هنسي ـــــــــــــــــــــــــ ـــــــــــــــــــــــــ ــــــــــــ و جيه موعد اللقاء ريم تقريبا منامتش خالص فضلت تكلم مازن طول الليل لحد الساعه 2 و نص صباحا تشرحله هيعمل ايه و هيجيي علي فين و هو كان تعبان و جايب اخره لانه كان عنده ماتش في اليوم ده الصبح قامت ريم بعد مانامت حوالي ساعه و فايقه جدا علي غير العاده كانت كوت هدومها من باليل و ظبطت احوالها صحيت الصبح لبست و فضلت قدام المرايا حوالي نص ساعه مش عاجبها حاجه لا عاجبها الطرحه و لا لفتها و لا اللبس و حاسه نفسها وحشه اوي و كانت خلاص هتتجنن اللي كانت هتتجنن اكتر منها شهنده لانها كانت مستنياها في الشارع عشان كانت رايحه معاها و دي و لا الدموع و اخيرا خلصت ريم و طول الطريق ماشيه مش عاجبها حالها خالص ريم: الطرحه زباله زباله يعني مش عارفه فيه ايه ماانا علي طول بظبطها شهنده: مالها الطرحه يابنتي ماهي حلوه اهيه ريم: بجد شهنده: اها و الله انتي بس اللي متوتره اهدي شويه يا ريم ده انتوا عارفين بعض بقالكوا اكتر من 10 شهور مفروض تبقي هاديه اكتر من كده ريم: العشر شهور دول كوم و النهارده لوحده ده كوم تاني خالص بجد خايفه و قلقانه موووووووت شهنده: لالا متقلقيش مازن بيحبك اوي و مش هيفكر في اللي بتفكري فيه ده ريم: اها صح عندك حق هو اكيد مش هيفكر في الحاجات الصغيره دي ـــــــــــــــــــــــــ ـــــــــــــــــ وصلوا الجامعه الساعه 9 و ربع تقريبا وقفت ريم قدام باب الجامعه بعد مااتصلت بيه و قالها خمس دقايق و هيكون قدامها كانت واقفه مع شهنده و مش منزله عينها من علي البوابه و بعد خمس دقايق بالظبط لقته داخل من البوابه كل خطوه كان بيمشيها و بيقرب ناحيتها كانت بيقابلها الف دقه من قلب ريم ..قرب مازن ووصل ناحيه ريم و شهنده ووقف مازن وقف قدام ريم و فضل باصص في عنيها حوالي دقيقه و لما حس اخيرا بوجود شهنده بدأ ينطق مازن: شهنده صح؟ شهنده: ايوه صح ازيك يا كابتن حمد الله عالسلامه مازن: الله يسلمك ... مين القزعه اللي معاكي دي تعرفيها؟ ريم: لا ده انا كنت بسالها فين الدبليو سي مازن: هههههههههه عسل حبيبتي .... شهنده ممكن تطرقينا بقي انا عاوز حبيبتي لوحدها مش عاوز الختم بتاعها معاها ههههههههه شهنده: ههههههههههه ماشي مقبوله منك انا كنت ماشيه اساسا مازن: اوعي تكوني زعلتي انا بهزر طبعا شهنده: لالالا خالص بعد اذنكوا ريم: ازيك يا حبيبي حمد الله علي سلامتك مازن: الله يسلمك يا قمر وحشتيني ريم: انت وحشتني موووووت و سكتوا ثواني ريم: مازن هو انت طويل كده ليه؟ مازن: ههههههههههههه لا و حياتك انتي اللي قزعه ريم: ايه مش عجباك يعني.. قول مش عجباك يا راجل قول مازن: يالهوي انا اقدر..... ب ح ب ك كلمه بحبك من مازن كانت مختلفه اوي عن كل مره كان بيقولها لريم فيها اول مره تطلع من شفايفه و خصوصا ان عينه كانت بتنطقها قبل لسانه كانت بتهز في كيان ريم و كانها اول مره تسمعها ريم بكسوف : و انا بحبك اوي مازن: احلي كلمه بحبك سمعتها في حياتي هي دي ريم: و انت اجمل انسان قابلته في حياتي تليفون مازن رن و هما في طريقهم للمكان اللي هيقعدوا فيه مازن: ثواني يا حبيبتي هرد علي التليفون ريم: اوك يا حبيبي مازن: ايوه يا نجم ازيك وليد: الحمد لله فينك ياابني واحشني موت مازن: حذر فذر انا فين وليد: لا متقولش... في دمياط مازن: ايون في دمياط و حبيبتي ماشيه جنبي اهيه وليد: مبروووووووك الف الف مبروك يا حبيبي و الله فرحتني اوي مازن: ههههههههههههه يارب اسمعها منك يوم فرحي علي القمر دي وليد: يااااااااااارب ان شاء الله ... سلملي عليها كتير مازن: بيسلم عليكي يا ريم ريم: الله يسلمه سلملي عليه مازن: بتسلم عليك يا مان وليد: الله يسلمها ... هتيجي امته؟ مازن: الصبح ان شاء الله وليد: اوك يا كابتن توصل بالسلامه و اسيبك بقي ليومك مازن: ايون بصراحه خدت اكتر من وقتك وليد: ههههههههه لا خلاص سلام و ربنا معاك يا حبيبي مازن: ربنا يخليك ليا يارب سلام ـــــــــــــــــــــــــ ـــــــــــــ مازن: معلش بس مقدرش مردش علي حبيبي ريم: طبعا يا قلبي ربنا يخليكوا لبعض مازن: و يخليكي ليا .. عارفه اول ما عرف اني معاكي قعد يهلل جامد ريم: هههههههههه عسل وليد ده مازن: بت.. مين ده اللي عسل ريم: مازن طبعا حبيبي هو فيه غيره عسل في الدنيا دي مازن: ايوه كده ـــــــــــــــــــــــــ ـــ راحوا قعدوا في مكان رومانسي اوي و هادي في جنينه حواليهم ورد و شجر مازن: ايه المكان الجميل ده؟ ريم: بقالي اسبوع بقلب في دماغي عشان افتكر اهدي و احلي مكان في الجامعه و افتكرت المكان الجميل ده مازن: اممممم جميل اوي فعلا قعدوا الاتنين قصاد بعض و فضلوا مثبتين عنيهم في عيون بعض حوالي دقيقتين من غير و لا كلمه و الفرحه ماليه قلبهم و عنيهم بدأت ريم تفوق من الغيبوبه اللي دخلت فيها الدقيقتين اللي فاتوا و طلعت لمازن الدبله و القلب ريم: اتفضل يا حبيبي دبلتك مازن: لا مش هاخدها ريم: انت رجعت في كلامك و لا ايه ماانا قلتلك و خدت رايك مازن: ههههههه لا مقصدش يا بت اقصد مش هاخدها كده كانك بتديني سندوتش ريم تقريبا فهمت قصده : اممممممم طيب خليها معايا مازن: يعني ايه هتاخديها تاني و انتي مروحه و لا ايه؟ ريم: لا هبقي اديهالك في كيس و انت مروح مازن: يا رخمه استعبطي استعبطي ريم بدلع: ما هو بصراحه صعب اوي البسهالك يا مازن مازن: صعب ليه يا قلب مازن دي حاجه سهله اوي مسك ايدها بحنيه و بدأ يكمل كلامه و ريم مستسلمه و متنحه و مش مصدقه اللي بيحصل مازن: تمسكي ايدي زي ماانا ماسك ايدك كده هاتي الدبله كده ايون و تلبسهالي زي ما لبستهالك كده صعبه دي ريم: ها مازن: مالك تنحتي كده ليه؟ ريم: لا بس بس ...ماشي موافقه هلبسهالك بس استني شويه ممكن مازن: ممكن اوي .. معلش بقي انا ملحقتش اشتري حاجه مع اني شاريلك هديه جامده اوي بس في البيت و طبعا مخدتهاش معايا النادي لاني مكنتش عارف اني هسافر السفريه دي ريم: و لا يهمك يا قلبي مازن: طيب انا جبتلك المصحف ده من المنصوره تخليه دايما معاكي عشان يحفظك و المداليه الصغيره دي عليها حرف اسمك نص قلب معايا نصه التاني ريم: اجمل هدايا اخدتها في حياتي مازن: لا الهديه الكبيره و الله في البيت كنت جايبها من اسكندريه هجبهالك المره الجايه ان شاء الله ريم: ان شاء الله يا حبيبي.. انا بقي ملحقتش بصراحه اشتري اللي في دماغي و لفيت امبارح بس ملقتوش خالص لاني ملحقتش الف كتير بس عجبني اوي الدبدوب ده و اشترتهولك ايه رايك؟ مازن: يخربيت جماله ده حلو اوي ريم: انت احلي و فضلوا عنيهم في عنين بعض تاني اكتر من دقيقتين و الفرحه ماليه وشهم و كانهم طايرين مش حاسين بالدنيا و لا اللي فيها مازن: عارفه نفسي اقوم احضنك و الف بيكي لحد لما ندوخ و نقع ريم: و انا نفسي اترمي في حضنك و مخرجش منه طول حياتي مازن: يعني حبك ليا زاد دلوقتي و لا زي ما هو و لا قل و لا ايه رسيني عالحوار ده ؟ ريم: بحبك .. و هفضل احبك ... و حبي ليك بيزيد مع كل نفس بيخرج مني و كل دقه قلب بيدقها قلبي و كل حرف بينطقه لساني مازن: يخربيت جمال قلبك اللي مدوبني في حبه انا بعشقك و هفضل اعشقك عمري كله يااجمل حب في حياتي بحبك اوووووي ريم: انت اجمل حبيب في الدنيا دي كلها مازن: عارفه كنت بفكر في ايه و انا جاي؟ ريم: في ايه؟ مازن: بفكر اخدك من ايدك و نروح علي مكان شغل مامتك و ادخلها و انتي في ايدي اقولها يا حماتي انا بحب بنتك دي اوي و عاوزك توافقي اننا نفضل نحب في بعض سنتين كمان و بعدين هاجي اخطبها ريم: هههههههههه ده انت ناوي تروح لاهلك علي نقاله بقي و تسبني مدفونه جنب بابا مازن: بعد الشر عليكي لا طبعا مامتك هتحس بحبي ليكي اللي هيبان في كلامي و لهفتي عليكي و عنيا اللي هتحكي حبي ليكي من قبل ماانطق ريم: عنيك بتقول كلام حلو اوي قريته من اول لحظه قابلتك فيها نفسي اخدها معايا و انا ماشيه عشان افضل ابصلها علي طول مازن: ميغلوش عليكي يا حبيبتي انتي حبيبه عيوني ريم: و انت حبيب قلبي و روحي و حياتي مازن: يعني لو عملنا كده بجد مامتك هيكون رد فعلها وحش ريم: انت بتتكلم بجد و لا ايه؟ مازن: ايوه طبعا بجد ريم: لا طبعا يا مازن صعب اوي اقول لماما دلوقتي علي الاقل نستني لما تتخرج يبقي الكلام خفيف شويه علي لساني و انا بنطقه انت ناسي علاقتنا شكلها ايه و المشاكل اللي هتواجهنا هتبقي قد ايه مازن: لا مش ناسي ربنا هيسهلها ان شاء الله ريم: ان شاء الله مازن: ها مش ان الاوان تلبسيني الدبله و لا استحلتيها في ايدك ريم: هههههههه لا خلاص استني قلعت ريم الدبله و باستها بوسه رقيقه و مدت ايدها علي ايد مازن و اخدتها ناحيتها و لبسته الدبله بعد لما لبستهاله باس الدبله ومسك ايد ريم تاني و باسها بوسه جميله اوي و من بعد البوسه دي مسابش ايدها طول ما هما قاعدين ريم: انا كنت فكرت فكره مجنونه كده شويه و عايزه اخد رايك فيها مازن: فكره ايه؟ ريم: بشوف في الافلام الحبيب و الحبيبه بيعملوا حاجه مشتركه كل يوم قبل ما يناموا ايه رايك نفكر في حاجه و نعملها مع بعض طول العمر حتي لو لا قدر الله سبنا بعض مازن: اولا بلاش سيره سبنا بعض دي ثانيا دي فكره زي العسل زي صاحبتها ثالثا ايه هي الحاجه دي؟ ريم: مش عارفه فكر معايا مازن: اممممممممم و هما الاتنين في نفس واحد بعد تفكير (( لقتها)) مازن: هههههههههه ريم: هههههههههه ها قول لقيت ايه؟ مازن: لا قولي انتي؟ ريم: لالالا هتقول انت الاول و بعدين اقول انا مازن: اوك بصي يا ستي احنا نشرب بق ميه و نقرأ ايه الكرسي و نقول قبل ما نغمض عنينا يارب اجعلنا من نصيب بعض ها ايه رايك؟ ريم: في ايه؟ مازن: في ايه؟ ريم: انا فكرت في كده بالظبط مازن: هههههههه بجد فكرتي في ايه؟ ريم: كنت هقولك نشرب بق ميه و نقرا سوره من القران و ندعي نكون لبعض مازن: و الله العظيم انتي بجد مازن2 ريم: بجد احنا بنكمل بعض اوي مش عارفه من غيرك ممكن اعمل ايه انا ممكن ...... مازن حط ايده علي بقها مازن: متكمليش ان شاء الله هنفضل مع بعض العمر كله ريم: يااااارب مازن: علي فكره شعرك باين من تحت الطرحه ريم: اوووووبس ليه الاحراج ده مازن: احراج ايه يا بت انا حبيبك و بقولك كده عشان محدش غيري يشوفه انا بس ريم: طيب هحاول اظبطها و الله فضلت نص ساعه قدام المرايه عشان اظبطها متظبطتش مازن: هههههههه طب استني مد ايده هو و دخل شعرها جوه الطرحه و ظبطلها الطرحه بايده و بعدين حط ايده علي خدها لمسه لمسه خفيفه مازن: بشرتك ناعمه و حلوه اوي ريم: هو انت عملت ايه بالظبط؟ مازن: ظبطتلك الطرحه ريم: ممكن تقرصني مازن: ههههههههه ليه؟ ريم: مش مصدقه اللي بيحصل ده حاسه اني بحلم مازن: لا بسيطه لو جت علي قرصه تفوقك بسيطه و ادي القرصه و قرصها في ايدها ريم: يالهوتي خلاص فقت و الله مازن: هههههههه ايدي تقيله صح ريم: ايون علمت مازن: يالهوي علمت استني اطيبهالك وطي باس ايدها تاني و المره دي باسها من جوه و من بره مازن: ها كده بقت تمام ريم: اوووووووي فضلوا باصين لبعض حوالي دقيقتين متواصلين منزلوش عينهم من عنين بعض و اللي قطع اللحظه الحلوه دي و خلاهم يفكوا ايدهم من ايد بعض شخص وقف قدامهم فاجأه مين الشخص ده نعرفه الحلقه الجايه متنسوش الردود ورائكم فى الحلقه |
|
الحلقه الخامسه و العشرون
فضلوا باصين لبعض حوالي دقيقتين متواصلين منزلوش عينهم من عنين بعض و اللي قطع اللحظه الحلوه دي و خلاهم يفكوا ايدهم من ايد بعض شخص وقف قدامهم فاجأه كانت شهنده و كانت جيبالهم سندوتشات و كانز مازن: اهلا يا شاهي شهنده: معلش مش هعطلكوا كتير ... اتفضلوا مازن: ايه ده و الله عيب في حقي مفروض انا اللي كنت اجيب الحاجات دي مش انتي شهنده: عيب اوي تقول كده بقي تبقي عندنا في بلدنا لاول مره و عاوز تعمل كده مازن: احرجتيني.ماشي يا شهنده شكرا يا قمر ريم: شهنده: العقو يا كابتن انا همشي بقي عاوزين حاجه ؟ ريم: شكرا يا حبيبتي ربنا يخليكي ليا مازن: شكرا يا شهنده تتردلك في الافراح شهنده: هههههههههه ان شاء الله ـــــــــــــــــــــــــ ـــــــــــــــــــــــــ ــــــــ مازن: صحبتك دي زوق اوي بس احرجتني جامد ده كان واجب عليا اعزمكوا انتوا الاتنين ريم:  مازن: مالك يا بت بتبصيلي كده ليه؟ ريم: معجبه مازن: هههههههههه معجبه بس؟ مالك بجد في ايه؟ ريم: مفيش حاجه مازن: لا في ... انتي زعلتي عشان قلت لشهنده يا قمر مش كده ريم: كويس انك عارف مازن: و الله انتي هبله .. شهنده دي زي ريهام بالظبط و فيها ايه يعني لما اقول لاختي يا قمر ريم: طيب مازن: فكيها بقي يخربيت جمال بوذك ريم: ههههههههههه مازن: يالهوي يا ناس عسل و ضحكتها زي السكر ريم: بحبك مازن: و انا بحبك اوي اوي اوي اوي و بموت فيكي ريم: طيب افطر بقي حاسه انك جعان مازن: بصراحه واقع بس مش دلوقتي ريم: ليه؟ مازن: الاكل هيشبعني اها بس عيني نفسها تشبع منك اكتر ريم: هشوفك تاني يا مازن؟ مازن: اكيد يا روح مازن مش بعيد تلاقيني بعد يومين تلاته باعتلك اقولك انا جي يا ريم ريم: ياااااريت مازن: و الله هرتب نفسي و اجي هي المشكله بس في التمارين بتبقي كل يوم و كمان مرتين في اليوم و انا الفتره الجايه دي عاوز اشد حيلي عشان اتنقل لفريق اكبر في بحري و ابقي جنب حبيبتي بدل ماانا في اخر الدنيا كده ريم: عارف .. علي قد ما بتمني تتنقل لفريق كبير في بحري و تبقي قريب مني علي قد ما هبقي قلقانه عليك و صعبان عليا عشان بعدك عن اهلك و اصحابك انا عارفه قد ايه بتحبهم مازن: طبعا هتبقي حاجه صعبه اوي عليا بس حبيبتي مش هتخليني احس اني بعيد عنهم و هي تقدر تعوضني عن كل اللي بحبهم مش كده يا روحي؟ ريم: اكيد طبعا يا حبيبي مازن: عارفه لو حصل اللي في بالي و اتنقلت لفريق في بحري القاهره مثلا او اسكندريه هشتريلك شقه هناك و نتجوز فيها عشان تبقي جنب مامتك ريم: بجد و الله يعني مش هنسكن في الصعيد عندكوا مازن: ان شاء الله لا انا مش عاوز اكمل بقيه حياتي مدفون هناك و كمان عشان الموضوع يبقي هين شويه علي مامتك و توافق بسهوله ريم: يااااااااااااااارب تتنقل الموسم الجي مازن: ان شاء الله يا حبيبتي فضلوا قاعدين مع بعض حوالي 5 ساعات ما بين الحب و الرومانسيه و الضحك و الهزار جت الساعه 1 الضهر مازن جاتله مكالمه من واحد من الفريق يستعجله لانهم هيطلعوا 3 ريم: خير يا حبيبي مازن: لا ابدا بس الاتوبيس هيطلع من المنصوره الساعه 3 ريم: اممممممم طيب يلا يا حبيبي عشان متتاخرش مازن: بس انا مش عاوز اسيبك نفسي افضل معاكي.اقولك انا همشي لوحدي هتصرف انا و اشوف مواصله توديني ان شاء الله اطلع علي القاهره اركب من هناك ريم: لا لازم تروح مع الفريق عشان ابقي مطمنه عليك يلا بينا احنا قاعدين بقالنا كتير مازن: محستش و بولا لحظه.حاسس اني كنت طاير في السما طول الوقت ده ريم: الخمس ساعات عدوا كانهم دقيقه نفسي افضل معاك العمر كله مازن: اوعدك اني مش هسيبك و عمري ما هتخلي عنك ريم: و انا اوعدك اني هعمل كل حاجه و اي حاجه عشان افضل معاك و مش هسمح لحد يفرقنا ابدا مازن باس ايدها و بعدين باس ايده و حطها علي خدها مازن: انا خلاص بقيت اسعد انسان في العالم مش عاوز حاجه تانيه غيرك انتي ريم: و انا مش عايزه حاجه في دنيتي غير اني افضل معاك مازن: بحبك و هفضل احبك طول عمري ريم: و انا بحبك لاخر نفس هيخرج مني بداوا يتحركوا عشان خلاص مازن هيمشي.حاطين ايدهم في ايد بعض و مش قادرين ينطقوا و قربوا من البوابه ووقفوا عنيهم في عنين بعض و الدموع ملت عنيهم مازن: هتوحشيني اوي ريم: و انت كمان هتوحشني اوي ..خلي بالك من نفسك و طمني عليك مازن: حاضر و انتي كمان خلي بالك من نفسك ريم: حاضر.. اول ما توصل المنصوره تبعتلي ماسج و لما توصل النادي تتصل كانت بتقول الكلام ده و خلاص الدموع كست عنيها و نزلت علي خدها مد ايده مسحلها دموعها مازن: دموعك دي غاليه عليا اوي مش عاوز اشوفهم ابدا ريم: غصب عني مازن: و انا غصب عني اسيبك بس اوعدك اني هاجي تاني و هاجي كتير كمان ريم: ان شاء الله يا حبيبي مازن: عاوز اشوف ابتسامتك قبل ماامشي ممكن ريم:  مازن: بحبك اوي يا ريم ريم: و انا بحبك موت يا قلب ريم مازن: لا اله الا الله ريم: محمد رسول الله ـــــــــــــــــــــــــ ـــــــــــــــــــــــــ ــــــــــــ مشي مازن و سافر و علي قد فرحته و سعادته انه اخيرا شاف حبيبته الا انه كان زعلان اوي انه سابها و مشي مازن* يعني ياربي يوم ما احب و الاقي البنت الل بتمناها طول عمري و تحبني كل الحب ده يكون بينا كل المسافه دي مقدرش اشوفها الا ساعات مقدرش اشوفها وفت ما اشتقالها مقدرش احسسها بحبي و اخلاصي ليها من قريب .. هتوشحيني اوي يا ريم .. هتوحشيني اوي يا حبيبتي. عدت فتره علي المقابله دي و كانت سبب في مضاعفه الحب في قلبهم بعد ما شافوا بعض من قريب بعد ما بقي يقدر كل واحد فيهم انه يعترف قصاد الدنيا بحالها انه بيحب و قابل حبيبه و لمسه و ادفي بحبه و حنانه وفاتت سنه و نص تقريبا علي حبهم و بدأت سنه دراسيه جديده كانت اخر سنه لمازن و السنه التانيه لريم في الجامعه بعد السنه اللي فاتتها كل واحد فيهم في جامعته بيذاكر و بيعمل اللي عليه عشان خاطر التاني حاطين هدف قدامهم بيتمنوا يوصلولوا بأي طريقه و مازن بيعمل كل جهده في الكوره عشان تبقي اخر سنه ليه بدايه فتره جديده في الكوره مع فريق اكبر عشان يكون عنده فرصه اكبر انه يتقدم لريم بمجرد ما يخلص في يوم في جامعه مازن مكتب اتحاد الطلبه ((مازن كان عضو في اتحاد الطلبه من سنه تانيه)) دخلت بنت اموره جدا شيك جدا كانت زميله مازن و عارفها .. بنت رجل اعمال كبير اوي و له اسمه نانسي: هاي يا مازن ازيك مازن: اهلا نانسي ... خير في حاجه؟ نانسي :كنت عايزاك تعملي خدمه ممكن مازن: لو اقدر اعملها اكيد مش هتاخر خير؟ نانسي: بابي كان عاوز يتبرع بفلوس للطلبه الفقراء اللي مبيقدروش يشتروا لبس و كتب و كده بس لقي ان معظمهم هيتحرجوا ياخدوا فلوس ففكرنا في فكره كده و محتاجين موافقه رئيس الجامعه مازن: و انا دخلي ايه بالموضوع ده نانسي : مش باباك بيشتغل هنا في الجامعه مازن: ااااااااااه فهمت عايزه بابا يجبلك الموافقه نانسي: بالظبط كده مازن: و ايه هي الفكره اللي فكرتوا فيها؟ نانسي: هنعمل معرض في الجامعه يكون فيه كل حاجه ممكن يحتاجها الطالب الجامعي باسعار رمزيه جدا عشان ميكنش فيه احراج للطلبه و اللي مش هيقدر يدفع خالص خلاص مازن: امممم فكره كويسه ربنا يقدركوا علي فعل الخير كمان و كمان نانسي: ميرسي يعني هتقدر تساعدني مازن: و الله هقول لبابا و اشوف و معتقدش انه ممكن يتاخر في حاجه زي دي نانسي : ميرسي بجد يا مازن مازن: لا ميرسي علي واجب نانسي: هترد عليا امته؟ مازن: بكره ان شاء الله نانسي: طيب ممكن تديني رقمك عشان ابقي اطلبك؟ مازن: .. اوكنانسي: اوك هتصل بيك بكره ان شاء الله عشان اعرف عملت ايه مازن: ان شاء الله ـــــــــــــــــــــــــ ـــــــــــــــــــــــــ ـــــــــــــــ و نكمل الحلقه الجايه (( اللي قبل الاخيره)) مستنى رائك  |
|
بجد حلقات جامدة موووووووووووووووت والاحداث اتطورت جامد
وميريى اوى على مجهودك وننتظر باقى الحلقات بفارغ الصبر |
| مواضيع مشابهة: | ||||
| › بلييييز شباب بطلب منكم تجاوبونى ... هل جزاء الاحسان الا الاحسان ؟؟؟ | ||||
| › كل سنه وانتي طيبه يا اسيره الليل | ||||
| › كاس الاحزان | ||||
| › انا بحر من الاحزان | ||||
| › ومن الاحسان ما قتل | ||||
