نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




بحبها قوى قوى ومش قادر اقولها انى بحبها اعمل ايه؟

 

لست وحدك , يا عزيزى كلنا مجانين , عشان استسلمنا للهوى
تحيه طيبه ,,,
مش عارف تواريخ الردود عاليه , بس والله الراجل "جون" ده راجل زى العسل , والله نسانى همى التقيل , على فكره الدنيا عايزه نوع "جون" عايزه اللى ياخدها كده بساطه , هى معقده طبيعى ومش احنا اللى هنفكها .
- لكن صاحب الاستفسار ده راجل محترم جدا , ونيته خير , بس المشكله ان الحب من القلب , ياريت الحب كان من العقل , انا عايز اقول , ان العواطف ما بتعرفش قوانين الواقع وملهاش علاقه بالمنطق ماعتبارات الجائز والممكن .
تابع نجوم مصرية على أخبار جوجل


ببساطه كده العواطف ( او المشاعر) زى الطفل هايموت من المرض وتلاقيه بيلعب فى عز البرد او تحت الشمس السخنه .
معلش انا رغاى شويه .
الخلاصه يا استاذى المحترم , ان موضعك صعب , انت نيتك جواز , والبنت مش فى دمغها خالص الجواز , وبعدين اللى انت عملته غلط , فكر بالعكس , يعنى لو دى اختك , هترضى ؟
لو كنت مستعد للجواز انساها وشوف غيرها .
لكن اسمع مشكلتى انا .
بحب واحده من 20 سنه ( من كنت فى ابتدائى ) , وعمرى ما قلتلها , واتقدمتلها مرتين ورفضتنى ( قالت زى اخوى , وانها فكرت كتير ومش عايزه تظلمنى ماعاها عشان ظروف شغلها , وعشان معاها ماجستير ومش فاضيه لاى حاجه تانيه ) .
دبرنى ياوزير , اصلى بفكر اكلمها واصارحها بس عزه نفسى منعانى , وانا مستوى خالص من اخر مره اتقدمت , حاسس هتجيلى جلطه واتشل .






المقال "بحبها قوى قوى ومش قادر اقولها انى بحبها اعمل ايه؟" نشر بواسطة: بتاريخ:
حيره و تردد
اى طريق تسلك ايها المحب الولهان
غذرا , عايزين نتكلم جد شويه , هى اسئله مقدمه الى المختصين بالموقف , حد يكون ذو علم وتخصص , مش كلام وخلاص , عشان نفهم ونتعلم , لان الامر جد خطير , ولله در الشاعر :
كعصفورة فى كف طفل يوردها ***حياض الردى والطفل يلهو ويلعب
فهذا للاسف حالنا , اضعنا البصله فتهنا وتحيرنا , والبصله الى اننا خلقنا فقط لله .
نعم نحن , نستعذب الحب لما ترسخ فى وجداننا السقيم من مخيلات استسقيناها من الافلام والاغانى , واختلط العث بالسمين .
الحب شيء رائع وجميل , ومن يخلى الحياه جنه , لما الواحد يعيش معى اللى بيحبه , لكن باترى ده كلام صح , ولا مخيلات , انا عن نفسى لم ارى فى حياتى نموذج واحد لمن تزوج عن حب , و لا حتى مكان للحب بين الازواج ( عفوا الحب مش الود - هناك فرق ) .
ام ان هذا الحي وهم كبير لا مكان له الا فى الرويات والقصص .
هذا المدعو "الحب" يكوى القلب فعلا , ويتعب الفكر فعلا , ويدمر الاعصاب فعلا , يعنى ممكن يدمر الانسان , وعندى بذلك شاهد ودليل ( مجنون ليلى - ادى به عدم نوال المحبوب الى الجنون - وهو من هو حيث انه لم يكن شخص تافه لكنه كان عزيزا فى قومه وذو مكانه - لكنه ما جنى من الحب - خسر دنياه ولربما الاخره ايضا - نعم اضاع البصله ) .
والى حضرات المختصيين -فقط - الاسئله , لنعى ونفهم :
1 - كيف يبدأ الحب ؟ وما سببه ؟ وهل لنا اراده فيه ؟ وكيف نتحكم به ؟
2 - لماذا قد نحب من لا يبادلنا نفس المشاعر , وقوانين الطبيعه ان لكل فعل رد فعل , فاين رد الفعل من الطرف الثانى , اليست طاقه المشاعر نحو هذا الشخص كما نشأت منه واليه لها تأثر فى طاقه المشاعر لهذا المحبوب ؟
3 - وهل المجبوب لا يعلم بمن يحبه , وهل نحن فى حاجه لان نخبره , اليس التقاء نظرات العين صدفه كافيله بالامر ؟
4 - وما الفرق بين الحب والاعجاب , وهل الحب يبدأ بالاعجاب ؟ وما هو الحب اصلا ؟
حيره و تردد
-1-
الامر جدى - وانا رجل ناضج ( فوق 25 سنه ) - كنت بجب بنت من الابتدائى - وهى شاطره ومحترمه - وعشان كده انا بقيت زيها شاطر ومحترم - وكانت اسعد لحظات حياتى لما اشوفها - وفضل الحب ده معاى حتى ايام الكليه - وكان نفسى ارتبط بيها - بس دايما كنت اشوف نفسى غير جدير بيها وانها نستاهل حد احسن منى واخاف انى لو ارتبطت بيها ما اعجبهاش او متعجبنيش او تكرهني - فاخذت قرار ان اظل كاتما لمشاعرى واعتبرها ذكرى جميله .
حيره و تردد
ارجو مساعدتى , فقد نجد لدينا طاقه لمساعدة كل الناس الا انفسنا , وقد نكون حكماء تجاه مشاكل الاخرين , لكن عندما يرتبط الامر بنا نعجز عن التصرف .
ارجو المساعده وبسرعه , الشكوى لغير الله مذله , انا تعبان جدا جدا , واللى يعرفنى كويس , يستغرب انى بقول الكلام ده , عشان كده انا مش لاقى حد اشكيله واخد رأيه , لانى شايف الموضوع مخجل جدا ويمكن مهين .
المشكله :
بحبها من كان عندى 10 سنين ( سنى الان 30 سنه ) , وكنت اتمنى ارتيط بيها , لكن الايام جعلت هذا الامر الى حد ما صعب , وكنت فاكر انى نسيتها ,
لكن عندما عرفت انها لم تتزوج بعد , دخلت فى نار حيره وتردد ما بين العقل والمنطق وما بين مشاعرى , ايوه المشاعر اللى كانت انها ذكرى انفجرت زى شلال الدم , ومش قادر المها .

اخدت القرار بعد عذاب , لكن الغذاب بعد القرار اكبر , خوف وحيره وتردد , حياتى صبحت جحيم , واتردت ولم اتقدم لها , لكن الوسيط تعجل , وعلمت بعدها بفتره انها رفضت بادب ( انا زى اخوها ) مش فاهم يعنى ايه زى اخواى , معنى ده رفض بادب .
الان بعد 3 سنين ماا شبه الليه بالبارحه , برده عرفت انها لم تتزوج بعد , وكان عادى , لكن اللى مش عادى هو اللى حصل معاى فى الايام القليله لمعرفتى الخبر : .
حلم بانى اتقدمت لدى وسيطة زواج ( وهى برده مقدمه طلب زواج عند نفس الوسيط) . واترفضت و كلمتها واخبرتها سبب اصرارى عليها ( لانى بحبك ياغبيه
مره حسيت انها واقفه على الباب وعنيها فى عنيى وبتبتسم لى .
حاولت المح لها لكن لم استطع او بالاحرى الاسباب لم تسنح , ولكنى من برح الم وسطت اختى , رغم انى لم اريد ان يلاحظ احد مشاعرى , ولكنى اضطريت لكده . ,.

لكنها رفضت بادب ( زى اخوى - هو من زمان لم يرانى - وبعدين لا يعرفنى ( تقصد المعرفه التى تنجلى بالعشره والمعامله ) - وانا مش عايزه اظلمه معاى لظروف شغلى - وانا مشغوله بالماجستر حاليا )

لكن المره ده مش قادر ابطل تفكير فيها , وتعبت نفسيا وبدنيا ,

وليه مده متردد اكلمها واصارحها , بس خايف اتفهم غلط , وبعدين كرامتى واجعانى , بس قلبى بيوجعنى اكتر ,ومش عارف لو كلمتها ها اقول ايه ’ ورد فعلها ايه , لو اصرت على الرفض , ايه هيكون شكلى , بتهيألى عمرى ماهسامح نفسى .

عمال الطش , وانا انسان وقور جدا , كأن ما فيش فى الدنيا بين غيرها , عيينى مش شايفه غيرها , ورغم اصرارى عليها
, خايف لو وافقت ,
انى لا اعجبها او هى لا تعجبنى , او يحصل خلاف بعد ما تعودت عليها

ممكن حد يشوف ان مشكلتى ده مش مشكله , وان انا بالغ فى توقعاتى ومش واقعى , او مش قادر اتقبل واقع انها مش عايزانى زى ما انا عايزها

ارجو الافاده بسرعه جدا , اكلمها ولا لا , واقول ايه , مع العلم انها محترمه جدا جدا , وان فى نطرها _على ما اعتقد_ شخص محترم جدا . ما انا عندى احافظ على صورتى عندها , ولا اكلمها واشوه ده , لانها شخص بالنسبه لى غير عادى , هى جزء منى , ومن شخصيتى , حتى لو انا بالنسبه لها و لا حاجه , بس هى كل حاجه
( ياريت حد يرد بجد , لانى عايز احسم الامر , انا مش فاضى للحيره دى , ومش عارف اى ذنب ارتكبته , دفعنى هذا الثمن الباهظ , نفسى اسدت عن الاكل , وعن الشغل , وعن الناس , والتعب بان على )
حيره و تردد
-1-
الامر جدى - وانا رجل ناضج ( فوق 25 سنه ) - كنت بجب بنت من الابتدائى - وهى شاطره ومحترمه - وعشان كده انا بقيت زيها شاطر ومحترم - وكانت اسعد لحظات حياتى لما اشوفها - وفضل الحب ده معاى حتى ايام الكليه - وكان نفسى ارتبط بيها - بس دايما كنت اشوف نفسى غير جدير بيها وانها نستاهل حد احسن منى واخاف انى لو ارتبطت بيها ما اعجبهاش او متعجبنيش او تكرهني - فاخذت قرار ان اظل كاتما لمشاعرى واعتبرها ذكرى جميله .
-2-
وبعد الكليه انغمست فى مشاكل الحياه وخاصه انى اصبحت مسئول عن اسرتى بعد وفاه والدى ( وكان ظنى انى نستها رغم انها كانت بتزرونى في الاحلام ) .
-3-
وفى يوم من 3 سنوات الح علىّ صديق ( س ) بان اتقدم لها وان جارتهم طلبت منه يشوفلها عريس ( كان سنها 27 ) - وكنت على قرارى القديم بانى مش هارتبط بيها .
لكن التفكير فيها صحى فىّ كل المشاعر اللى كنت فاكر انها انتهت - واصبحت فى حيره وتردد خلانى اتألم واتعذب - وبقيت زى التايه الضايع وكانى واحد تانى - وحسيت بالضعف والهم والضيق - وبقيت اقرا قران كتير عشان ارتاح .
وقررت اتقدم عشان بس بحبها والاكتر انى مش عايزها تكون وحيده او تعيسه وسافرت ( على فكره انا كنت انتقلت الى بلد اخرى منذ اول سنه فى الكليه قبل 10 سنوات ) وقابلتها عن طريق صديق ( ص ) بحجه الصدفه وسلمت عليها - ورغم ان المقابله كانت عاديه جدا - لكنى حسيت انها مش حاسه بيه وانى شخص عادى بالنسبه ليها - وانا حسيت انها مش هيه اللى كنت بحبها - لكن الحيره زادت والتردد زاد والمعاناه اشتدت - لدرجه انى ترددت فى التقدم وكانت اجازتى خلصت .
-4-
ومرت 3 سنوات - واتصلت بصديق (ص ) فكرنى بيها - وعرض علىّ اتقدم ليها – وكنت على قرارى القديم بعدم التقدم – ليس فقط للسبب القديم ولكن لان مواصفاتى في البنت اللى هتجوزها عقلانيه جدا – والمواصفات دى مش فيها – غير انى عايش في مكان وهى عايشه في مكان – غير ظروف شغلها اللى مش هتناسبنى .
لكن حدثت امور غيرت قرارى :
1 - شوفت حلم "انى كلمت ست ( كانها وسيط جواز ) على عروسه بالمواصفات اللى انا عايزها ( متدينه – السن مقارب يفضل السن الصغير – والمؤهل متوسط يفضل مؤهل عال ) بس كانى في الحلم قلت للست انى عايزها هى ( البنت اللى بحبها ) , وردت الست بانها رفضت عشان انا طلبت في المواصفات عروسه بمؤهل متوسط , وطلبت من الست رقم تليفونها , وفجأه لقيت رقمين ليها على تليفونى , واتصلت بيها وقلتلها انت ما مش عارفه ليه انا مصر عليكى – عشان انا بحبك يا غبيه" .
2 – مره كنت مسترخى في البيت حسيت انها واقفه على الباب بتبتسم لىّ , وحسيت بانتعاش وخفه في روحى , حسيت بانتشاء وراحه في صدرى , حسيت ان اعصابى كانها مش موجوده .
3 – كلمت صديقى ( س ) اللى كان وسيط في المره الاولى , ومن ساعتها تقريبا ما كلمتوش , والغريب انى لما بكلمه في الموضوع قللى مش فاكر اللى حصل ( يمكن عشان كان مشغول بترتيبات فرحه ايامها – بس مش مبرر ) وسال امه وقالتله : انت مسطول , مش انا قلتلك انها قالت : ان فلان كان معاى في المدرسه يما كنا صغيرين وشايفاه زى اخوى .
4 – كلمت صديق ( ص ) , وقلتله اللى قالهولى (س ) , وعرفت منه انها اخدت فتره في البلد اللى انا عايش فيها ( في اللقاء اللى تم معاها من 3 سنين ذكرت ان شغلها هيكون في بلد من اتنين منهم اللى انا فيها , وانا ساعتها ذكرت البلد اللى انا مش فيها بالسوء , وكأنى بقولها انها تيجى في البلد اللى انا فيها ) .
-5-
كل الاحداث اللى عدت خلتنى افكر فيها واتخيل حياتى معاها , وكانت لحظات كأن روحى بتهيم في جنه من السعاده , وبقيت اشوف كل حاجه في حياتى حلوه , وحسيت بان لى كيان وشخصيه تملؤها الحياه والفخر والثقه .
والافكار اشتعلت بداخلى وتضافرت مبررات حفزتنى لاتخذ قرار التقدم لها , فانا لم اوفق في الزواج طيله 3 سنوات وهى المثل – والمشاعر التى وضعها الله في قلبى في سن البراءه , ولم اجد لها مثيل على طيله 20 سنه , ولم تحل اخرى في قلبى محلها – وان هذه المشاعر دفعتنى للتفوق في دراستى وغيرت شخصيتى تماما – والاحلام التى اراها فيها – وموضوع انتقالها الى حيث اقطن و ................
-6-
فاتخذت القرار , وكنت بالصدفه مسافر لمهمه خاصه بالعمل الى نفس البلد التى هى فيها , لكن ما ان اتخذت القرار حتى عاودتنى نفس المشاعر السلبيه التى شعرت بها في مرحله التقدم الاولى ولكنها اشد وانكى , وكأن كل شئ في الدنيا بيعاندنى - صعوبه في كل شيء في اتفه الامور – ومشاكل في الشغل لدرجه انى فكرت لبرهه ان اتركه .
لكنى مضيت لسبيلى ولم اتراجع , وحاولت ان ارها لكن الاسباب لم تعاوننى , وفى خضم هذا الكابوس الرهيب – انا خايف اندم لو ما اتقدمتش وبرده خايف انى اتقدم – حيره وتردد شديدين وانا بين ناريين وتعبت خالص , قلت لاختى كلميها انى عايز اتقدم لها ( وجدير بالذكر انه من رابع المستحيلات انى كنت افكر انى اخلى اختى وسيط في الموضوع او حتى تعرف حاجه – مش لحاجه لكن مش عايز حد يلاحظ مشاعرى) .
والغريب انه في الوقت اللى اختى بتكلمها , انا كنت بقول يارب ترفض , وفعلا رفضت بشكل مهذب وقالت ( انا فكرت كتير في الموضوع – وانه كان معى في المدرسه من كنا صغيرين – وشايفاه زى اخوى – وانا ظروف شغلى مش هاتناسبه – مش عايزه اظلمه معاى ) .
-7-
لكن من ساعتها وانا مش انا , وحاسس بفراغ – كل شيء في دنيتى كأنه غريب عنى وكانى بشوفه لاول مره – الشغل البيت البلد الاماكن المتعود امر بيها , ولسه بفكر فيها , وقلت انفسى ما كلمها زى ما حصل في الحلم واصارحها بمشاعرى , ولكن انا متردد جدا ومحتار اكلمها ولا لأ .
وبسال نفسى انا ليه هكلمها , عشان الحلم , ولا عشان احسم الامر , لكن هى رفضت مرتيين , اقول ممكن تكون متردده لسبب ما , لكن هى عارفه مشاعرى ده مؤكد انها تكون لاحظت حاجه لما كنت اشوفها صدفه – وكمان انى اتقدمتلها مرتيين , لكن يا ترى ممكن تكون بتحبنى , او بتراعى مشاعر صاحبتها اللى كنت بحس انها بتحبنى ايام المدرسه .
لكن لو كلمتها هااقول ايه , انا فكرت في كلام كتير واحترت لو اتكلمت اقول ايه , وبعدين مشاعرى ده مش رخيصه عشان ابوح بيها بالساهل , ده حاجات بتتحس مش محتاجه كلام .
وانا خايف لو كلمتها انها تتضايق او تظن بىّ ظن مش كويس ( انى بارد – ماعنديش دم – ماعنديش كرامه – او مجنون وعبيط ومراهق ..... ) , وخايف اتلجم وما اعرفش اتكلم او اعك في الكلام .
وبعدين انا اكلمها ليه , ما هى رفضت , ولو كلمتها هى تقول ايه علىّ , انى ميت عليها او بشحت حبها او بحاول آثر عليها , تردد تانى وحيره تانى وخوف تانى وافكار وعذاب والم ورغبه ورهبه , احسم امرى بالاتصال ولا انسى زى ما كنت ناسى , بس انا المره ده باتلذات مش قادر انسى قلدر ابطل افكر فيها في البيت في الشغل في المواصلات .
مش عارف ايه المشاعر الغريبه ده , وانا ليه مستسلم ليها وسايبها تلعب باعصابى وتكوى قلبى وتكدر فكرى , حيره هتدفعنى للجنون .
ارانى اصر عليها كأنى اصر على حياتى , كأن حياتى لن تكون حياه الا بها , وارجو ان يرحمنى ربى فانما حياتى له وبه واليه , فانا لله .

صرت اتتبع كلمات الحب في الاغانى والافلام , لعلى اجد كلمه تعبر عن مشاعرى التى عجزت عن فهمها او التعبير عنها , وذلك رغم اننى كنت ارى ان ده كلام فاضى من ناس فارغه كل همها الوصول الى المرأه بنغمه الحب .
( عايز احسم الامر , انا داخل فى شهر , ماشوفتش فيهم غير التعب والاهر , ونفسى مش نافع معاها لا نهى و لا امر , وشكلى مش هنساها طول الدهر , ونفسى اقضى معها باقى العمر ,, والله لو كنت مكانها لكنت وافقت حتى من غير شبكه ولامهر )
ana bido
طيب انا حكايتي اني بحب واحده وبموووووت فيها بس مش عارف هيه بتحبني انا والل لا ونفسي ومني قلبي اني اقولها بس خااااااااااااايف وفي واحد صحبي جامد حاسس انه هو بيحبها بس مش عارف برضوه اديلي 3سنين علي الحال ده يا جماعه شفولي حل انا لموووووووت فيه والله
ابراهيم بنهاوي
انا بحب بنت عمي ومش عارف اذكان صح ولا غلط بس انا جربت انساها معرفتش ومحرج اقلها بليز عايز حد يقولي اعمل اه وبدون استهزاء
الفتي الحاير
انا بحب واحدة وحاسس انها بتحبني بس انا خايف اقول او ابين علشالن هي قريبتي انا مش عارف طريقة اكلمها بيها بس هي قدي في السن انا حاولت اني ابعتلعا واحدة معانا بس قلت لا بلاش في طرق احسن من كده انا عايز حد يقولي علي طريقة كويسه
الرومانسي بس منسي
انا بحب بنت معايا في الدرس واخوها معنا هي دلوقتي طالعه سنه تالتا اعداي وانا بردو وتخوها طالع تانيه اعداي اعمل ايه علشان اقول لها بحببك ممكن الرج فوراا
sayed hamdy
يا جماعه عندى مشكله ممكن تساعدونى بسرعه بجد والله محتاج مسعتدك ضرورى النهارده قبل بكرا
رد زائرAhmed_hamada
انا بردوا مشكلتي زيك بس انا مش لاقي طريقه اكلمها علطول بتبقي مع اصحابها و هي معايا في الدرس ومش عارف اعمل حاجه بس فرحت ليك يا برنس علي اقل عرفت انك مترفضتش ولا اتعلم عليك
مودى السيد
انا بحبك بنت امىوره بس صغير هى فى سنه خمسه ابتداى وانا قداها بس هى بتبوسلى ياما وبتيضحكلى برضه ياما اوى انا بحبه اوى بس مش عارف اعمل ايه هى صعبه اوى كنت بحب واحده قبليها بس لقيتها سهله اوى وانا مش بحب البنت السهله بس الى بحبه دلوقتى ديه صعبه اوى اوى اوى وعايز اقولها معجب بيكى بس مش عارف اجبهالها ازى وانبي عايز حد يسعدنى
مظلوم في الحب
برضو انا بحب اخت صاحبي وهيا متعرفش ولا اخوها يعرف بس لمحت لاخوه
قلتله عايز رايك في موضوع قلي قول قلتله واحد صحبي من الصعيد
بيحب واحدة اخت صاحبه وانت عشان ليك اخوات بنات فبسألك
قلتله هو بيحبها وهيتجوزها قلي هو لو قال لاخوها هيزعـل وهيقله انت مش مصاحبني عشان اختي يعني مصلحة مش مصاحبني عشاني مصاحبني عشان اختي
وبكدا انا عرفت رده فمش هقله غير لما اكبر انا دلوقتي 14 سنة وهيا اصغر مني بسنة 13 سنة تمام هيا اصلا انا بحبها من وانا يجيي 10 سنين واخوها مش بس صحبي زي اخويا تمام
وهحيلكوا علي موقفين مش عارف بس تلميح ليا انها بتحبني ولا ايه بالظبط
كان زميلي تعبان ورحتله زيارة ومكنتش واخدله حاجة معايا فاتحرجت ومشيت وقلتله هجيلك بكرا
وانا اما صحيت الصبح كلمته قلتله معلش مشيت عشان اتحرجت قلي يا عم انت قريبي واخويا اصلا يعني متجيش بحاجة اانت اخويا ياض
تمام ده وكانت اخته جمبه وانا معرفش هزرنا شوية وانا عشان هكار فقلتله عايز هكر مزرعة
قلي ماشي وعملتهاله ورحتله يومها بليل
البت ♥ قالتلي هو انت الي كنت بتكلمه الصبح
قلتلها ايوه وعرفتي منين
قالتلي كنت قاعدة جمبه انا بصيت لزميلي كدا ولقيتها هيا بصالي برضو وبتضحكلي
وعدي نص ساعة وكان التلفزيون شغال كل شوية الاقيها تبصلي
وده كله وهيا قاعدة قدامي
وانا مشيت ده كله كنت انا 12 سنة وهيا 11
تمام وبعدها بكام يوم انا اديت لصحبي جهاز كدا زي البلايستيشن عليه العاب
وهيا كانت واقفة معانا وانا معايا اسطوانتين العاب
لعبة كورة ولعبة تانية بنات
هوا قلي خد الاسطوانة دي
وهيا قالت لا سيبها والنبي دي حلوة اوي
قلتلها ماشي يا ستي خديها واما تخلصي لعب هاتيها بقا وضحكت كدا وهيا ضحكت وبصتلي
وانا بعدها سافرت برا مصر وقعدت اكتر من 5 شهور
ورجعت اديت لصحبي شوكلاته وكدا وهيا قالتله صاحبك جابلك الشوكلاته دي انا كنت مديله كتير عشان هيا تاخد يعني عامل حسابها يا ريت يا جماعة حل انا خايف اكلمها ومن الردود الي فوق انا بفكر استناها بعد المدرسة واخليها وهيا مروحة وماشية لوحدها ااقلها انا بحبك قلولي اعمل ايه
Mahmoud marawan
اول ما تشوفها روحلها وقولها عايز اتكلم معاكي في موضوع ضروري وحددم المعاد اللي هتتقبلوا فيه
وقولها علي كل مشاعرك واشرحلها اقد ايه انت بتحبها واكيد يعني حصل مواقف كتييير يعني قدام قولها علي كل حاجه واهم حاجه تبقي عينك في عنيها وانت بتتكلم لو الدنيا اتهدت اوعي عينك تنزل من عنيها وتبقي هادي وراسي كدا ومتترددش في اي كلمه تقولها ومتفكرش في الكلام اللي انت بتقوله اللي جواك قوله بصدق دا لو بتحبها بجد يعني وبعد ما تخلص كل كلامك تقولها بحبك لو ساكتت اعرف انها عاشت كل لحظه من الكلام اللي انت قولتوهلها وصدقني مش هتخسر وهتشوف النتيجه وعيش بقا يا معلم بس كل دا لو بتحبها بجد بجد ونوياك صادقه صدقني ربنا مش هيكسر قلبك وبنا ما يكسر قلب حد
ساموا عليكم
محمد مايكل
بصراحه هيه الفكره حلوه وعندكم حق فى كل كلمه ونا هجربها عشان فى واحده بحبها ومش عارف اقولها
وهيه معايا فى الشارع بس خايف اقولها عشان ممكن تقول لوالدها وتحصل مشاكل فا عاوز فكره ممكن..........وشكرا
ميلاد البرت
انا بحب بنت بقالى 3سنين مع بعض وانا عرفها وهيا عرفانى
عايز اعرفها انى بحبها بس لمة بقرب منها واعوز اقلها بحس انى لسانى تقيل ومش عارف اقلها انا حاسس انها عرفة بس عيزة تعرف منى بس بصراحة مش عارف اقلها نفسى حد يقلى ويعرفنى اقلها ازاى انا لمة باجى اقلها بحس انها ممكن ترد عليا رد وحش ومش بيعجبنى بخاف اقلها بس اوعدكم لو حد ادانى رد كويس اكيد هقلها بعد ازنكم ممكن حد يرد عليا انا محتاج للمسعدة
وشكرأ
حـ"ودههـ
بص يبني انا ببحث فى النت كتبت بحب بنت ومش عارف اعمل اية لقيتو بتهزرو وتضحكو دى مشكلتى بس البنت اللى بحبها دى بكلمها وكنا بنهزر بس معدناش بنهزر ولا نتكلم اصلا وانا حبيتها وناوى لما اشوفها لوحدها ازنقها فى اى خرابة واقول لها بت انتى بعشق امك هههههههههههه
حازم اسامة
انا بحبها قوي قوي قوي قوي ومش قادر اقلها ان بحبها وهي وهي كانت معايا في الدرس وغيرت المجموعة الي انا باخد فيها انا مش عارف اقولها ازاي
مش قادر على بعدها
مرحبا يا اصحاب انا اسمى كريم من محافظة البحيرة



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بحبها وهي مش عارفه
بحبها اوي ومش قادر اقولها
بحبها وخايف اقولها ؟؟
بحبها جدا جدا

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية