لكل الاعضاء وزوار منتدى نجوم مصريه الكرام والى كل عشاق الممبار النهارده بأذن الله جيبالكم اجمل طريقه لعمل الممبار ويعتبر الممبار من الاكلات المحبوبه والمفضله جدا لدى المستهلك واليكم اجمل واحلى واسهل طريقه لعمل الممباريارب ينال اعجابكم ورضاكم
المكونات
- كيلو ممبار.
- 3 بصلات.
- شبت مقطع صغير – بقدونس مقطع صغير - كزبرة خضراء مقطعة صغير.
- ملح - فلفل – كمون.
- 3 طماطم كبيرة.
- 3كوب ارز.
- شطة ( لو عوزاة حراق ).
- 2 ملعقة سمن .
اولا :طريقة تنظيف الممبار
- اول حاجة تشيلى الدهن بتاع الممبار و تغسلى الممبار جيدا و تقلبة على الوش التانى و بعدين حطية امامك فى الحوض و ابتدى اجردى فى الممبار بالسكينة كويس قوى بس اوعى يتقطع منك و بعدين خلى ماء الحنفية ينزل جواة كويس و اغسلية تانى كويس قوى ثم ضعي علية كمية مش قليلة من الملح و الخل و سيبية ساعة ثم اشطفيه لحد ما تلاقى كل المخاط اللى كان فية نزل روحى رشة رشة دقيق كمان وادعكية كويس و بعدين ارجعى اغسلية كويس كدة تبقى مطمنة انه نضف تماما و ابدئى بقى تقطعية بالمقاس اللى انتى عوزاة يعنى صغير او يبقى الصباع
طويل.الحشوة ( خلطة المحشى العادى )
نغسل الارز
نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن
بالقمع- نحشي الممبار لثلثه بس بالخلطةو بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى
- فى حلة كبيرة نغلى ماء و نضع به ملح و نمسك كل قطعة ممبار و نزلها بالراحة فى الماءالمغلى نلاحظ انها تنكمش و تتقفل من الطرفين و يترك على النار حتى ينضج
- يصفي من ماء السلق و يحمر في الزيت
و بالهنا والشفاء